جاني وأنا مالي بالمحبة ميول وحببني بسواليف ماكنت أحبها

من بارت ٦٦ الى بارت٧٠

بارت ٦٦
وجا يوم الخميس وهلت الافراح في بيت بو بدر
جت جود الساعه ٩ الصبح ع اساس بتاخذ مرام وبتروح الاستراحه ترتبها
بينما كانت تشيك على بعض الاغراض رن جرس الباب
مرام بطنازه " من ياينا هالحزه"
ضربتها جود وهي تبتسم
" روحي افتحي الباب الله يلعن شيطانك"
مرام راحت تفتحه وهي تضحك
ماحسو الا الي تركض و داهمتهم بالغرفه
" بنات بنات ام علي برا "
ساره برتباك " وش ؟!"
جود " حياها الله "
مرام وهي تناظر ساره
" تسأل عن ساره وقالت لي ناديها"
جود وهي تناظر ساره
"قدامي يالله "
ساره وهي تمسك ايدها
" لا جود فشله "
جود باستنكار
" وش اللي فشله بعد كم ساعه بتصير ام رجلك وامك الثانيه و تراها ام علي شافتك حتى وانتي بشوشتك "
مسكتها جود وهي تسحبها وراها وتقول
" امشي بس "
دخلت جود وهي لابسه دراعه روز نص كم ووراها ساره تتسحب  منزله راسها بالارض ويقطر منها الحيا
صدح صوت ام علي بالغطاريف
وجود تبتسم
وساره زاد حياها وارتباكها وام علي" الف الصلاة والسلام عليك ياحبيب الله محمد "
وتيبب من جديد
سلمت عليهم وسحبت ساره بجنبها وهي تقول
" حيالله عروستنا حيالله شمعة بيتي ولله اني فرحت لما قال لي علي بس ماقدرت اكون معه تدرون من مرض اخوي وانا مقابلته ولا اقدر اني اخليه بس اليوم جيت وبرجع اخر الليل ان شاء الله "
جود
" عزيزة وغالية ياام علي البيت بيتك و حياك الله اي وقت "
ام علي " ولله العالم مامن اعز منكم ياامي بس الشكوى لله " فتحت كيس كان وراها وقالت هذي هدية عروستنا مني انا طلعت من الكيس صندوق اسود مخمل اطرافه مطرزه بالذهبي افتحته وطلعت منه اسوارة ذهب وخاتمها ولبست ساره وهي تقول " هذي كانت لي يوم عرسي ونويت اني اعطيها بنتي الي بتاخذ وحيدي وجت من نصيبك والحمدلله الله مارزقني الا علي وانتي يا سارة "
قامت ساره باست  راس ام علي بهمس " وانتي امي اللي ماتت ولا عرفتها"
ام علي ونبرة الحزن غلفت صوتها
" يا عساها الجنة يا كريم "
ام علي وهي تستاذنهم
" يالله انا جيت بس اعطي سارة هديتها واتعذر منكم اشوفكم بالحفله بالليل "
جود
" لا ياخاله اقعدي تقهوي معنا"
ام علي وهي تاخذ شنطتها وتطلع للباب
" لا فديتك وين ما من وقت يالله انكم ترتبون اموركم وانا عندي كم شغله اخلصها قبل الحفله نشوفكم الليلة ان شاء الله "
جود
" ان شاء الله على خير "
طلعت ام علي وقفلت جود الباب وراها والتفتت على سارة اللي ابتسمت وهي تقول " جود خايفه ياجود "
جود وهي تمسح على كتوفها
" اسم عليك من وش خايفه "
ساره " انا كل ماافرح لابد يصير شي يخرب فرحتي ..."
