جُحر الجَساس

39

بقلمي: ميامي آلـ حيدر

بسم الله الرحمن الرحيم

لا تنسون تصوتون للبارتات والتعليق بين الفقرات ❤.

حسابي أنستا osjjjjii
حسابات الحبايب
r.21sr
m___fg18
_________________
تذكير:

يقين جانت أتگلب بتليفونها وتشوف بسما فساتين وهالسوالف شوية وسمعت نفس الأغنية الشغلناها بالحنة ورگصنة عليها، فزن أثنينهن فاتحات عيونهن

جان جساس گاعد بصفي ويقين أجت تركض وجهت التليفون علينة وصاحت
يقين:- عزةةةةة هُيام ناشرينججج و أنتِ ترگصين

عم الهدوء بالصالة والعيون كلها أتوجهت علية وأني عيوني متركزة على التليفون مااستوعبت الحچتة اله لمن شفت روحي منشورة بواحد من البرامج المشهورة حيل والفيديو صاعد لدرجة تخوف! بحيث بيومين جايب 65K لايك
أحس كل ذرة بجسمي جمدت رجلية نملت مدري شصار بحالي الله ليعيد الشعور على وحدة

جساس لگف التليفون من يقين وهو وجهة صاير دم دم من العصبية أحلف دمة گام يغلي
لزم التليفون يباوع طب للحساب شفناه أول فيديو منشور والحساب جديد يعني سووا الحساب ونشروا الفيديو عمدًا

شبيب:- جساس شكو منو ناشرة؟

ضل جساس لازم التليفون وعيونة تريد تطلع وهو يشوفني أرگص ويصورن بية وجان فستاني مخلع يعني صلوخ وبي فتحة للفخذ ووو فستان سهرات ف أكيد هيج مخلع

سما:- باعي حتى إنسجام وياها ترگص وأحنا طالعات بالفيديو يمةةة سراااب

گمز جساس بيدة التليفون وطلع يركض والولد وراه
يقين:- العرض أطشر أنوب الفيديو صاعد

عضت حسنة أصبعها حيل وحچت محروگ گلبها
حسنة:- مو گلتلجن لبسجن عدلنة ماتنردن ااااخخخ منجن

ضلينة نخرط بخدودنة خايفات شوية و فتحت تليفوني دورت عالحساب الي منشور بي الفيديو لگيت الحساب كله محذوف
شوية أخذت نفس بس بعدها بية الرجفة المي أشرب نص والنص الباقي على ملابسي من الرجفة

شوية وطبوا الولد كلهم عصبيين بس جساس ياجساس والله مااجذب اذا أگول مشتعل نار
من العصبية ايدة ترجف والعروگ أتحسها أتريد تطلع من جسمة

صعد عالدرج وخزرني أشرلي أجي، گمت على كيف خطوة أقدمها وخطوة أرجعها لحد ماوصلت للغرفة لگيتة گاعد عالتخم ويدخن
طبيت وسديت الباب وأني مدنگة ضليت خاتلة بسد الباب خاف يصير شي أهفة بالتليفون وأشرد

جساس:- تعاي

هُيام:- جساس والله أذا أتمد أيدك علية تدري شيصير

جساس:- مامدها تعاي

أتقربت وگفت گدامة وهو يباوعلي بالكتلة ماخفت هلگد
هُيام:- چانن يصورن وگلت للملا أتصيح عليهن ينزلن التليفونات ونزلنهن ماعبالي وحدة مصورتني