"ဒေါ်ခင်ဆွေ!!!"
အိမ်ထဲသိုပင် မဝင်ရသေး အိမ်ထဲကချစ်ဇနီးလေးရဲ့ အော်သံကြောင့် ခင် ဒူးတုန်နေမိသည်။တစ်သက်လုံး ဘယ်သူ့ကိုမှ မကြောက်ခဲ့သမျှ ဒီကလေးနဲ့တွေ့မှပဲ ဒူးတုန်တဲ့ထိကြောက်နေရသည်။သူများတွေကြားရင် ရယ်စရာများ ဖြစ်နေလေမလားနော်။
"ကလေးရယ် ဘာလို့ အဲ့လောက် အော်နေရတာလဲ ကလေး အသံနာသွားမှာပေါ့..."
မျက်နှာချိုသွေးကာ အိမ်ထဲသို့ဝင်ပြီး လှေခါးဝမှာ ရပ်နေတဲ့ ကလေးရှေ့ကို လျှောက်သွားလိုက်သည်။
"ရှင် အပိုတွေပြောမနေနဲ့ နာရီကိုကြည့်စမ်း ဘယ်အချိန်ရှိပြီလဲလို့..."
ခင် အယောင်ယောင် အမှားမှားဖြင့် နံရံပေါ်က နာရီကို လှမ်းကြည့်လိုက်သည်။
"သုံးနာရီလေ ကလေးရဲ့.."
"မနက်ဆိုတာ ထည့်ပြောလေ..."
"ဟို မ...မနက်သုံးနာရီ.."
"ရှင် ဒီအချိန်ထိ ဘယ်တွေ သွားနေတာလဲ ဟင်။ဒေါ်ခင်ဆွေ ရှင်ခြေလှမ်းတွေ ပျက်နေတယ်နော်.."
"မပျက်ရပါဘူး ကလေးရယ်။ဆရာမက မိုးသားတို့နဲ့ အတူရှိနေတာပါ။မယုံရင် ဖုန်းဆက်မေးကြည့်..."
"မဆက်ပါဘူး တီချယ်မိုးသားနဲ့အတူရှိနေတာဆိုတော့ကော ဒီအချိန်ထိနေစရာလား ရှင့်မှာ သမီးနဲ့မယား အိမ်မှာရှိသေးတယ်ဆိုတာ မေ့နေတာလား..."
"ဟို အဲ့တာ..."
"တော် တိတ် ဘာမှ လာမပြောနဲ့ ဒေါ်ခင်ဆွေ ရှင့် အပြစ်ရှင်သိတယ်နော်..."
"ဟုတ်..."
"အေး သိရင် အပြစ်ပေးခံရမယ်..."
"သိရင် အပြစ်ပေးခံရမှာလား အာ့ဆို မသိတော့ဘူး အပြစ်မပေးနဲ့နော်.."
"သိသိ မသိသိပေးမှာပဲ ရှင့်ခံရမဲ့ ပြစ်ဒဏ်ကို ရှင့်ဘာသာသိ ခေါင်းအုံးနဲ့စောင် လာပေးမယ် ဒါဘဲ.."
"မဟုတ်ဘူးလေ ကလေး အဲ့လို မလုပ်ရဘူးလေ.."
ခင် အော်ပြောနေလဲ ကလေးကတော့ ဂရုမစိုက်စွာ လှေကားပေါ်သို့တက်သွားလေပြီ။သွားပြီး ဒီညတော့ ခင် ညစာငတ်ပြီ။
YOU ARE READING
အဖြူထည်လေးမို့ချစ်ပါတယ်
Non-Fiction"ဆရာမ ဘာကြောင့်ချစ်တာလဲဟင်" "အဖြူထည်လေးမို့ချစ်ပါသတဲ့ရှင်" အမှားတစ်စုံတစ်ရာပါခဲ့သည်ရှိသော်စာရေးသူ၏ညံ့ဖျင်းမှုကြောင့်ပါဗျ။အမှားပါရင်ခွင့်လွှတ်ပေးကြပါ။
