قضية شرف

قضية شرف البارت التاسع

صباح الورد
يارب يعجبكم البارت مال اليوم
لا تقصرون بالتفاعل والتعليق
تحياتي
الكاتب مرتضى الهاشمي
قضية شرف
البارت التاسع
مرتضى الهاشمي
الدكتور يطلع من صالة العمليات ويگول
شنو هاي الهوسه مو اكو مرضى هنا
صلاح يركض عليه ويگله
دكتور بنتي عايشه لو ميته
الدكتور بنتك إسمها امل
صلاح لا رهف
الدكتور ما بيها شي
صلاح مو كالو وحدة ماتت
الدكتور امل ماتت
صلاح يجي لحياة ودموع الفرح من عيونه
رهف عايشة حياة اختچ عايشة
حياة تحضنه الحمدلله والشكر يارب ربي لا تحرمني منها مرة ثانية
حجي أحمد يحچي ويه سامر
هذا مكتبك و ممنوع تتحارش بأي موظفة ولا زبونة  هذا مكان محترم تجي تگعد هنا وبإحترامك لا ولله أكتلك بيدي هاي المرة
سامر صار يابا بس غير أعرف الشغل
حجي أحمد أني هنا مو يابا ولا بابا أني هنا الحجي ورسميات فقط و ممنوع تدخل على مكتبي بدون إذن والا السكرتيرة تكلك أدخل زين
سامر تمام حجي
حجي أحمد هسه تجيك ست  ليان تفهمك الشغل
سامر ليان منو
الحجي ست ليان مو ليان گتلك هنا كله رسميات
سامر تمام حجي
يطلع الحجي
سامر يگعد على المكتب ويفتر بالكرسي ويگول
خل نشوف هاي ليان حلوة لا ولله الحجي نغل شكو وحدة صاكة مشغلها هنا
تدخل عليه ليان
صباح الخير أستاذ سامر
سامر نعم عيدي شنو گلتي
ليان صباح الخير أستاذ سامر شنو مسمعتني
سامر لا سمعت بس متفاجئ
ليان ليش أستاذ
سامر إنتي بجمالچ وقدرچ تگليلي أستاذ عمي إنتي أستاذة
ليان تضوج وتنزعج
ممكن نبدي بالشغل أستاذ
سامر هي مال كاكاو توني جيت شفتهم وشبدي
ليان الحجي دزني حتى أعلمك الشغل
سامر ألف رحمه على أهلك حجي هو گالچ أني ما استوعب بسرعة وغبي يعني يرادلي سنة سنتين حتى اعرف الشغل زين ولازم تعلميني بمكان هادئ وبحنية
ليان شنو بحنية أستاذ
سامر أقصد مو تعصبين وتصيحين شوفي بديتي تصيحين عليه
ليان تضحك لا على هاي سهلة أفهمك الشغل بهدوء بس تلتزم حدودك
سامر يشبر بإيدة المسافة إلي بينها وبينا
ليان انت شجاي تسوي
سامر ارسم الحدود بيني وبينچ حتى ما أتجاوزها
ليان تضحك شلون اليوم منشتغل
سامر اي ضحكي خل نشوف سنونچ
ليان تلتزم لو أگول للحجي
سامر دخيلچ التزم وعوفي الحجي يله گعدت شرحيلي
بعد مرور إسبوع
ابو ملاك يدخل للبيت
ام ملاك بشر لكيت رهف
ابو ملاك جيبيلي مي يا مره مو ريگي يابس
ام ملاك هاك هذا گلاص مي بشر شسويت
ابو ملاك ملگيت إلها اثر فص ملح وذاب
أم ملاك لا إذا رهف تروح ما اسكت أني كلشي ضحيت لخاطرك وعلمودك وشرطي وياك تربي البنات ومتقصر وياهن الاولى راحت من ايدي بدون متسوي شي تريد الثانية هم تضيع مني
ابو ملاك بعصبية
يعني شسويلچ بنتچ شردت عافت البيت وطلعت شنو أني أقره الممحي لو أبو علي الشيباني تريديني اعرف وين راحت
ام ملاك وملاك من عفتها تموت بدون متساعدها ولا سويت گبر إلها لا عبالك أني ساكته بس ضامه بگلبي بالعتها بالگوه ما أگدر احچي گدام رهف
ابو ملاك ملاك طلعت عليچ وهاي مو غريبة الخيانة بدمكم
ام ملاك مصدومة من كلامه
بعد هذا العمر والتضحية تگلي أني خنت زوجي بعد ما ضحيت بكلشي علمودك
