قضية شرف

قضية شرف بارت ٢٥

تحياتي
الكاتب مرتضى الهاشمي
قضية شرف
بارت ٢٥
مرتضى الهاشمي
حياة ترجع تخابر على رهف
بس رهف متجاوب
إدزلها رسالة
شوفي رهف أني گاعدة بنص النار لخاطرچ و لخاطر أختنا ملاك وأني ما أحب مهند مثل ما تصورين وأني خليت كاميرات بغرفهم كلهم. سألي لؤي إذا متصدگين هواي شغلات عرفت بس ما أگدر اوضحها إلچ و نور أني اتواصل وياها
بس أحب أگلچ بعد هذا كلامچ الجارح اليه ومتقدرين وضعي
بيني وبينچ القضية وبس و حسابي وياچ يختلف
رهف تقره رسالتها وتندم لأن هيچي حچت وياها ترجع تخابرها بس حياة متشيل التلفون
مهند يله ملاك حضري روحچ
حياة ترى چنت اخابر ومگدرت أحاسبك اولا أني ما جايه افرفر وأسافر
ثانيا اعتقد غرفتي محرمة عليك تدخلها شلون تدخل عليه بدون مدگ الباب
مهند ترى إنتي مرتي أطب واطلع مثل ما أني رايد
حياة لا مو بكيفك ولا يومية تعيد هاي الإسطوانة الفارغة شوف مهند تريد أعوف البيت واطلع لو تريد تساعدني من صدگ
مهند أني لو ما ناوي اساعدچ جان ما أكلچ إمشي نسافر
حياة هي مال سفر وضعي مال سفر و ونسه
مهند منو كلچ ونسه كدام الكل گولي ونسه بس بيني وبينچ لا بخصوص القضية
حياة شنو أكو شي جديد
مهند فهد بين الحياة والموت
حياة ميهمني
مهند مصدوم
فهد ميهمج
حياة إي كل واحد باعني ميهمني حتى بابا وماما ميهموني إلي يهمني اثبت برائتي وبس حتى إنت متهمني
مهند تغيرتي هواي ملاك
حياة تتقرب من وجهة وتگله بحقد
بسببكم وبسبب أذيتكم إليه تغيرت وصرت وحدة ثانية تريد تنتقم لشرفها وبس
مهند بس من راح تسمعين فهد عنده كلام هواي لازم يحچي ويريدچ تسمعي
حياة كلام بخصوص شنو
مهند بخصوص قضيتچ
حياة إي أروح
مهند معقولة هيجي تغيرتي
حياة وأكثر اركض لمصلحتي و بس أعتقد بعد محد يفيدني
تلفونها يرن تقطع الإتصال وتگله
شوف حتى أختي رهف متهمني وماوراح أجاوبها لأن كلكم بس تذبون التهم و عدكم شرف الناس هيچي لعبة
مهند أني اعوفچ هسه أروح احجز و أرجع لو ما عندي مشكلة ويه فراس چان هسه طلعت بسيارة من سياراتنا
ورى ما طلع
حياة تستغل الفرصة وتخابر على الإعلامية نور
نور أهلا حياة عاش من سمع صوتچ
حياة إنتي العايشة حبي عندي معلومات قوية راح ادزها إلچ خلال يومين
نور يعني أنشر وأگول ترقبو
حياة نشري بس مو كل المعلومات
نور تمام أسويها حلقات بس شنو المعلومات الي حصلتيها
حياة ركزي ويايه وراح تسمعين كلشي
ليان تدخل على بيت  معزول گاعد بي سامر
تحضن سامر وتكله
سامحني إنجبرت أبلغ عليك بس مثل ما دخلتك طلعتك
سامر طلعتيني وهسه أني هارب بنظر القانون
ليان لتخاف أني أهزمك وما ابقيك هنا
سامر متهزميني شتنتظرين
ليان أريد فلوس ابوك
سامر وأني شعليه بفلوس أبوية
ليان لاء حبيبي إنت يمك فلوس أبوك
سامر ترى الفلوس الي اخذتها أني وياچ من القاصة ما أعرف وين راحت
ليان مو هاي أريد الشركة وبيت ابوك
سامر ما افتهم
ليان شوف حباب أبوك مسجل الشركة والبيت ونص السيارات بإسمك وعمارة بإسم فراس و باقي فلوسه مطرشها منا ومنا كل واحد يعرف ابوك ضام يمه فلوس يشغلها وياخذ عليها ارباح
سامر معقولة وليش يسوي هيچي
ليان هاك هذا السند مال بيت وهذا سند مال الشركة و هاي المكاتبات مال السيارات نصها بإسمك
سامر وليش هيچي يسوي
ليان أبوك ناصب على هواي ناس وماخذ منهم فلوس وعلى أساس يشغلها بس هي شركات وهمية ياخذ من فلان وفلان كذا مبلغ ويگللهم أني انطيكم ارباح بس جيبو ناس وياكم وتزيد ارباحكم يغريهم بكم شهر بأرباح خيالية بعدين هناك الصدمة من يعرفون الحجي ضاحك عليهم ولا أي وجود لهاي الشركات بس ابوك ذكي ميخلي نفسه بالواجهة إلي يخليهم همه ناس ممعروفين وبعدين من العالم تجي إدور عليهم يهزمهم واحد منهم رجل أختك وواحد منهم فهد وحتى أبو ملاك ناصب عليه وميكدرون يحچون حتى محد يلزمهم
