قضية شرف

قضية شرف بارت ٢٠

صباح العسل
الا تنسون التفاعل والتعليق
تحياتي
الكاتب مرتضى الهاشمي
قضية شرف
بارت ٢٠
مرتضى الهاشمي
صلاح رجلچ الشفية وين
ام ملاك وإنت شرايد من رجلي
صلاح أريد اشرب من دمكم
ام ملاك معقولة رهف هيچي تسوين بيه تالي تجيبين صلاح و إدلي على مكاني
رهف إحنا ماجايين بنيه سوء
ام ملاك لعد على شنو جايين هنا إمشو منا لا ولله افضحكم إمشوووو
رهف ماما ميحتاج تصيحين جايين عدنا شغلة نوضحها
ام ملاك لا جايبه صلاح حتى يكتل ابوچ وتاخذين حق أختچ ملاك براس ابوچ إلي رباچ وتعب عليچ
رهف ماما لتنطين اراء بكيفچ
ام ملاك تروحون منا لا ولله هسه الم الناس عليكم وأگول هذا ضاحك على بنتي وغلطان وياها ويريد يتزوجها روحو منااااا
رهف معقولة هيچي يطلع منچ
ام ملاك لخاطر حياتي كلشي يطلع أني مو مثلچ عاق أنطي بأبوبة و أمي أني برجلي ما أنطي
رهف دمعتها بعينها
تمام ماما إحنا رايحين بس إلي جيه من راح تفهمين ليش جينه راح تندمين على هذا الكلام كله
ام ملاك روحو ولوووو منا إمشو منا
صلاح مو كتلچ يا رهف هاي ميفيد وياها الكلام إذا ما اشرب من دمها ما ارتاح
رهف بابا أترجاك مو وكتها خل نروح بابا
صلاح عيونه غضب ويريد يشرب من دمها
رهف يله بابا عفيه خل نروح لتنسى وعدك ويايه گتلي بدون مشاكل
يروحون رهف وصلاح
بعد ما صعدو بالسيارة
رهف تبچي وتشكي لابوها
معقولة أمي هيچي يطلع منها أني يوم عن يوم أنصدم بواحد ثاني أني راح أتخبل
صلاح لتقهرين روحچ بابا حتى تصدگين من اول ما شفتچ وحچيتلچ مصدكتي أمچ شنو هاي أمچ من زمان ميهمها بس مصلحتها
رهف بابا أني راح ابقى اعيش هنا اريد ابقى قريبة على حياة
صلاح بابا خايف عليكم
رهف أرجوك بابا لتعارض أريد أكمل دراستي هم ميصير تبقى هيچي
صلاح تمام بنتي بعدين نتفاهم
مهند گلي شنو شغلك ويه الحجي
فهد ومهند گاعدين بالكوفي
فهد أني ما عندي كلام وياك أني جيت أخذ عائلتي وأروح و إنت حالك حال أبوك ميهمك بس مصلحتك  ودمرتني بالسجن وضيعت عائلتي بسببكم كلكم إنت متخلتف شي عن ابوك حتى أصدگ بيك وأحچيلك كلشي
مهند أني مسويتلك شي
فهد إنت دمرتني وكتلت بت خالتي وأختي و تهمتها بعلاقة ويايه
مهند معذور من اشك بيكم معذور لأن علاقتكم مو صحيحة
فهد بشنوووو مو صحيحة البنية متربي وياها سوه وهي أختي مو بمثابة اختي لا اختي لو چان عندي نفس بيها ١٪ چان تزوجتها بس عقلكم زبالة و أفكاركم قذرة مثلكم
مهند إنت كتلت ملاك مو أني
فهد بالغلط كتلتها وتهمتها وياكم عبالي كلامك صحيح هم صدگت هي خاينتك بس من شفت حقارتكم و حقارة أبوك ويايه عرفت إنتو وحوش و ملاك چانت ضحية بنص بيتكم والله اليعلم منو سوه بيها هيچي
مهند محد من بيتنا سوه هيچي بملاك
فهد من جنت على نيتي گلت هيجي بس من شفت حقارتكم گمت اشك بس المشكلة عقلي مابي قذارة تفكيركم حتى أگدر أتصور بمنو اشك حتى بالشك ما اگدر اشك