ابو ملاك لتجرحيني حتى ما اجرحچ أني ما ناقص مشاكل وتعرفين كلش زين الحجي هو الي دبرلنا مكان نعيش بي وضمني من العالم خلف الله عليه چان هسه صلاح كاتلني  و كاتلچ
ام ملاك وليش مافهمت الحجي ملاك مو مثلي وما عدها شي ويه فهد
ابو ملاك غير كون أني اقتنع بالأول تذكرين شقاهم كلامهم سوه چان يشوفها باليوم أكثر من زوجته
ام ملاك ترى چان أخوها وكلكم تعرفون زين فهد اخوها لو نسيت شنو چانت علاقتهم
ابو ملاك ما اضمن روحي بهاي الدنيا وملاك ماتت وإنسيها تريدين رهف أني ادور عليها ملاك تنسيها إنسيهااااااااا يا مره
فهد يدخل على غرفة الضابط حتى يقابل المحامي
المحامي شلون وضعك
فهد تعبان كلش وصدري أحسه يشگك ويطلع دم من أگح
المحامي هانت راح تطلع عن قريب بس القاضي يشوف قضيتك
فهد رغم ما سوت بيه رسل من دگه ناقصه بس اني أشعر بالذنب إتجاها
المحامي وشتريد تسوي
فهد ما اريد اظلمها وأشوه سمعتها أني سمعتي شوهت و رجال ومگدرت أتحمل شحال هي وبنيه شنو يصير بيها
المحامي بس هاي برائتك بيها بعدين تريد تصلح صلح الموقف المهم تطلع منا
فهد لا أترجاك
المحامي خل نشوف نتيجة التحليل باچر أروح اشوفه
دير بالك على صحتك أني راح أحچي ويه الضابط والقاضي يحولوك على المستشفى بين ما تصير الجلسة
رهف تصحى من البنج وتلاحظ إيد لازمتها
تباوع و تشوف أبوها نايم يمها على الكرسي
رهف تفرح كلش واول مرة تحس بحنان الاب وخوفه عليها
رهف تبوس إيد ابوها
ابوها يصحى ويگللها
حبيبتي بابا الحمدلله على سلامتچ يا عمري يبوس إيدها وراسها وخدها وهو فرحان
شلونچ شلون صرتي بعدچ زعلانه عليه
رهف أسعد وحدة بالدنيا ربي ميحرمني منك
تشوف دموع أبوها تنزل وهي تفرح
رهف بابا إنت هالگد خايف عليه وتبچي
صلاح يمسح دموعه حبيبتي أني فرحان لأن صحيتي هاي دموع الفرح يا روح ابوچ من عمري على عمرچ حبيبتي بابا
رهف ربي يحفظك ويخليك إليه
صلاح يگوم وفرحان
رهف وين رايح بابا
صلاح عمچ و حياة برى الممرض مقبل يدخلهم خل أروح ابشرهم خطية
بعد ما صاحهم وإجو دخلو
حياة تلزم إيدها وتبوسها من راسها
الحمدلله على سلامتچ ياروح خيتچ
عصام الحمدلله على السلامة حبيبتي عمو صارلي إسبوع ما رايح لبغداد أنتظر تكومين بالسلامة  ابن عمچ وبت عمچ بره ومرت عمج بالبيت تحضر اكل هم بالها يمچ
رهف تبچي
حياة ليش تبچين حبيبتي
رهف أبچي من الفرح أول مره احس اكو ناس تحبني ومهتمة بيه ياريت ملاك تحس إلي أني أحسه هسه عمت عيني عليچ خيتي ماتت مظلومة و وحيدة حتى كبر محد سوالها
صلاح أني أسويلها گبر واسويلها عزى وأخذ حقها هسه ملاك فرحانة بيچ لأن إنتي زينة وبين اهلچ
رهف لا بابا ما ادليك على مكان بابا وماما ولا أخلي حياة تندلهم
حياة ليش رهف متقبلين أشوف ماما
رهف أريد اخذ حق اختي ثارها هذا شرطي وياكم بعد ما أخذ ثارها أدليكم على مكان بابا وماما
صلاح بابا أني اخذ ثارها خليچ بعيدة
رهف لا بابا عيالها ناس ميخافون الله ومن تشوفهم تنغر بيهم لأن يحچون بإسم الدين و متسترين بإسم الدين تالي من ماتت ملاك إنكشفو على حقيقتهم طلعت حقارتهم ونذالتهم و حتى منطو فرصة لملاك تثبت هي بريئة من هاي الجريمة وإذا راح تشوفهم بابا راح يقنعوك ملاك متهمة وعدها علاقات مو علاقة وحدة راح يخلوك تصدگ ملاك شيطان مثل ما سوو ويانه وكلهم صدگو بس أني ما صدگت بيهم وعرفت بأختي بريئة
