قضية شرف

قضية شرف البارت الرابع

مساء الورد
تفاعلكم يحفزني
تحياتي الكاتب مرتضى الهاشمي
قضية شرف
البارت الرابع
ملاك خايفة ومرتبكة
لا على شنو نسوي تحليل سويت أني تحليل اليوم وطلع مابي حمل
مهند يصيح عليها وإنتي ليش خايفة تسوين تحليل ثاني
باچر تسوين وغصبا عليچ
ملاك ميحتاج  أسوي مو بكيفك
مهند تسوين وغصبا على راسچ لا أكسر راسچ هسه
ملاك كسره وخلصني
مهند إنتي ضامة عليه شي ليش كل احوالچ مخربطة
ملاك تريد تعرف شبيه
مهند اي گولي شبيچ لو تخافين
ملاك دمعتها بعينها أگلك أني مخايفة من شي لان مغلطانةإسمعني زين مهند أني حاااامل
ساره تحط إيدها على حلگها ومصدومة
مهند شگلتي ولچ من شوكت حامل
ملاك تبچي ودموعها  عشره عشره
عمر الطفل خمس  أسابيع يعني شهر بس صدگني ولله ما أعرف الطفل أبن منو
مهند ينهار عليها من الضرب
ولچ اليوم اموتچ إنوب تگولين ما أعرف إبن منو لعد ويه شكم واحد خاينتني
ملاك تبچي وتعيط
ولله مخنتك و شرف أمي مخنتك ولله ما أعرف شلون صرت حامل
ساره تحاول تخلص ملاك وتگول لمهند
ولك كافي راح تموت البنية بيدك
مهند أني اريدها تموت
ملاك موتني من حقك وعاذرتك بس أريد قبل متموتني تعرف هذا إلي بطني منين
تحچي ويه ساره ومهند
ولله أني بريئة وما اعرف هذا الطفل منين ولله ما ادري شلون صرت حامل
مهند يجر ملاك من شعرها ويگول لساره
وخري مني ولچ اليوم أنعل والديها أني أريد اموتها
يدخل حجي أحمد للبيت
هاي شكو ليش تكتلها
ملاك تجي تختل ورى عمها وتگله
عمي إنت وساره شهود عليه اني طلعت طبيت لوحدي مو دائما من اطلع يجي فهد ياخذني
حجي احمد شنو بنتي شصاير
مهند الست المحترمة حامل وصارلها شهر وأني قبل ٣ اشهر مموجود بالبيت
حجي أحمد ينصدم ويبعد ملاك عنه ويگول
استغفرالله ربي و اتوب إليك حسبي الله ونعم الوكيل
صدگ هذا الحچي لو تتهمها
مهند هي اليوم سوت التحليل
حجي أحمد استغفرالله العظيم من كل ذنب عظيم روحي من يمي لتتقربين مني إنتي وحدة فاجرة
ملاك عمو مو أني كدامك وإسال سامر وفهد و ساره
حجي أحمد أني خوفي من هذا فهد يوميه طالعة و طابه ويا
مهند مو گلت اليوم حضرت أمها تزعل
حجي أحمد الفاس وگع بالراس بعد
ملاك شبيكم هذا فهد أخوية شنو متعرفو
مهند من يصير اخوچ بالجنسية أقتنع هو اخوچ
ملاك ولكم ولله أخوية
مهند ولچ كافي لغوة زايدة اليوم اغسل عارچ
حجي أحمد إنت غبي خابر على أبوها وأمها وهمه يصرفون وياها
مهند و العار
حجي أحمد العار عليهم مو علينا إحنا همه ما عرفو يربون بتهم
أبو ملاك يله حجية تأخرنا
رهف وين رايحين بابا
ابو ملاك لبيت ملاك عمها خابرني وگال هسه تجي
رهف خل اجي وياكم شنو تعوفوني لوحدي هنا
ابو ملاك يله بدلي بسرعة
ام ملاك لبسي صايه فوگ ملابسچ وشال وإمشي مو مال تبدلين
رهف  تمام بس إنتظروني خل البس شال و صايه
بعد ما طلعو لگو فهد منتظرهم بالباب
خير شكو شنو صاير
ام ملاك ما أعرف هسه الحجي خابر ابو ملاك وگال ضروري تجي عندي وياك كلام بخصوص ملاك و مهند و گبل خابرناك حتى توصلنا
بعد ما وصلو بيت حجي أحمد
سمعو صوت صياح بالبيت وعياط ملاك
دخلو و إنصدمو بوجه ملاك كله دم وعليها اثار ضرب و عيونها مزورگه
فهد يصير عصبي ويصيح
منو ضربها اليوم أشرب من دمه
ابو ملاك يجر ملاك ويحضنها  ويصيح
ليش هيجي تسوون بيها شنو أني منطيها إلكم فصلية
مهند يباوع على فهد ويگله بعصبية وحقد
محترگ گلبك عليها مووو اليوم ادفنكم سوه توقعي بمكانه إنت أبو الطفل الي بطن ملاك
فهد ولك شجاي تمضرط إنت متحچي عدل حيوان
مهند ماكو حيوان وعار غيركم ولكم سوايتكم محد مسويها تمثلون علينا إنتو مثل الأخوان تالي يطلع بينكم علاقة
رهف تحضن ملاك وتحاول تصبر بيها وتگول لمهند بكل عصبية
