قضية شرف

قضية شرف بارت ١٤

تحياتي
الكاتب مرتضى الهاشمي
قضية شرف
البارت ١٤
مرتضى الهاشمي
حجي أحمد شلون هسه نبقى واحد يعاتب الثاني
فهد لا إنت متعاتب ولا تحچي بس اني إلي احچي أريد أطلع النار إلي بگلبي حاقد  عليكم حقد مو طبيعي و راح تشوفون النار شلون تحرگم مثل ما حرگتو بگلبي بموتت أمي و إندفت وأني ما أندل مكانها و مثل ما حرگتو گلبي من أني إنسجنت و مشهدت اليه أني على شنو چنت اجي ويه سامر نسيت من گتلي دير بالك على سامر وأريدك تصير ضله نسيت العالم تركض وراك بسبب سوالف الربا مالتك بس اني صوچي وگعت بيد ناس مترحم  بس الدور إليه و ما راح أرحمكم
حجي أحمد يصير عصبي ويصيح عليه
أني أشتغل بالدولار فارق عملة وبالتقسيط لتگول ربى هذا حلال
فهد بإستهزاء
هههههههه إنت شوكت تبطل مالاتك تخلي الدين بس لمصالحك الشخصية تبيع الدولار بضعف سعره وتجبر الناس تشتري مره لخ حتى تسدد دينها لو تاخذ بيوتهم لو سياراتهم ومحلاتهم تستغل حاجتهم للمال ولك يا حلال إلي تحچي بي
حجي أحمد سألت بيها مو بكيفك تحلل وتحرم
فهد إذا چان الربح جوه النص اي حلال مو الضعف بعدين وين حلالك وحرامك وگمت تشتغل بالفلوس نفسها تبيع عراقي و تستلم عراقي نفس جنس الفلوس هذا هم سألت بيها وگالولك حلال
حجي أحمد يحچي ويا بهدوء وبطريقة مستفزة
خوش إذا تدري بيها حرام مو شرعية لا بالقانون ولا بالدين ليش مشتكيت عليه لو تعرف بالبلاوي إلي إنت مسويها تريد أذكرك و بعدين حتى گعدتك ويه سامر چنت انطيك عليها فلوس ولك إنت چنت نازل عليه مثل المنشار لا عبالك ما ادري من چنت تاخذ بس بمزاجي ساكت
ولا عبالك ناسي الفلوس الي اخذتها مني شدتين بيوم الحادثة إنطيتك تحب أذكرك
الحجي يذكر يحچي ويه فهد
هاي الشدتين تاخذها و تنطيها لابو تحسين و گله يصيرن عليك ٤ شدات وبالشهر تدفع ٤٠ ورقة
فهد صار حجي العصر اوديها
الحجي مو تنسى تاخذ المقدمة ٤٠ ورقة بس اريدها عراقي مو دولار منريد تصير ربا اللهم إبعدنا عن الربا والحرام يارب العالمين
فهد ترى أعرف حجي أني مو جديد على الشغلة
يرجع يكمل كلامه بعد ما ذكر فهد
فهد و من جتي الشرطة الفلوس ما ادري وين راحت
حجي أحمد ولك عليه تريد تمشيها عليه اني إبن سوگ و ميعبرن عليه لو تريد أذكرك شلون علمتك على الشغل
فهد تريد تصدگ تريد لا
حجي أحمد يلزم فهد من رگبته ويهدده ويگله
شوف اگلك دخلتك للسجن بمزاجي وطلعتك هم بمزاجي
فهد شنوووو يعني المحامي إنت
حجي أحمد يقاطع فهد ويكمل
اي أني طلعتك والمحامي أني دزيته و سالفة التحليل أني دبرتها حبيت أگرصك و ارجعك بعدين شفت شلون حاسبها وياك بالملم دخلتك و خليت حبل المشنقة على رگبتك وراها طلعتك و إنت بريء
فهد شنو تريده مني
حجي أحمد لا تغشم روحك هالمرة أخذ روحك بيدي  بس تلعب بذيلك و تعرف كلش زين شريد منك أريد ال٤ شدات إلي غلستها واخذتها مني و ما وديتها لابو تحسين واريد منك تجيبلي باقي الاقساط الي يم الناس الي أني ما ادري المن إنطيتها ولك ١٥ شدة مشغلهن يمك يوم وليلة تريد تضيعها عليه
فهد ما أگلك الا تگلي رسل  وإبني وين
حجي أحمد ذكرتني أمك هم وياهم يمي بالحفظ والصون  تلعب بذيلك أخذ عمرهم
فهد يعني إنت جبرت رسل تعترف عليه
حجي أحمد ردت أطلع سامر بريء لأن أكيد هي وصخة مثلك وما ادري منو نام وياها الشرف عدكم ممنوع من زمان
فهد ولله ماكو نذل وعديم شرف غيركم وخليها بالك إنت وسامر ما راح تشوفون راحة  ما اعوفكم وموتتكم على إيدي
حجي أحمد يضحك ويستهزء
لتصير سبع امك يمي بالحفظ والصون و الحراس إلي حاطهم على مرتك وأمك خطية مشايفين نسوان ومرتك حلوة فأني ما اگدر الزمهم إذا رادو يسوون شي والعياذ بالله اللهم ألطف وإحرسنا من كل بلاء يارب
فهد إنت تقشمر على نفسك على رب العالمين ولك إنت شيطان وشوف يا أحمد إذا صار شي على أمي و مرتي متلوم الا روحك
حجي أحمد حبيبي الخيار يمك جيب فلوسي وتاخذهم
أودعناكم صدك قبل ما اروح حبيت اشوفك فيديو
