جُحر الجَساس

31

بقلمي: ميامي آلـ حيدر

بسم الله الرحمن الرحيم

لا تنسون تصوتون للبارتات والتعليق بين الفقرات ❤.

حسابي أنستا osjjjjii
_________________
تذكير:

ماأستغربت فعلاً أتكون قصتها غير عن الي گالها شبيب بس سألتها هيج
هُيام: يعني ماشردتي من أهلج ولگيتي شبيب بالشارع وگلتيلة دخيلة عندك وهو ساعدج؟

عگدت حواجبها مستغربة الگلتة
نهج:- ماكو هيج حجي

أتربعت عدل أباوعلها بإهتمام
هُيام: جا شلون عرفتي شبيب بلا احجي بالتفاصيل

أستنشقت نفس وزفرتة وبدأت تسرد الصار وياها من طفولتها

..

نـهـج:-

سنة 2013

طفلة صغيرة تلعب حالها حال كل الأطفال بعمرها چان عمرها مايتجاوز الـ 10 سنين لمن أستشهد والدها علي

عاشوا بفقر وچانت والدتها منحلة نگدر انگول وسلكت طريق غلط أتجهت للحرام في سبيل ترضي نفسها وتكسب المال بالحالتين عايشة بأيام معدودة لكن فضلت أتعيشها بمتعتها ومحرماتها

مافكرت بمُستقبل أولادها سرمد ونهج، بدأوا الرجال يترددون على بيت حنين (ام نهج) بساعات متأخرة من الليل

وبأغلب المرات چانت تطلع من البيت ماترجع اله بعد الساعة 12 وچانت أتأمن نهج عند بيت جارتها إلى أن ترجع من الشغل

نهج ماچانت تفهم لأن طفلة صغيرة لكن سرمد الي يكبرها بـ 7 سنوات فاهم بس مغلس لأن شاف الشغلة مُربحة وهو ماخسران شي امنعنش بفلوس الحرام

أستمر روتين حنين هيج تطلع من بعد المغرب بملابس شبه عارية أو سيت نوم، وتلبس فوگها عباية أو صاية وحجاب

چانت تتميز بجمالها المُلفت وجسمها المملوء بالأماكن الصحيحة  بطريقة مرتبة وهذا أحد أكثر الأشياء الي خلاها تربح بشغلتها

بعد فترة من طلعات حنين المثيرة للشك صارت تبقى بالبيت بس تحبس نهج بالسطح وسط الظلمة والبرد بدون لا يرأف گلبها على المسكينة المتجمدة فوگ بالبرد

بينما هي متجمدة يادوب تيشيرتها يدفيها لكن لاحظت طول ماهي محبوسة فوگ الأغاني مشتغلة من داخل بيتهم وتسمع صوت هواي زلم بأصوات خشنة

چانت ماتطلع صوت وتبقى مغمضة وحابسة روحها بأحد زواية السطح منها تخفي خوفها ومنها حتى محد يحس بيها ويصعدلها رغم صغر سنها بس تحس بيهم خطر عليها أذا عرفوها