قضية شرف

قضية شرف البارت العاشر

قضية شرف
البارت العاشر
الكاتب مرتضى الهاشمي
حياة مخربطة الكنتور كله وصايرة هوسه بالملابس
رهف هاي شنو تسوين وليش مهوسه الدنيا كلها
حياة باچر المقابلة بالشغل أريد أطلع أنيقة واحلى وحدة تدرين إعلامية وكذا راح اصير  وهي تضحك
رهف تعالي أنطيچ مني قاط نسائي يخبل أنيق و حلو و رسمي
حياة اي عفيه اريد شي حلو ذني كلهن لابستهن أريد شي حلو وجديد
رهف ملابسي وين
حياة نسيت أكلچ أني رتبتها إلچ بالكنتور
رهف تسلمين حبيبتي تعالي وين يا خانه
حياة تفتح باب الكنتور هذا إلچ والباقيات علگتها إلچ
رهف هذا القاط شوفي شكد حلو
حياة الله ولچ هذا يخبل منيلچ
رهف ملاك الله يرحمها إشتره إليه متأكده راح يطلع يخبل عليچ لأن إنتي تشبهين ملاك ومن مرة لبسته طلع عليها يجنن
حياة الله ولچ هذا أخذه ما أنطي إلچ عجبني
رهف تضحك تدللين حبيبتي
صدگ أني باچر أجي وياچ للمقابلة
حياة حبيبتي مو زين عليچ إرتاحي
رهف ترى صارلي ١٠ ايام من طلعت من المستشفى كافي دلال
حياة اطلب منچ طلب
رهف گولي حبيبتي
حياة تنزعين الاسود
رهف ما انزع الاسود الا أحني گبر أختي برائتها و أخلي الدنيا كلها تعرف هي بريئة
حياة وعد مني باچر أول خطوة بس أنقبل راح اسوي إلها برنامج خاص يتكلم عن ملاك و أسمي أسمي اسمي صدگ شنو اسمي البرنامج
رهف تضحك هههههههه
حبيبتي هسه إنقبلي والله كريم
ساره بعد ما نظفت البيت توصل يم غرفة ملاك والفضول كاتلها تريد تعرف ليش محد يخليها تدخل للغرفة خاصة مهند
ساره تحچي ويه نفسها
محد موجود هنا خل ادخل بحجة أنظفها و أنبش بغراضها وهم فرصة أخذ سيتات النوم شنو شامرها هناك محد يلبسها
تفتح الباب وتدخل وتگوم إدور بغراضها وملابسها كلشي متلگه
ساره خل أخذ السيتات مال النوم كلشي ماكو ضامي عليه بس لو اعرف ليش ميخلوني أدخل للغرفة چان إرتاحيت
اووووووي هسه اني ليش هيچي فضولية خل أخذ السيتات واطلع
وهي تجر سيتات النوم تسمع صوت الباب مال الإستقبال ينفتح
عزى العزاني هذا منو إجه
ساره ترجع الملابس بالكنتور بس تسمع صوت شي يوگع بالگاع
الظاهر من شالت الملابس شايله الدفتر وياهن ومن رجعت الملابس وگع من إيدها للگاع
تعوف الملابس و تقره الدفتر كاتبه عليه
مذكراتي
تفتح أول ورقة كاتبه بيها
يا قارئ كتابي إبكي على حالي بالأمس كنت معكم واليوم تحت الترابي
تفتح الصفحة الثانية
أني ملاك مواليد ٢٠٠٠ دفتر مذكراتي كتبته اول ما خطبني مهند صح مو عن حب و زواج تقليدي بس كلش حبيته شفت بي حنية ما شايفتها أبد
راح احچيلكم عن خطوبتي وبعدين عن زواجي
تسمع صوت سامر يصيح
ساره وينچ ليش محد ماكو بالبيت
ساره تتخربط كل أمورها
وتسوي نفسها مو بالبيت حتى سامر ميشك بيها هي بالبيت وتحاول مطلع اي صوت
ورى شوية سامر يصعد فوگ ويصير هدوء بالبيت
ساره يارب كون شبل يبقى نايم و ميگعد بين ما اطلع من الغرفة
تطلع ساره وبيدها دفتر المذكرات وتسد باب الغرفة على كيفها
تروح ساره إدور على سامر وين حتى تتأكد منه طلع لو لا
تتفاجئ بسامر گاعد يشم مخدرات  بغرفته
ساره تصيح عليه وتشمر المخدرات من عنده
شجاي تسوي شنو هاي البيدك
سامر يرتبك ويخاف يگللها
إنتي وين چنتي دورت عليچ بغرفتچ وبالحمام إنتي ماكو بس شبل نايم وين چنتي
