بقلمي: ميامي آلـ حيدر
بسم الله الرحمن الرحيم
لا تنسون تصوتون للبارتات والتعليق بين الفقرات ❤.
_________________
تذكير:
رجع دز مرة ثانية والدگات مستمرة عالباب
"دقيقة و5 ثواني أذا ماأتفتحين الباب"
كتب هالرسالة ودز صورة امصورها گبال باب غرفتي بيها طبر وسجين بي دم...
جمد الدم بعروگي من الخوف المشكلة دنيا ليل و لو تصرخ للصبح محد يجيك من الناس هنا عبالك موتة
گبل فتحت الخرائط نسخت الرابط وركضت دزيتة لشبيب بس الرجفة أخذتني
صرت أسمع همسات يم الباب عرفتة صوت رامي
-: 25 26 27 28
يحسب للدقيقة أتسودنت ركضت للمطبخ جريت شكو سجينة عندي رجعت للغرفة شفت شبيب يتصل گبل فتحت خط أحجي بصوت ناصي وأبجي
شبيب:- شكو نهج شبيج؟
نهج:- شبيب عفية رامي واگفلي بالباب مال الشقة وبيدة طبر وسجين كلهن دم ألحگلي فدوة دزيتلك عنواني خابر الشرطة راح أموت والله
شبيب:- ختلي بالغرفة وسدي الباب خلي بيدج سچينة أذا ما لحگنة عليج عود من يطبلج زرفي أتزرف مااوصيج
صرخت ووگع التلفون مني لمن سمعت صوت الطبر يضرب بالباب
باوعت لباب الصالة لگيت الطبر عالگ بالباب !
جريت السجاجين وركضت للغرفة
قفلتها وجريت الميز خليتة عالباب وضليت خاتلة وأبجي بدون صوت ماادري شسوي
أسمع صوت ضربات الطبر عالباب لحد ما أندفر وأنفتح ضليت جامدة بمكاني صدگ صرت صنم
وأني أسمع صوت الطبر أيخط عالكاشي
فتحت كاميرا وصورت روحي واني ابجي وصوتة واااضح بالتصوير
حچة بتلاعب وهو يفتر بالصالة
رامي:- أطلعي مااسويلج شي، أكو حبيب يأذي حبيبتة؟
بقيت ساكتة وأحس أتكهربت لمن الطبر أخترق باب الغرفة رأسًا درت الكاميرا عالباب صورت شلون الطبر طاب بي
نهج:- لك شتريد مني عوفني الله ايخليك
رامي:- امممم خسرتيني هواي بس لأن أحبج راح أخسرج شي واحد أختاري أيدج لو رجلج لو أشوه وجهج؟ لتخافين چؤ چؤ چؤ أبقى أحبج حتى لو أتشوهتي
أحس حتى مصاريني گامن يرجفن من الخوفة ماخليت واحد مانخيتة حتى الحارس الي خدرتة دعيت بجاهه رب العالمين ايخلصني
بقى أيفلش الباب بالطبر وأني گمت ركض جريت العباية مالتي ووگفت مقابيل الباب حتى بس يفتح الباب ويطب أغطي عيونة بيها وأشرد ميگدر أيشوفني
وعلى كيف جريت الميز الي خليتة عالباب يعني ضل بس يدفع الباب ينفتح ويطبلي
وصار الي أريدة وضرب يدة الباب أتفلشت وهو دفع الباب بزندة وطب
گبل شمرت روحي علي وغطيت وجهه بالعباية
لأن ثگيلة وگعنة أثنيناتنة بالگاع أني صرت فوگاه ومغطية وجهه بالعباية ميشوفني
أنت تقرأ
جُحر الجَساس
Mystery / Thrillerسمراءُ يا بُنّ الجمال ونفحِهِ ياقهوةً منها الفتونُ يضوعُ من قالَ إن الليل ليسَ بفاتنٍ ذابت على حسن المساء شموعُ وبلونهِ عبقُ السكون وغابةٌ فيها يضمدُ شوقهُ الموجوعُ ترنوا العيونُ إلى المساء تأملاً والليل سكرٌ والأنامُ هجوع للسُمر وقعٌ في الوجود وفتن...
