بقلمي: ميامي آلـ حيدر
بسم الله الرحمن الرحيم
لا تنسون تصوتون للبارتات حتى يصعدن ❤.
_________________
تذكير:
العصرية گاعدة بالغرفة وحسن وجساس جاي أيعدلون بالدرج مال باب الشارع ويسوونه كاشي
نزلت أباوع من الكاميرات
وشفت جساس لازم الطخماخ وهاد على واحد أيريد أيكتلة
لطمت على خدي من شفتة شمرة على الولد اجة ببطنة وراحلة يركض حطة وگام يكتل بي
وباوعت لحسن لازم واحد ثاني يكتل بي
ركضت صحت لسراب جان بغرفتة
هُيام:- عفية اطلع شوفهم شبيهم ليموتونة ويروحون بيها
طلع يركض يفازع بيهم والناس ألتمت وأني والبنات كل احنا حتى حسنة وگفنة ورة الباب
نسمع جساس أيصيح
جساس:- لك أنعل والديك أذا اشوفك أتفوت منا گ*واد أمگابلني وأتصيح الحمرة الرمانة أنهيك والقرأن
كلساع أيصيح عوفوني أيريد أيهد يكتلة والمشكلة كلها متدري بالسالفة شنو، هدأت العركة وذولاك الي اتعاركوا وي جساس طردوهم وجساس طب يتعارك وي ذبان وجهة ويزمخ عالچبير والصغير
لحد ماعاطت بي حسنة
حسنة:- خاب الأغم شمالك المن اتعاركت
حچة محروگ گلبة ويأشر بأيدة
جساس:- هذا واحد صاقط صارلة ساعة واگف يمنة ويسولف دگ ميانة اخر شي يگلي أنتم ولد هاي الحمرة الچنها رمانة عود يقصد على ام هُيام گتلة أبن الگ*** أنت منين شايفها يگلي هااا مو يومية تجي تتسوگ مني الله يحفظها اتخبل چان بس الطخماخ بيدي هفيتة بي
وشفت طابوگة
لو ما كاضيني چا نومتها براسة
سراب:- خاب عبالي شوف شمسويلة وهيج كتلتة
جساس:- أنجب أنت
حسنة:- يولي
شبيب:- كسرت الكاشية هسه شنحط بدالها غيرتك؟
جساس:- غير حسن مايدري شكو وهد وياي بالكاشية شايلها ويركض ورة ذاك
متت من الضحك طلعت العركة كلها لأن واحد گال أنتم ولد هاي المرة الحمرة الچنها رمانة
كلساع اضحك
ص
عدنة فوگ وأني فلتتها أضحك واگح صاير عندي فرط تفاهة علوش من يوگع أضحك
هُيام:- گال على أمي الحمرة الرمانة وأنت شالتك الغيرة عليها؟
جساس:- طبعًا غير عمتي و أنتِ شبيج تضحكين
هُيام:- يمة غير چنت أباوع عليكم بالكاميرات شلون هديتوا
أنت تقرأ
جُحر الجَساس
Mystery / Thrillerسمراءُ يا بُنّ الجمال ونفحِهِ ياقهوةً منها الفتونُ يضوعُ من قالَ إن الليل ليسَ بفاتنٍ ذابت على حسن المساء شموعُ وبلونهِ عبقُ السكون وغابةٌ فيها يضمدُ شوقهُ الموجوعُ ترنوا العيونُ إلى المساء تأملاً والليل سكرٌ والأنامُ هجوع للسُمر وقعٌ في الوجود وفتن...