ساره شنو حضرتك تدخل غرفتي من ورايه وشسوي إدور عليه بغرفتي يجوز چنت نايمه و مكشفة مو مانعة عليك تدخل غرفتي ولا إنوب إدور عليه بالحمام
سامر شبيچ ساره چنت أدور عليچ لگيتچ ماكو
ساره ممنوع تدخل غرفتي أني مو ملاك وتنتظرني باب الحمام وتباوع عليه ترى اني ساره ما اتخلى بالعب
سامر شبيچ ساره ترى مالي قصد بكلشي وأني ضل بالي عليچ
ساره ضل بالك عليه لو تريد تشم براحتك تاليتك شمام ولله لا أگول للحجي عليك
سامر گليله إنتي مره گليله أني شمام و أشم من زمان إلي يروح الملاهي شتريدي يطلع ملا وخليها بالچ تشوفين مني عمرچ ما شايفته بس تحچين
ساره أني أعلمك سامر طلع كل مصايب البيت من جوه راسك
سامر شسوين سوي بالمناسبة هذا الدفتر البيدچ شنو
ساره ترتبك هذا اااا أريد العب بي شبل
سامر شبل يفتهم ويكتب ويقره ليش تلعبي بدفاتر مال كبار
ساره إنت معليك
سامر يجر الدفتر منها ويقرا
هاي شنو مذكراتي و كاتبتها ملاك يعني تجسسين علينا مووو وتبوگين بغراض ملاك
ساره لا ولله ما ابوگ أني مو نگسه مثلك
تاخذ الدفتر منه وتگله
جيب الدفتر خلي يمي
سامر
الدفتر يبقى يم مهند
ساره لا يمي وإذا تتقربله لو تاخذه أگول للحجي إنت تشم
سامر الدفتر يبقى يمي وميطلع و اذا إنتي مره گولي عود للحجي لا افضح بوگاتچ و دخولچ لغرفة ملاك  وراح يطلگچ فراس صيري حبابة و إنطيني الدفتر اليه ولا تحچين حچي زايد
ياخذ الدفتر ويطلع بره ويصعد بالسيارة
المحامي يحچي ويا فهد
جبتلك أمر من القاضي تتعالج بالمستشفى لأن التحاليل أكدت بيك تدرن
فهد لا ما اريد اتشافى أريد أموت إلمن باقي هنا بعد
المحامي لازم تطلع لأن أكو اشياء من تعرفها راح إنت تريد تطلع بسببها
فهد ميهمني شي بعد
المحامي ميهمك نتيجة تحليل الخصوبة
فهد لا ميهمني وما أريد أدگ دگه ناقصة برسل بالرغم ما سوت بيه
المحامي وإذا عرفت إنت صدگ متخلف شنو راح تسوي
فهد مصدوووووم شنووو أني ما أخلف وإبني شنو
المحامي هذا نتيجة التحليل إنت عقيم و ميصير عندك أطفال ونسبتك صفر
فهد مستحيل إنت كذاب أني اخلف و إبني موجود
المحامي الي عندي گلته تريد تصدگ أو لا ضلت يمك تريد أمشي بإجرائات برائتك وتهمة القتل هم تطلع منها لأن كلها گالت بالتحقيق إنت چنت ناوي تكتل مهند وكتلت ملاك بغير قصد ممتعمد وكان عركتك ويه مهند دفاع عن النفس يعني البراءة أني أضمنها إلك
فهد إنطيني يومين أستوعب الي جاي يصير بيه
المحامي گدامك إسبوع واحد للجلسة ومن باچر تروح للمستشفى تتعالج
فهد عوفني هسه كافي يومية اسمع شي يكتلني أكثر ياريتني أموت وأخلص
حياة  تطلع من المقابلة مقهورة والدمعة بعينها
رهف ليش ضايجة شبيچ
حياة تصيح بنص مقر القناة
كلها واسطة ومحسوبية لو بت فلان يله تنقبلين لو تقدمين تنازلات الإعلامي الحر الشريف ماله مكان وياهم
رهف لتنقهرين حبيبتي
حياة تصيح ودموعها على عينها
شلون ما انقهر والقضية الي عندي تكسر الدنيا ولله إلي إنقبلو محد بيهم إعلامي ولاخريج إعلام
رهف كافي صوتچ ولا يهمچ
حياة وبرائة ملاك منو راح يثبتها منو محروگ گلبها عليها
إستعلامات القناة يحاولون يطردون حياة
واحد منهم يگللها
أخذي أختچ وطلعي ترى نخلي الأمن يطردكم
رهف ما حاجة الأمن إحنا طالعين
يله حبيبتي حياة لتهتمين همه الخسرو
وهمه طالعين
يصيح عليهم ولد ويگللهم
مرحبا أني سمير عندي إعلاميين كبار أگدر أخليهم يساعدوكم سمعت عدكم قضية شنو هاي القضية
