بقلمي: ميامي آلـ حيدر
بسم الله الرحمن الرحيم
لا تنسون تصوتون للبارتات والتعليق بين الفقرات ❤.
حسابي انستا osjjjjii
حساب صديقتي r.21sr
حساب صديقتي m___fg18
_________________
تذكير:
حسنة: ياهي هاي الرايدها؟
مؤتمن: سارة بت ابو نوفل هذول الي بالفرع الورانة....
حسنة: يااااعع ولك صغيرة وينها وين الزواج عاشگها من هسه
مؤتمن: يمة والله ماالگة مثلها بعد، بس گعديها الي من هسه ومن تكبر اتزوجها
حسنة: والله ماادري شگلك يصير خير
ألتفت لأبوي وأتحمحم وعدل گعدتة
مؤتمن: ها نسيتك بوية أنت شنو رأيك؟
ناصر: لا بوية عليمن ماخذ رأيي صارلي ساعه گاعد هنا بالجذب ماگتلي الله يساعدك لو أخذت رأيي
گام باس راس ابوي
مؤتمن: السموحة والمعذرة منك ابو جاسم
ناصر: ميخالف
مؤتمن: حبيبي ابو جاسم، اي بوية شنو رأيك بيهم خوش ناس بيت ابو نوفل مو؟
ناصر: اي الله يستر عليهم بناتهم ولا مرة شفت وحدة تطلع منهن عدى هاي البنيه الجبيرة تنگل ماي من الشط
مؤتمن: هي كلهن يطلعن ينگلن ماي بس الصبحية وشفت بتهم سارة عود ردت اساعدها گلتلها خل اشيل السطل عنج تگلي امشي روح ماريد مساعدتك شنو عبالك راح اتنعوصلك واطيك السطل تودي لبيتنة لا غلطان عبالكم ماادري بسوالفكم ادري ليش تريد تشيل السطل حتى من تاخذة مني تلمس ايدي ، وعافتني وراحت صفنتني
ناصر: بت اصل عبنهة رزلتك
مؤتمن: سوي خير وذب بالشط
رواء: سارة خوش بنيه بس شويه لسان مرة ابن عمي طخ أصبعها بالغلط گامت تصيح عليه و ماطبت لبيتنة بعد أبد شعلينة احنا ماادري
حسنة: صدگ بت اصل هاي، ان شاء الله الجمعة بعد وانروح انه والبنيات نشوفهم
گام مؤتمن باس راس ابوي وراس امي
مؤتمن: بوية عندك اعتراض لو هاهيه؟
ناصر: لا بوية أتشرف اناسب بيت ابو نوفل خوش ناس
أتفقنة الجمعه الجايه انروح نخطبها اله، أجت الجمعة والعصرية بدلنة ورحنة انه وامي ووديعة ورواء دگينة الباب وفتحة ولد يطلع عمرة تقريبًا 20
أنت تقرأ
جُحر الجَساس
Mystery / Thrillerسمراءُ يا بُنّ الجمال ونفحِهِ ياقهوةً منها الفتونُ يضوعُ من قالَ إن الليل ليسَ بفاتنٍ ذابت على حسن المساء شموعُ وبلونهِ عبقُ السكون وغابةٌ فيها يضمدُ شوقهُ الموجوعُ ترنوا العيونُ إلى المساء تأملاً والليل سكرٌ والأنامُ هجوع للسُمر وقعٌ في الوجود وفتن...