ولك إنت شنو من عقل عندك چان إستحيت هيچي الشك سوه بيك إنت مريض
مهند أني ما اشك أني إتأكدت
فهد تأكدت شنو
مهند ملاك حامل منك صار فوگ الشهر ومستغلين غيابي كل هاي الفترة
فهد ولك إنت ماكو غير حل واحد إلك أشرب من دمك اليوم
مهند أني اليوم أشرب من دمكم واخليكم عبرة
حجي أحمد يصيح عليهم
كااافي أبو ملاك تاخذ بنتك وتروح
ابو ملاك بعد هذا الكلام والإتهام ما أعوف مهند و اليوم ارجعله كل ضربة لبنتي عشره بمكانها
حجي أحمد لتدخل بمشاكل إنت غنى عنها وتعرف زين هي مو بنتك ولا محسوبة عليك
رهف مصدومة شنووووو وضح كلامك شنو مو بنته
حجي أحمد ليش متدرين أمچ مطلگه گبل لا تزوج ابوچ و ابوها واحد سكير وقمرچي بس الظاهر اختچ ملاك هذا الشي بدمها و حبت تعيش مثل عيشت ابوها
ابو ملاك ملاك بنتي وتربايتي واليوم أكسر ظهر اليجيب طاريها بالموزين
حجي أحمد إحنا ما تاهمين بنتك هاي يمك وإسألها گللها صدگ هي حامل
ابو ملاك ملاك بابا صدگ هذا الحچي
ملاك تبچي ولله بابا ما أعرف أني منين حامل على غفلة شفت نفسي حامل
ام ملاك تلطم على راسها
عزى العزاج ولچ شنو متدرين منين حامل
ملاك رحت سويت تحليل وسونار لأن عليه أعراض وحام و طلعت حامل ب ٥ اسابيع بس ولله ما ادري منين ولله أني شريفة ولا واحد تقربلي
ابو ملاك وامها
ينهارون عليها بالضرب
ام ملاك ولچ العذر أكبر من الصوچ ويه شكم واحد خاينة رجلچ ومتعرفين منين حامل
ملاك تبچي وتلطم على وجهة
ما خاينته ولله ما خاينته إذا تريدون تكتلوني كتلوني موافقة بس اريد حقي اريد اعرف شلون صرت حامل ومنو السبب
فهد يضربها راشدي
ولچ إنتي خزيتينا ولطمتينا خليتي راسنا بالطين
مهند لا تحاول تبرر ماكو غيرك هي دائما يمك بحجة تشوف خالتها ومگضيها حب وغرام إنت وياها
فهد أني مو ساقط مثلها حتى أنام ويه وحدة متزوجة
ملاك ولا أني ساقطة أني اشرف منكم كلكم يا ابو الملاهي
حجي أحمد ظهر الحق الحمدلله وتراشقت التهم فيما بينهم
مهند طلعو كلام بينكم بعد طلعو شنو بينكم
ملاك ما بيني وبينه شي ولله العظيم ولتغشمون نفسكم وتسوون نفسكم متدرون يومية سامر و فهد يسهرون للصبح بيتكم
ساره و إنتي تسويلهم عشه وتاكلون كرزات و تتحججين من يمنا تگولين ما اكدر اكل نفسي تلعب و تقفلين تلفونچ حتى من زوجچ يخابرچ تگليله ما عندي شحن
مهند يعني تسهرين وياهم
ملاك لا ولله بس رحت اسويلهم عشه وأني گتلك
ساره بس العشا مالكم بالحمام شسوون بالحمام بنص الليل
فهد چانت تذب من راسها
حجي أحمد وإنت تدخل وياها للحمام
ملاك چذب ولله العظيم چذب جيبو القرأن احلف عليه ولله جذب وكتلكم حبسوني كتلوني خلاص بس بعد ما تعرفون أني منين حامل ولله ما ادري منين ولله أني بريئة يا ناس يا عالم ليش محد يصدگني
رهف تحضنها أني مصدگتچ تعرفين ليش لأن شريفة مثلچ ونفس تربيتچ
ابو ملاك يضربها ضرب مال موت لملاك ويگللها
اليوم أغسل عارچ
مهند يتهادد على فهد بالسچينة بعد ما جابها من المطبخ ويگله
ولك اليوم اخر يوم بعمرك اليوم أطم عاركم إثنينكم
فهد يوخر ومن مهند ويلزم إيده ويلويها
وياخذ السچينة منه ويضرب مهند دفرة ويوگعه بالگاع ويصير فوگ مهند ويريد يضربة بالسچينة
ملاك تجي تصيح وتبچي وتحاول تلزم فهد وتگله
لاااا فهد لتضرب مهند لاااا أضربني أني بمكانه
فهد يصير عصبي أكثر
ملاك تجر إيده
فهد يدفعها بكل قوته
السچينة تفتر وتجي بگلب ملاك
ملاك تتألم و السچينة بگلبها وهي تباوع عليهم كلهم وتگول
ولله العظيم أني بريئة وشريفة
توگع ملاك على الگاع
والكل مصدومين
فهد مصدوم ويباوع على السچينة وملاك ميعرف شيسوي
رهف تركض على وملاك وتحضنها وتبچي وتگللها
أدري بيچ شريفة وبريئة ملاك حاچيني ولچ خيتي ردي عليه ملااااااااااااااااااك
يتبع البارت الخامس