حياة القضية تخصني ومنبيعها زين ومنريد مساعدتك أني ما أقدم تنازلات
رهف لحظة حياة  إنطيني الكارت مالتك أني اخليها تتواصل وياك و شكرا
سمير أني ما أدور على تنازلات أني شفتچ واجهة إعلامية گلت اگدر اساعدچ و أني ممنون منكم إذا تواصلتو ويايه وما راح تندمون
رهف إن شاءالله
ليان شبيك سامر صارلك يومين مو على بعضك
سامر ليش مسوي شي يا ستار
ليان هي هاي المشكلة ممسوي شي وگاعد عاقل ممتعلمة عليك هيچي تگعد
سامر وهسه شسوي لا هيچي عاجب ولا هيچي عاجب
ليان تلاحظ على سامر كل شوية يسحب هوى بصوت عالي من خشمه وكإنما منشول ويحط إيده على خشمه
ليان إنت منشول
سامر لا ممنشول
ليان إنت تشم
سامر يتنرفز
شنوووو تشم شنو شفتيني
ليان متأكد
سامر وشنو متأكد شبيچ ويايه إنتي
ليان عبالي أفيدك
سامر وشنو بيش تفيديني أني أصلا ما أعرف على شنو تحچين
ليان تجي گباله وتنتچي على المكتب بكل ثقة
شبيك لك شنو عبالك أني غبية أني أبوك خلاني هنا لأن أشوف كلشي وأفتهم البشر من أول نظرة مار عليه الشمام والسكران و أعرفه من بعد كيلوين لتبيعهن عليه وتسوي نفسك شريف إذا تشم گلي أني أشم وما أگول للحجي بالعكس تفيدني
سامر و بيش افيدچ
ليان عندي إذا تحب انطيك
سامر يفرح صدك تحچين يعني أگدر اخذ منچ
ليان إطلع التلفون من جيبها وتگله وهي تضحك
هههههههاي متصورتك هيچي غبي وكلها بسرعة تكتها المهم حبيبي ابوك چان شاك بيك و الدليل عندي بعد ما سجلتلك أروح أنطي التسجيل لابوك
سامر يلزمها
ولچ أبوية شنو و ليش هيچي تسوين بيه
ليان أبوك شاك بيك وهو طلب مني أني ما عندي شي وياك
سامر لا تگولين لابوية والشم اتركه
ليان لعد شعندك البارحة جيت بسرعة من البيت مو گلت ما اجي
سامر  ضجت إشتاقيت للشركة
ليان زين أروح أگول لابوك
سامر شلون وياچ إنتي
ليان تحچي شعندك رجعت و جيت ضايج والبودرة على ملابسك وإنت ممنتبه شسويت من مصيبة
سامر ساره مرة أخوية شافتني
ليان شنو شافت
سامر شافتني وأني أشم خفت وهددتها بس لگيت مستمسك عليها و ساومتها بي
ليان شنو المستمسك
سامر شنو إنتي شرطي هنا كل شوية مسويتلي تحقيق
ليان أريدك تصير رجال تعوف هاي السوالف النگسه
سامر ليش معجبة بيه
ليان اووووع أنعجب بيك إنت شمام وكاضيها ملاهي
سامر أعوف كلشي لعيونچ بس وافقي
ليان گلي بالبداية شنو لزمت على ساره
سامر كلشي أگلچ بس مو هنا تمام
ليان متگعد راحة إبن الحجي
سامر وعيونچ فقير و مالاگي گلب حنين يحن عليه حتى أصير خوش ولد
ليان صافنة عليه وتحچي بداخلها
ولك صدگ إنت إدوخ أكبر وحدة متصورت يجي يوم وأنعجب بواحد مثلك
سامر شبيچ صفنتي
ليان على حضي الأگشر تالي عمري إنت تغازلني
سامر ترى إنتي صغيرة
ليان بس أكبر منك ولتفكر يوم تباوع عليه غير نظرة ترى أفگس عيونك
سامر إذا إنتي تفگسيها قابل هسه أجي بليل عليچ للبيت
ليان بعصبية شعندك جاي وشسوي ومنو دلاك بيتي
سامر شبيچ عصبية عيوني أني راح أجي حتى أگلچ شنو صار بيني وبين ساره وبعدين إنتي راح إدليني البيت لو متريديني أجي
ليان تمام تعال بس اذا لعبت بذيلك تندم مو تباوع عليه بغير نظرة مو كلشي أگدر أوضحه  اعتبرني مثل أمك
سامر ينهار من الضحك هههههههههههههههه
ولله متت من الضحك قابل إذا أمي هيچي عسل جاي بليل يا ماما
مرتضى الهاشمي
للقصة بقية
يتبع البارت ١١