قضية شرف

قضية شرف البارت السابع

قضية شرف
البارت السابع
مرتضى الهاشمي 
رهف عاشت بهم چبير وتحس الدنيا ضاگت عليها وكل الابواب إنسدت بوجها وقررت إدور على أبوها بعد ما اخذت العنوان مال بيت جدها من أبوها إلي رباها
رهف إدگ الباب على البيت
يطلع صاحب البيت
تفضلي اختي
رهف بدون زحمة هذا بيت ابو صلاح
الرجال لا أختي غلطانة
رهف عفيه بدون زحمة عليك شوية اخذ من وقتك بس كم سؤال عندي
الرجال تفضلي
رهف أني أبوية مختفي من زمن صدام وچان مسجون سياسي وگالو هذا بيت جدي من التسعينات
الرجال إحنا إشترينا هذا البيت من سنة ٢٠١٠ وإشترينا من مره وعايشة هي وولدها بي
رهف زين متعرف المرة منين إشترته أكدر اسأل عليها أشوفها
الرجال المرة توفت الله يرحمها همه فرق شارعين علينا شالو منا بعد ما إشترينا البيت
رهف ممكن إدليني على بيتهم
الرجال صار إمشي ويايه أختي
بعد ما راحو على البيت طلع ولد هم ميعرفون صاحب البيت لأن أمهم إشترته من زمان وبعدها ماتت
قررت بعدها رهف تروح للمختار وهم ماكو نتيجة بعدها دورت رهف هواي بالمنطقة و تعبت ولمدة شهر لحد ما تعرفت على ناس يعرفون واحد من عمامها راحت رهف بعد ما اخذت العنوان لبيت عمها
رهف إدگ الباب
طلعت مره تفضلي بنتي
رهف شلونچ خالة
المرة هلا بنيتي تفضلي محتاجة شي
رهف إنتو بيت عصام
المرة اي عصام زوجي شرايده منه
رهف أريد اشوفه ضروري
المره ليش يمه خير اكو شي
رهف خالة أرجوچ مسألة حياة أو موت أريد اشوفها
المره خير يمه خوفتيني اكو شي
رهف اترجاچ خالة بس يجي عصام تفتهمين كلشي
تروح المره تصيح عصام و يطلع عصام على الباب
تفضلي بنتي تعرفيني محتاجة شي
رهف دموعها تنزل
إنت عمو عصام
عصام إي بنتي تفضلي
رهف أني رهف عرفتني
عصام يباوع على مرته و متعجب يا رهف بنتي
رهف تبچي أكثر وتگول
أني رهف بت صلاح ودورت عليكم هواي عمو أني بتكم وتبهذلت بعدكم عني
عصام مصدوم ويبچي إنتي بت صلاح  تعالي بحضني عمو فدوة أروحلچ بنيتي
يحضنها لرهف ويبچي
رهف تبچي وهي حاضنه عمها وتگله
تبهذلنة عمو ما چنت أدري أني بتكم الا قبل فترة صغيرة
عصام وأني بعد ما اعوفچ يا روح وگلب عمچ تعالي جوه تعالي نوري بيت عمچ يا گلبي
حجي أحمد و مهند يدخلون للمركز وهمه صايرين ناااار
حجي أحمد شلون حگنا وشرفنا يروح ويضيع الدليل مال إدانته لهذا العار إلي بالسجن
مهند ولله لا أشتكي عليكم وعلى القاضي
الضابط ليش إتهمونا إحنا مالنا ذنب و روحي وين متشتكون إشتكو الحريق صار بالطب العدلي والأوراق كلها إحترگت وبتماس كهربائي إحنا شعلينا
حجي أحمد ليش متخلونه نطلع على الأوراق والإعتراف مال فهد
الضابط هاي قضية شرف وتبقى القضية سرية لحد ما القاضي يقرر من خلال الأدلة
مهند وشلون راح يعرف الأدلة بعد ما الأوراق كلها إحتركت ومبينة بفعل فاعل مو تماس كهربائي
الضابط الحريق مو بفعل فاعل و ثبتت الجنايات بهذا الشي أما الأدلة ونعرف منو السوه هاي العملة هذا شغلنا ونعرف شنو نشتغل
حجي أحمد زين تگدرون تاخذون عينات من المرحومة الله يغفر ذنبها نزل راسنا بسببها
الضابط المرحومة إندفت وإنتو مرضيتو إدفنوها لا إنتو ولا أهلها ناس خيرة تكفلت بالموضوع ثاني شي الأدلة راحت لأن الجنين من طلعنا من رحم المرحومة إندفن بمكان ثاني و أعتقد ما بقه أي أثر إله وإذا تريدون ادليكم بقبر المرحومة
