قضية شرف

قضية شرف البارت السادس

أحلى ورود
آسف على التأخير بس مثل ما واعدتكم بارتين اليوم أنزل و اخذت وقت من عندي بالكتابة من اربع ساعات تقريبا وهسه كملتها بسبب أكتب وارجع امسح واعدل على الأحداث حتى تنال إعجابكم
لا تنسوني بالتفاعل التعليق والمتابعة للصفحة أكثركم ممسوين متابعة
تحياتي لكم
الكاتب مرتضى الهاشمي
قضية شرف
البارت السادس
مرتضى الهاشمي
بعد ما صيحت رهف البنات يلتمن عليها و يكتلنها
هند هسه احسلچ بعد ما زورگنه وجهچ گعدي عاقلة وإستچني لا بعدين حتى عذريتچ تخسريها
رهف شنووو ليش اكو وياكم ولد هنا
هند ههههههههههاي
حبيبتي مبينه على نياتچ عدنا هنا بنات الولد يخافون منهم
رهف عفيه ولله أني فقيرة و بت ناس الله يخليچ لتأذيني
هند مبين عليچ فاهية بس مو مال تكتلين تعالي سولفيلي شنو قصتچ
بعد يومين
الضابط يحقق ويه فهد وشادين عيونه
وين چنت تلتقي وياها
فهد گتلكم ملاك مثل أختي
الضابط ينتل فهد بالكهرباء
ولك أجنزك هنا إذا متحچي كل الأدلة تثبت إنت عندك علاقة وياها
فهد يصيح بسبب النتل
اااااااااخ أخ ولله العظيم ما عندي شي وياها
الضابط باچر تصعد محكمة انت وسامر وإذا ما إعترف واحد منكم عدكم خيارين أما اليوم أخر يوم بعمركم لو طلعون مخاببل وإنتو إختارو بعد
فهد سوو تحليل للجنين وشوفوا إبن منو وتأكدو أني ما عندي معلومة
الضابط ولك منو علمك هاي الدروب هاي سوالف المحامين متعبرها عليه
يشبع بي ضرب اليوم توقع غصبا ما على راسك الإعترافات محضرها
فهد أكتلي وموتني هنا ما أوقع على كل شي
أم ملاك يمه رهف الحمدلله على سلامتچ
رهف تباوع عليها بحقد وتدخل جوه لغرفتها
ابو ملاك يصيحها
بابا رهف لتضوجين مني
رهف تطلع من غرفتها و تضحك بإستهزاء
أني ما اضوج منك لأن إنت مو أبوية وحتى لو چنت أبوية فأني متبراية منك
ام ملاك ماما عيب هيچي تحچين ويه ابوچ
رهف إنتي اخر وحدة يحچي على العيب تگدرين تگليلي ليش مسويتو فاتحة لبنتچ لو عار حتى لو چانت زانية من صدگ چان مشمرتوها هاي الشمرة
ابو ملاك بنيتي إنتي بنتي وأني حبيتكم إنتي وأختچ مثل بناتي وماقصرت وياكم بس ملاك نزلت راسي للگاع خليني ساكت  ما اريد احچي لو نسيتي أختچ متعرف اصلا  منين حامل لعد شگد خانت مهند
رهف لا تحورون الكلام بكيفكم المرحومة متعرف شلون صارت حامل
ام ملاك بنتي أني مره ومتزوجة ومن تزوجين راح تعرفين ماكو وحدة متحس اكو واحد نايم وياها حتى لو چانت ميته بس ملاك چانت تخون مهند ويه فهد لو غير فهد الله اليعلم بس مو معقولة اكو واحد ينام وياها وتصير حامل وهي متدري
رهف وبكل بساطة تحچيها ولا عبالك بنتچ و تبچي وتگول كتلوني بس اريد اعرف منو سوه وياي هاي العملة نفرض كلامچ صح ليش مسويتي فاتحة
تستنكفون حتى تسوون فاتحة
ابو ملاك وشنگول بالفاتحة بتنه ماتت لأن باعت شرفها
