بقلمي: ميامي آلـ حيدر
بسم الله الرحمن الرحيم
لا تنسون تصوتون للبارتات والتعليق بين الفقرات ❤.
حسابي أنستا osjjjjii
_________________
تذكير:
كلنا سكتنة نتسمع منتظرين بتول تنطي موافقتها حتى نهلهل سألها الشيخ
-: فإذا قبلتي قولي نعم أنت وكيلي
جاوبت بصوت بي رجفة وگوة حسها يطلع
بتول:- نعم أنت وكيلي...
أعتلى صوت الهلاهل بمجرد مانطقت بالموافقة ورجع أخذ موافقة سراب وهنا أنتظرنا الشيخ يطلع حتى نشغل أغاني
باركلهم الشيخ وطلع وطلعوا وياه شبيب وأبوها ونفس الحالة مدنگين وسراب بقى هو وبتول بالغرفة ماطلعوا عافوهم براحتهم
باوعت شبيب لمح نهج ودنگ مبتسم، طلعوا برة وشغلنا أغاني وأشتغل الدگ والرگص
رگصنة من صدگ ذبينة لحم، أرگص وكالعادة رافعة ثوبي وسمعت عجوز تگول
-: بتمن هاي الكاولية
ألتفتت فاتحة عيوني هاي ياهي الكاولية لگيتها تباوع علية حچت وهي تأشرلي
-: تعاي ليه بلا بتمن أنتِ؟
رحت أتقربت منها لزمت أيدي تفرك بيها
هُيام: ها خالة
-: شتصيرين من العريس
حچيتها على الله وأبتسمت لأن من صدگ بغلاة أخوي
هُيام: أخوي
-: ها شگد عمرج
هُيام: راح يصير 19
-: خوش حليوة بس ليش ماتبيضين حتى أخذج لأبني
هُيام: خالة هو هذا لوني شحطلة يعني وبعدين عاجبني لايگ وي ملامحي
-: مو حلوات السمر يخالة الحلا للبيض
هُيام: مو باللون هيه بالمعاني والدم
-: لا وداعتج وأبني يحب الترگصلة والبيضة بيضي وأخذج لمجيد
هُيام: ياااا خالة مزوجة أني شاخذ أبنج
-: اااههه چا ماتگولين صارلي ساعة أحجي
هُيام: شمدريني راح تخطبيني لمجيد
-: منين تعرفين أسمه؟؟
هُيام: العصفورة وصلتلي خبر أسمه مجيد
-: يااااععع تضحكين علية وأنتِ بطول زري
أنت تقرأ
جُحر الجَساس
Mystery / Thrillerسمراءُ يا بُنّ الجمال ونفحِهِ ياقهوةً منها الفتونُ يضوعُ من قالَ إن الليل ليسَ بفاتنٍ ذابت على حسن المساء شموعُ وبلونهِ عبقُ السكون وغابةٌ فيها يضمدُ شوقهُ الموجوعُ ترنوا العيونُ إلى المساء تأملاً والليل سكرٌ والأنامُ هجوع للسُمر وقعٌ في الوجود وفتن...
