جُحر الجَساس

22

بقلمي: ميامي آلـ حيدر

بسم الله الرحمن الرحيم

لا تنسون تصوتون للبارتات والتعليق بين الفقرات ❤.

وأشاحَ عنها بناظريه مُعاتِباً
لمّا رأى حُسنها بكُل وقارٌ'
و أتاها مُسرِعاً يقول تخمّري
إنّي و ربُّ العالمين أغارُ".
..
حسابي أنستا osjjjjii
حساب صديقتي r.21sr

_________________
تذكير:

لحد ما هدء صوت وديعة، جابت بس سمعت وحدة من مساعدات الدكتورة صاحت
-: يااا خطية الطفلة ميتة بعد هلتعب كلة...

گمنة نبچي لا إراديًا انه وامي بس بسرعة وحدة صاحت صوتها خشن
-: جيبيهااا

ماأدري شصار جوة بس صار صوت ضرب، خمس دقايق ودگ مستمر إلى أن سمعنة صريخ طفل
-: ماميتة مختنگة هاچ وديها للخدج

طلعت البنية شايلة طفل لونة بنفسجي ركضتلها أمي
حسنة: ها يمة الطفل مابي شي؟

-: لا بس جان مختنگ عبالنة ميت

حسنة: وبتي شلونها

-: مابيها شي زينة، حجية ماعندي وقتج وخري داروح

وخرت منها امي لأن جانت لازمة أيدها، هذيج الممرضة گلبت عيونها وراحت

سحر: أنكون سرطان لهل شكولات الزفرة

حسنة: سكتي لا تدعين

سحر: يمة ماشفتيها شلون تنتر وتگلب بعيونها الحولة

أمي ضلت تدعي وتتحمد رب العالمين لأن مابيهم شي وديعة والطفل، بعد فترة طلعت الدكتورة وأمي راحتلها ركض

حسنة: ها دكتورة بشري خو مابيها شي بتي

أبتسمت الدكتورة
-: لا إن شاء الله بأحسن حال خيطتها وبأذن الله شوية وتگعد هسه تگدرن اطبن يمها والطفل يبقى بالخدج تنفسة مو زين مختنگ من ماي الراس

هزينة روسنة وهي راحت وطبينة ركض يم وديعة لگيناهن مبدلاتلها ومنظفات الغرفة شفنة وجهها أحمر ودموعها يابسة على خدودها على كيف أمي أخذت ماي بأيدها ومسحت وجه وديعة

ولمت شعرها على صفحة وخرته من وجهها وباست گصتها و دموعها تنزل
حسنة: يبعد أمج يايمة تأذيتي سودة علية

ضلينة هيج ساعة يمكن وأمي گالت راح أروح أشوف ابوج واخوج ضالين برة، طلعت وانة ضليت يم وديعة لازمة أيدها وگاعدة