قضية شرف

قضية شرف بارت ٢٧

صباح الورد
چنت ناوي أكشف حجي أحمد بالأخير
بس إندماجكم للقصة وهذا شي يسعدني طبعا وأني ممنون منكم
إنكشف السر قبل النهاية
يارب تعجبكم البارتات الأخيرة
لتملون من تعرفون حجي احمد هو السواها اكو احداث بعد وشلون سواها وشنو راح تكون رده فعله وساره شنو تسوي وسامر شنو نهايته
كلها بالبارتات القادمة
يارب تعجبكم
تحياتي
الكاتب مرتضى الهاشمي
قضية شرف
بارت ٢٧
مرتضى الهاشمي
مهند بعصبية يصيح بكل صوته
إنتي منو گولي إنتي منو و شنو علاقتچ بملاك وليش هذا الشبه بيناتكم
حياة تبچي وخايفة
كلشي راح أگلك بس توعدني تخلي إيدك بيدي وناخذ حق ملاك
مهند  إنتي منو إحچي قبل ما اسوي مصيبة
حياة صار كلشي راح أحچي
مهند  يضربها
متحچين شتنتظرين
حياة أني أخت ملاك التوأم
مهند شنوووو إنتي اخت ملاك ليش تكذبين ملاك ما عدها خوات غير رهف
حياة لا أني أختهم ولله العظيم أختهم وهذا الي رباهم مو أبوهم
مهند شنوووو شتحجين إنتي
حياة إي هاي الحقيقة المرة والي ما دريت بيها الا بعد وفاة ملاك و اول لقاء بيني وبين رهف عبالها أني ملاك
مهند راسي راح يوگف شتحچين إنتي
حياة ركز ويايه وكلشي أحچيلك بس تواعدني تصير  ويايه وتخلي إيدك بيدي إنت مو تحب ملاك وتريد برائتها صير ويايه وأني وياك نثبت برائتها
مهند إحچي يله أريد اسمع منچ
البيت محد بي بس حجي أحمد بغرفته وساره
حجي أحمد يصيح على ساره وهو كاعد بالإستقبال
ساره هااا شتريد مني
يرد عليها مو گتلچ لتجچين
ساره محچيت كلشي محچيت
حجي أحمد عندي عيون بكل مكان و أي كلمة تطلع منچ اخلي گلبچ نار على شبل
ساره تبچي
شتريد مني گول ليش هيچس تسوي مو شبل حفيدك
حجي أحمد ولچ أني سويت روحي فاقد الذاكرة حتى ليان متفضحني و صبرت على خيانتها اليه ويه سامر حتى ما أنكشف أريد كلشي اصفي واطلع تجين إنتي بليلة ويوم تكشفين كلشي
ساره دمرت إبنك و شابة بريئة بعمر الورد راحت بسببك هسه جاي تگول ليش تحچين كلشي أحچي أخاف على روحي لا أصير مثلها إنت واحد نگس وحيوان ومتستاهل تعيش ولا أني أئمن ابقى بالبيت وياك گالت ملاك قبل نظراتك إلها مو حلوة بس اني صوچي مصدكتها وگتلها شلون طلعت منچ وتگولين هيچي على ابو زوجچ هذا بمقام ابوچ و قنعتها إنت ما مالك قصد شي بنظراتك إلها
حجي أحمد شوفي ولچ هاي غلطة أعترف بيها و أنطيت فديتها لأهلها
ساره. ليش أهلها يدرون إنت ال
حجي أحمد يقاطعها شوفي ولج هذا الكلام متدخلبن بي أخذ شبل وأكتله واحرك كلبچ و محد يشك بيه لو تمسعين إلي أكلج بي
ساره لا كلشي ولا شبل أسوي شتريد بس كول
حجي أحمد أريد تحرگين المذكرات هسه
ساره شنو شلون أحركها بيها دم شابة بريئة كلنا ظلمناها
يرد عليها إختاري شبل لو المذكرات
ساره إي موافقة هسه راح أحركها
يرد عليها طلعين بره وتحرگيها وتذبين الرماد مالها بالحاوية الچبيرة مال الشارع