سامر إنتي كذابة منين تجيبين هذا الكلام
ليان مو كل هذا الحچيته الك چنت ادري بي لو أگلك إلي اعرفه راح  تنصدم
سامر لعد منو گلچ
ليان مذكرات ليان كلشي مذكور بيها
سامر المذكرات وين
ليان باگتها ساره عبالها ما أدري هي باگتها وقبل لا ادور بغرفتها سوت مشكلة چبيرة ويه ملاك بعد ما أگدر احجي لأن هي مو تخصني حتى أطالب بيها
سامر هااااا عرفت هسه ليش ساره جتي للسجن
ليان شنو ساره جتك للسجن
سامر اي ورى ما إنتي طلعتي جتي وراچ
ليان لا يا بنت الكلب
سامر زين شعرفها ملاك بكل هاي الأسرار
ليان هذا الشي الي مخبلني
سامر ليش مسألتيها وواجهيتها كدام الكل
ليان إنت غبي شلون اگدر أخذ باقي الفلوس وبعدين هاي الي بنصنا مو ملاك
سامر راح تخبليني شلون مو ملاك
ليان لو ملاك چان گالت بكل هذا الحچي بس مبين هاي متعرف كلشي ومهند متفق وياها و ما أعرف شنو يدور براسها
سامر إنتي شتعرفين عن أبوية
ليان أبوك ديوث
سامر إحترمي نفسچ
ليان ضجت من كتلك ديوث وإذا أكلك أني بيدي چنت أرتب طلعات الفي اي بي تذكر من ميقبل الحجي واحد يدخل بهاي الرحلات
سامر اي صحيح شنو سالفتها
ليان ناس تريد تتونس بدون ما واحد يدري أبوك ياخذ فلوس الضعف مقابل سفرة اله و البنية إلي يختارها ابوك هو يرتب الفندق بعلاقاته ولاي دولة ويسفرهم ويجون مقابل عقد مزور و يتحجج يگول زواج متعة بس اكو بنات متزوجات يروحن هيجي سفرات ومن غير الفايز ويتاجر بالعملة
سامر گولي شيطان و فضيها
ليان شيطان بس متستر بالدين
سامر وهسه شتريدين مني
ليان أريد منك تبيعلي كل الي بإسمك وأطلعك بره
سامر إنتي مخبلة
ليان متريد بكيفك بس خليها بالك لا راح تطلع بره ولا تستفاد منها و فراس يريد يكتلك من غير مهند إلي يدور عليك
سامر وليش يدور عليه
ليان شغلة ملاك لو نسيت
ساره عزااا العزاچ ملاك كل هاي تعرفي و أني أگول ليش گالت بكل ثقة الي راح توگع الاوراق بيده ما راح يرحمكم
تعبت هواي قريت أروح اضمها والباقي بعدين اقرى حتى محد يشك بيه
لازم اتصل على ملاك
شلون اتصل بيها ورقمها الجديد مو يمي خل اتصل بمهند بس لا موهسه خل اتأكد يله
بعد  ٣ ايام
فهد و رسل طالعين يشمون هوى بالحديقة
فهد تعبت أريد ارجع للبيت
رسل حبيبي بس إنتظر شوية بيتنا بعيد والدكتور قريب منا شوية ويجي موعدنا يم الدكتور ما ضل بس نص ساعة
فهد تعبتج ويايه
رسل ولك تعبتني شنو لو بيدي أنطي من عمري لعمرك إنت حبيبي و زوجي وأبو إبني أني أحبك وروحي إلك
فهد بس أصير زين اعوضچ على كلشي
رسل ما اريد منك شي بس گوم بالسلامة حبيبي
مهند يله ملاك جاهزة
حياة إي جاهزة
مهند طلعي من الغرفة أني باب الغرفة مالتج
مهند يصوفر
الله هاي شطالعة ملاك إسم على مسمى
حياة تبتسم
تسلم عيونك الحلوة
مهند لو بس تحنين عليه و نأجر سويت أني وياچ ليش كل واحد غرفة
حياة مهند لتلح أني گتلك من البداية أوافق اسافر وياك بشرط إنت بغرفة وأني بغرفة
لتخليني أندم سافرت وياك
مهند تمام كافي يله خل نلحگ على فهد خابرته گال شوية وأطلع من الدكتور
فهد و رسل يتمشون و رسل تبچي
فهد يذكر من دخل للدكتور
فهد يعني ماكو أمل دكتور
الدكتور مرضك متقدم هواي و لازم تدخل مستشفى إحنا نحاول بس الباقي يم ربك
رسل إدخل للمستشفى و بلكي الله تشافى
فهد مو مواعدين مهند وملاك بالمطعم لازم نشوفهم
