قضية شرف

قضية شرف البارت الاول

مساء الورد على أحلى ورود
اليوم قصة جديدة ويارب تنال إعجابكم
تحياتي
الكاتب مرتضى الهاشمي
قضية شرف
البارت الأول
ملاك
بنية كلش حلوة جمالها طبيعي بدون أي عملية تجميل  ولا نفخ عمرها 24 سنة عدها اخت وحدة  أختها إسمها رهف عمرها 22سنة
أهلها متوسطين الحال
متزوجة من ولد إسمه مهند ما صار هواي على زواجهم غير 5 اشهر وطلع سافر وطولت سفرته 3 اشهر
ابو مهند رجال عنده شركة سياحة وسفر ويسوي سفرات سياحية لهواي من الدول وإضافة إلى حملات العمرة و هو كلش متدين وحازم
ابو إسمه أحمد ويصيحوله حجي أحمد وعنده غير مهند فراس أبنه الچبير متزوج من بنيه إسمها ساره ومخلف منها ولد عمره سنه
و سامر إبنه الصغير عمره 19 سنة بس كلش مدلل ومستهتر وعدهم أخت إسمها حنين  عمرها 24 سنة متزوجة  وعايشة ويه زوجها
ما اريد اكتب أكثر التفاصيل راح تعرفوها خلال الأحداث
الحجي احمد كاعد الصبح على ميز الطعام و إبنه فراس كاعد
ساره و ملاك يحضرون الريوگ  ويخلو على ميز الطعام
حجي احمد يله بابا سمو وأكلو بسم الله الرحمن الرحيم على أوله وعلى آخره ألف الحمدلله والشكر على هذه النعمة الفضيلة
بعد ما اكل اول لگمه يسأل البنات
وين سامر ليش منزل يتريگ
ملاك تباوع على ساره وميحچون
حجي احمد شنو سؤالي صعب ليس متجاوبون
فراس يابه قابل إنت ما تدري سامر عمره مگعد الصبح وتريگ
حجي أحمد مو واعدني يبطل سهر ويرجع لدراسته
فراس يابه الله يخليك هو عمره 19 سنة والثالث بعده مناجح منه يا مدرسة تلفي
حجي احمد يصير عصبي
استغفرالله ياربي هذا الولد تعبني بكلشي ما فالح صوچي أني دللته هواي من ماتت أمكم الله يرحمها من باچر ينزل للشغل لازم أربي من جديد
فراس يا شغل فدوة اروحلك يابه شغلنا أغلبيته بنات وحتى اليراجعونه بنات هذا غير يسويلنه مشكلة ويومية يتحارش بوحدة
ملاك بعصبية
وأني أگول مهند ليش ماخذ راحته وعايفني بعدني عروس وصارله 3 أشهر مجاي للبيت ثاري الجو حلو هناك وبنات و أني عايفني مصدگ خلص شهر العسل ورجع للشغل
حجي احمد بنتي مهند وفراس يعرفون شغلنا كلش زين إحنا نجامل صحيح بس منصاحب بنات أول شي حرام وثاني شي البنات يصيرن سبب بخسارتنا إحنا عدنا قاعدة البنات ميدخلن بشغلنا والموظفات إلي عدنا حتى الزبون يشوف الوجه إلي يريده مو يجي يباوع عليه لو على فراس چان الزبائن طفرت وحتى خسرنا
فراس يضحك هههههه
اي ولله يابه أكثر الشي يجذب الزبائن بسبب البنات الي عدنا
ملاك زين عمو ليش مسافر بمكانه فراس على الأقل هو مو عريس لتضوجين مني ساره بس اريد اعرف شعجب مهند إختارو يسافر
حجي أحمد بنيتي مهند هو هذا شغله شلون دليل سياحي هو يهتم بالمسافرين و يعرف هواي أصحاب فنادق وبديله صار عنده ظرف ومهند إنجبر يبقى 3 أشهر هو ما ضل شي ويرجع كلها 3 ايام
ساره عوذه تحسبين على رجلي عيني عينك شگد صلفة
ملاك مو قصدي ساره بس اني عروسه و مشبعت من زوجي
حجي أحمد بعصبية شتقصدين بهاي الكلمة
ملاك اقصد يعني مشبعت من حنيته من شوفته ليش صرت عصبي عمو ترى مو قصدي شي
حجي أحمد وزني كلامچ من تحچي مره ثانية عدنا ولد مراهق و مفتح باللبن ما اريد يسمع هيچي كلام منچ وبعدين شنو هذا اللبس إلي لابسته دلع وشعرچ ناثرته و ومشسوره من الصبح
