بقلمي: ميامي آلـ حيدر
بسم الله الرحمن الرحيم
لا تنسون تصوتون للبارتات والتعليق بين الفقرات ❤.
حسابي أنستا osjjjjii
r.21sr حسابات الحبايب
m___fg18
_________________
تذكير:
فتحت عيوني على وسعها من صاحت حسنة بيها بعصبية
حسنة:- براء شعدج هنا؟...
أبتسمت براء وباوعت لحسنة وحطت أيدها ورة ظهر البنية الشابة
براء:- أجيت أشوف أبني وأمنة على أمانة
ضليت فاكة حلگي أمانة شنو؟ ضربت أيد بأيد وصحت بيها
هُيام:- وأن شاء الله جساس الصندوق الأمين وتودون بهل أمانات وأتجيبون
براء:- هاي البر*بوگ چنتي؟
هُيام:- أحچي عدل ترة بعدني محترمتچ
دارت وجهها عني بس البنية الشابة من ورة البوشية وأشوفها اتخوزر بية
براء:- وينة أبني؟
شبيب:- عمة أجيتي أتسوين مشاكل وترحين؟
براء:- لا أفا أجيت أتسامر ويـ جساس وأعوفلة هاي البت وأروح
هُيام:- يااابتتت التعوفينها؟؟؟ هو شنو جاية مناك لهنا ومقررة بكيفج تبقينها البيت كله ولد وين تعوفينها؟
براء:- حسج نصي
أتخصرت ووگفت
هُيام:- لا والله شو ماانصي وأريد أشوف شتسوين
بعدها ماحاجية وأنفتح باب الشارع طب جساس، براء مترهية والبنية الوياها متنشاف معانيها بس الاعرفة كلها متوترة من رد فعلة
فتح الباب مال الصالة وطل علينة يباوع مستغرب براء والبنية منطياته ظهرهن ماألتفتن
جساس:- السلام عليكم
كلها ردت السلام وهو من وراهن يأشر بأيدة يريد يعرف منو هذن
أتقدم صار گبالهن شاف وجه براء جمد بمكانه بس الشفتة عروگة نطت وأيدة ترجف
باوع لحسنة وللولد وسألهم بهدوء وأكيد هذا الهدوء ماقبل العاصفة
جساس:- شتسوين هنا؟
أتقدمت براء وحدها حطت أيدها على صدر جساس وتحجي وياه مبتسمة
براء:- أكو واحد يگول لأمة شتسوين هنا وهو صارلة سنين ماشايفها؟
جساس:- أمي؟ متأكدة أمي
دفعها عنة بس بخفة
براء:- لا ماما حبيبي منو يدفع أمة هيج؟
جساس:- براء طلعي منا ماريد أشوفج
براء:- چؤ چؤ چؤ عاق حتى بأمك
ألتفتت لحسنة وحچت:- ها يحسنة أرتاحيتي من حشيتي راس أبني علية الله ينتقم منج
حسنة:- ماحشيت راس أحد كله من وراج أخذتي مدري شسويتيلة ورديتي أجانة يشوف دم سنونة ولا يشوفج
أنت تقرأ
جُحر الجَساس
Mystery / Thrillerسمراءُ يا بُنّ الجمال ونفحِهِ ياقهوةً منها الفتونُ يضوعُ من قالَ إن الليل ليسَ بفاتنٍ ذابت على حسن المساء شموعُ وبلونهِ عبقُ السكون وغابةٌ فيها يضمدُ شوقهُ الموجوعُ ترنوا العيونُ إلى المساء تأملاً والليل سكرٌ والأنامُ هجوع للسُمر وقعٌ في الوجود وفتن...