رهف مو گتلك إحنا مو بناتك صدگ أريد أگلك شلون ربيتنا و أبوية منو
يسكتون وواحد يباوع على. الثاني
رهف ليش ساكتين متجاوبون ولله اكتل روحي إذا متحچون
أم ملاك راح كلشي اگلچ
أني چنت مزوجة واحد قبل أبوچ و چان سكير و يدور بنات  وگلت ميخالف ورضيت أعيش ويا وچان يضربني ويعاملني بذلة چنت راضية وساكته لأن غني وعنده فلوس وبيوت  وگلت أصبر حتى أگدر اوفر حياة حلوة ومستقبل مضمون  الچ ولخواتچ
رهف شنووو اوكفي شنو خواتچ عندي اخت غير ملاك
ام ملاك اي عندچ أخت توم ويه ملاك
رهف وينها
أم ملاك عفتها يمه بس إنتو گدرت أخذكم إنتي و ملاك بعد ما عرفت بي يشتغل ويه سامكو والدولة صادرت كل أملاكه گلت بعد إلمن متحمله الذل والعوز ويخوني بفراشي وحتى منعوكم تصير جنسية إلكم لان ابوكم حرمو حتى من الجنسية أخذتكم بليلة سودة لحد ما تعرفت على ابوچ وتزوجني ودفع دم گلبه حتى يتبناكم   ويسجلكم بإسمه
رهف تبچي وبابا وين
إم ملاك ابوچ إنسجن بعد كلشي ما عرفت عنه شي وحتى أهلي وصيتهم ميجيبوله طاري عني إذا شافهم هو لو واحد من أهله
رهف واختي الثانية
ام ملاك تبچي لا تزيدين جروحي كلشي ما اعرف عنها
رهف تبچي وتصيح بيها
يعني مو جديدة عليچ تعوفين بناتج وأني شوكت ناوية تعوفيني وتتبرين مني شوكت گليلي شوكت
ابو ملاك إنتي بنتي وما اعوفج بيش قصرت وياكم بشي
رهف بإستهزاء
لااااااا حشاك أبد ممقصر ولا حرمتني من اختي ولك إنت عرفت ليش الله منطاك خلفة لأن حتى متظلمهم
ام ملاك ولچ كافي عيب هذا ابوچ وغصبا عنچ
رهف لا مو أبوية واريد منج أدليني بيت أبوية الصدگ
ام ملاك بيته الدولة صادرته وهو بالسجن
رهف أريد واحد من بيت عمامي بيت جدي
أم ملاك لو تموتين ما أگلچ
ابو ملاك من حقچ بنتي أني ادليچ بس صار فترة طويلة شالو منه
رهف اي أريد إنطيني العنوان
بالمحكمة
القاضي إنتي زوجة فهد
رسل  نعم حضرت القاضي
القاضي حطي إيدچ على كتاب الله وگولي ولله العظيم اقول الحق
رسل  ولله العظيم اقول الحق
القاضي شنو علاقة فهد بنت خالته ملاك
رسل  دموعها تنزل
أكثر من أقارب
القاضي شلون يعني
رسل  ما أعرف بس اني كزوجة أحس ملاك مشاركتني بزوجي حتى بنص الليل يروح للبيت يمهم بحجة يگعد ويه سامر حمى ملاك و من غير طلعاتهم وطباتهم وتجي لبيتنا أكثر ما تروح لبيت اهلها
من يشوفها أحسه متغير عليه بمعاملته ويايه وحتى ميگلب فراشه و كل ما نروح لمكان صدفة نشوفها بوجهنا وكإنما متواعدين هاي من كبل الزواج وبعد الزواج هم ونوبات تجي للبيت وأني مموجودة
تبچي أكثر
القاضي عندچ اقوال ثانية
مرت فهد لا سيدي
فراس بشر حجي شگال القاضي
حجي أحمد يحضن سامر ألف مبروك وليدي البرائة الحمدلله الله جاب حقنا وبين
سامر يبچي يابا تبهذلت وانواع الكتل كتلوني
فراس يحضنه الحمدلله عدت وانت رجال و گدها
مهند الحمدلله على سلامتك سامر حبيبي
