قضية شرف

قضية شرف البارت الثامن

صباح الورد والياسمين
تفاعلكم يحفزني لتقصرون بالتفاعل ولا التعليق
تحياتي
مرتضى الهاشمي
قضية شرف
البارت الثامن
الكاتب مرتضى الهاشمي
رهف تبچي وتحچي ويه البنية بس البنية مستغربة وتباوع عليها
عصام عمو رهف أختچ ملاك تشبه هاي البنية
رهف مو تشبها هي ما اغلط بأختي هاي ملاك
عصام هاي حياة أختچ من أبوچ و توم ملاك
حياة عمو هاي منو و شوكت جيت هنا غير تنطيني خبر
عصام إنطيت خبر لأبوچ بس إنتي شعندچ هنا ليش مو بالبيت
حياة أني جيت أسوي مقابلة على قناة أريد أصير مذيعة نسيت أني خريجة إعلام
تباوع على رهف وتسألها
إنتي منو وليش هيچي حضنتيني
رهف دموعها على طول خدها
إنتي ملاك
رهف شبيچ عيني يا ملاك تحچين بيها أني حياة صلاح  أنطيچ جنسيتي حتى تصدگين
رهف إنتي أختي
حياة عمو شبيها البنية
لو أكلچ تعالي سولفيلي قصتچ خل أسويها حدث صحفي مهم ويفيدني من أقدم على الوظيفة
رهف تريدين تعرفين قصتي
حياة ياريت شوقتيني
رهف أني فقدت أخت والبالصدفة لگيتها
حياة لهسه مقتنعة أني اختچ
رهف إي إنتي اختي و عوضني بالمرحومة بيچ حتى نفس الشكل مستحيل إنتي مو ملاك
حياة عمو هاي البنية تعرفها
رهف اي يعرفني وهو عمي هم
حياة تصيح على عمها
جاوبني عمو هاي البنية تعرفها صحيح أختي لو ناصبين عليه
عصام مو وكتها يا رهف مو گتلچ شوية شوية نگول لأختچ
حياة مصدومة يعني صحيح البنية أختي وين چانت وليش هسه طلعت سولفولي إحچولي ليش كل هاي الفترة أني وحيدة حتى ام ما عندي
اوگفوووو لحظة يعني أمي مميته يعني أمي عايشة كل هاي المدة زين شلون  لعد أمي وينها إحچووو
عصام تعالي للبيت بنتي وأني كلشي افهمچ
رهف أني هم مثلچ إنصدمت ودورت عليكم هواي لحد ما عجزت إحنا ٣ خوات مو بس إنتي لوحدچ أختنا ملاك ماتت وبقينا بس اني وياچ
حياة مصدومة
عمو گول صحيح هذا الكلام راح أتخبل
عصام عمو مو گتلچ خل نروح للبيت وبعدين هناك كلشي تفهمين
ساره تحچي ويا نفسها
غرفة ملاك صار لها فترة مهجورة حتى مهند مينام بيها أروح انظفها هسه كلها تراب لتروح تنسكن من الاعوذ بالله غير أتخبل لازم انظفها
تدخل ساره للغرفة وتنظفها من التراب
وتضل تگح
صار شگد مفاتحين الغرفة شراح ينظفها اليوم اليه يله يومية أنظف شوية
تروح تفتح كنتورها وتشوف ملابسها
ماشاءالله عدها ملابس تخبل لهسه ملابستها
الله هاي شنو سيتات نوم تخبل خل أخذ منها أصلا مملبوسات بعدها بالچيس اليوم أخبل فراس بيهن
تشيلها كلها وجوه الملابس دفتر مذكرات كاتبة عليه مذكراتي منتبهت عليه ساره
بعدين ترجع تحچي ويه روحها خل أرجع السيتات مال نوم ويومية أخذ سيت حتى فراس ميحس أني أخذها من غرفة ملاك
ترجع السيتات على الدفتر وتاخذ سيت وهي طالعة
يلاگيها مهند
شسوين بغرفتي
ساره محرجة چنت أنظفها التراب ماليها ملي اليوم كملت شوية وباچر ارجع اكملها
مهند ميحتاج أني بعد ما اريد الغرفة ولا أگعد بيها وشنو هذا إلي بيدچ
