جُحر الجَساس

16

بقلمي: ميامي آلـ حيدر

بسم الله الرحمن الرحيم

لا تنسون تصوتون للبارتات والتعليق بين الفقرات ❤.

رُّوحُ يا ربَّاه طَالَ شَتَاتُها
وَالرَّوحُ مِنْكَ فيَا مُعينُ أعِنِّي
فطرقتُ بابكَ يا كريمُ مناجيًا
حاشى بلطفكَ أن يُخيّبَ ظنّي

_________________

- جـسـاس

چنه گاعدين اني وسراب بالحديقة نسولف على الشغل

سراب: شصار على سالفة احمد؟

شلت جگارة حطيتها بحلگي شغلتها واني اجاوبة محروگ گلبي
جساس: نعلت والد والديه طلعت المعلومات من ط***، طلع يشتغل عند واحد ثگيل بالدولة عندة ملاهي وبارات ولد القندرة يشترون بنات صغار ويشغلوهن بالملاهي

سراب: ومتورط بتجارة مخدرات! خرب عرضة على هل قابلية، شلون كمشتوه؟

جساس: اترصدناه و سبگنالة من طلع من الملهى مالته يتطوطح، خرب لشتة على هل خيسة ريحتة تخنگ، شميت ريحته زوهرت گوة كاض روحي لا ازوع على الجنود

ضلينة نسولف شوية واندگ الباب باوعت لسراب وحچيت بأمر وهزيت راسي بمعنى گوم
جساس: گوم فتحة

سراب: شو تتأمر

جساس: گوم لك

هز راسة بتوعد وگام فتحة ضليت اباوع حتى اشوف منو يدگة، الباب جان وراي انكسرت رگبتي واني ثانيها حتى اشوف ياهو الكسر الباب تكسر بالدگ

فتح الباب والدم يبس بعروگي من سمعت صوت طلق وسراب صرخ ووگع لازم بطنة بأيد ورجلة بأيد طلقتين!!! بطنة تنزف بشكل مو طبيعي وسمعت صرخت سما وگعت بالگاع تصرخ وتبچي

سما: سرااابببب لااااا سراااببب جساااسس الحگلللههه راح يموووتتتت

گامت تلطم وتملخ بروحها الصار كلة بأقل ال7 ثواني، خنگتني العبرة وجسمي ثگل احس مااعرف شلون اگوم واركضلة لا ياالله گوة گدرت اسند روحي واركضلة رحتلة ضغطت على مكان الطلقات

سمعت صياح الولد وصريخ البنات اجوا يركضون
شبيب: سرااااببببب شكووو شصاررر

حچيت بسرعة
جساس: تعااللل بس كضلي رجلة اضغط عليها خل اشد بطنةةةةة راحح يخلصصص دمة، سهم شغل السيارة وانتن صوتجنننن نصنة فضحتنة

اجة شبيب حط ايدة على مكان الطلقة الي بزر سراب وسراب عاط
سراب: اخخخخخخ لكمممم رجلييييي

الحجية گامت تصرخ وتلطم هي وسما تگابلن ويقين واگفة على صفحة فاتحة عيونها على وسعهن ودموعهه تنزل
ام جاسم: يمةةةة ابنيييي ياهو السوة هيج ولكم