جاني وأنا مالي بالمحبة ميول وحببني بسواليف ماكنت أحبها

من بارت ١٤١ الى ١٤٥

بارت ١٤١
الجزء الاول
رن جوال ساره وهي كانت ترتب سرير جود في غرفتهم
ومرام كانت بالمطبخ تسوي غداهم
خذت الجوال وعانقت الابتسامه وجهها
" يا مرحباااا "
جاه صوت بدر اللي مغلف بالعتب الغاضب رغم تمالكه لاعصابه
" هذا كلام يا ساره؟؟ .. هذا كلام جود تدخل المستشفى وتطلع منه وانا ماعندي خبر؟؟ "
ترد عليه بهدوء يحتويه
" يابعد عيني انت ..
اول شي كل شي صار بسرعه ولما صحت اختك نبهت علينا ان محد يقول لك "
بحزم
" والسبب ؟!"
" عشان مانشغلك في اختباراتك .. وبعدين بصراحه صادقه واحنا معها ندري ان عندك اختبارات واخر ترم لك وعارفين شكثر دراستك تبي تركيز"
وصلها صوته وهو يتنهد
" واللحين شلونها ؟"
"الحمدلله طيبه وبخير وجايه بالطريق بس بتمر على جدة رجلها تسلم عليها "
" وولدها شلونه "
" يجنن يجنن يابدر .. "
" طلع معها ؟!"
" لا ولله للحين وزنه قليل قال الدكتور يبي له كم يوم كذا بعدين بيطلع "
" وصرنا خوال يا سارة "
الفرحه اللي بصوته ضحكتها
" عقبال ما نصير عمات يالعضيد "
تنحنح ثم قال
" قريب ان شاء الله يابعدي "
دخلت جود عليها وهي تتكلم في الجوال
قالت ساره
" بدر ولله لو انك طاري مليون ما وصل هذي هي توها تدخل علي "
جود تمد ايدها وهي مابعد رمت عبايتها وطرحتها ماسكه نقابها بيدها
مدت لها ساره الجوال
جلست على طرف السرير ورفعت الجوال لاذنها
" الو .. "
بصوته اللي امتلى فرح وسرور
" حمدلله على السلامه ..."
" الله يسلمك"
" ومبروك ما جبتي"
" يبارك فيك يابعد عيني انت"
" الله يجعلها من الصالحين الباريين "
" امين .. وياخذ منك قلبك الطيب ياحبيبي "
" امين يالغاليه بشريني عنك شلونك اللحين"
" الحمدلله رب العالمين طيبه وبخير انت شلونك طمني عليك واختباراتك وش صار عليها "
" كل شي زين الحمدلله اموري زينه .. مع اني كنت عتبان عليكم ليش ما علمتوني بس سلامتك وسلامة الصغير مافيني للعتب والضيقه سلامتكم بالدنيا كلها "
" ياعمري عمرك يا بدر .. متى تخلص اختباراتك؟"
"باقي لي كم اختبار يبي لي اسبوعين وبعدها برتب اموري مع الجامعه والميداني في الرياض وبعدها ان شاء الله برجع "
" تنور الرياض يابعدي"
" فديتك يالغاليه .. يالله اخليك ترتاحين "
" حبيبي الله يحفظك "
" ويحفظكم سلمي على مرام ما سمعت صوتها"
" ابشر .. "
" استودعتك الله .."
" استودعناك اللي ودعتنا اياه"
قفلت الجوال ومدته لساره وقالت
" منو اللي قال له عني "
سارة وهي تاخذ الجوال وترفع كتوفها
" علمي علمك .. انا استغربت من وين درى"
دخلت مرام
" جود تتغدين معنا على السفرة ولا اجيب لك غداك هنا"
جود
" لا بتغدى معاكم ومع ابوي ".
مرام
" ياالله ارمي عبايتك وتعالي انا بروح انادي ابوي "
" يالله جايه "
قامت جود ترمي عبايتها وتعلقها وطرحتها ثم لحقت خواتها ..
____________________
جالسه مقابله له حاطه ايدها على خده تتأمله قفل الجوال وحطه بجنبه رفع قهوتها يشربها وهو يناظرها
مبتسمه عيونها معلقه فيه يتحاشاها يرجع يلاقي عيونها ما فارقته نزل كوبه وهو يبتسم
" وش فيك؟!"
نزلت ايدها وهي تقول
" بصراحه .. جميلة علاقتك مع خواتك يعني قبل لا تكلم ساره .. لما اتصل عليك زوجها كنت منفعل بصراحه كنت مره تخوف بس لما كلمت ساره هديت ولما كلمت جود كذا حسيت بحنانك اكثر من عصبيتك اللي كانت .. حبيت "
ضحك ورن صدى ضحكته في المكان
ثم قال
" اعترف ان علاقتي بخواتي اقرب علاقه لي بحياتي طفولتنا مع بعض لعبنا ضحكنا سوالفنا طلعاتنا كل شي ..
اما جود كانت امي حرفيا امي ترى للحين اذكر فترات خوفي في طفولتي كانت تحتضني وتنومني عندها على فراشها وايام ما كنت اتهاوش مع العيال في الشارع كانت تطلع وتهاوشهم "
ضحك من جديد ثم قال
" مره تضاربت مع ولد كبرها تقريبا عشاني .. متخيله"
ضحكت وهي تقول
" يا الله شكلك كنت مشاكس "
" اممم الى حد ما .. فلك ان تتصوري لما ادري انها تعبانه وسوت عملية وانا ماعندي علم بعدين اسمع صوتها والحمدلله كان صوتها زين مافيه تعب او ارهاق يا رب لك الحمد "
" اي ولله الحمدلل على سلامتها ومبروك ماجاكم يالخال "
رد ظهره لورا ونفخ صدره
" الله يبارك فيك .. اكثر شي متحمس له سفرتي لرياض عشان هالولد الجديد"
تغيرت ملامحها وهي تقول
" يالله ها جاب السيرة اللي تسد النفس "
مسك كفها
" اوعدك .. اخلص الميداني واجيك الكويت اخطفك "
" بيشتكي عليك ابوي بيقول خطف بنتنا"
ابتسم بثقه وهو رافع حاجب واحد
" محد يخطف حلاله "
سحبت يدها بخجل ثم قالت
" يالله مشينا "
دفت كرسيها وانسحبت وعيونه تلاحقها ...
______
كحه باغتتها وهي في سريرها
قالت بترتاح شوي ثم تقوم العصر وللاسف ما قدرت ترفع راسها من المخده
تعالا صوت ضربات على باب غرفتها ثم في من ميل الباب ودخل وترك نور السيب تطفل على ظلمة غرفتها
" ثريا.. صاحيه "
حاولت ترفع صوتها
" هلا اجاويد ادخلي"
دخلت اجاويد وهي تحط يدها على مفتاح الاضاءة اللي نثر الضوء حولها في الغرفه
" للحين نايمه قدنا قرب المغرب "
كحت من جديد وهي تحاول تسحب نفسها من السرير
" مافيني اتحرك ولله تعبانه "
قربت منها اجاويد وحطت كفها على راسها
" سلامتك ولله.. تبين تروحين المستشفى "
ثريا " لا لا ماله داعي "
اجاويد بنبرة حزم