جاني وأنا مالي بالمحبة ميول وحببني بسواليف ماكنت أحبها

من جزء ١٠٦ الى جزء ١١٥

البارت ١٠٦
الجزء الاول
لِتكُن هذه الليلةُ شاهدي
سأَقف على اعتابِ الغياب
أَنحرُ الأشواقِ
أَودع مخاضَ الحنِينِ
لتنبلج من فجريِ الجديد
ضحكةٌ ..
**********
مها
" هلا ولله حياكم حياكم "
ساره
" يحييك ويبقييك .. "
بعد ما سلمت عليهم قالت باهتمام وابتسامتها مافارقت مبسمها
" حمدلله على سلامتكم .. باخذكم لقسمكم عشان ترتاحون الغدا بيوصلكم والعصر ان شاء الله بنشوفكم"
اتبعوا البنات مها متعدين البات الكبير لباب اصغر منه في اخر السيب دفت مرام الباب لتدخل لسيب اوسع فيه ٣ ابواب فتحت الباب الاول ع اليمين ثم قالت
" هنا مطبخ تحضيري "
مشت شوي وفتحت الباب اللي ع اليسار هفت ريحة العود محمله ببراد التكييف كان اغراء لراحه
الغرفه صغيرة فيها سريرين وباب للحمام
" هذي غرفة النوم الاولى فيها حمام تكرمون وهذا .. "
مشت بحماس للغرفة الثانيه
" وهذي بعد غرفة نوم خذوا راحتكم المكان مكانكم "
هزت سارة راسها وهي تقول
" يعطيكم العافيه .. بصراحه اخجلتونا "
مها بحماس
" لا شدعوه .. ان شاء الله نص ساعه والغدا يكون عندكم استأذن عشان ترتاحون"
طلعت بخطوات سريعه وقفلت باب القسم وراها
دخلت مرام الغرفه ورمت نفسها على السرير
" يا رب شكثر تعبااااااااانه "
جلست سارة على السرير الثاني
" يا رب لك الحمد والشكر على سلامتنا شفتي ابوي حسيته اختلع على بدر"
مرام وهي على نفس وضعها متمدده على ظهره وتناظر ديكور الغرفه
" كلنا اختلعنا فديته ليته يروح الطبيب "
ساره باندفاع
" على كيفه هو ضروري يروح خل اشوفه بس.."

في المجلس
بو سعود
" يا مرحبا ... "
كان المجلس كبير كنبه متصل لونه بيج تكساه فخامة الذهبي بالنقش المميز تفرقت الطاولات الذهبيه وزادت المجلس جمال وفخامه
جلس بو بدر جنب بو سعود وجلس بدر بجنب ابوه قدم سعود الماي لهم بالبداية وبعد دقايق سحب ترمس القهوة اللي على الطاولة الكبيرة في نص المجلس وصب لابو بدر وبدر وابوه
ابو سعود باهتمام
" بدر شنو اللي على دشداشتك "
بدر وهو يناظر الدم
" يوم انفقع الكفر ضربت وجهي بالدريكسون ورعفت بعدها "
" واللحين شلونك ..؟!"
" لو الله يفكني من هالصداع بس "
بو سعود وهو عاقد حاجبيه التفت على ولده
" سعود خذ بدر وده للمستشفى خلنا نتطمن عليه "
بدر بافاع " لا لا بسيطه ان شاء الله"
" لازم نتطمن عليك "
سكت بدر بخجل وهو يشوف بو سعود ملزم عليه يروح الطبيب ورضخ لرغبته

بعد ما تقهوو قال بوسعود لابو بدر
" بو بدر روح يااخوك للملحق جهزناه لكم عشان تاخذون راحتكم وتغدوا وارتاحوا والليله ان شاء الله عشاكم هنيه "
بو بدر