حجي أحمد هذا منو جاب موسيقى
فراس أني حجي بمناسبة براءة سامر
مهند چان إنتظرت بس ناخذ ثار ملاك من فهد
حجي أحمد الموسيقى هسه تروح مو لخاطر ملاك ولا مهند هذا الشي حرام و سامر من اليوم وماشي تنزل للشغل وأريدك واحد ثاني لا بعدين اتعامل وياك غير تعامل
سامر صار حجي
فراس حجي شصار من قضية فهد سألتك وما جاوبتني
حجي أحمد القضية سرية و ينتظرون يطلع نتيجة الدي أن اي من الجنين بعدها نعرف هذا الجنين منو أبو
فراس ترى مبينه ابو غير فهد
حجي أحمد القضية سرية و منعرف شنو الصار من تحقيقات بس يگولون نتيجة التحليل كلشي يتأكدون بي ومنو يگول فهد سواها يجوز يطلع بريء
فراس صدگ تحچي حجي إذا فهد بريء منو سواها
مهند اليوم بليل نعرف شلون نتعامل ويه أهل فهد
حجي أحمد شتريد تسوي والبيت بس نسوان عيب وحرام تتهجم على نسوان أني ما ربيتك هيچي
مهند أني دزيت گوامة لأهله و محد إجه أني أريد حق مرتي منه بيدي مو بالقانون
حجي أحمد مو بكيفك فراس أترجاك يابه خل نتصرف هذا شرفنا حتى لحد يندگ بشرفنا مره ثانية
بليل يهجمون على بيت فهد ويدكو بالطلقات و يكتبون عليه مطلوب دم
أم فهد بقت لوحدها بالبيت لأن مرت إبنها طلعت زعلانة ورى المشكلة
تطلع ام فهد
هاي شيمتكم تتهجمون على مره
مهند أني رايد حقي و حقي يمكم ولأن مره اليوم اعوفچ بس مره ثانية إذا لكيت اي واحد هنا أكتله البيت يحترك على روسكم ومطبوله الا تگعدون على الحگ
ام فهد تبچي
وين اروح منو بقالي بس فهد و راح بالسجن
مهند عمامه خواله وين ما تروحين روحي وگولي لعمام فهد يجون يترجوني ويكعدون على الحگ
بعد إسبوع رهف تروح للكلية و لابسه اسود الطلاب اليعرفون بقضية اختها محد يتقرب إلها ويباوعون عليها لأن واحد يگول للثاني على قصتها وياشرون عليها
رهف تبچي وتمشي بالكلية حتى تشوف وسام ويهون عليها
إدگ عليه ميجاوب تروح للقسم مالته و تشوفه گاعد على المسطبة
رهف شلونك وسام
وسام بكل برود هلو رهف
رهف ليش مسألت عليه كل هاي الفترة
وسام مشغول بالدراسة
رهف إنت عمرك منشغلت بالدراسة
وسام تغيرت بعد ما شفت العالم تغيرت أني هم قررت اتغير واصير مثلهم مثل الحربة كل شوية لون
رهف دمعتها بعينها وضامه البچيه وتشهك
شتقصد وسام
وسام قصدي واضح وهموم الدنيا فوگ راسي عوفيني فترة وبعدين نرجع
رهف لا إلمن شايل هموم الدنيا فوگ راسك وتتهرب مني ولا سألت عني كل هاي الفترة
تنزع الحلقة وتگله
تفضل هذا اكبر هم راح أخلصك منه
وسام ساكت وميجاوبها 
رهف تبچي حتى بالچذب متگول لا و لو بالچذب إحچيها هالگد صرت مكروها عندك
وسام قدري وضعي إحنا بزمن مو مال واحد يفكر بعواطفه شتريدين أگول لأطفالنا باچر عگبة خالتكم إنكتلت لأن خانت رجلها
رهف لا مقدرة وضعك و يجي يوم وأثبت برائتها أني اشكرك اشكرك هواااااي
تبچي وتروح تطلع من الكلية
يتبع البارت السابع