جاني وأنا مالي بالمحبة ميول وحببني بسواليف ماكنت أحبها

من بارت ١٥١ الى بارت ١٥٥

بارت ١٥١
الجزء الاول
ومرت الثلاث ايام بلمح البصر
بين تجهيز وحجز وترقب
من كان يصدق ان هالعايلتين اللي فرقهم الدم والثار بتجمعهم فرحه في ليلة وحدة ليلة يتوجها زواج فهاد من مرام وزواج اجاويد من احمد اخو ثريا

فستان سارة الليموني اللامع محتضن جسمها
و موضح تفاصيله باكمام طويلة وصدر عالي بس ظهر مفتوح بشكل ٧ لين نصه
لبست حلقها الطويلة وجابت شعرها المكسر كله صوب كتفها اليمين
طلعت من عند اجاويد اللي كانت الميك اب ارتست تسوي مكياجها في بيت ابوها لين بيتها تجيب جزمتها وعبايتها وباقي اغراضها

علي واقف عند مراية المدخل ينسف غترته الحمراء وبس انفتح الباب التفت عليها
رسم ابتسامه على طرف مبسمه وهو يشوفها بالجمال الطاغي
" انا محتار هو انتي العروس ولا انتي العروس "
قربت منه وباسة ارنبة انفه وهي تقول بتحدي
" انا عروسك انت بس "
مرت من قدامه فوصلها صوته يقول
" حبيبتي لبسوها حرير
يزها جسمها وطولها
حبيبتي زين  الغنادير
مافي احد بالكون حولها
حبيبتي تفوح مسك وعبير
مااحلى التقرب وشمها
النور في طلتها ينير
فالمكان ومن جلس جنبها
سمرا تبهج البال والضمير
يازين اسلوبها ومنطوقها
شوفها يشفي الرجل الضرير
ونوعها نادر ولايوجد مثلها"
ضحكت بدلع والتفتت عليه ثم قال بنفس نبىة التحدي
" قلــبي وأعرفـﮧ زين ما ياسع إثنين
واحد ويملك : ما ملك من مشاعر
حبڪ تعدا ...الوصف بالقلب والعين
اكبر من انه يوصفـه شعر شاعر "

صدح صوت ضحكته في زوايا البيت
يلاحقها بنظرة لين اختفت عن مداه ..دخلت غرفتها خذت جزمتها وعبايتها وطلعت

دخلت سارة على خواتها
مرام كانت واقفه قدام المرايا الطويلة تدور حول نفسها وملامحها مافيها اي ذرة رضا
قالت بنفاذ صبر
" مو عاجبني"
التفتت عليها جود اللي كانت قاعدة على السرير تبدل ملابس سلمان وباستنكار اسألتها
" وش اللي مو عاجبك.. !!!!"
" المكياج "
التفتت جود على سارة وقالت بانفعال
" عويض الله من شر اختك ذي اللي بيشيب راسي منها "
فقالت الميك اب ارتست لمرام تسترضيها
" قولي لي شنو اللي مو عاجبك وانا اعدله "
مسكت سارة يد مرام وقالت بحزم
" وش تعدلين ماشاء الله تبارك الرحمن ايدك تنلف بحرير"
ناظرتها مرام فقالت لها سارة
" قسم بالله بينهبل فهاد .. تهبلين ولله تهبلين "
خلصت جود من سلمان حطته في دراجته وجهزت شنطته حطتها في الدراجه من ورا
وقالت " انا بسبقكم للقاعه .. سلطان بيجي يوصلني اللحين "
سارة " تمام.."
ناظرت جود مرام وحضنتها بشويش بحيث ماتخرب مكياجها وقالت
" مع انك حرقتي دمي .. بس يافرحتي فيك اليوم "
مرام " يابعد عمري ياجود جعلني ماخلا منك "
سارة وجود " امين "
الجزء الثاني
سارة وجود " امين "
رن جوالها التفتت عليه وهي تقول
" اكيد سلطان ... يالله انا رايحه "
لبست عبايتها وطرحتها ونقابها ودفت دراجة سلمان وطلعت لسلطان اللي نزل من السيارة واخذ الشنطه والدراجه وحطهم في الشنطه حقت سيارته بينما جود خذت سلمان الصغير بحضنها وركبت السيارة
___
ركبت ثريا السيارة مع ام سلطان والجدة وراحوا القاعه بدري وخذت معها سيف اللي كان لابس ثوب فوقه دقله لونها اسود مطرز عليها اسمه سيف بن سلمان وبس وصلوا القاعه .. كان كل شي مرتب وفخم مثل ما يتمنون واحسن
شويات وتدخل جود شايله سلطان قالت لها ام سلطان
" خليه مع الشغاله انيسه انا جايبتها عشانه شوفيها في الغرفة هناك عند اغراضنا "
خذت جود سلمان وراحت صوب غرفة التبديل
التفتت ام سلطان لثريا
ثريا شوفي سلطان برا خليه ياخذ سيف معه عشان ما يشغلنا
" طيب خالتي ..."
طلعت ثريا وهي ماسكه كف سيف طلت من الباب ولا تشوف سلطان معطيها ظهره  ويكلم جوال قالت لسيف
" روح لعمك سلطان .."
فجأة
سمعت صوت شي انكسر وراها وصوت ام سلطان يعلى على المضيفات راحت تركض صوبها لقت صينية من صواني الكاسات تكسرت
فقالت لام سلطان
" ماعليه خالتي شر وانزاح "
" ان شاء الله ... لموا هالقزاز ونظفوا مكانه زين"
مشت معها ثريا تهديها وهي تشوفها منفعله
الا بدخلت سعاد عليهم سلمت وهي تقول
" مبروكين .. "
ام سلطان
" الله يبارك فيك "
سعاد
" قلت اجي بدري يمكن تحتاجون شي ولا شي "
ثريا
" ماتقصرين ياعمري .. "
لبست سعاد فستان اسود كلوش علاق وخلت شعرها اللي يوصل لكتفها يسترسل على ظهرها
ثريا كانت كأنها من ممثلات الستينات بتسريحتها المموجه و فستانها الفضي القصير الامع وكعبها الفضي
ودخلت عليهم سارة سلمت عليهم ووقفت معاهم الا بجية جود صاحبة الاطلاله الساحرة اللون الاحمر عطاها اطلاله خلابه تدير الانظار لها
رافعه شعرها بتسريحه شينيون فستانها طويل وماسك على جسمها لين عند ركبها ثم واسع كوكتيل توج صدرها عقد سلطان اللي قدمه لها من قبل فزاد اطلالتها فخامه وجمال
ومرت الساعات وهلوا الضيوف .. لين انتصف الليل وحل وقت جيت اجاويد اللي دخلت بزهو رافعه راسها مبتسمه
جميلة سيدة الليلة ..
كل تفاصيلها جميلة مكياجها الهادي البسيط فستانها صاحب الكلوش البسيط بطرحتها اللي نزلت من تسريحتها وتوجت جمالها الطاغي
وبين تصفيقهم لها وعلى ابيات تغنت بجمالها دخلت وتوجت كوشتها بدفا وجودها عليها
وبعدها بشويات دخلت مرام ..