يفتح تلفونه ويشوف بالفيديو
مرته وأمه وإبنه حابسهم الحجي بيت و يجي الحارس إلي حاطه الحجي عليهم يخوفهم بچلب ينبح عليهم
أمه ومرته وإبنه يبچون ويعيطون من الخوف
فهد بعد ما يشوف الفيديو يهجم على الحجي يريد يكتله
بس الحجي يدفعه ويگله
لا تنسى عائلتك يمي صير حباب ولتتهور
فهد يعوف الحجي ويگله
الله عليك أمانة لتسويلهم شي
حجي أحمد استغفرالله العظيم من كل ذنب عظيم ضلت يمك شيطاني قوي وأحاول امنعه وما أگدر إنت يمك شلون تعرف توگف شيطاني أني عن نفسي عبد الله الفقير ما أگدر أئذي بشر بس ربك يگول العين بالعين والسن والسن وأني امشي على الشريعة شگلت يا فهد
فهد دمعته بعينه
أني من إيدك هاي لإيدك هاي
حجي أحمد أحسنت لا تخلي شيطانك يقوى عليك وين ضام ال٤ شدات أخذها بين ما تلم فلوسي من العالم
فهد إنطيني مهلة بين ما ألم الفلوس
حجي أحمد يومين تنطيني ٤ شدات وراها شهر تجيب اول قسط من العالم و نرجع حبايب
لؤي أهووو هاي شلون بلوة بيه داء النسيان
حياة شنو خير شنسيت
لؤي فلوس العملية نسيتها بالبيت
حياة صدگ تحچي هسه تذكرت اكو واحد ينسى فلوس عملية
لؤي چنت مخبوص و عبالي يمچ
حياة يعني شسوي بيها يمي
مهند ترى وصلنا لكركوك ما ضل شي وندخل أربيل
لؤي نزلني هنا أخذ سيارة اجيب الفلوس وتودي اختي لأمي خطية لوحدها ضاله بالمستشفى
مهند عدنا شركة تحويل أموال تابعة إلنا تكدر تحول المبلغ بس واحد من أهلك يراجع مقر الشركة و تستلم الفلوس من أربيل و أني وياكم كلشي اسهل إلكم
لؤي محبط ويحچي من ورى خشمه
زين عاشت إيدك
حياة تراسل لؤي على الواتساب
إنت تبقى غبي مو گتلك التحاليل مو الفلوس
لؤي و أني شمدريني
حياة من نوصل للسبطرة مال أربيل تسوي نفسك إدور بالجنط وتگول التحاليل مال امي القديمة الي سويتها بغداد ماكو مو تچفص بيها
لؤي لا ما أچفص و إنچبي
سامر يتصل على ليان
ليان تسوي نفسها ضايجة
شتريد ليش مخابر
سامر شوفي ليان أني قررت أتزوجچ
ليان شنووووو
سامر اي قررت وشنو تريدي من طلبات أني موافق عليها
ليان شبيك سامر تخبلت
سامر إي تخبلت وأني هسه جاي وأطلبچ من اخوچ
ليان و أبوك إذا عرف
سامر خل يعرف وشيريد يسوي خل يسوي أني قررت اتزوجچ وهاي هي هاي حياتي و أني حر بيها
ليان عندي شروط يجوز متوافق عليها
سامر گليلي شنو شروطچ
ليان نگعد ونحچي بيها مو مال تلفون
سامر تمام حبيبتي
ليان تسد التلفون وصفنه توديها وصفنة تجيبها و تگول
لازم أرسم على سامر بدون ما يدري الحجي أويلي أحمد شسوي بيك ولك كلك وگعت بين إيدي ما راح تسلم مني هاي المرة لا إنت ولا ولدك لا أخليكم تتكاتلون بينكم لو تنطيني الي أريده
سامر وهي يريد يطلع من البيت
ساره سامر اوگف عندي حچي وياك لتطلع
سامر وشنو رايده مني
ساره أريد الدفتر مال مذكرات ملاك وين وديتها
سامر وإنتي شلچ دخل بيها
ساره يجوز مكتوب شي عن حياتها ويجوز البنية ماتت وصدگ بريئة و متعرف شلون صارت حامل ليش مچلب بالمذكرات
سامر هههههههه ولله ضحكتيني إمشي ولي منا مالي خلگچ والمذكرات تنسيها لا هي اختچ ولا صاحبتچ مو كل شوية چنتن تتناگرن مثل الدجاج
بعدين تعالي أگلچ شنو تكتب بالمذكرات راح يغتصبني فلان لو إبني إبن فلان
و هي متعرف  من منو حامل
ساره ماكو غيرك إلي سوى هاي العملة ولله لا أفضحك و أخلي الميشتري يتفرج ولله ما راح اسكت ليش خايف من المذكرات إذا ما عندك شي وياها ومو انت سويت هاي العملة
سامر يصير عصبي نار ويلزمها من خدها ويعصره
شوفي ولچ سكتت هواي وتحملتچ هواي شايفه إذا هيچي حچي يطلع منچ اخرب حياتچ وما أستبعد حتى شبل أحرمچ منه
ساره تصير عصبية وتضربه راشدي وتصيح بكل عالي صوتها
ولك تهددني بإبني ولله لا أواريك منو ساره ولله لا أگول للحجي على كلشي ولله ما اسكت لا أفضحك وأگول لفراس و لمهند وللحجي و تعرف الحجي ما راح يسكت
حجي أحمد يجي على غفلة ويدخل للبيت
خير شكو صياحچ واصل للشارع ليش تصيحين  وشنو تريدين تگليلي
يتبع بارت ١٥