جُحر الجَساس

23

بقلمي: ميامي آلـ حيدر

بسم الله الرحمن الرحيم

لا تنسون تصوتون للبارتات والتعليق بين الفقرات ❤.

مَا كُنت أُؤمِنُ بِالعُيُون وَفِعلهَا
حَتَى دهتني فِي الهَوَى عَيناك
الحَسَن قَد وَلّاك حَقًا عَرشهُ

حسابي انستا osjjjjii
حساب صديقتي r.21sr
حساب صديقتي m___fg18

_________________
تذكير:

ومرت الأربع أشهر وأخيرًا أجة اليوم الي يطلع بي جاسم من السجن...

گعدنا من الصبح عزلنة ورتبنة البيت وسوينة الأكل الي يحبه جاسم "برياني" امي سوتة بكل عناية والبسمة مرسومة على وجهها بس أشوف الكسرة بعيونها

لأن حسام راح يبقى بالسجن وهو صدگ حسام مسودن تگول بلا سواله مصيبة وموتوه بالسجن، حيل تحبه وتخاف عليه اكيد أصغر واحد بالولد ف المدلل مالنة

مؤتمن من الصبح راح للسجن وهسه الساعة بـ 12 الظهر وهمه ماكو شيسوون ماادري امي ضلت حاطه ايدها على گلبها وواگفة بباب الهول

حسنة: دخيلك ياربي ولدي أمانتك احميهم من شر ولد مُنير ومن كل شر

شوية وأندگ الباب طلع ابوي يركض وأمي وراه بس ابوي ماخلاها تطلع للباب
ناصر: حسنية وين طالعة اوگفي عالم بالشارع

وگفت ورة الباب وابوي فتحة أول مافتحة طفر عليه واحد وحضنة وصار صوت البچي مؤتمن طببهم وسد الباب مال الشارع وهمه على فرد بچية

جاسم شابگ أبوي بكل قوتة ويبوس بي
ناصر: ها يبعد ابوك شلونك

باوعت لجاسم لحيتة وشعرة طولانات وضعفان كلة تعبان، باس ايد ابوي وراح ركض لأمي حضنها
و هل حضنة حضنة اتگابلوا يبچون

حسنة: يمةةةة عمت عيني عليكم شصاير بيك، فدوة اروح لطولك فرحة گلبي

جاسم: يمة مشتاقلج والله گلبي لايب عليچ

وخر من أمي بعد ماباسها وألتفتلنة انه ووديعة فتحلنة أديه رحنالة ركض حضناه
جاسم: شلونچن يالعزيزات

وديعة: الحمدلله احنا أنت طمنة عليك شلونك يروحي؟؟

أبتسم وباس راسها
جاسم: بخير أنه من شفتكم صرت بخير

وخرنة عنه وهم حضن مؤتمن حتى رگبتة باسها ويبچي، طبينة جوة وأمي گامت تطش چكليت على جاسم وتهلهل ووديعة وياها