ساره محرجة
هاي قطعة ملابس عجبتني گلت ألبسها
مهند شيعجبچ أخذي من غرفتها بس تگليلي وأني انطيچ وبعد ممنوع إدخلين لغرفة مره ثانية زين لا حسابچ يصير غير حساب
ساره شبيك عيني عوذة منك فوگ ما اريد انظفنا الك راح تنسكن الغرفة لأن التراب كتلها 
مهند عساها بالهجمان هي إنهجمت بعدين شلون إلچ نفس تاخذين ملابس وحدة ميته
ساره هاي شبيك عيني ترى الملابس مملبوسه وحتى لو چانت ملبوسه قابل لابستها وهي ميته
مهند الغرفة راح اقولها وممنوع بعد تتقربيلها أخر مره أگلچ لا بعدين تشوفين وجه ثاني مني
ساره صار عيني صار شدعوة هو سيت مال نوم شخذت قابل
مهند أخذي حلال عليچ وهاي أخر مرة تسويها وصيري حبابة
ساره اي إفتهمنا شگد تلح 
بعد ما راحت لغرفتها تحچي ويا روحها
ليش ميخليني أدخل الغرفة ولله عناد بيك الا أدخلها يشوفني وجهة الثاني عشتو ما بقه عليه غير وصخ رجليه
بعد ما رجعو للبيت عصام و رهف و حياة
تدخل حياة وهي عصبية وتگول
بابا هاي منو وماما وين صدگ أني عندي خوات
صلاح مصدوم وين أختچ
حياة هاي كدامك أختي يعني صدگ كلامها گول شضام عليه
صلاح عيونه تفيض من الدمع ويركض على بته ويحضنها ويبچي
رهف هم تبچي وتحضنه
صلاح أريد أشم عطرچ بابا أريد اشبع منچ كتلني شوگي إلچ
رهف يا روحي وعمري يا بابا أحبك ضاع عمري وأني محرومة من شوفتك
حياة تبچي بسبب المنظر وعصام يبچي
حياة تريد تطلع
عصام يلزمها
وين رايحة
حياة مصدومة على عصبية على ما اعرف شبيه خلوني أطلع شوية اغير جو و أرجع
رهف تعوف أبوها وتجي عليها وتحضنها وتكللها
أبوس إيدچ لتروحين لأي مكان إنتي عوضتيني عن ملاك أريد اشبع من شوفتچ
حياة تتأثر بكلامها
اني ابقى بس تفهومني شنو الي يصير ما عندي طاقة اصبر
صلاح هاي أختچ وما صار فترة قليلة و عرفت الگاها
حياة و ماما وين
صلاح امچ عايشة
حياة تتهستر وتصير عصبية نااار
شنو أني بحلم تضحكون عليه كل هاي الفترة وتگولون أمچ ميته ليش هيچي تلعبون بيه ضيعت طفولتي بدون ام وبدون خوات ليش خليتوني اعيش وحيدة لييييييش
تگوم تكسر بالغراض وتصيح وتتهستر من العصبية
عصام و اختها رهف يحاولون يلزموها ويهدوها
حياة عوفوني لحد يجي يمي إنتو كذابين كلكم أني منو وبت منو حتى امي ما اعرفها ومنو يگول إنتي اختي ومنو يگول أني بت صلاح ليش ضامين عليه كل هاي الفترة
رهف ولله العظيم أني نفسچ قبل فترة يله عرفت ليش متصدگين شحال لو إنتي عايشة يم رجال غريب هو رباچ وهو تصيحله بابا تالي تعرفين إنتي مو بنته شنو راح يكون حالچ ووضعچ شنو راح تسوين لو شفتي أختچ تموت گبالچ ومحد يرضى يساعدها ولا يوديها للمستشفى مهما تكون صدمتچ مو مثل صدمتي بيوم واحد كلشي خسرت خسرت أختي وامي وأبوية ودخلت السجن وما اعرف شنو اسوي ماكو واحد يطبطب عليه ولا واحد يواسيني على مصيبتي حتى خطيبي وحبيبي تركني حتى گبر أختي ما اندله وما اعرف وين دافنيها لو چنتي بمكاني چان شسويتي أني چنت أميرة زماني و بلحظة فزيت على كابوس وكلشي ضاع مني وصرت يتيمة من جديد و أدور على أهلي الضاعو مني فجأة لو صرتي بمكاني چان شسويتي