كشت جود على وجهها وهي تقول
" هب يوجهك .. اذكر ي الله وتذكري ربي يقول انا عند ظن عبدي بي فإن ظن خيرا فهو له وان ظن شرا فهو له تفائلي ان كل شي يجي من الله خير سواء تبينه ولا ما تبينه هو خير "
حضنتها
" افرحي يا سارة خلي الفرح يعانق روحك ويلمع في عيونك ويرتسم على مبسمك يختي احنا نستاهل الفرح "
ابتسمت سارة وهي تسمع كلام جود كانه لمس كل ما يحتويها
—
ما كانت الاستراحه كبيرة
وصلو البنات و كان الوقت يسابقهم الكوافير مسكت العروس و بدت تشتغل فيها و مرام و جود كانو يشرفون على الشغل و العاملات
بس التنسيق كان مرره مبدع
تداخلت الوان البيج و الذهبي
الكنبه والكراسي والطاولات كان لونهم بيج توسطت كل طاوله فازه عليها ورد جوري اصفر بأوراقه الخضراء التسكيرات كلها بلون البيج والورود
والاستقبال اللي  كان فيه البخور  يملي المكان الشوكلت والموالح كانت كلها من ذوق مهره و اجاويد وهديتهم لحفلة ملكة ساره
كانت مرام تلبس فستان قصير لنص الساق بذراع وحده علاق لونه سماوي تنزل منه كلوش طبقات بكعب اسود عالي
ثريا ناسبها فستانها الوردي الغامق وشعرها الأشقر القصير عزز ملامحها ومسى طفولتها بأنوثه اما
مهره كانت اطلالتها خرافيه فستان ابيض تناثرت ورود زرقاء عليه علاق وصدر باز توسطه ازرار حتى خصرها
كانوا كلهم واقفين في الاستقبال
اما فجر اختارت فستان ستان علاق بسيط بقصه كلوش تخفي فيه سمنتها اللي ماتشوفها الا هي بينما الكل يشوفها مليانه ومربربه
اجاويد بساطة طلتها عطتها جمال اخاذ فستانها اخضر طايح قصة صدر سبعه واكمامه حفر
كان الحفل  محفوف بين الاهل والجيران هالشي خلاهم ينبسطون بالرقص والوناسه
دخلت جود و كانت طلتها الاجمل بين البنات فستانها الموف كوكتيل واصل نص الساق  غطى على كتوفها الدانتيل بكم طويل مرتبط بالفستان بياقة ازرارها من الكريستال توجت جماله بكعب فضي
مرام بهمس لجود : ملكو ولا لا
جود : مدري ابوي ما تصل
مرام : كيف حالة ساره
جود هي تبتسم للمعازيم : متوتره و مرتبكه
ام علي و هي مقبله عليهم و ببتسامه عريضه: ملكو ملكو يا بنات
جود ببتسامه : مبروك مبروك ياخالتي
مرام : ياحبيبتي الله يتمم عليهم
ام علي : الف الصلاة و السلام عليك يا حبيب الله محمد
و الصاله كلها بدت تيبب
مرام توجهت للغرفه الي فيها ساره دخلت و شافتها متوتره و التوتر واضح على وجها
مرام وهي تحضن ساره : ملكو ملكو
ساره بخوف : صدق من قال
مرام بعدت وهي تناظرها : وش الي من قال علي اتصل على خالتي و علمها
ساره وهي مشبكه ايدينها مع بعض : احس اني خفت زياده
مرام : ليه الخوف و التوتر ياحبيبي ذي ليلتك عيشها عدل بدال الخوف و التوتر الي بيسلب منك الفرحه
قطع عليهم دخول جود : ساره حبيبتي جهزي نفسك الحين بندخلك الصاله
ساره : ليه الحين ؟
جود : وش الي ليه الحين مهبوله بس خلاص ملكو
مرام وهي تناظر ساره : ماعليك منها ذي مهبوله عقلها انمسح
طلعت مرام
جود قربت منها و بدت تعدل شكلها و تضبطه لها
دخلت الصاله مرام وهي تجمع البنات حول الكوشه و ينتظرون طلة ساره
فتحت الباب جود للعروس اللي اختارت لطلتها فستان كوكتيل  نازل طويل مبهر بحبات الكريستال اللي عطته مظهر جميل اخفت كتوفها وظهرها بشعرها الكثيف الطويل وجمل طلتها بساطة مكياجها
واجتمعوا عليها البنات ييببون ويهلون وهي اكتسى ملامحها الخجل وعلى انغام الموسيقى كانت تمشي خطوتين وتوقف لتصوير لين وصلت للكنبه وجلست وحبايبها حولها يغنون ويرقصون وهي مابين الفرحه والخجل تشتت
——
بارت ٦٧