بقلمي: ميامي آلـ حيدر
بسم الله الرحمن الرحيم
لا تنسون تصوتون للبارتات والتعليق بين الفقرات ❤.
حسابي أنستا osjjjjii
________________
-هُـيـام
أباوعلها عيونها دمعت بس مبتسمة باوعتلي وحچت
نهج:- هواي أتعلمت منها تدرين قبل لا أشوفها جنت أريد أنتحر؟ بعدين من شفتها وحچتلي عن رب العالمين لغيت الفكرة
أبتسمت همزين بذاك الوكت أكو من نصحها
هُيام:- أن شاء الله مأواها الجنة ياربي
بعدنة انسولف وطب شبيب مبتسم
شبيب:- السلام عليكم
هُيام:-وعليكم السلام ورحمة الله
نهج:- هلا بيك
شبيب:- شلونجن
هُيام:- الحمدلله نسأل عليك
راح غسل وندست نهج
هُيام:- چا متروحين ورة رجلج
نهج:- أستحي شگلة
هُيام:- گليلة الله يساعدك وشلونك ومدري شنو وأنوب گليلة أحضرلك ملابس تسبح لو أسويلك غدة؟ يلا گومي
هزت راسها وراحت وراه للغرفة ضليت أنظف بالبيت وأعزل وسويت غدة تمن ومرگة بانية على مايجون الولد البقية والبنات من المدرسه
وحسنة نايمة بقيت شلون المسودنة بس أفتر حتى التنظيف خلص وضوجة اريدهم يرجعون
شوية وأندگ الباب طلعت أباوع بالكاميرا سيارة جساس بالباب طفرت ركض أفتحلة الباب
فتحتلة الباب وهو أجة باسني
جساس:- شلونج
هُيام:- زينة أنت شلونك؟
جساس:- الحمدلله، محد أجة من الولد؟
هُيام:- بس شبيب وطب نام يمكن
جساس:- خوش طبي جوة خل أفتح الباب أطبب السيارة
طبيت بين مايجي طلعتلة ملابس يسبح وحميت الأكل، شوية وطب شايل علاليگ
هُيام:- جوعان أصبلك؟
جساس:- أي والله
صبيت وهو بعدة يفتر يمي ماراح سبح
جساس:- تعاي جبتلج هدية
أبتسمت ورحتلة:- هديتيش
شال علاگة بس عبالك كلشي مابيها فتحها وطلع منها ورقة مطبوع عليها نعال بس شكلة يخبل أسود أبو الأصبع وبي ورود وردية
أنت تقرأ
جُحر الجَساس
Mystery / Thrillerسمراءُ يا بُنّ الجمال ونفحِهِ ياقهوةً منها الفتونُ يضوعُ من قالَ إن الليل ليسَ بفاتنٍ ذابت على حسن المساء شموعُ وبلونهِ عبقُ السكون وغابةٌ فيها يضمدُ شوقهُ الموجوعُ ترنوا العيونُ إلى المساء تأملاً والليل سكرٌ والأنامُ هجوع للسُمر وقعٌ في الوجود وفتن...
