جاني وأنا مالي بالمحبة ميول وحببني بسواليف ماكنت أحبها

من بارت ١٢٣ الى ١٢٩

بارت ١٢٣
الجزء الاول
اعلان للي ما بعد جرب الحب
يسلك طريق الحب بس بشجاعه
فيه الوفا والغدر والصدق والكذب
وفيه الفراق وفيه شوق واجتماعه
حظك على حظك تشجع وجرب
ان صبت ولا غير تاخذ مناعه
#مقتبس
*****************
فالح بصوت جدي
" ولله ياابو سلمان ... مدري كيف ابدأ في الموضوع التحسن الملحوظ اللي لامس صحة محمد أكد الدكتور ان نفسيته هي السبب ونفسيته ماتغيرت الا لما اختك دخلت حياته "
حط سلطان الفنجان على الطاوله ووجه انتباهه لفالح اللي كمل
" محمد بيدخل مرحلة علاج صعبة لا راح فرنسا .. واختك بتكون عامل مساعد جدا قوي له "
تعدل سلطان بجلسته وهو يقول
" للحين انا مو فاهم شنو تقصد "
فالح بصوته الواثق وبحزم
" انا حاب اني اتقدم لاختك على سنة الله ورسوله .. وابيك تفهمني قبل لا تحكم علي ياسلطان "
تنهد ثم قال
" ما انكر ان محمد سبب رئيسي لهزواج بس هم نسبكم يشترى بماي الذهب خصوصا انت يا سلطان ولا مناي تكون نسيبي ولو عندي اخت ماراح اختار لها الا واحد مثلك "
سكت فالح وسلطان وطال السكوت بينهم كان سلطان يناظر فنجانه وباله بعيد يرتب الكلام اللي بيقوله قبل لا يطلق العنان للسانه
" شوف يا فالح .. يمكن يخفي عنك ان مهره اختي مطلقه وعانت في حياتها كثير
واللي اعرفه انها ماتبي تتزوج
ولا قررت الزواج بيكون ابدى ما علي راحتها ورضاها و .. ... "
قاطعه
" سلطان .. انا كنت صريح معاك وانت تعرفني مااحب لا الف ولا ادور ومافي احد يبخصني مثلك يابو سلمان انا قلت لك ان محمد سبب رئيسي لهالزواج والسبب الثاني هو اني اناسبك وبدل لا تكون علاقتنا بس صداقة يشرفني اناسبكم "
سكت سلطان لدقايق ثم قال
" الله يقدم اللي فيه الخير انا ماعندي رد لين أسأل صاحبة الشأن وابوي "
" حقك ولك .. وانا انتظر ردك "
سحب فالح الترمس وصب لنفسه فنجان قهوة من جديد
________________
كانت جالسه في الصاله اللي فيها التلفزيون وبالها عند ابوها وقلبها يأكلها ودها تروح له وتطمن عليه
حاطه عبايتها جنبها وشنطتها تنتظر سلطان اللي قال لها الساعه 6 بيجيها ويوديها لابوها
دخلت ام سلطان اللي يوم شافتها رجعت خطوة لورا ادركت جود حركتها بس تجاهلت وكملت تناظر التلفزيون
مدت خطواتها لين وصلت عند الطاولة وسحبت جوالها وقبل لا توصل للباب
وبصوت اكتسى برسميه قالت
" شلون ابوك يا جود ؟!"
تعدلت جود بجلستها
" الحمدلله احسن من قبل "
طلعت وهي تقول
" الله يحفظه لكم "
طلعت وتركت جود تتساءل هل في يوم راح يذوب هالجليد اللي بينهم
وبتتقبلها وتتقبل انها زوجة ولدها
هل راح تتقبل انها أم ولدهم
حطت ايدها على بطنها