مهند ترى تماديت هواي وتجاوزت إحترم إلي گبالك
فهد إنتو ما خليتو إحترامات بيناتنا خليتو دم بيناتنا وكلام وياك ما عندي كل الي عندي أريد اعرف مكان عائلتي وين
مهند استغفرالله يارب أگلك أني جاي ومادلك إيدي وأريد أصير وياك مو عليك وفرصة أصلح القديم واريد اعرف منو سوه ملاك حامل
فهد الأدلة إحترگت و ملاك ماتت والإنكسر ميصلح
مهند يصلح كلشي يصلح ولله وأني گدامك وماد إيدي
فهد ترجع عائلتي
مهند راح اسوي كل الأگدر عليه حتى ارجعهم
فهد تعوض ايام السجن مالتي
مهند شلون اعوضها
فهد ترجع ملاك أختي يله أسامحك وأخلي إيدي بإيدك وتگدر بهاي عن كلشي تعوضني ولا تگول طلب مستحيل بس حتى من أحاسبك عندي عذر گتلك طلبي وما وافقت عليه
مهند بس هاي طلباتك
فهد بإستهزاء
وتگدر تسويها
مهند شوف أگلك فهد مو گتلك راح أثبت حسن نيتي
فهد شنو تريد نكذب عليه كذبة ثانية
مهند لا مو كذبة
فهد گول اسمعك
مهند تواعدني متحچي وتساعدني
فهد إذا طلباتي سويتها أني اواعدك
مهند ملاك عايشة
فهد بين المصدوم  وبين اليضحك ممصدگ يرد على مهند ويگله
شنو إنت جاي تضحك عليه
مهند ولله العظيم ملاك عايشة و كاعدة ويايه بنفس البيت
فهد شلون عايشة بعد أني ليش إنسجنت
مهند بالصدفة عرفت هي عايشة و تريد تعرف أبو الطفل منو
فهد ليش الطفل هم بعده بطنها لعد شلون تقارير الطب العدلي تگول ملاك ماتت و إبنها مات بطنها
مهند ملاك مماتت بس الطفل مات و هاي اللعبة سوتها بإتفاق ويه دكتور 
فهد وأني أتحمل السجن وصدري يتمرض بسبب تهمة باطلة
مهند هي هم چان ماتت بتهمة باطلة وكلنا عفناها وخذلناها
فهد أريد اشوفها
مهند أخليك تشوفها بس بشرط
فهد گول شنو شرطك
مهند اريد اعرف أبوية شنو شغلك ويا و صحيح أبوية يشتغل بالفايز
فهد إي ابوك يشتغل بالفايز وكل فلوسه بسبب الفايز و بعدين تاب وترك الفايز وگام يشتغل بالشركة مال سفر و يبيع عملة بالتقسيط بس الربح الضعف بعدها رجع يشتغل بالفايز وبالورق ابوك افة مال فلوس وكل فلوسه بالسوك
مهند بيع الورق بالأجل مو حرام
فهد بس النسبة أقل من ٥٠٪ ابوك ياخذ ١٠٠٪ والي ما عنده يدفع ينطي أكثر ويحمل عليه أكثر لحد ما يخسره  بيته أو ياخذ محله والنسوان ينام وياهن مقابل قسط شهر واحد
مهند يصير عصبي إنت كذاب أبوية الحجي ما يطلع منه هيچي
فهد أني ممجبور أكذب إسأل وتأكد
مهند ابوية ما عنده حب النسوان وحتى ما تزوج على أمي من يوم إلي ماتت
فهد ابوك ميحب النسوان و الشركة إلي مليانه نسوان
مهند موظفات مو أكثر
فهد عموما أني العندي حچيته شوفلي مكان عائلتي وين و أني إيدي بإيدك علمود قضية ملاك بس اريد اشوف ملاك وأتأكد
مهند بسيطة
يتصل على حياة مكالمة فيديو
حياة ها مهند شتريد
مهند اكو واحد يمي يريد يسلم عليچ
