بقلمي: ميامي آلـ حيدر
بسم الله الرحمن الرحيم
لا تنسون تصوتون للبارتات والتعليق بين الفقرات ❤.
حسابي أنستا osjjjjii
r.21sr
m___fg18
_________________
تذكير:
مدري شبية ماسكتت وعطت بي وجريت علاگتي
هُيام: أدبسزز
ألتفتت لسراب لگيتة يباوعلة وعيونة يتطاير منهن شرار طلع شايفة من غامزلي وطاخ أصبعي أني گلت أدبسزز وسراب حمسة بوكسي بنص وجهة...
من يمي أختلست وهذاك عاط ووگع بالگاع
سراب: أبن القندرة أنعل أبوك لابو الخلفك أموتك والله أذا تباوعلهن
راحلة يريد يكتلة وحسنة صاحت بي
حسنة: كافييي ولكك سريبت خزيتنة أمشي أطلع
سراب باوعلها وأشرلنة
سراب: يلا كملتن؟
حجيت بخوف من خزراتة شماله هذا يخوزر
هُيام: كملنة أي
سراب: أطلعن أدفع الحساب وأجي
يقين: الحساب بوكسي على كلة على دفرة على چلاق والختامية تفلة
جريتها وكت ضحك هسه وطلعنة بس حسنة ضلت جوة وياهم وصدگ طلع محفظتة وشمر الفلوس على الولد وطلعوا يريدون يجون
يقين وسما لبسن الجبب وعدلتلهن الحجابات لفيتهن عدل وسراب حجة بضوجة ويخزر بيقين وسما
سراب: كملتن غراض نرجع للبيت تعبت ترة، وبعد مااطلعجن اذا ما تلبسن ملابس مستورة لابساتلي ضيگ شني ماخذجن امفرعات اراوي بيجن للزلم؟
حسنة: اي بعد مايطلعن بدون جبة وحجاب
سراب: يلا أمشن نرجع للبيت
يقين: لا الله عليك سراب والله ميتة من الجوع وبعد أريد أشتري غراض هو أنتم بالسنة مرة أطلعونة عاد وكلنة فرفرنة
ضلن يتملقن وهو يتأفأف بس سكت ماگال شي ضلينة نفتر وأشترينة مكياج وهم طبينة لمحل نسائي وأشتريت هواي شغلات وصدگ ماكفت المية چنة نمشي وألتفتت لحسنة
هُيام: حسون
حسنة: ها ولج
هُيام: داينيني وأرجعلج ياهن بعد أريد چم حاجة
حسنة: أي هاج
شالت 100 ألف وأنطتني
هُيام: هواي أريد بس 50
حسنة: ميخالف أخذيهن
أتشكرتها وأخذتهن وسراب گعدنة على طاولة وگال راح أجيب أكل وأجيجن لتتحركن وأكد على يقين وسما مايستلگفن ويركضن منا ومنا وهنه سمعًا وطاعة سراب حتى مايرجعنة
أنت تقرأ
جُحر الجَساس
Mystery / Thrillerسمراءُ يا بُنّ الجمال ونفحِهِ ياقهوةً منها الفتونُ يضوعُ من قالَ إن الليل ليسَ بفاتنٍ ذابت على حسن المساء شموعُ وبلونهِ عبقُ السكون وغابةٌ فيها يضمدُ شوقهُ الموجوعُ ترنوا العيونُ إلى المساء تأملاً والليل سكرٌ والأنامُ هجوع للسُمر وقعٌ في الوجود وفتن...