ملاك عمو على الثوب ترى لابسه روب فوگا و سامر مو بالبيت بس إنت وفراس وإنت تدري فراس أكثر من أخوية وشعري شسورته لمهند
حجي أحمد ليش هو مهند يمچ
ملاك عمو غير 24 ساعة نتخابر يعني تريدني عروسه ويشوف شعري مكفش
حجي أحمد بعد من لتشسورين شعرچ و سامر هنا لو طلعين بالحجاب لو مطلعين الغرفة أصلا
ساره شنو القضية عمو ترى سامر مو ساقط لهاي الدرجة
حجي أحمد أني ما اقصد ساقط بس ليش نخلي النار والبانزين سوه خل كل واحد نبعده أحسن لا تصير نار ومحد يگدر يطفيها
فراس أني أترخص أگوم أروح للشركة تأخرت
حجي أحمد الله وياك وليدي أني جاي وراك
ساره تگوم ويه فراس تنطي المنشفة حتى ينشف أيده بعد ما يغسلها
حجي أحمد ليش ما اكلتي بنيتي شنو بعدچ زعلانه لأن اخذت منچ مهند للشغل
ملاك أني مال زعلانه إي زعلانه بس يله من يجي يهون عليه و الزعل يروح بس بخصوص الريوگ ما أشتهي نفسي تلعب
حجي أحمد ليش مريضة بيچ شي
ملاك لا عمو لعبان نفس عادي
حجي أحمد أني اروح الحگ فراس ياخذني ويا يوصلني نسيت سيارتي من البارحة عاطلة يم الفيتر
ملاك بالسلامة عمو
وسام (خطيبب رهف وزميلها بالكلية )
شايل وردة بيده ويخليها على خد رهف
صباح الورد على احلى وردة
رهف بخجل صباح النور شلونك وسام
وسام شبيچ شو خدودچ حمر
رهف حرجتني گدام الطلاب هسه شيگولون علينا
وسام حبيبتي وخطيبتي شيگولون يگولون
رهف روح لحگ المحاضرة لا هم ترسب
وسام أرسب سنة و ٢ و١٠ هم شعندي گمر وخاطبها وراح تصير مرتي
رهف تضحك هههه
بس أني ما احب الكسلان
وسام متحبين الكسلان شبيچ لعد ميته عليه
رهف ولك أني ميته عليك
وسام شنو تنكرين
رهف بخجل
لا ما انكر واموت عليك يله روح للمحاضرة كافي متشبع غزل
وسام جوعان حب وغزل شبعيني
رهف أني أگوم أروح للمحاضرة أحسن همزين أني وياك مو نفس القسم چان شخلصني من لسانك
وسام تعالي ولچ گبل لا تروحين شبي لساني
رهف عسل يله عوفني كافي خل ألحگ على المحاضرة
الظهر ملاك وساره يحضرن بالغده
سامر يصحى من النوم ويصيح كل صوته
صبااااااااااح الخير
ملاك ولك يا صباح صارت الدنيا الظهر وإنت هسه گعدت
سامر ما عندي شي دياحة و سفر و إعتداء على المواطنين شعندي كاعد من وكت أصلا حتى نوم الظالم عباده
ساره ولله اليوم ابوك تحلفلك يريد يطلعك ويا للشغل
سامر اي يا الله خل اشبع سفر براسه
ملاك يمكن بمقر الشركة مو تسافر
سامر عادي هناك بنات حلوات مثلچ اصاحب فد 10 منهن
ملاك يعني ماكو فايده منك حياتك شنو بس شرب وبنات
سامر هسه يله عيني قابل لوحدي اشو إبن خالتچ يوميه يسهر ويايه
ملاك منو فهد أصلا هو ميشرب
سامر اي ميشرب بس يدخل الملاهي ويانه عادي ومن نشرب يخلص المزة مالتنه أكثر شغلة أكرها بي
ملاك يعني جاسلكم
سامر وعن قريب أخلي يشربه بالقندرة بس صبريلي
ملاك عفيه هذا مؤدب لتخربه
سامر اووووي عيني مؤدب ولچ هو لو مؤدب يمشي ويايه
ساره وملاك يضحكن
ملاك ولك إنت شنو لسانك متبري منك
سامر أني أبوية متبري مني بقه على لساني يله عاد سوولي ريوگ جعت
ساره إنتظر شوية ويصير الغده
سامر تعالي ملوكه إنتي سويلي ريوگ هاي خل تولي كلشي متسوي تريديني اكل الغده قبل الريوگ شتريديني أگول لمعدتي
ساره ولك خل اركز بالطبخ  راح اخلي الشكر بمكان الملح بسببك
