جُحر الجَساس

- نهاية المطاف -

بقلمي: ميامي آلـ حيدر

بسم الله الرحمن الرحيم

لا تنسون تصوتون للبارتات والتعليق بين الفقرات ❤.
_________________

حسنة:- ياهو منهم مات؟

عمران:- أبنج مهيمن

صرخت حسنة ووگعت كلها ركضت لزمتها ونتباچة وياها مهيمن صدگ ونعم الرجل
مافد يوم رفع عينة علينة ولا صيح ولا غلط
رجال محترم صايم مصلي خايف الله
كافي خيرة شرة بس الحمدلله على كل حال

عمران:- يومة هذا، گومن بوية لبسن اسود راح يجيبون التابوت

گمنة عالسريع عفنة الولد يم حسنة يهدونها ورحنة لبسنة دشاديش سود ونزلنة البيت گام يغص ويبلع ناس كلها اجت جيرانة وگرايب حسنة واصدقاء الولد وووو گلاب

بس شبيب وعمران وسراب ماكو مااجو مدري وين أختفوا

بقينة أنصب چايات والمايات متخلص انصب جاي ونتباچة لحد ماسمعنة صريخ بالحوش طلعنا
انباوع وشفنة إنسجام منتهية تصرخ

طبت وحسنة والبنات گابلنها صريخ ولطم
وورة شوية هم سمعنة وحدة طبت تصرخ
وشفنة غصون اتصرخ
غصون:- بعدنيييي والله ماشبعت منه ليش ماعندي حض وياااا

أتگابلن هي وحسنة يبچن ويصرخن وساعة يتحاضنن
تقريبًا ساعتين وصار صوت الصريخ برة وهوسة ناس
طلعنة نركض وشفنة التابوت بالگاع وجساس حاضنة ويصرخ
جساس:- والله مو الك الموت منين اجاك ولكككك لو انه دايس عليهاااا وأنت باقيييي

الولد هم ذبوا رواحتهم عالتابوت وكلها تتصارخ طلعت حسنة بالگوة تگدر اتعين روحها

حسنة:- جيبولي عزيزي خل اودعنة

شافت التابوت أتربعت بالگاع يمة وتتلمس بي
حسنة:- يبو طول الحلو لمك التابوت؟ عمت عيني

تنعى وتبچي والولد وياها أحنا بقينة انباوع من الشباك مال المطبخ لأن منگدر نطلع جماعتهم تارسين الحوش
حسنة:- ليش يايمة تكسروني هيج وعلي فرگاكم يهد حيلي

جساس:- أيگلي خل تذكرني ماعندي غيرها يحبني

بجت أنتهت لحد ما گومها عمران اخوها وخلاهم ايشيلون التابوت وهي هوست
حسنة:- حطوا بالنجف دلال طب راعي العزوبية

طلعوا للدفنة الولد، بقوا ويانة بس حمزة وشبيب مايگدر يروح هو صار ابو الفاتحة
بس الولد البقية كلهم راحوا للدفنة

صارت الهوسة ونصبوا چادرهم وأباوع حمزة وشبيب ملثمين بالشماغ ولابسين دشاديش سود ومتربين ملعوب بيهم لعب بس يرحبون بالناس وعمران هم شال الفاتحة عن شبيب