الجزء الثاني
" لا يابو سعود احنا جايينكم بحاجه وسبحانه اللي قدر اللي صار وانشغلنا "
قاطعه بو سعود
" حاجتك لنا كلام فيها ان شاء الله لا ارتحت وتعشيت في ديوانيتي وماراح نختلف بعون الله "
بو بدر
" بيض الله وجهك "
ناظر بدر
" وانت ياابوك روح اتغدى وبدل ثيابك وبعدها اطلع مع سعود للمستشفى وبعدها شوف سيارتك "
بدر باحترام للانسان اللي قدامه
" ابشر ياعمي ابشر "
بو سعود
" بارك الله فيك "
طلعوا بو بدر وبدر وسعود قدامهم يوصلهم للملحق اللي كانوا فيه البنات
" هذا الملحق بدر لا خلصت كلمني "
بدر
" تمام "
ودخلوا وقفلوا الباب وراهم
_____________
ناظر سلطان ساعته كانت تعدت ال٥ وما بقى شي لاذان المغرب
همس بإذن جود
" جود ..جود .."
" همممم "
باس رقبتها
" قومي الساعه ٥ ومابقى شي ع المغرب قومي صلي "
فتحت عيونها
" طيب.."
عدلت وضعيتها ورجعت نامت
قام هو ودخل الحمام التابع للغرفه توضى وطلع فرش سجادته وصلى فرضه
خلص وهي لازالت على وضعها
جلس بجنبها " جود يالله قومي صلي "
رفعت نفسها من السرير نثرت شعرها ورجعت لمته
" للحين فيني نووم ولله "
" انا بروح اشوف امي والبنات اليوم ماشفتهم قومي صلي لا ترجعين تنامين والحقيني "
جود بتذمر
" سلطان .. بصلي وبرجع انام "
سحب اللحاف اللي كان مغطي رجولها
" بسك كسل قومي تنشطي "
بنفس نبرة التذمر
" طيب "
اخذ غترته وعقاله وناظرها لين دخلت الحمام وطلع من الغرفه
___
سلطان " السلام عليكم "
كانت مهره جالسه على الكرسي عبايتها وطرحتها في حضنها وشنطتها جنبها
امها جالسة جنبها واجاويد مقابله لهم
" هلا هلا يمك وعليكم السلام "
دخل بطوله الفارع نزل سلم على راس امه وجلس جنب اجاويد
ام سلطان
" دريت بكرا ملكة اختك "
ناظرها وهي ذابت في الخجل والاحراج
سلطان وهو يضحك على شكلها بعد ما ناظرها
" لا ولله ما دريت "
" دق علي ابوك وقال لي "
غمز بعينه لامه ومهره " يعني نقول بكرا مبروك "
قامت اجاويد وطلعت من الصاله
سلطان " هههههههههه تعالي يابنت الحلال امزح معك "
ام سلطان
" خليها تروح ماغير تتعذر وهي اللي قايله لابوك الشور شورك حيرتني "
سلطان باهتمام
" ليه وش فيها "
مهره " ماعليك هذي رهبة العرس بتزين ان شاء الله امورها "
حط اكواعه على ركبته وقال وابتسامة الامتنان لصدف تعانق مبسمه
" يمه تخيلي من رحت له اليوم "
ام سلطان باستغراب
" منهو؟؟"
" تذكرين صديقي فالح ايام المتوسط يا كثر ماجا بيتنا"
ام سلطان
" اي بالله اذكره واذكر امه كانت طيييبه"
" هو يمه ..."
ام سلطان بحنين
" يا الله يالدنيا عز الله انها صغيرة"
" انا اشهد .. "
الجزء الثالث
ام سلطان باهتمام
وش اخباره وشلون اهله "
سلطان
" امه وابوه توفوا من قبل كم سنه وتزوج و توفت بعد ما صابها الله بالخبيث "
عانقت نبرة الحزن صوتها
" لا اله الا الله الحمدلله على كل حال"
" وولده يمه اكتشف فيه الخبيث "
ام سلطان باهتمام
" ولده الوحيد ؟؟ "
" هالله هالله "
اسئلته مرام
" سلطان لا يكون الولد اللي كان قدام غرفة جود بالمسنشفى على كرسي متحرك "
سلطان " ايه هو.."
مهره بتأثر كان واضح بنبرة صوتها
" يا الله كيف الولد كسر قلبي سولفت معه "
سلطان "متى؟!"
" لما رحت تخلص اوراق خروج جود .. "
" اهاا .. "
بعد لحظة صمت
مهره " سلطان ينفع ازوره"
سلطان
" وين تزورينه ابوه مرافق في المستشفى "
مهره
" ترى اهم شي ع المريض الصحه النفسيه وهالولد واضح انه فاقد شي "
ام سلطان
" تاخذ فيه اجر ياامك "
سلطان بعد لحظة صمت
" بكلم فالح واشوف "
دخلت جود عليهم
" السلام عليكم .."
"وعليكم السلام ورحمة الله وبركاته "
قربت من ام سلطان سلمت عليها بعدها جلست بجنب سلطان
كـت ♥️