جاني وأنا مالي بالمحبة ميول وحببني بسواليف ماكنت أحبها

من بارت ١٥٦ الى بارت١٦٠

بارت ١٥٦
الجزء الاول
ومرت الايام
يوم ورا يوم
واسبوع بعد اسبوع
لين انقضى شهرين
كلن انشغل في حياته
احمد سافر هو واجاويد دبي لمدة اسبوعين
فهاد رغم شخصيته الجديه بس مو عارف كيف يلين لما يشوف مرام
مرام صار عندها روتين محبب من الصباح للمساء مهام تخلصها وتقعد طول المسا مع فهاد
مااختلفت مع فهاد البيتوتي لانها متربيه على هالشي ماتحب تطلع الا لضرورة
وفهاد جا على جوها
جود حاولت ترجع المياه لمجاريها مع سلطان و تحضر نفسها لجوله ثانيه ماراح تستلم .. بس لازم تختار الوقت المناسب عشان ماتخسر وكثر الزن يلين الحديد
اما سارة مازالت تترقب هالحمال
عايشه ما بين دعاء ورجا وربي ماراح يخيب ظنها
و مهره انشغلت في تدريس محمد وحياتها الجديدة
بيتها وزوجها وولدها
________

كان محمد جالس مع فالح في الصاله يقرأ كتاب وفالح يسمع له جتهم مهره اللي كان واضح على وجهها التعب
فتح فالح ايده لها جلست بجنبه وحطت راسها على كتفه احتضنها وصار يمسح على كتفها وسمعه واهتمامه لكل اللي قاعد يقراه ولده وبعد ما خلص محمد وقفل الكتاب
" اسم الكتاب يا محمد "
" وحي القلم .. "
" الكاتب ".
" مصطفى المنفلوطي "
فالح وابتسامة الفخر تلوح على مبسمه
" مراجعتك للكتاب "
محمد وهو يقفل الكتاب
" انا توني في اوله بس الواضح انه مجموعة من المقالات والقصص بأسلوب حلو وبسيط "
فالح
" أحسنت ترى الكتاب ضخم ويعتبر صعب شوي عليك "
محمد " انا قاعد اقراه شوي شوي "
فالح " ممتاز "
فلتت منه ونه خلته يلتفت عليها قال وهو يشدد بإحتضانها
" انا من امس قلت لك انتي مو طبيعية"
قالت بصوت خافت
" تعبانه يافالح .."
" بسم لله عليك .. وش يوجعك "
" بطني .. "
ابعدها فالح وهو يحط ايدها على راسها
" مافي حرارة .. تبين اوديك الطبيب "
" تكفى خلني اللحين بعدين نشوف "
رجعت حطت راسها على كتفه
ناظر محمد اللي كان واقف قريب من مهره
" يمه .. تبين اسوي لك شي "
رفعت راسها وعيونها تفضح تعبها
" لا فديت روحك ماابي شي .. انت روح نام الوقت تأخر وبكرا مدرسه"
هز محمد راسه
" ان شاء الله.."
باس راس ابوه وباس راس مهره
" تصبحون على خير "
وانسحب بينما فالح اخذ كف مهره وجلس واحتضنها بيده
" انزين قومي معاي ارتاحي في سريرك الصاله باردة "
" مافيني فالح اتحرك .. تعبانه ولله مدري شلون جيتك اصلا"
قال بمزح من ورا ابتسامته
" من غلاي .. "
رفعت راسها وناظرته
" تنكت .. "
ضحك ثم قال
" تنكرين .."
حوطت رقبته بايديها وقربت منه وهي تقول
" لا ولله ماانكر جعلك في سماي قمر مايغيب وشمس يدفيني وقت الصقيع "
باس جبهتها
" الله يخليك لي "

الجزء الثاني
من ماتت زوجته ما توقع انه ممكن يميل للنساء ولا توقع انه في يوم يحب غيرها ..
ولكن كل اللي صار ماكان الا تيسير الى ان تدخل هالمهره حياته وتقلب الشقا والبأس لفرح وسرور
في نفسه
" ماتدرين انك سعادة اشكر عليها رب العالمين ليل ونهار "
____
مجتمعين كلهم في بيت ابوهم
اتصلت جود ببدر اللي كان توه مخلص دوامه
" الووو بديران"
" اح جديدة هذي بديران .."
ضحكت جود
" ههههههههه وينك ترى جعنا وااحنا ننطر "
" انتي وينك؟!"
" انا ببيتكم"
" انا جاي بالطريق .. منو عندك "
" مامن غريب الثلاثي المرح مجتمعين انا وساره ومرام الحق ما تلحق بنقوم نجهز عشانا وناكل متنا جوع"
بدر
" علي وينه؟!"
التفتت جود على سارة
" يقول علي وينه ؟!"
سارة
" طالع .. "
بدر
" طالع وين مايبي عشا"
جود تكلم ساره
" يقول مايبي عشا"
سارة " لا معزوم على تمايم ولد صاحبه في الدوام "
قاطع جود قبل لا تتكلم
" سمعتها يالله مسافة الطريق واوصل "