مهند يعني الجنين منلگى بگبر أمه
الضابط لا والعينات الأخذوها بالطب العدلي على گد التحليل والجنين شمرو بغير مكان لو إندفن لو إنذب بالزبالة
حجي أحمد حسبي الله ونعم الوكيل يعني حگنا وشرفنا راح منعرف منو سوى هاي العملة السودة
الضابط الشك كله على فهد وعن قريب يصدر حكم القاضي
مهند شنو إعترافات فهد
الضابط گتلك قضية سرية بس القاضي آله حق يبينها بخلال الجلسة
حجي أحمد حسبي الله ونعم الوكيل لا حول ولا قوة الا بالله
عصام بعصبية
دليني على هذا السوه هيچي بأختچ
رهف مو وكتها عمو هسه اني محتاجة أشوف بابا أشوف أختي أني إنگطعت من الدنيا أحس بعد مالي اي واحد
عصام لا عمو إحنا موجودين وبيوتنا كلها بيتچ
رهف عمو الله يخليك سولفلي على بابا شلون عايش وليش تركنا وصدگ چان يشرب ويدور بنات على ماما
عصام يضوج ويدير راسه
رهف عمو گلي عفيه بابا وين وليش سكتت
عصام أمچ گالتلچ أبوچ چان يشرب ويدور نسوان
رهف اي ليش اكو كلام ثاني أني ما اعرفه
عصام صحيح كلامها بس ابوچ من طب للسجن تاب وكل حياته تغيرت ودور عليكم هوااااي وما لگاكم بعد ما طلع من السجن
رهف زين إنتو ليش مدورتو علينا ليش خليتونا يم واحد غريب كل هاي الفترة
عصام ظروف بنتي وچنا مطاردين من النظام السابق و حرمونا حتى من جناسينا
رهف ليش شنو السبب
عصام اترجاج بنتي عوفي الأسباب بعدين تعرفيها بالمستقبل مو كل شي أگلچ بي راح تصدگين بي شوفي أبوچ وعرفي وبعدين حكمي علينا ونگلچ الصار
رهف زين بابا وين
عصام أبوچ بعد ما طلع من السجن دور عليكم هواي لحد ما أيس و قرر يترك بغداد ويروح يعيش بمحافظة ثانية
رهف أريد اشوفه
عصام هسه انطيچ رقمه وتتصلين بي
بعد ثلاث اشهر
أم ملاك تشوف رسالة على ميز التلفزيون و كاتبه بيها رهف
أنا لا أستطيع أن أعيش معكم فطريقي غير طريقكم أنا إخترت أن أذهب بعيدا عنكم حتى استطيع أن اخذ حق وثأر أختي في حال نجحت أو فشلت أو ثبت أختي ملاك مدانة بالخيانة فسنلتقي
وأنت يا أبي بالرغم ما حدث منك وما فعلته لملاك وكان جرح كبير لي ولأختي ملاك وهي ميته لكن لا أنكر حبي لك ولإنك إحتويتنا و كبرتنا و ربيتنا كبناتك لكن لم تكن نهايتك معنا كأب لبناته و أنا أعطيك العذر لإنك تبقى غريب ولسنا من دمك لكن العتب و كل العتب على أمي ألتي حرمتنا من أبي وأختي وإختارت على أن تعيش مع رجل جبان لا يعرف أن يأخذ قراره الصحيح إتجاه إبنته المظلومة و لا تسألو عني فأنا اليوم اعيش بين أبي وأختي ولا أريد أن أظلم معكم كما ظلمت أختي ملاك
رهف
أم ملاك تبچي وتصيح على رجلها
ولك تعال إلحگلي بنتي ما ادري وين راحت
ابو ملاك خير شبيچ شنو صاير
ام ملاك إقره الرسالة وإنت تفتهم
ام ملاك بنتي رهف راحت بناتي ضاعن بسببك وإنت ترجعهن
ابو ملاك بعد ما قره الرسالة
أني ادور على رهف ووعد مني أرجعها
ام رهف روح هسه لتخلي مراكز شرطة إذا متبلغ بي
أبو ملاك اي تدللين هسه أروح ادور عليها
ام ملاك صوچك ليش تنطي عنوان بيت جدها إلها
ابو ملاك مو شايلين من زمان والبيت بايعي شمدريني راح تندل أبوها
ام ملاك هسه إدور الدنيا وتجيبها اليه
فهد بيوم المواجهة بين السجناء وأهاليهم هم ميصيحون إسمه
يسأل الشرطي
اليوم محد إجه عليه