حياة منو
فهد يوجه الكامرة على فهد
فهد دموعه تنزل وبلهفه
ملاك خيتي ملاك ملوكتي شلونچ
حياة إنت منو
فهد معقولة معرفتيني ملاك أني فهد شنو نسيتيني
حياة تجر نفس عميق
ما اريد أعرفك بعد إلي سويته بيه مو قليل تكتل أختك بيدك و تصدگ أني عندي علاقة ويا واحد ثاني غير مهند هيچ تفكيركم وصخ
فهد أسف وحقچ عليه
حياة بعصبية
منو أحچي ويا منكم يگلي آسف ولكم إنتم دمرتوني طيحتو  حضي معقولة بعد كل هذا الصار جاي تگلي آسف وتريد هيچي أسامحك بسرعة شنو نسيت شسويتو بيه لو ميته چان كلمة آسف رجعتني إنت گلي جان رجعتني
فهد بس إنتي عايشة الحمدلله وكلشي يصلح
حياة تبچي و دموعها تنزل على خدودها
لا إلي إنكسر ميصلح بعد والي بيني وبينكم إنتهى أني جايه اعرف الجاني وأرجع أني ما ضاله يمكم و لازم أعرف منو سوه هاي العملة الحقيرة واشرب من دمه
فهد أني أساعدچ و إيدي بإيدچ
حياة ما أريد أي ايد منكم و ثاري أني أخذه بإيدي وبس كاااافي إلي سويتو بيه مو شوية حتى بهاي السهولة أتقبل إعتذاركم
فهد حقچ عليه ملاك حقچ بس
حياة بس شنوووو گلي بس شنو وعلى شنو تتأسف ني الاسفة أسفه لأن صدگت بيكم وحسبتكم أهلي أسفه لأن ضلمت نفسي بين أني و أبوية وحتى گبر مسوولي ولا وودوني للمستشفى أسفه لأن حبيت مهند و عبالي زوجي ويحميني تالي هو أول واحد يخذلني أني أسفه أعنذر هواي من نفسي تعبتها هواي وحبيت ناس كلها خذلتني ما أريدكم ولا احبكم ولا أعرفكم
حياة تسد التلفون وتبچي
وتگوم تكسر بالغراض وتشمر المكياج من على ميز التواليت
وتفتح الكنتور وتگوم تشمر الملابس من الكنتور
تنهار من البچي وتصيح
ولكم كااااافي ياهو اليجي يريد اسامحه
ما اسامح واحد بعد بحياتي أني وياكم والزمن طويل وهو يثبت برائتي چان إستحيتو
هي تشكر بالغراض و شمرت سيتات النوم إلي بالكنتور تتفاجئ بمدالية ذهب مال گلادة
مكتوب عليها ساره
حياة تنصدم وتصير نااار أكثر وتگول
أني أعلمچ ساره لازم أتحقق من المدالية وأعرف شلون وصلت لهنا وراها ابلش بيكم واحد واحد
بالمحكمة
القاضي يطلب ليان و يگللها
حطي إيدچ على القرآن وگولي ولله العظيم أقول الحق
ليان ولله العظيم اقول الحق
القاضي شنو تصيرين من الحجي أحمد
ليان أني زوجته  وهذا العقد والشهود موجودين
القاضي شنو شصار بليلة الحادث
ليان أني چنت منتظرة الحجي كل فترة يجي للبيت مو يومية حتى محد يحس بزواجنا بس بيوم الحادث إجه سامر الظاهر عنده مشكلة ويه الحجي و ضربني وگالي هسه تنطيني كل ذهبچ وفلوسچ أني من خوفي إنطيته كلشي بس هناك الحجي إجه  وتعاركو الحجي و سامر بعد ما راد سامر يعتدي عليه
القاضي ليش يعتدي عليچ هو ميدري بيچ إنتي مرت أبو
ليان گتله أني مرت ابوك گالي أريد انتقم من أبوية ما أعرف على شنو مختلفين خلاف قوي  ويريد ينقتم من ابو بيه
القاضي حاولتي تنهزمين