الجزء الثاني
حطت ايدها على بطنها اللحين هي في نص الرابع والحمدلله امورها طيبه
متأمله كثير بهالبيبي ماتفرق عندها يكون بنت ولا ولد..
مو مثلهم هم يبون سلمان..
هي تبي طفل منها ومن سلطان طفل يتوج حياتهم ويكمل سعادتهم اللي ما توقعت في يوم بتكون ..
رن جوالها قاطع عليها افكارها واضوت الشاشه بإسم سلطان فتحته وقربته اذنها
" هلا .. "
" انا عند الباب "
قامت لبست عبايتها وعدلت طرحتها ولبست نقابها وطلعت لسلطان
____
" سعد .. قهوتك "
صدح صوت فجر في البيت تنادي سعد اللي كان يلعب مع ولده وجاي يركض لمجلس التلفزيون حطت فجر الصينية على الطاولة كان فيها فنجانين وصحن بقلاوة صغير
" سويتها بدون سكر "
جلس مكانه على الكنبه وعبودي يسحب يده
" يالله بابا تعال .."
سعد
" يا بابا خلني اشرب قهوتي وبجيك "
ترك عبودي يد ابوه وركض طالع من الغرفه
وسعد اخذ قطعة بقلاوة اكلها
وسحب فنجانه ورشف منه رشفتين
جلست فجر بجنبه وفنجانها بيديها
قالت
" انت منت ملاحظ انك صاير ادلعه كثير "
ناظرها بنص عين
" ليش غيرانه ؟!!"
ناظرته وارتسمت ابتسامه على شفايفها
ونظرة استنكار منها له
" اغار من شنو ؟!"
هزت كتوفها
" مدلعه حبيبي من قبل لا ادخل بيتك "
ضحك بعلو صوته وهو يشوف ثقتها بنفسها تلمع بعيونها
دق جواله دخل ايده في جيبه وسحبه وتغيرت ملامحه للاستغراب من شاف رقم  من غير اسم
حط فنجانه وتنحنح وبرسميه رد
" نعم .. "
" مساء الخير .."
سكت وهو يتحقق من نبرة الصوت النسائية اللي عرفها
" مساء النور .. من معي ؟!'
" ماعرفتني ؟!"
" من حضرتك "
" انا لمياء .. "
" اسف اختي غلطانه "
قفل الجوال وحطه بجيبه
مستحيل اسمح لاي شي يعكر جونا الصافي
اكثر من ٣ شهور كانت حياتهم في ضياع وتوقع انهم ماراح يرجعون لبعض وكان الفراق اكثر ما لاح في سماهم اما اللحين هو مو مستعد لاي خسارة لا لفجر ولا ولدهم
اهم شي بيته وعيلته ومافي اولويه في حياته غيرهم
قفل الجوال وتنحنح من جديد وهو ياخذ قطعة بقلاوة ويناظر فجر اللي كانت مبتسمه
" تقولين مدلعه من بيت اهلك ها !!"
فجر وهي ترد شعرها لورا ظهرها
وتناظره بثقه
" هالله هالله "
" اصلا الدلع مايليق الا لك والحلا ما نوخذ الا منك .. خذيتي عقلي وماصارت ابي الا انتي ولا افكر الا برضاك "
وقفت بدلع ثم ناظرته بطرف عين وقالت
" ادري "
ضحك من جديد ..وهي طلعت من الغرفه بثقه مو غرور
__________________
في سيب المستشفى كان سلطان يمشي وجود بجنبه قاطعين السيب بخطواتهم الموزونه بين ضحكات وصرخات الاطفال وحركة الزوار
وصلوا عند باب غرفة ابو بدر طقت جود الباب وفتحته ودخلت
الجزء الثالث

كان ابوها لحاله جالس ع السرير  ينشف بالكلينكس بقايا اثار الوضوء
اكثر شي كانت تحاتيه لحظة لقا بين بدر وسلطان
في نفسها حمدت الله على عدم وجود بدر
سلطان
" السلام عليكم "
بو بدر
" وعليكم السلام ورحمة الله وبركاته"
تقدم سلطان من بو بدر
" شلونك عمي اليوم عساك احسن "
" الحمدلله ياابوك بخير جعلك بخير "
" عساك دايم يا رب "
بو بدر
" انت شلونك .. "
سلطان
" بخير الحمدلله "
" جاني ابوك وفهاد بعد العصر الله يعطيه العافيه ويحفظه لكم "
سلطان
" امين امين يا رب "
التفت على جود اللي من دخلت رمت نقابها وجلست قريبه من ابوها وحتضنت كفه وغرقته ببوساتها تحتضن كفه بكفوفها تقربه من خدها تستكين بهالتلامس ثم ترجع تغرقه ببوساتها من جديد
سلطان
" انا بطلع الحق ع الصلاة "
بو بدر
" الله يحفظك ياابوك"
التفت على جود
" اذا بتمشين اتصلي علي"
جود
" طيب "
طلع سلطان وقفل الباب وراه
فرشت جود السجادة وسألت ابوها
" يبه بدر وينه ؟"
رد عليها وهو يرتب غترته ويرميها ورى كتوفه ويعدل جلسته ع السرير
" طلع ياابوك قال بيصلي ويرجع"
استقبلت القبله وكبرت
وكبر بو بدر وهو في سريرة صلى جالس
___________