جاني وأنا مالي بالمحبة ميول وحببني بسواليف ماكنت أحبها

من بارت ١٤٦ الى بارت ١٥٠

بارت ١٤٦
الجزء الاول

ماتنكر ان الضيق توسد اعماقها بس تداركت لما شافت ملامح بدر
وغيرت الموضوع وسألته
" ابوي وينه"
اشر على المجلس
" داخل .."
تجاوزت بدر ودخلت على ابوها اللي قال
" يا مرحبا يامرحبا يامرحبا بسلمان "
جلست بجنبه وحطته بحضن ابوها اللي ملت ضحكته المكان وهو يمسح على راس الصغير
" جعل ربي يبارك فيه .. ويرزقكم بره "
جود بخفوت
" امين "
تنحنح علي ودخلت ساره قبله
ومن شافت بدر بخطوات صغيرة كانت بحضنه
" ياعمررررري ولله حمدلله على سلامتك "
" الله يسلمك شلونك عساك طيبه "
" الحمدلله "
التفت بدر لجود وقال
" جود علي برا .."
نزلت نقابها وقامت بينما سارة جلست على جنب ابوها الثاني وهي تبوس راسه ثم تناظر سلمان
" حمدلله على سلامتك ياعيون خالتك"
طلع بدر لعلي
علي " يامررررحباااااااااا"
ابتسم بدر ومد كفه لعلي اللي احتضن كفه بيده ثم سحبه واحتضنه بقوة ..
بدر " مرحبا بك يابعدي .."
علي وهو يبعد ويناظر ملامحه
" شلونك عساك طيب "
بدر " ابشرك طيب وبخير"
"كأنك سمنان .."
ضحك بدر
" حسيتك تقيمني .."
علي وهو يضحك
" يمكن ليش لا امون ولا ما امون "
" على راسي .. ياعلي تمون وعزيز وغالي بعد "
" ماعليك زود "
قرب علي من الباب وقال
" صبحك بالخير ياام سلمان "
جود بخفوت
" صبحك بالنور يااخوي"
" الف حمدلله على سلامة سلمان "
جود " الله يسلمك "
ارتبك يوم شاف سارة شايلته بين ايدينها مقبله عليه
لثواني تعلقت عيونه فيه ثم دخل ايده في جيبه وطلع محفظته وحط في لفته فلوس ورفع عينه لساره اللي كانت غارقه في تفاصيل هالطفل الصغير .. السعادة في وجهها ابتسامتها هدوءها وهي تتأمل هالصغير سعيد هو لسعادتها ..

دخل بدر المجلس وانسحب علي لبيته .. ودخلت ساره لداخل البيت ثم اتبعتها جود
__________
واقفه ومعاها عاملات ينظفون ارضية الشقه من الغبار وغيره
رن جوال ثريا وكان اسم سعاد متصدر الشاشه
" هلا سعاد .."
" يامرحبا .. شلونك ياعمري عساك طيبه "
" الحمدلله حبيبتي انتوا شلونكم عساكم طيبين"
" الحمدلله طيبين وبخير .. ولله اني بتصل فيك وعلى بالي بس مافضيت ما بين الدوام والبيت والعيال هلكت ولله "
ثريا وهي تبتسم
" ابد ولا يهمك .. "
" فاضيه اليوم اشوفك .."
" اليوم لا ولله بيوصل اثاث شقة احمد وتدرين عاد بنشغل بالترتيب وكذا"
" ماشاء الله ليش متى عرسه ؟!"
" الاسبوع الجاي ان شاء الله "
" ماشاء الله تبارك الرحمن عاد احنا من المعازيم ولا لا "
" اكيييييد واول المعازيم بعد "
" هو بيسكن في الرياض؟!"
" اي الحمدلله مبدئيا شرى شقه هنا وشقتنا في الدمام موجودة"

الجزء الثاني

" اي الحمدلله مبدئيا شرى شقه هنا وشقتنا في الدمام موجودة"
" ياعمري عليه بيتشتت بين الدمام والرياض"
" ماعليه فترة وتعدي لين تخلص مرته دراستها ولا هو يلقى نقل لرياض يا رب يلقى نقل ويصير قريب مني "
سكتت لدقيقه ثم قالت
" اي ان شاء الله.. اجل سكري سكري خل اروح اشوف لي فستان حلو لعرس اخوي "
" يالله ياعمري مع السلامه "
قفلت الجوال ورجعت انشغلت بتوجيه العاملات ..
فتح احمد الباب ودخل وهو يسمع صدى صوت ثريا
" السلام عليكم "
" هلا بمعرسنا "
انفرجت شفايفه عن ابتسامه كبيرة
" ماعليك زود "
ضحكت ثريا فقال
" ترى الرجال على وصول .. "
" تمام اللحين بلبس عبايتي وتقريبا هم خلصوا تنظيف "
" تمام ..صدمني ابو سلطان "
سحبت ثريا الكيسه اللي فيها عبايتها
" ليش ؟!"
" اتصل فيني الصباح وقال لي مر علي في المجلس يبيني بموضوع .. عاد كنت فاضي ورحت له لقيت فهاد هناك  تخيلي شنو كان يبي "
ثريا وهي تدخل يدها في العبايه
" ايه تكلم شنوووو؟!"
" حلف علينا انا وفهاد محد فينا يحط فلس في العرس وان العرس كله هو متكفل بتفاصيله "
شهقت ثريا وحطت كفها على فمها
" فشيله.."
" فشيله وبس .. كلمته وفهاد من هناك اننا دفعنا العربون انا وفهاد وحلف علينا ان محد بيتمم دفع التكاليف الا هو .. "
" ياعمري ياعمي ..ولله يا احمد ماقد شفت بطيبته واخلاقه "
" صراحه بيض الله وجهه "
دق جوال احمد اللي من رفعه قال
" يالله البسي طرحتك ونقابك شكلهم وصلوا "
رجع طلع من الشقه وثريا تلبس طرحتها وتربط نقابها من ورا
__________
كانوا جالسين في غرفة محمد اللي كان في قمة الاندماج في فيلم كرتوني
عجزت مهره تندمج معاه.. وهو اللي كل ما صارت لقطه يناظرها ويتحمس معاها
ماغير ما فتر لسانها عن التسبيح والحوقله حاضنه بكفها كف فالح اللي جالس بجنبها وشاد على كفها بكفه الضخم وكأنه يستمد منها الثبات مريحته كلمة لا حول ولا قوة الا بالله من لسانها تتردد على مسمعه من ساعات
وصار يكررها معها بخفوت وهو مسلم لرب العالمين ان مالهم لا حول ولا قوة بعد كل اللي هم فيه
ضربات خفيفه على باب الغرفه ..
حسوها على قلوبهم اللي انهكها الانتظار
البست مهره بشكل سريع الجاكيت الطويل ولفت طرحتها ولبست كمامها ثم فتح فالح باب الغرفه وتنحى يوم شاف الدكتور اللي دخل ويتكلم بالفرنسية
" صباح الخير "
فالح
" صباح الخير دكتور"
"اقترب الدكتور من محمد وقال بلطف والابتسامه تشع في تفاصيل وجهه
" كيف حالك يابطل"
ابتسم محمد وهز رأسه له
التفت الدكتور على فالح وقال
الجزء الثالث