رسل أني ابلغ مهند وأگله يجي للمستشفى
فهد بعيدة عليهم
رسل أبوس إيدك أني أخليهم يجون ليضل بالك
تجي رسالة لساره
أي ورقة تطلع من المذكرات راح يكون مقابلها حياة شبل إبنچ و لتفكرين تبلغين الشرطة ميلحگون يوصلون للبيت
ساره خايفة وتصيح
لااااا شبل لااااا هذا منو
ليان گاعدة وياها بالإستقبال وتگلب يتلفونها من تشوفها تصيح تگللها
شبيچ تخبلتي على غفلة تصيحين
ساره إنتي سوسة البله ماكو غيرج الا أموتچ وأدمرچ
ليان شبيچ ولچ تخبلتي
ساره أوگفي جيبي تلفونچ
ليان شبيچ بابا شسوين بتلفوني
ساره تجر التلفون منها وتگللها
جيبي خل اتاگد هذا مو رقمج
ساره تتصل على الرقم بي يطلع مو تلفون ليان
يفتح خط صاحب الرقم
الووووو
ساره إنت منو أني ساره
صاحب الرقم
ههههههههه خفتي لتخافين إذا تبقين حبابة ما راح اسويلچ شي
صوت أبو المي الارو يصير قريب من بيتهم
وتتفاجئ ساره تسمع صوت أبو مي أرو هم بتلفون إلي يخابرها معناها قريب منهم
ساره  إنت وين
يرد عليها
أني قربب عليچ أكثر من شبل و نصحتچ
ساره إنت سامر
يرد عليها سامر غير سامر أني نصحتچ وخلص
ليان جيبي التلفون  عفيه بيت بس مشاكل عووووووذه
حياة تشوف فهد
الحمدلله على سلامتك تگوم بالسلامة يارب
فهد إعذريني ملاك موگفت وياچ وساعدتج
حياة هسه مو وكت عتاب إهتم بصحتك و گوم بالسلامة
فهد يضحك بعدچ تحبين مهند لتضوجين منه ترى هواي يحبچ
حياة هذا موضوع إنتهى
فهد تذكرين شگتيلي أخر لقاء بيني وبينچ
حياة بلهفة شگتلك
فهد گتيلي مهند ما أبيعه بالدنيا و چنتي متلهفة حتى تشوفي شنو نسيتي من حچينا أني وياچ باب البيت مال اهلچ
حياة اي اي أتذكر
فهد عندي كلام وياچ بخصوص الحجي بلكي يفيدچ
حياة إي گول
يجي الدكتور ويگول
ليش هنا كلكم طلعون بره
رسل بس جايين يشوفو خطية من العراق جايين
الدكتور ممنوع اي احد يجي يمه يله بره
حياة بس كلمتين عندي ويا
مهند ورسل يطلعون
حياة تشوف صورة أمها بتلفون تستغل الموقف وتكله
لخاطر خالتي جيت لأن عزيزة عليه
فهد مصدوم لأن معرفت أمها يگللها
إنتي مو ملاك
حياة أني ملاك
فهد أني أعرف ملاك زين اني وياها تربينا سوه  حافظ كل تفاصيلها إنتي وحدة ثانية
حياة چان كشفني مهند
فهد مهند يحب ملاك وشافچ تشبهيها فتعلق بيچ ميريد يصدگ ملاك ماتت
حياة أني أختها التوأم و أريد أطلع حقها
فهد رهف وين ليش مطالبت بحق أختها
حياة رهف أني ضميتها خفت عليها منكم كلكم وضحيت بروحي علمودها
وإذا متصدگ أخابرها گدامك
تتصل عليها
رهف تفتح خط هلو حياة بشري سويتي أني اسفة على ذيچ المرة شكيت بيج
حياة ممخابرة حتى اعاتبچ بس حتى اثبتلچ أني أهم شي عندي ملاك مو رايحة أحب وانحب
عموما هذا واحد عزيز عليكم يريد يحچي وياچ
فهد شلونچ رهف
رهف هذا إنت و إلك عين وتسأل أني شلوني
فهد أني أسف وهاي أخر أيامي و عندي مفتاح برائة ملاك
رهف وليش مطلعته من زمان
فهد مچنت ادري هواي مستحدثات عرفتها من أمي مچنت أدري حتى امچ مطلگه من ابوچ كلها دريت بيها بالجديد
حياة ومنو سوى بملاك هيجي يله إحچي
فهد ما أعرف لو اعرف چان شربت من دمه بس أكو شي بلكي يوصلكم إله
حياة تاخذ التلفون منه وتسده وتگله
شنو هو إحچي گول شنو
فهد تعب كلش و بالگوة يتنفس ويگول
هوا هوا أريد هواااا
حياة تصيح على الدكاترة الرجال راح يموت تلاحكوله
يجون الدكاترة ويحچون بالتركي مفهمت عليهم لحد ما إجه الدكتور إلي يحچي بالعراقي وطلع مهند و رسل من الغرفة
تسأله راح يموت عفيه تلاحگوله
الدكتور مو كتلكم ممنوع إدخلون عليه وتحچون ويا ممنوع بعد واحد يدخله
يتبع بارت ٢٦