بقلمي: ميامي آلـ حيدر
بسم الله الرحمن الرحيم
لا تنسون تصوتون للبارتات والتعليق بين الفقرات ❤.
حسابي أنستا osjjjjii
_________________
تذكير:
من گعدت حنين باستني وحجت بأبتسامة
حنين:- ها شقررتي؟
باوعلتها ثواني ونطقت بكلمات هلاكي
نهج:- موافقة أشتغل وياج...
أبتسمت برضا وحطت أيدها على راسي فخورة بية على شنو ماادري
حنين:- زين مااختاريتي
أتجاهلتها ورجعت أباوع للتليفزيون وهي راحت أكلت وغسلت المواعين ورجعت گعدت شوية تخابر وأنوب گامت وحچت
حنين:- يلا گومي خل أعلمج الرگص أذا أتعلمتي أتصيرين مثل أمج أتجيبين أكبر راس
گمت وياها بدون كلام أخذتني لغرفتها شدت وصلة على خصرها وانطتني وصلة شدتها على خصري وشغلت أغاني وبدأت أتعلمني أتمايل
ماأجذب أتونست وأحس فرغت طاقة مكبوتة بداخلي هواي رگصنة وأتعلمت حركات هواي لأن جنت مرنة
رجعت علمتني الرگص العراقي چان بي صعوبة فـ وگفنا لغير يوم أنكمل فتحت الوصلة وحچت فحطانة
حنين:- ها أتونستي؟
نهج:- أي بس يتعب
حنين:- هاي بالبداية لأن أول مرة بعدين تتعودين، روحي سبحي هسه
نهج:- أي حيل عرگت
حنين:- لا أوگفي ليش ماأنظفلج جسمج من الشعر وتسبحين؟ جسمج يصير أبيض وناعم مثل جسمي
باوعت صدگ جسمها يخبل وأبيض عجبتني ومن زمان متضايقة من الشعر بسرعة وافقت
نهج:- يلا
راحت مدري شخلت شكر ومي وضلت تخبط بي على النار لحد ماصار مثل الحلاوة خلتة يبرد وأجتني جايبة خيط
حنين:- تعاي أحفلج وجهج قبل الشيرة بين ماتبرد
گعدت گبالها وبدت تحفلي طلعت روحي من الوجع لأن أول مرة أحف رتبتلي حواجبي وشالت شعر وجهي وشواربي
راحت جابت خيارة مگطعتها مربعات
حنين:-هاج فركي وجهج بيها
أستغربت بس سكتت لأن بشرتها تخبل فـ أتبعت روتينها، راحت جابت الجدر الي سوتة مال الحلاوة وحطتة گدامي
حنين:- نزعي يلا
نهج:- شنزع
حنين:-دنزعي داشيلج الشعر يلا ترة أنطول
أنت تقرأ
جُحر الجَساس
Mystery / Thrillerسمراءُ يا بُنّ الجمال ونفحِهِ ياقهوةً منها الفتونُ يضوعُ من قالَ إن الليل ليسَ بفاتنٍ ذابت على حسن المساء شموعُ وبلونهِ عبقُ السكون وغابةٌ فيها يضمدُ شوقهُ الموجوعُ ترنوا العيونُ إلى المساء تأملاً والليل سكرٌ والأنامُ هجوع للسُمر وقعٌ في الوجود وفتن...