ليان اي حاولت بس ما فاد وكالي لبسچ   حلو و مغري ما اعوفچ اليوم
القاضي وليش لابسه هيچي لبس إذا إنتي و أخوج بالبيت
ليان حضرت القاضي أخوية من يعرف زوجي الحجي جاي ميجي للبيت الا بوقت متأخر لو يبات بره يم أصدقائه
القاضي كملي
ليان تبچي وتحچي وتباوع على سامر
كتله شتريد انطيك بس لتتقربلي  و أخذ كل الذهب والفلوس بعدين الحجي إجه فجأة سامر ضرب أبو أكثر من مره و شمره على الجام وإنكسر الجام براسه ووگع بالگاع گام ينزف من راسه
أني كمت أعيط وابچي جرني وكتلني وصعدني بسيارتي وحط كل الفلوس والذهب بيها
القاضي ليش بسيارتچ مو بسيارته
ليان خاف لا احد يلزمه وهو بسيارته عاف سيارته بالبيت
بعدين أخذني لمكان مگطوع إنتظرت ينام و إنهزمت من الشباك وبلغت الشرطة
سامر يصيح
كذب ولله العظيم كله كذب
القاضي لتصيح ترى أطردك من المحكمة إنت قبل شوية إعترفت وگلت أني كتلت أبوية
سامر مو قصدي اموته بس دفعته وچنت ادافع عليها
ليان من شنو إدافع عليه إنت الي ردت تموتني وتغتصبني وتعرف أني مرت أبوك
القاضي بعد الإطلاع والتداول بين القضاة
قررت المحكمة بالأفراج عن ليان محمد سالم و ووائل محمد سالم
و حكمت المحكمة على المتهم سامر احمد منصور بالسجن والاشغال الشاقة لمدة ١٥  سنة في سجن ابو غريب
و ايضا حكمت المحكمة بالمصادقة على زواج أحمد منصور من ليان محمد بحسب العقد المبرم السابق عند أحد السادة الشيوخ وحسب كلام الشهود الذين أكدوا الزواج و حسب طلب ليان محمد
رفعت الجلسة
سامر ظلم ولله ظلم أني ما كتلت أبوية
فراس إنتي متصيرين مرت أبوية أكتلچ بس تجين للبيت
ليان تجي يم فراس وتباوع عليه بإستفزاز وتگله
أجي وأگعد وغصبا على روسكم كلكم أني مرت ابوكم وغصبا عليكم تحترموني
مهند يجر فراس ويگله
هسه مو وكت مشاكل لازم نحاول نقنع الحجي يتنازل عن سامر يجوز هو الي كان السبب بإغتصاب ملاك
فراس أني هم أريده يطلع حتى اغسل عاره بيدي بس شلون يطلع وأبوك فاقد الأهلية وكلشي ميذكر
مهند يله إمشي نرجع للبيت بعدين نفكر شلون نحلها
بعد ما وصلو للبيت وائل وليان
ليان تحضر ملابسها بجنطة وتريد تطلع
وائل وين رايحة
ليان رايحة لبيت زوجي شنو نسيت اني متزوجة رسمي هسه
وائل عوفيهم خل يولون
ليان إنت تبقى هنا عيش وشتريد أنطيك أني هاي فرصتي أعوض شبابي إلي ضاع مني بسبب الحجي  قبل لا ترجع الذاكرة اله
وائل إلي عندچ مو شوية
ليان لا شوية وقليل بالنسبة لعمري وشبابي إلي هدرته وضيعته بسببه شويه
وائل براحتچ ليان بس كافي طمع
ليان أني مو طماعة أني اريد حقي وحق شبابي الضاع يم الحجي
باب بيت الحجي تندگ
ساره تفتح الباب
تدخل ليان  للبيت وتنزع نظارتها وتباوع على ساره وتگللها
حضريلي أحلى غرفة بهذا البيت
ساره إنتي منو
ليان أني مرت عمچ حجي أحمد
للقصة بقيه
يتبع بارت ٢١