سامر وشمسوي أني
ساره بس تضحك بينا ومتسكت لكلكلكلكلك كافي
سامر جبتيها عدلة بس سمعي
يشغل أغنيو محمد سالم
ما تتعب من لكلك لكلك لكلك لكلك لكلك لكلك
سامر يرگص ويريد يركصهن ويا
ملاك ولك ولي منا لا بالچفچير ولله إذا اجه ابوك وشافنا نرگص لا يهجم البيت على راسنا
سامر لو أخليچن تجن الدرب وتلعبن دمبله ويايه لو أهججچن مثل ما هججت حنين وزوجتها
ساره يعني وين تريد تهججنا إحنا متزوجات وبيت رجولتنا
سامر أطلگچن واخلي إبنچ شبل يبيع مي بالتقاطعات والعالم تصدق عليه
ساره تركض ورى بالچفچير ولك إنت متجوز من عدنا اله اليوم  افشخك بالچفچير
مهند فاتح بث مباشر بالسيارة
اليوم أخر يوم من الرحلة  وباچر نغادر إن شاءالله نريد نشوف رأي الشباب بالرحلة
واحد من الشباب رحلة كلش ممتعة وتونسنا
مهند شتحب تنصح العوائل والشباب يجون ويانه بالسفرة الجايه
يرد عليه احب اگللهم متندمون و كله رگص وغنه وونسه ويغني
أنه المسيچينه أنه
مهند يضحك ههههه نكمل ويا باقي العوائل ها صدگ متابعينا بالبث عدنا فقرة أسئلة وأجوبة وهدايا إثناء الرحلة
ليان تدخل على الحجي احمد لمكتبه
(ليان سكرتيرة الحجي بالمكتب وتعرف كل أسرار الشغل ويعتمد عليها هواي )
حجي أحمد يعني هذا حچي ليان ليش مشاركتي البث مال مهند على صفحتچ الخاصة مو تدرين إحنا نعتمد على المتابعين مالتچ هواي
ليان حجي مو إنت منعتني أطلع وياهم سفرة بعد ما تزوجتني
الحجي احمد اي عفيه صيحي بعد خل يسمعوچ أني متزوجچ وگولي بالسر هم و زواج مؤقت
ليان أني حبيت أذكرك ليش منشرت على صفحتي
حجي أحمد أني كتلچ لا طلعين سفرة مو لا تنشرين على صفحتچ وبعدين حتى لو تصورين روحچ عادي مادامچ ملتزمة بحجابچ
ليان بإستهزاء ليش الديانه عندك بس الحجاب
حجي أحمد ليش شتقصدين أني أروح اتوضه واصلي أحسن ما اجادل وياچ يسبح بالسبحة وهو طالع من المكتب
استغفرالله العظيم و اتوب اليك أستغفرالله العظيم و اتوب إليك
ليان بعد ما طلع الحجي جوه كل شعرايه شيطان عباله سوالف الربا ربه ميدري بيها
ملاك تطلع من الحمام ودموعها بخدها تتفاجيء سامر كدامها
شعندك واكف باب الحمام
سامر أنتظرچ طلعين حتى أسبح
ملاك بعصبية
منتظرت بالإستقبال الا باب الحمام
سامر هسه ديله فوگ ما صارلچ ساعة تسبحين وبعدين شبيچ تبچين
ملاك إنت معليك والمرة الثانية من اشوفك باب الحمام وأني جوه اكسر رجلك
ساره خير شبيكم تتعاركون
ملاك لا ماكو شي بس أبو بريص شفته وخوفته بالنعال بس يجي يمي ادوسه
سامر لتحچين حچي زايد ترى مباوعت ولا الي نيه أسوي شي المشكلة إنتظرت بالباب بعد ما أوكف هنا إرتاحيتي
ساره يله ولي إسبح تعالي ملوكه يمي
شبيها عيونچ  حمر تبچين
ملاك ما أعرف شگلچ خايفة
ساره من شنو خايفة
ملاك بيني وبينچ عفيه بس يجي مهند أروح للدكتورة
ساره ليش خير بيچ شي
ملاك صار فوگ الشهر  ١٠ ماكو و لا نزلت وهسه فحصت روحي هم ماكو شي
ساره هي شنو الماكو
ملاك شبيچ ساره العادة الشهرية
ساره ليش ضايجة حبيبتي يمكن حامل
ملاك شبيچ ساره نسيتي مهند مسافر وأني غسلت ورى ما راح مهند مرتين
ساره عزى العزاج ولچ بس اوگفي يجوز إلتهابات أو شي وگفتها أو أخرتها
ملاك ما أعرف راح أتخبل حتى ما أعرف شگول لمهند من يجي
يتبع البارت الثاني