جُحر الجَساس

13

بقلمي: ميامي آلـ حيدر

بسم الله الرحمن الرحيم

لا تنسون تصوتون للبارتات والتعليق بين الفقرات ❤.

غنيت في سهري
‏حتى بكى الوترُ
‏يا صاحبَ العمرِ
‏ولّى بنا العمرُ
_________________

تذكير:

مشينة وراه لحد ماوصلنة للشط وشفنة كريم ورة شجرة متمدد بالگاع ووجهه كله دم اتقربت اكثر وشفت سچينة نابتة بگلبة!...

فتحنة عيونة بصدمة!!! ألتفتت لحسام بالگوة اگدر احجي
جاسم: ح ح حسام؟؟ هاي شمسوي انت مو گلت بس ضربته

حسام صدمتة مو أقل مني ومؤتمن حاط إيديه على راسه ويردد إنا لله وإنا إليه راجعون
مؤتمن: لا إله إلا الله

حسام: والله العظيم بس ضربته مادچيتة حتى ماچنت شايل سچينة

جاسم: ياهو الداچة غيرك؟؟؟ مو گلت انت كتلتة

اجاني يركض لزمني من ياختي يباوعلي بتوسل
حسام: وروح امي وابوي مو اني، حتى عفته يشخر مو ميت بس گلت مات هسه

دفعتة عني ورحت لكريم نزعت قميصي و شلت بي السچينة طلعتها من صدرة لفيتها بقميصي وذبيتها بالشط
جاسم: تعالوا شيلوه وياي استعجلوا ليجي احد

اجة مؤتمن عاوني وشلناه بس بقت رجلين كريم تسحل بالگاع هو جان اضخم واحد بينه ، مشينة مسافة وحسام ورانة كلساع يصيح وهو العبرة خانگتة
حسام: والله مو اني دچيتة

طلعنا للشارع ردنة نوصل لسيارتنا واباوع اضوية هواي مال سيارات عالية اجت بأتجاهنا فتحت عيوني على وسعها من شفتهم سيارات شرطة!!! لا ياالله بسرعة صعدت كريم ذبيته ذب بالسيارة حتى وگع من الكشن وسديت الباب

اباوع نزل ضابط من وحدة من السيارات ووراه جنود هواي طوقونا احنا والسيارات ووجهوا اسلحتهم علينة! باوعلي الضابط من فوگ ليجوة وباوع لحسام ومؤتمن

بس رجع يباوعلي وتثبتت عيونة على صدري نزلت عيوني اني هم اباوع لگيت فانيلتي كلها دم خرب حتى لو نكرت مايفيد، حچة الضابط وهو واگف وحاط إيديه ورة ظهرة ويباوع بشك

: شتسوون هنا

جاسم: سيدي دخيلك صاحبي لگيناه مدچچينة ومشمور يم الشط نريد نودي للمستشفى

جاوبني وهو ينزل راسة ويجر خشمه بأيده بحركة خفيفة
: گالولنا اكو حالة إختفاء واخر مكان چان متوجه اله الضحية هو السدة

بعدة يحجي ونزل سالم من وحدة من السيارات! گبل اجة يركض وفتح باب سيارتي و شاف كريم ودگ على راسة وعاط
سالم: لاااا خوية لااا

انهار شمر روحة على كريم وحضنة
سالم: لا تعوفنيييي كريممم ولك خويةةة شلون بية بلياكككك