"ဆရာမကြီး ဝင်ခွင့်ပြုပါရှင့်"
ကျောင်းရောက်နေသည်ဆိုသည့်အသိကြောင့် ဖြူယဉ်ကျေးစွာပဲဝင်ခွင့်တောင်းလိုက်သည်။
"ဝင်လာခဲ့ ဖြူ"
ဆရာမကြီးရဲ့ခွင့်ပြုချက်ရမှဖြူအခန်းထဲကိုဝင်ပြီးဆရာမကြီးရဲ့စားပွဲခုန်ရှေ့မှာမတ်တပ်ရပ်နေလိုက်သည်။
"ဖြူ့ ကိုခေါ်တယ်ဆိုလို့ပါဆရာမကြီး"
"အေး ဆရာမကြီး ဖြူ့ကိုတာဝန်ပေးစရာလေးရှိလို့"
"ဟုတ်ကဲ့ သမီးဘာလုပ်ပေးရမလဲ ဆရာမကြီး"
"ဒီဆရာမလေးကခုမှဒီကျောင်းကိုပြောင်းလာတဲ့ဆရာမအသစ်လေးလေ"
ဆရာမကြီးပြောမှ ဖြူ့ဘေးကခုံမှာထိုင်နေတဲ့ဆရာမအသစ်ကိုသတိပြုမိသည်။ဝင်လာတုန်းကကိုယ့်အတွေးနှင့်ကိုယ်မို့သတိမထားမိ။
ကြည့်မိတော့မှဆရာမလေးကအတော်လှသည်။အသားဖြူတဲ့ထဲမပါဘဲအသားကခပ်ဝင်းဝင်းလေး ၊ မိတ်ကပ်အစားသနပ်ခါးပါးပါးလေးကလဲပါးပေါ်မှာပနံသင့်စွာ ၊ဆံထုံးပေါ်ကနှင်းဆီဝါဝါလေးကဆရာမနှင့်လိုက်ဖက်သယောင်။အရပ်ကတော့ဖြူ့ထက်ပုမည်ထင်သည်။
"ဖြူ...."
ငေးကောင်းကောင်းနဲ့ငေးနေတာဆရာမကြီးခေါ်မှသတိဝင်တော့သည်။
"ဆရာမကြီးပြောတာကိုကြားလား"
"ဟုတ် .....အဲ့ ......ဘာ..... ဘာပြောလိုက်တာလဲဟင်"
"ဆရာမလေးကဒီကိုအထက်တန်းပြနဲ့ရောက်လာတာ။ခုလောလောဆယ်နေစရာအဆောင်ရှာမတွေ့သေးလို့ဒီကျောင်းမှာပဲခဏနေခိုင်းထားတယ်။အဲ့တာ ဖြူကအဖော်လာနေလို့ရမလားလို့"
"ဟုတ်ကဲ့ ရပါတယ်ဆရာမကြီး။ဖြူညနေပြန်ရင်အမေ့ဆီကခွင့်တောင်းပြီးလာနေပေးပါ့မယ်"
"ရတယ်ဖြူ။ဆရာမကြီးပဲသမီးအမေဆီသွားပြီပြောလိုက်တော့မယ်။သမီးအမေနဲ့တခြားကိစ္စလေးလဲပြောချင်လို့"
"ဟို .....သမီးအဝတ်အစားတွေက"
"ရတယ် ဆရာမကြီးယူလာပေးမယ်"
"ဟုတ်ကဲ့ပါဆရာမကြီး"
ဒီလိုမျိုးကျောင်းမှာနေပေးရတာ ဖြူအတွက်အထူးအဆန်းမဟုတ်ပါ။အရင်ဆရာမအသစ်တွေလာရင်လဲဖြူပဲလာနေပေးရတာလေ။ဒါကြောင့်လဲကျောင်းကဆရာမတိုင်းနှင့်ဖြူရင်းနှီးနေသည်။
YOU ARE READING
အဖြူထည်လေးမို့ချစ်ပါတယ်
Non-Fiction"ဆရာမ ဘာကြောင့်ချစ်တာလဲဟင်" "အဖြူထည်လေးမို့ချစ်ပါသတဲ့ရှင်" အမှားတစ်စုံတစ်ရာပါခဲ့သည်ရှိသော်စာရေးသူ၏ညံ့ဖျင်းမှုကြောင့်ပါဗျ။အမှားပါရင်ခွင့်လွှတ်ပေးကြပါ။