حياة تصيح بعصبية
و أني عشت حياتي كلها وحيدة واتحلم أعيش ويه ام وأخ واخت تمنيت أصير حالي حال البنات و عندي عائلة أحلى أيام اعيشها من اروح لبيت عمي عصام لأن أحس بيت بي عائلة و أحس بولد عمي أخوتي هسه جايه تقارنين حياتچ بحياتي وجايه تگليلي خطيبي عافني
أني حتى أرفض العرسان لأن ماكو أم ولا اخت توگف بعرسي
عصام وإحنا وين رحنا بنتي
حياة شما تسوون متعوضون كلمة ماما إلي إنحرمت منها سنواااااات عمو ليش قشمرتوني وليش هيچي خليتوني وحيدة وعايشة مثل الغبية كل ذيچ السنوات
صلاح الي صار مو بيدي
رهف لا بابا صحيح اني جيت يمكم برضاتي بس جيت لخاطر أختي مو علمودك إنت السبب بضياعنا وبعدنا
صلاح ومنو گالج هذا الحچي
رهف ماكو شي ينضم بابا كلشي إنكشف أني ما جايه اعتب أني جايه حتى أشوف أختي واعيش حالي حال البنات عدها اب يخاف عليها مو يتركها وهي تموت مثل ما ماتت اختي ما أريد أصير مثل ملاك تعالج والكل يتفرج عليها شلون تطلع روحها
صلاح يبچي ملاك حقها يمي وما اعوفه و كافي رهف تذبين الصوچ بيه أني ما بيه صوچ والايام تثبتلچ
حياة متحچي ليش ساكت أمي وين وليش عافتنا
صلاح أني ما أريد وأگول شي الأيام تثبت أني مظلمتها لأمكم
حياة متحچي ليش ساكت
صلاح أمكم خانتني وباعتني من دخلت السجن أخذت رؤى و رنا وعافتچ لوحدچ
حياة منو رؤى و رنا
صلاح خواتچ الي أمچ بعدين سمتهم ملاك و رهف
رهف تبچي وتصيح بعصبيةوحرگة
يعني حتى أسامينا مو حقيقية
صلاح أمكم كل انواع النذالة باعتها ويايه
رهف لا إنت بعت النذالة وياها من چنت تجيب بنات للبيت وعلى فراشها تخونها ومن الشرب والقمار مالتك
عصام بعصبية عيب هيچي تحچين ويه ابوچ
صلاح عوفها خل تكمل أريد اسمع كلشي منها
رهف جاوبني منو البده ويه منو ومنو الخان بالأول
صلاح صحيح ما انكر چنت أشرب وأدور بنات بس شنو السبب الي خلاني هيجي أسوي مسألتيها مگتيلها ليش بابا إنسجن
رهف بسبب شغلك ويه سامكو
صلاح يا سامكو إنتي مواليد ٢٠٠٢
و ملاك ٢٠٠٠
وسامكو صار بسنة ١٩٩٥ شلون صرت ويا أني إنسجنت بداية عام ٢٠٠٢ وحكمو عليه بالإعدام وسحبو جنسيتي بس حكم الإعدام إلغه بسبب العفو العام وطلعت وياريت ما طلعت ياريت أني معدوم إكتشفت أمچ ماخذتكم وعايفه حياة عليه ويا ريت ما عشت ولا شفت هذا اليوم حتى الطلاق رفعت عليه دعوة و طلگتني غيابي وتزوجت وبعدها هددوني ما أشوفكم لحد ما صار السقوط دورت عليكم و گلبت الدنيا ملگيتكم حتى فلوسي ماخذتها  و قررت وراها أعوف بغداد وأعيش هنا بسبب كلام الناس على امچ
رهف بعصبية وإنفعال
لااااااااا ما اسمحلك هيچي تحچي على أمي لتحاول تشوه سمعتها و شرفها أمي اعرفها زين شريفة وميطلع منها هيچي بس إنت الي مشيك اعوج وأني غلطانة جيت يمك