حياة أني وياچ وأني أخذ بثار اختنا ملاك
صلاح بابا اني خايف عليكم ما اريد اخسركم مصدگت لگيت رهف و إنجمعنا سوه
رهف لا تخاف علينا وهذا شرطي وياكم مستكثرين عليه أعرف حق أختي واثبت شرفها
حياة بابا إحنا ما راح نقتل ولا نسوي شي بس نثبت شرف أختنا والإعلام يفيدنا لاتنسى أني إعلامية وهاي فرصة اول سبق إعلامي اليه هي قضية ملاك
رهف و أني وياچ وأعرف شلون أساعدچ بيها
حجي أحمد بيته الثاني إلي مزوج بي ليان
و ليان جابت العشا
حجي أحمد عاشت إيدچ العشا يشهي اليوم
ليان كله دلفري هو إنت منطيني مجال اطبخ بالشركة النهار كله
حجي احمد متبطلين وگعدي مو كتلچ راتبچ اجيبه عندچ لهنا
ليان اي وتعوفني بين أربع حيطان وإنت تگضيها طلعات وطبات ويه الحبايب
حجي أحمد هو أني ألگى بجمالچ مو تبت على إيدچ
ليان اي خطية تبت على إيدي لو بسبب مصايبك خليني ساكته
حجي أحمد أني امشي حسب شرع الله  والنسوان إلي اعرفهن گبلچ متزوجهن على سنة الله ورسوله
ليان لعد متزوجني على سنة الله ورسوله
حجي أحمد وهذا العقد إلي بينه شنو
ليان هذا نگعه وإشرب ميه مو تريد تسوي كلشي حلال حسب مزاجك إنت گتلي فترة وأشهر زواجنا وصارت سنة لا إنت شهرت زواجنا ولا إنت طلگتني ولا امنت حياتي من تموت ولدك ما راح يخلولي شي
حجي أحمد والفلوس إلي تاخذيها شوية والبيت هذا بإسمچ
ليان هذا ميكفي أني ليان إلي الكل يتمنى يصير جوى رجليها أريد أكثر أريد أشوف معزتي عندك
حجي أحمد تريدين شنو يعني أملاكي كلها
ليان متغلى عليه وخاصة أني كاتمة أسرارك لو أحچي على المضموم و أخلي الميشتري يتفرج
حجي أحمد ولچ كافي طمع لا بعدين تعرفين شلون اسكتچ والشغل إلي أني بي كله حلال وإذا بي شي فإنتي بكلشي ويايه يعني نوگع سوه
ليان تهددني حجي خوش روح اليوم كلشي ما إلك
حجي أحمد لا تسويها بيه مثل كل مرة تخليني أشرب الحباية وبعدين ما أعرف أنطي وجهي
ليان أريد هدية يله
حجي أحمد إستهدي بالرحمن ولتخليني أندم بعد أجيچ
ليان بدلع وتسوي نفسها تبچي
إنت تستخسر بيه سيارة جي كلاس وتريد انطيك اعز شي عندي
حجي أحمد شسوين بالسيارة
ليان من حقي ولدك كلهم سيارات اخر موديل أني هم أريد لو ليان مستاهل
حجي أحمد باچر السيارة يمچ
ليان لاء أريدها هسه
حجي أحمد وهسه منين اجيبها
ليان تنطيني فلوسها و أني باچر اشتري
حجي أحمد ركعي راسج بالحايط وعلى الحباية أروح اكضي ليلتي يم بنية ازوجها ليلة تبوس ايدي
ليان تضحك بإستهزاء
سويها وشوف لاتنسى خياساتك يمي ولا عبالك تكتلني ترى اكو من أثق بي وكلشي ضامه يمه
حجي أحمد يباوع عليها بحقد
أني صوچي كلشي أحچيلچ تعالي للغرفة أنطيچ من القاصة شدتين تشترين سيارة
ليان تضحك بإستهزاء
حبيبي هاي الشدتين إلنترا زيرو متجيب گتلك جي گلاس وإذا تريد تستغني عني إستغنى لا راح تگدر تحافظ على أسرارك ولا واحد يگدر ينطيك أفكاره بالشغل لو نسيت شگد إستفاديت مني
حجي أحمد راح انطيچ بمزاجي بس خليها بالچ إذا تحاولين تهددين مرة ثانية أذبحچ إنتي وأخوچ
يتبع البارت العاشر