جاني وأنا مالي بالمحبة ميول وحببني بسواليف ماكنت أحبها

من بارت ١٣٦ الى بارت ١٤٠

بارت ١٣٦
الجزء الاول
التفت فهاد الا هذا اخوه سالم واقف على بعد كم خطوة منهم وعيونه فيها اسئلة
الكثير الكثير من الاسئلة اولها طرحه وينتظر اجابته
رجع ناظر فهاد سلطان اللي وقف وعيونه فيها رجا لفهاد انه ما يتكلم
فهاد في نفسه:
صعب اللي تطلبه مني ياسلطان صعب
بو سلطان
" فهاد .. انا قاعد اكلمك "
تنهد فهاد ثم التفت على اخوه وقال له كل اللي قاله سلطان له بالحرف الواحد
جلس ابو سلطان وعلى يمينه جلس فهاد والجنب الثاني كان سلطان
التفت على سلطان وقال له
" تبي عمك يخبي علي يا سلطان "
سلطان
" مو هذا المقصد يبه .. بس ماكنت ابي اشغلك واتعب صحتك خصوصا .. "
قاطعه
" وانت منو عشان تحدد اللي يشغلني وما يشغلني .. انا للحين بعافيتي وقادر اشيل حملكم كلكم مثل اول واحسن "
سلطان بنبرة رجا
" ولله ما قصدت يبه الا راحتك "
بو سلطان بحزم
" تدري لو ان العلم جاني من غيركم لا كان حسابي معكم عسير "
سكت شوي ثم قال
" وعمك معاه حق الشرطة لازم تدري باللي صار "
سلطان بخضوع
"اللي تشوفونه يبه.."
" زوجتك شلونها .. "
" للحين ما طلعت من العمليات.."
زفر بو سلطان ثم قال
" البنت اختلعت .. وزين انها وصلت لين هنا "
فهاد وهو يوقف
" الموضوع عندي .. بكلم عبدالعزيز الفهد هو محقق وبعلمه بالسالفه كلها الاكيد انه بيستدعيك وبياخذ اقوالك "
سلطان وهو يسند راسه لورا ويناظر قدامه
" خلني اطمن على جود وكل شي ملحوق عليه "

اقبلت الدكتورة عليهم تلقى لها سلطان وبلهفة وضحت في صوته
" بشري دكتوره زوجتي شلونها "
ابتسمت في وجهه
" مبروك ..جاك ولد زي الفل "
قال بلهفه " وجود..."
" الحمدلله كويسه بردوا "
بايديه الثنتين ومسح وجهه كانه يمسح اثار القلق والتعب اللي احتواه
"الحمدلله الحمدلله .. رب العالمين "
والدكتورة واقفه تناظره بابتسامه وهي تشوف فهاد يحضنه ويبارك له وابوه فقالت قاطعه عليهم اللحظه
" مش عايز تشوف ولي العهد ؟!"
مشت قبله وهو تبعها يسابق خطواتها لين دخلوا جناح الخدج
ومن خلف الزجاج كان في طفل في حاضنة اطفال يبكي
قالت له " اهو ولي العهد "
وخلته يتأمل هالمخلوق الضعيف يصرخ كأنه محتج على توقيت حضوره للعالم كان وده يشيله بين ايديه ويقول له
" لا تخاف انا هنيه اسندك .. واحميك من كل خوف.. ووجع "
طبطبة ابوه على كتفه اسحبته من الهواجيس اللي كان عايشها مع ذاته
سلطان وهو يناظر عمه وابوه اللي كانوا على يمينه وعلى يساره
" سلمان .. يابو سلطان .. سلمان يافهاد"
فهاد "يتربى بعزك يابوسلمان "
اما ابوه اكتفى بأنه يطبطب على كتفه ويمسح دموعه ..حزن على ذكرى ذاك اللي رحل
وفرحه بالسمي اللي وصل
____

الجزء الثاني
ام سلطان وهي تنزل من السيارة وتمسك الجدة
" اجاويد دقي على اخوج شوفيه بأي جناح مرته"
فتحت اجاويد شنطتها وطلعت تلفونها واتصلت
سلطان
" هلا "
" اي جناح انتوا سلطان وكم رقم الغرفه "
" الجناح الرابع غرفه ٩"
دخلوا من بوابة الزيارة ومنها المصاعد صعدوا لدور الثاني قطعوا الاسياب  وبعدها على الجناح الرابع وبس وقفوا عند غرفه ٩ فتحت ام سلطان الباب بشويش كانت الغرفه فاضيه
وجود نايمه على السرير بهدوء ..
دخلوا وكلن اخذ كرسي وجلس عليه
الجدة كانت تعبانه من المشي بين الاسياب.. فكان نفسها يروح ويرجع بس مرت دقايق ارتاحت فيها قالت لاجاويد
" دقي علي اخوك .. شوفيه وينه "
سمعتها جود
ففتحت عيونها بثقل ثم قالت
" يمه انتي هنا .؟!"
قامت الجدة ووقفت بجنبها
" ايه يمي انا هنيه .. حمدلله على سلامتك"
" الله يسلمك .. "
التفتت الجنب الثاني كانت اجاويد واقفه وام سلطان بجنبها
قالت " وين سلطان ؟!"
قالت اجاويد
" للحين ما شفناه جيناك على طول "
رطبت شفايفها بلسانها ثم قالت
" وسلمان ..."
ناظرت الجدة اجاويد وام سلطان اللي بادلوها النظرات بعجب
" اي سلمان ؟!"
قالت " ولدي .. "
لاحظت عليهم الاستغراب فأخذها الظن انه مات
قالت وهي تذرف دموعها
" ولدي فيه شيء .."
سكتوا مو عارفين وش يقولون لها كلتهم الحيرة
بكت بصوتها المكسور
" ولدي ماااات ؟؟!!!!!"
الجدة
" لا حول ولا قوة الا بالله يا بنتي تونا جينا ماندري عنه "
انفتح الباب ودخل سلطان اللي من سمع صوت بكى جود جا ووقف بجنبها مسك ايدها وباسها
" سلطان .. سلطان احلفك بالله العظيم ولدي مات؟!"
سلطان والاستنكار نطق في ملامحه قبل لسانه " اعوذ بالله .. من يقوله"
قالت " محد قاله... قولي هو مات صح "
" لا ما مات ولا شي .. وهذا هو شوفيه "
قتح جواله ووراها صورة وهي تشوفه ودموعها عيت توقف
" اللحين ليه تبكين .. الحمدلله رب العالمين مافيه الا العافيه وحاطينه في الحضانه لانه مو كامل وبس يزيد وزنه شوي بيطلعونه "
مسحت دموعها وهي تردد
" الحمدلله رب العالمين. .."