بقلمي: ميامي آلـ حيدر
بسم الله الرحمن الرحيم
لا تنسون تصوتون للبارتات وتعليق بين الفقرات ❤.
_________________
ومن هاللحظة بدت لعبتي وياهم راح أندمهم على كلشي
عرفت أسم الحجية ذهب والبنات الأثنين الحلوات الحادة أسمها سنار والثانية الي تتبسم أسمها منار البنات خوات رامي من أبوه بس بالحرام!
أنصدمت من عرفت هالشي حرفيا بيتهم كله غريب ولاحظت كلامهن قليل وتأشيراتهن هوايييي بحيث تجي الخادمة تسألها مدام جوعانة؟
تأشرلها بعيونها والخادمة تعرف هالتأشيرة معناتها أي أو لا
ضليت أركز بكل كلمة يگولونها وأباوع شلون يستخدمون تأشيراتهم حتى اتأقلم وياهم
ودائمًا أستغل وجود الخادمات وحدهن واسألهن عن حياة رامي وأهلة وأطباعهم وهالأشياء ويترددن بالجواب
بس أقنعهن أنو أني صرت زوجة رامي لازم أعرف وهنه حسب أكو خادمات يحبن أيسولفن ف بسرعة يندمجن ويحجن الأول والتالي وأكو لا متحفظات حيل يجاوبني على گد السؤال
و الي چان أيثير فضولي حيللل هو صوت صياح زلمة بكل مرة رامي يدخل بغرفة ظلمة وأسمع صوت صياح وضرب!
وهنا چانت مغامرتي الحقيقية بعد ما شافني الحجية والبنات شگد چنت مركزة بالصوت ومستغربة أريد أعرف شيصير جوة وهمه ولا مهتمين ولا دايرين بال للصياح وكأنوا متعودين وشي بالنسبة ألهم روتيني!
باوعتلي سنار ومن نظراتي أكيد عرفت أني مهتمة للموضوع وأريد أعرف شنو هالصريخ
سنار:- راح أتضلين أتلوبين حتى تعرفين شيصير جوة مو؟ أروي فضولج ماكو مشكله، رامي جاي يفرغ ضوجتة بالشخص الي خطب حبيبتة لتشغلين بالج بي أو حاولي تتناسينة حتى مايصير مصيرج مثل القبلج، أذا أتعتبين خطوة وحدة داخل هذيج الغرفة رامي أيحطج بالقائمة السوداء الي من ضمنها مر...
بعدها مامكملة وصاحت الحجية ذهب بعلو صوتها
ذهب:- سناااااررر كم مرة گلت هالموضوع ماينفتح مرة ثانية
نزلت سنار راسها وحچت بكل أدب
سنار:- حاضر
أستغربت كلامهن وشنو الشي المهم بس غلست عليها وقررت أخذ وقتي يلا أعرف شنو بالغرفة بعد الفضول أكيد يموتني بمكاني أذا ماأروي وأريح روحي
بقيت ماخذة دور المتفرج مثلهم وسويت روحي اتأقلمت وي الصريخ بس جذب أريد أموت وأعرف الزلمة هذا منو
فكرت فكرة بس بيها مخاطر لأن رامي احسة مو صاحي أبددد والله يخوفني ولهسه مااعرف مزاجة اذا حلو أو لا لأن تعابيرة جامدة حتى بالفرح
بس قررت وماأگدر أتراجع عن قراري أضل أكل بروحي
صحت خادمة وگمت للغرفة وياها خليتها أتنظف وجهي كله وجسمي واترتبني وسبحت ولبست السيت الأحمر الي رادة وخليت مكياج خفيف وسويت روحي أنظف بالغرفة وأنفتح الباب طب رامي
أنت تقرأ
جُحر الجَساس
Mystery / Thrillerسمراءُ يا بُنّ الجمال ونفحِهِ ياقهوةً منها الفتونُ يضوعُ من قالَ إن الليل ليسَ بفاتنٍ ذابت على حسن المساء شموعُ وبلونهِ عبقُ السكون وغابةٌ فيها يضمدُ شوقهُ الموجوعُ ترنوا العيونُ إلى المساء تأملاً والليل سكرٌ والأنامُ هجوع للسُمر وقعٌ في الوجود وفتن...
