جُحر الجَساس

17

بقلمي: ميامي آلـ حيدر

بسم الله الرحمن الرحيم

لا تنسون تصوتون للبارتات والتعليق بين الفقرات ❤.

وَلَكِنّي امرُؤٌ لِلنَّاسِ ضِحكِي
وَلِي وَحدِي تَبَارِيحِي وَحُزنِ.

_________________
تذكير:

اندگ الباب امي لبست حجابهه وطلعت ثواني وسمعت صوت صرخة امي!! طلعت اركض شفت ثنين بنية شابة ومرة چبيرة دايرات على امي يكتلن بيها!!!..

ركضت جريت هاي البنية الشابة ملختها من شعرها وشمرتها بالگاع ولزمتها كتلتها جانت لابسه حجاب وعباية احس شعرها اتشلع بيدي من فوگ الحجاب وهي تعيط بعلو صوتها ولازمة ايدي

هُيام: انعلللل والديه الييمددد ايييده على امي اموتكمممم والله

: هديينننننييييي لجججج گ***

احس فوخت گلبي بيها من الكتل حتى حلگها گام يجري دم، عفتها وركضت لأمي لگيت هذيج المرة لازمه امي وتكتل بيها وامي تصرخ بعلو صوتها وتحمي وجهها بأيدها وهذيج تكتل بيها وتصيح عليها
: لج گ*** ماااااتتتت من ضيمججججج كلةةةة من وراجججج من دخلللتتتتيييي حياتنة هي انهجمتتتتت على روسنا من سحورتجججج ام الزلمم ماعلليججج عتببب، حاطججج ببييتتت وحدججج وتگو*** انتِ وبتج براحتجن

طفرت اني دفعتها جانت ضخمة وطويلة ومبينة مو فقيرة تخوف

دفعتها وضربة منها وضربة مني شلت نعالي وضربتها بي على وجهها وي هذا الحجي انملخت من شعري التفتت شفت هاي البنية الشابة جارتني من شعري وشمرتني بالگاع

اجتني هذيج الضخمة وطاحتلي دفرات اريد افرغ روحي ماكو نبتت اظافري برجليها يلا وخرت من وخرت شخطت رجلها من الطول للطول صاحت
:اااااخخخخ گ*** بت الگ***

طفرت لميت روحي واني رجعت هجمت عليهن كتلت هاي الشابة ملختها تملخ لحد ماكلش وگعت ، هذيج الضخمة تضربني ومن اضربها توخر انوب ترجع تضربني وضربتها مسمومة

احس الدم بجسمي يغلي من شفتهن شلون يضربن بأمي كتلت هاي البر*بوگ الشابة وگعت بالگاع وركضت للضخمة هم رجعت تكتل بأمي

يابة جريتها جرة شمرتها ورفعت دشداشتي دفرتها ببطنها خليتها تتلوى بالگاع بس ثواني ورجعت گامتلي ماادري شسوي من ضوجتني ركضت جانت عدنة بالحوش جزامة نحط بيها تكرمون النعالات والاحذية

ركضت جريت قبقابي ورجعتلها ركض براس الكعب وين اليوجعج، ركزت اكثر شي على مفاصلها اركبها وعكوسها موتتها تموت وهي هم مو هينة كتلتني زورگتني

بعدنة نتكاتل وگلبي محترگ وعلى أثر الصريخ طبوا جساس وحمزة وسهم وحسنة لگوني اكتل بيهه بالكعب، حمزة وسهم بسرعة دنگوا روسهم وطلعوا