الشرطي لا هم محد إجه عليك
فهد مقهور ويرجع يگعد وينتچي على الحايط ومهموم ويحچي ويه روحه
لا أمي تجي ولا زوجتي تالي عمري ابقى هنا بالسجن وتهمة فوگ تهمة تهمة قتل وتهمة شرف وخيانة و أني إثنينهن مظلوم
الشرطي يرجع يصيح إسمه
فهد عدنان
فهد يگمز من مكانه نعم اني فهد
الشرطي تعال عندك مواجهة
فهد يفرح ويروح بس يتفاجيء بس المحامي بدون اي واحد
فهد يسأل المحامي
ليش محد من أهلي إجه ولا زوجتي حتى إنت گطعت ويايه
المحامي صير قوي وإتحمل جبتلك حل راح يطلعك براءة
فهد شلون وكل الإثباتات عليه
المحامي الكل شهد عليك إنت كتلت ملاك إثناء المشاجرة ويه مهند و اليأكد إنت ما ناوي تكتلها هو ما عندك شي وياها
فهد شلون اثبت ما عندي شي وياها و الأوراق إحترگت البيها كل برائتي
المحامي راح اسويلك تحليل خصوبة عندي جماعة أگدر أنطيهم كم فلس ويثبت بالتحليل إنت متخلف وبعدها راح تثبت إنت أصلا ما عندك شي ويه المرحومة ملاك
فهد شلون وأني متزوج وعندي طفل
المحامي مرتك باعتك وعافتك ومحد يعرف وينها نگدر نرفع الاوراق وعن إبنك نگدر نگول مو إبنك مرتك هي خاينتك وعلى تحليل الدي إن أي هاي سهلة نفس الجماعة إنسق وياهم
فهد مستحيل أخلي زوجتي بهيچي موقف
المحامي من راح تعرف أمك ماتت و مرتك عافت أمك ومسألت عليها وتهمتك إنت بعلاقة ويه ملاك و أمك تدري بهاي العلاقة راح تگدر تميز منو وياك ومنو عليك و تسوي كلشي حتى تاخذ حق أمك
فهد يبچي ويصيح أمي ماتت شوكت وليس محد گلي
المحامي ماتت من الضيم الشافته بعد ما إنت إنسجنت
فهد وهاي شلون الگاها أريد أشرب من دمها
المحامي لازم تطلع و تاخذ حق أمك
فهد وإبني شنو يعيش حياته و أني مو أبو
المحامي تگدر تتبا وتبقي بإسمك أني ارتبها إلك
فهد يگح گحة قوية ويرجع يحچي
زين اتعابك
المحامي أمك قبل متموت إنطتني أتعابي بس الباقي يمك حتى تكدر تطلع ولا تنسى هاي قضيتي واريد استفاد سمعة حلوة و يصيحولي محامي شاطر بعد ما أطلعك مثل الشعرة من العجينة و إنت تگدر تاخذ ثارك من كل واحد ظلمك المهم تتعاون ويايه
فهد يبچي الله يرحمچ يمه
يرجع يگح قوي ويگول
ما ضل شي على أخر جلسة شوكت تبلش بتحليل الخصوبة
المحامي أني اجيك بس أكمل الإجرائات الرسمية
فهد يرجع للسجن ويذكر أمه و زوجته
يبچي أكثر ويگح ويطلع دم ويه الگحة ويگول
وين چانت إلك هاي فهد تالي أمك تروح من إيدك ياريت لا سألت على ملاك ولا حسبتها اختي هذا الطيب هيچي يصير بي الطيبة لهنا وإنتهت وأني أعلم كل واحد چان السبب بموت امي
يلزم صدره ويأذي ويگح أقوى
رهف بالسيارة وتباوع من الجامة وتبچي على أمها
عصام لتبچين بنتي كلشي إله حل
رهف  إن شاءالله
عصام وصلنا هنا ننزل ونروح نتغدى بمطعم ونروح يم أبوچ
رهف ليش منروح يم بابا گبل أريد اشوفه واشوف أختي لهسه مخليتوني اسمع صوتها
عصام منريد نصدمها شوية شوية ونگللها
رهف تمام
رهف تباوع من الجامة وتنصدم تشوف ملاك تمشي بالشارع
رهف تنزل الجامة وتصيح
ملاك ملااااااك
وكفووالسيارة أوگفوووو
عصام شكو بنتي
رهف مصدومة ومخبوصة وتصيح وگفووو السيارة 
رهف تنزل من السيارة وتركض البنية وتحضنها وتگللها وهي تبچي
شجابچ ملاك هنا إنتي عايشة
أرائكم تهمني أريد أشوف أرائكم
للقصة بقية
مرتضى الهاشمي
يتبع البارت الثامن