جاني وأنا مالي بالمحبة ميول وحببني بسواليف ماكنت أحبها

من ١١٦ الى ١٢٢

بارت ١١٦
الجزء الاول

طلعت من باب بيت اهلها للحوش لباب بيتها وقفت دقيقه وهي تتأمل هالقرب اللي حمدت ربها عليه وشكرته
ودخلت بيتها لابسه جلابيه طويله عليها ورد جوري احمر وابيض وبتطريز وشك بين الاحمر والابيض والفضي على الصدر
وجهها كان طبيعي الا من روج وكحل وماسكرا
ناظرت نفسهت في المرايه قبل لا تدخل رجعت شعرها لورا ظهرها مسحت عليه قدام ودخلت لصاله
ماكان له حس في البيت ..
دخلت غرفة النوم مافي احد
فجأة
سمعت صوت في المطبخ ..
وعند باب المطبخ
وقفت وهو جالس يسوي له قهوة تركية
حس في احد عند باب المطبخ وهو واقف عند الفرن التفت بسرعه ورجع ثم التفت مره ثانيه وتأملها
من شعرها اللي استرسل وراها لعيونها لي كعبها قطعت تأمله وهي تقول
" القهوة"
التفت على منقلة القهوة اللي كانت القهوة على وشك تفور على الفرن ورفعها بسرعه وقفل النار
" ماتبي عشا "
حط المنقله فس الصينية اللي جهزها مع الفناجيل
مسك الصينية وتقدم لين وقف قدامها وعينه في عينها
" المزاج يبي قهوة ومقابل هالوجه الحسن"
تجاوزها " تعالي "
ومن الصاله طلع برا الحوش حط الصينية على الطاوله وجلست هي قدامه صب القهوة فس الفناجيل وقدم لها قهوتها ثم رفع فنجانه رشف منه رشف ورجعه
قالت بهدوء
"وين رحت ؟!"
" كان عندي كم شغله لفواتير العرس خلصتها ورجعت .. "
بعد لحظة صمت سألها
" كيف كان يومك ؟!"
" الحمدلله .. حلو "
رجع ظهره لورا وهو يناظرها وفنجانه بيدها قالت له بدلع
" علي لا تناظرني كذا "
" ليش ؟!"
نزلت راسها
" احس ... احس انك بتاكلني بعيونك "
نزل فنجانه وحط اكواعه على الطاوله ومال لقدام
" انت مثل الغيم والدنيا مطر
أنسى الناس وأفرح بشوفك

لا جيت صوبي جاني الخير
لو تظل جمبي للأبد ما أعوفك"

حطت عينها في عينه وقالت
"رد و غزل و أفكار شعر و هواجيس
و هموم مدري وش بــلاها تــجـيني
.
ليل وعتب وأشواق حب وأحاسيس
تجمعت في وســط قلبــي وعـيـني"
رفع ايدينه للسما وهو يضحك و يقول
بصوت عالي
" يا سلاااااام "
ضحكت وهي حاطه كفها على مبسمها
جميلة هي البدايات
مغموره بالحب والحنان
ولكن علي كان بينه وبين نفسه يقول لسارة
" ماراح اتجاوز معك يا ساره لهفة البدايات هذا حبي وهذي مشاعر معاك للابد"
______________
الجزء الثاني
بعد يومين في ساعات الصباح الاولى
نزلت جود مع سلطان اللي دخل مجلس الجدة وسلم عليها هو وجود الي جلست بجنبها وسلطان ظل واقف
" اجلس يمك وخذ لك فنجان قهوة "
" لا يمه مستعجل فديتك "
الجدة باستنكار
" وانت كل ماجيتني وانت مستعجل "
ضحك سلطان
" ههههه ما عليه يمه اتقهوى معكم العصر عندي اجتماع وضروري اشوف الاوراق قبل لا يبدأ"
" يمك العمر يخلص والشغل مايخلص دير بالك على نفسك"
" ابشري يالله فمان الله "
الجدة " فمان الكريم جعل ربي ييسر امرك ويحفظك"
جود " الله يحفظك "
رن جوال جود اللي من شافت اسم المتصل الا اشرق وجهها بابتسامة
" صبحك الله بالخير "
" صبحك الله بالرضا ياابوك شلونك"
" بخير جعلك بخير انت شلونك وبدر والبنات"
" كلهم طيبين وبخير اسمعي ياابوك بلغي بو سلطان وام سالم اننا موافقين على فهاد وحياهم الله "
جود وهي تناظر الجدة اللي كانت تشرب فنجانها واذنها عند جود
" ابشر فديتك .. "
" مع السلامه "
" حافظك الله "
قفلت الجوال والتفتت على الجدة
" يمه هذا ابوي يقول حياكم الله متى ما تبون "
الجدة بحماس
" الله يحييه ويبقييه .. كلميه يمك وقولي له بنجيهم الاثنين بعد صلاة العصر "
استغربت جود من عجلتهم وحست الجدة اللي كملت
" يمك فهاد بيسافر الاثنين ويبي يخلص من امر الخطبه عشان يتفرغ لدورته ولا جا بيملكون وبعدها يحددون العرس "
" ابشري يمه اللحين بكلمه واقول له "
______________________
ابو بدر
" طيب طيب ياابوك الله يحيهم "
قفل الجوال والتفت على مرام وبدر اللي كانوا يفطرون معه
"  العرب بيجون الاثنين يخطبون "
بدر
" بهالسرعه ؟!!!"
" يقولون فهاد عنده دوره وبيسافر الاحد"
" خلاص يخليها بعد الدورة "
" وانت مانت موجود ؟!!!"
سكت بدر اللي كان يتحاشى كل تفاصيل هالخطبه يجبره العرف والمفروض ان يكون حاضر ويميل انه يغيب عن كل التفاصيل فهاد عم سلطان وسلطان لا يمكن يفوت خطبة عمه بيتواجهه معه وهو اللي يحمل في داخله غضب ممكن يدمر كل شي واي شي يرتبط بالانتهازي سلطان
اي انتهازي عرف ينتقم منه بدون ما يسفك دم ..
بو بدر يقطع افكاره
" طيارتك الساعه كم ؟! "
" الساعه ١١ بالليل"
" زين لزوم تكون موجود يابدر انت عضيدها اللي مالها غيرك عضيد "
بدر وكف ايده من الفطور
" ابشر يبه ابشر "
بعد دقيقه قام بدر بعد ما انسدت نفسه من طاري هالخطبه
كان متأمل ان مرام ترفض .. شي في داخله كان يقول له تطمن اختك ماراح توافق لما سمع ابوه اليوم يكلم جود انصدم .. ولا عرف له خلاص من هالسالفه كلها الله ييسر الامر ويجيب اللي فيه خير