بقلمي: ميامي آلـ حيدر
بسم الله الرحمن الرحيم
لا تنسون تصوتون للبارتات والتعليق بين الفقرات ❤.
حسابي أنستا osjjjjii
_________________
تذكير:
أبتسمت حسنة وحچت أتذكرت مؤتمن أبو سراب وعادت نفس حجايتها الي حجتها لمؤتمن
حسنة: أي يمة يوم السعد ياهي هاي المخليتك أتصفن؟
أبتسم وجاوبها
سراب: بــتـول...
كلهم صفنوا عليه أستغربت منو هاي بتول
جساس: هاي رجفتنة كلنة مو بس رجفة سراب هههههههههههههههههههههههه
ألتفتت لجساس عاگدة حواجبي همستلة
هُيام: شكو جساس منو هاي؟
جساس: وحدة صاحبة سما سون بينة دگة بالـ 1 بالليل گمنا نتراجف
هُيام: شسوت؟؟؟
جساس: بس على كيفج لتموتين، بيوم خطبتنة كلش بالليل اندگ ونرگص طبيعي ودگ رقم على سراب، شالة وطلع صوت بنيه تصرخ ألحگني سيدي راح يكتلوني وصارت طبة قوية وانسد الخط گمنة انفر بأذناتنة وعلي أريد أگوم الرجفة خذتني خفت شبيها البنية أنوب شوية ودگت هاي بتول وسما گامت تضحك گلنالها شكو گالتلنة مقلب طلعن مدبرات هاي السالفة كلها علمود يأدبن سراب لأن ضارب سما علابية
هُيام: اي حقهن جا ليش يضربها خيولي
سراب: أحبها وعلي ماأخذ غيرها وبكيفكم
حسنة: ماأحسها تناسبك ثنينكم مسودنين شتخلفولنة أنه أشرد من البيت اذا خلفتك ومرتك مثلك
سراب: جا شبية أنه حسنة شو متعرفين تحجين
جساس: يتعارك وي جهالة عالجبس والنستلة
سراب: أنجب أنت
گاملة جساس وحركتة المعتادة من يسوي روحة متعصب يعض لسانة شكلة يضحك
جساس: شو گايم تتجاوز ياهو هذا الينجب؟
سراب هم گام وگف گدامة وعاض لسانة لزم جساس من ياختة
سراب: شنو جاي هداد؟
جساس: أدفنك هنا خوش لو لا؟
سراب: لا
يقين: السبع يطلع دم
شبيب: گعدوا أدبسزية شكبركم بعد تصيرون
جساس: مستخطيك لخاطر شبيب لا عبالك
واحد دفع الثاني ورجعوا لمكاناتهم هاي سوالفهم دائمًا وعركاتهم
سراب: يلا فضوني هسه تخطبولي لو لالة؟
حسنة: لالة
گمز سراب
سراب: لليييشش حسنة
أنت تقرأ
جُحر الجَساس
Mystery / Thrillerسمراءُ يا بُنّ الجمال ونفحِهِ ياقهوةً منها الفتونُ يضوعُ من قالَ إن الليل ليسَ بفاتنٍ ذابت على حسن المساء شموعُ وبلونهِ عبقُ السكون وغابةٌ فيها يضمدُ شوقهُ الموجوعُ ترنوا العيونُ إلى المساء تأملاً والليل سكرٌ والأنامُ هجوع للسُمر وقعٌ في الوجود وفتن...
