جاني وأنا مالي بالمحبة ميول وحببني بسواليف ماكنت أحبها

من بارت ٧٦ الى بارت ٨٠

بارت ٧٦
ما أحلل القراءة بدون لايك او كومنت
وعيونه ما فارقتها مرت ١٠ايام وهو مهملته يجي يلقى السخانات على الطاوله في غرفة الطعام يفتح يغرف له وياكل
مافي استقبال من عند الباب مثل اول ابتسامتها اللي كانت تشرق حياته اختفت يسترق اللحظات عشان يقتنصها ولا مو له لعبودي بس
صحيح انها مو مقصره بكل اموره ملابسه مرتبه و مكويه والبيت نظيف اكله كوجود ومتوفر بس ناقصه اهتمامها ورعايتها ناقصه وجودها
خلصت من قراية حطت جلالها والسجادة مكانهم وفتحت كتابها وجلست تقرا فيه
زفر بقوة وقام بعصبية ثم طلع من الغرفة
كان يبي يتكلم معها بس برودها وتجاهلها له يثبط اي محاوله منه لصلح بينهم
نزل لغرفته تحت وسكر بابه وحاول ينام والنوم مجافيه لا هو اللي قادر ينام ولا هو اللي عارف شلون يحلها معها
—
كانت اجاويد صاعده الدرج وسلطان نازل فقالت له
" فهاد عند جدتي "
سلطان " ايه زين جا عشان نشوفه"
توجه سلطان لمجلس الجدة اللي ما خفى عنه انها سكتت لما دخل
سلطان
" من طول الغيبات" وقف فهاد وهو يضحك
" ههههههههه جاب الغنايم"
سلموا على بعض بحراره ثم قال
" شلونك ياسلطان "
"بخير جعلك بخير "
" وينك اتصل عليك ماترد"
" متى اتصلت "
فهاد " امس واليوم "
سلطان
"  كنت راقد "
فهاد باستنكار
" امس واليوم راقد "
سلطان وهو يهز راسه
" هالله هالله"
فهاد وهو يقوم
" اجل قوم معي "
سلطان بتساءل
" على وين؟؟"
فهاد وهو طالع بعد ما باس راس الجدة
"  تخاويني ولا لا "
سلطان وهو يقوم ويتبعه وهو طالع
" بخاويك.. "
فهاد وهو يكلم الجدة
" تمسين على خير يمه "
الجدة
" تلاقون كل خير ياعين ابوي دربالكم على الطريق"
سلطان وفهاد باصوات متفاوته
" ابشري ابشري "
طلعوا من البيت وركبوا سيارة فهاد وانطلق فهاد طالع من بوابة البيت

طلع فهاد من الرياض وزحمتها وقف عند اقرب محطة اشترى لهم عشا واخذ مويه ومشروبات وبعد ماعبى بنزين انطلق من جديد للبر وبس اختار المكان وقفوا على مرتفع وانزلوا من السيارة وشب سلطان الحطب اللي جايبينه ونزل فهاد عزبته اللي ما ينزلها من سيارته وبلش يسوي لهم قهوة
جلس سلطان يناظر النار وسرحان فيها فهاد وهو يزل القهوة على الهيل وعينه علي سلطان اللي كان بعالم ثاني
فهاد
" العلم يا ولد سالم"
ناظره سلطان وتنهد وهو يقول
"حبٍ بين الضلوع باحته عيوني"
فهاد
" ماشاء الله حبها خلاك شاعر "
" لعيونها انسج الشعر أبيات
شي يحكي لوعتي وشي عن معاناتي"
صب فهاد قهوة لسلطان
" تدري يا سلطان عمري ما توقعت انك ممكن تحب"
ضحك سلطان وهو يقول
" ولا انا "
شرب فهاد فنجانه ثم قال
" ولله جت اللي تجيب راسك ياولد سالم"
سلطان مد فنجانه له وقال
" انا اشهد .. المشكله لا عرف الغالي غلاه وقام يتغلى على مغليه"
فهاد
" من تغلى تخلي "
تنهد سلطان ثم كمل فهاد
" مره سمعت ابوي يقول الله لا يبين غلا الغالي وما فهمت وش معنى كلامه فسألته يعني وش يبه قال لي ياابوك الغالي لا عرف انه غالي يتغلى على مغليه "
تنهد سلطان ثم قال
اقسم قسم انه على القلب غالي
واقسم بربي انه اغلى من الروح
وان غاب عني فهو دايم في بالي
ولا جا قلبي على طول مفتوح
فهاد
" ياسلاااام صح لسانك "
سلطان تنهد وهو ماخذه عقله جود
—