جُحر الجَساس

38

بقلمي: ميامي آلـ حيدر

بسم الله الرحمن الرحيم

لا تنسون تصوتون للبارتات والتعليق بين الفقرات ❤.
حسابي أنستا osjjjjii

حسابات الحبايب
m___fg18
r.21sr
_________________
تذكير:

سراب:- ركضي جيبيلي لباسي من الحبل عالسريع سما

أتخردلت شمرت الخاشوگة بالسنگ وركضت توني طلعت من المطبخ وأنچبحت على وجهي من الأنفجار الصار وراي
ألتفتت شفت المطبخ وراي كلة گاب مشتعل نار!

القنينة مال الغاز أنفجرت والمطبخ كله ريحة غاز ونار أشتعلت جانت اكو وصلة يم الطباخ مشتعلة
ضليت واگعة بمكاني جسمي باد مااگدر أتحرك بس أرجف
لحد ماشفت سراب
أجاني لاف الخاولي على خصرة وجسمة ينگط ماي

سراب:- سما بابة باعيلي خو ما اتأذيتي شني هذا الطگ

سما:- ماادري توني طلعت من المطبخ وطگت الدبة يمكن

سراب:- أحتركتي؟ بس احجي بيج شي اخذج للمستشفى

سما:- لالا مابية شي بس المطبخ باع أحترگ

باس راسي وحضني
سراب:- الحمدلله مابيج شي المطبخ يتعوض

گام يباوع للمطبخ وأشرلي أگوم
سراب:- روحي وخري من يم المطبخ

سما:- ويننن تدخل لينفجر عليك الطباخ كلة

سراب:- لا معليج روحي خل أطفي الوصلة

بعدة يحجي وطلعت حسنة من غرفتها تركض مختلسة ووراها يقين
حسنة:- أسم الله شني هذا الأنفجار شصاير ولكم

سراب:- ماكو شي يمة الدبة مامشدودة عدل وطگت

لطمت على وجهة وأجتني تباوعلي
حسنة:- خو ما اتأذيتي بلا يمة بتي

سما:- والله مابية شي طلعت من المطبخ يلا أنفجر

ضلت تحضن وتبوس بية وتتفحصني
ويقين الملگوفة طبت أطفي بالوصلة جرها سراب من ياختها وطلعها
سراب:- وين طابة أنتِ بكلشي أذبين روحج

يقين:- كلة من وراك ومن ورة أكلك وبعدين ماتلبس لافلك بس خاولي شني عود أتقلد الأجانب

كفخها ووخرنة من المطبخ وهو راح لبسلة ملابس
ورجع مدري شيسوي بالمطبخ ماخلانة أنطب
كلساع أتصيح حسنة گلبها محروگ
حسنة:- ولككك سريبت أطلععع الة تحترگون يلا ترتاحون خرة بشيب أبهاتكم