عصام لا بنتي أبوچ كلامه صحيح أمچ چانت تحب رجل امچ ومن أمچ چانت على ذمة ابوچ و حتى چان يشك إنتو مو بناته بس بعد ما عرفنا رجل أمچ ميخلف تأكدنا إنتو بناته بس بعد فوات الأوان لگيناكم عايفين البيت وشايلين غير مكان
رهف إنتو كذابين كذااااااااااااابين أني غلطانة جيت هنا يمكم أني أطلع أريد أرجع لبغداد ارجع يم أهلي الربوني
حياة مصدومة
يعني أمي حبت واحد على ابوية أمي خانت أبوية
رهف لتصدگين بيهم ملاك
حياة أني حياة مو ملاك إفتهمي
رهف لا إنتي ملاك و ذولة كذابين أني لازم ارجع أني ما ابقى هنا
رهف تعوفهم وتطلع مثل المخبلة بالشارع عصام وصلاح وحياة يركضون وراها
رهف تصيح عليهم
عوفوني ما اريدكم إنتو مو أهلي إنتو ناس چذابين
حياة رهههههههف إنتبهي
سيارة تصدم رهف وتوگع بالگاع
صلاح يركض عليها ويشيلها ويحضنها ويبچي
بابا رهف لا تروحين مني ولچ أموت اموت وراچ مصدگت لگيتچ رههههف
حياة لا رهف لا عفيه لتعوفيني مصدگت لگيت أختي لا تحرميني منچ
يودوها للمستشفى
حياة تحچي على أبوها وتلومه
كله بسببك ليش خليتها تطلع ليش ملزمتها ليش كذبت عليها وحچيت على أمنا
صلاح إنتي مشايفه أمچ راح تفتنعين بكلامي بس هي شافتها و عاشت وياها ما راح تصدگ بكلشي ما راح تصدگ شلون تهموني تهمة قوية كسرو ظهري بيها تهموني أني أشتغل ويه سامكو و كدرت أسقط التهمة واكسب الدعوة بس وراها تهموني أني ضد حزب البعث و وثقو صور اليه ويه ناس معارضين بس الصور قديمة وتهموني عندي خلية ضد النظام و دخلوني سجن وانواع التعذيب شفت
حياة شعجب ليش هيچي سوو وياك
صلاح أمچ تحب إبن عمتها ومزوجوها إله اني تزوجتها وبقت تحب إبن عمتها وهو چان بالحزب وأبو چبير بالحزب لفقولي تهم بدال التهمة حتى الشرب چنت أشرب بسبب أمچ ادري بيها تحبه بس ما عندي دليل احاججهم بي ولا عندي ظهر أگدر اطيح حظهم بي ضليت أطلع حرگتي بالشرب
حياة يعني زوجتك تخونك ومعرفت تسوي شي هالگد چنت جبان
صلاح مخانتني بس تحبه و أعرف تحبه وهاي غلطتي من تزوجتها المفروض ما اتزوجها
حياة إذا مخانتك شلون شكيت إحنا مو بناتك
صلاح شك مجرد شك لحد ما إتزوجو وثبت هو ميخلف چانت اخبارهم نعرفها بس قبل حرب ٢٠٠٣ بشهرين شالو وإختفو من المنطقةورى السقوط دورت عليهم وردت أشوفهم و أشرب من دمه بس گالو سافرو و أني تركت بغداد وايست مچنت ادري بيهم بعدهم هنا بالعراق
يطلع الممرض من غرفة الطوارئ
حياة بشر دكتور
صلاح دكتور بنتي شلون صارت
الممرض  إثنين عدنه جوه وحالتهم خطرة
حياة وحدة مسوية حادث مصدومة بسيارة بحادث قبل ساعتين دخلت
الدكتور إثنينهن حادث سيارة وحدة ماتت و وحدة بعد نحاول وياها حالتها خطرة من رخصتكم أجيب العلاج لأن الدكاترة جوه يشتغلون ما أريد اتأخر
حياة تبچي وتتهستر
لااااا مماتت اختي رهههههف ليش تنطيني الدنيا وتروحين مني ملحگت حتى أحفظ شكلك ليش ياربي
مرتضى الهاشمي
للقصة بقية
يتبع البارت التاسع