ساره صار هسه احرگها
ساره تاخذ المذكرات و تحركها بالطرمة وتشيل الرماد وتذبه بالحاوية إلي بره
ترجع للبيت وتصعد لغرفتها
تتفاجئ شبل ماكو  إدور بكل البيت وماكو
تدخل لغرفة حجي أحمد
حجي أحمد يضحك ويكللها
إبنچ بالحفظ والصون
ساره ليش أخذته مو حرام عليك مو كلشي حرگت
حجي أحمد أحرك ولدي وولد ولدي إذا واحد يجيب طاري بشغلي
ساره أني مجبت طاري شغلك
حجي أحمد كلشي متعلق بشغلي إنتي تريدين البيت ينهار وأني لازم أوكفج عد حدچ
ساره ما اجيب طاري لأي واحد
حجي أحمد تسوين إلي أگلچ عليه بعدين إبنچ يرجعلچ
ساره صار الي تريده يصير بس عوفلي إبني أبوس إيدك
حجي أحمد انعل والديچ إنتي وإبنج بس متسمعين كلام وأني بلا گلب وكلشي أسوي ولا أخلي حشرة مثلچ تخليني على المشنقة
ساره خادمتك گول شتريد
حجي أحمد سمعي زين و حفظي شما تسمعين
فراس يروح للشركة ميلگه بيها ليان
يصيح على الموظفين
محد شاف هاي القندرة ليان 
كل واحد يسأله يواجب
لا مشفناها  ولا مداومة صارلها فترة
بعد ما سألهم واحد واحد
فراس يصيح
يعني رحت  لبيتها ماكو ولا موجودة هنا ولا بيتنا وين ولت هاي
ليان تدخل الشركة وياها اربع شباب حماية  وتصيح بصوت عالي
أني هنا فراس شتريد مني
فراس وين چنتي اليوم اطيح حظچ
ليان تضحك ضحكة عالية وكل الشركة يسمعوها
ولله ضحكتيني يا إبن احمد
فراس تستهزئين ولچ
يهجم عليها ويريد يضربها
حمايه مالتها يلزمو ويدفعو
ليان نسيت اگلك يا حلو خليت حماية منك ومن ابوك يله حبيبي بدون كلام زايد تاخذ چوالاتك وبره
فراس بره وين شنو هي شركة الخلفچ
ليان لاء مو شركة الخلفوني شركتي يا حلو
فراس شنوووو الشركة بإسمچ شنو
ليان حبيبي هاي نسخة من السند الشركة بإسمي ومشتريتها من سامر قبل ٤ اشهر
فراس شنووووو سامر شدخله وشلون باع الشركة
ليان ليش متدري خطية ولله إنقهرت عليك نسيت أكلك الشركة بإسم سامر من زمان ابوك مسجلها بإسمك يا روح أبوك و سامر كتبلي بيها هبه من زمان
فراس إنتي كذابة و راح أشرب من دمچ إنتي وسامر
ليان ههههههههههاي فكر توصل تلزمني يله تفكر تشرب من دمي أني رايحه هسه بس جيت ابلغ الموظفين الشركة إنباعت واليوم الصبح تكاتبت عليها فأكللكم يا موظفين الشركة إلها مدير جديد تعاونوا ويا اليوم يستلمها
فراس مصدوم شتحچين إنتي ولچ شجاي يصير هنا
ليان حبيبي جاي يصير الصح إلي لازم يصير من زمان شعباله ابوك ياخدني لحم ويشمرني عظم لا أني ما أنشمر هيچي
فراس سامر وين أريد سامر
ليان راح أنطيك عنوان سامر الغبي مصدگ أني أحبه بس دير بالك تلعب بذيلك ويايه
فراس أني راح أشرب من دمچ و ماراح تتهنين بكلشي
ليان طولت هواي وياك إمشي إطلع بره 
يجون الحماية ويشمرون فراس بره
فراس يصعد بسيارته مصدوم و مكسور
ليان تذكر من تحچي ويه المحامي
زين شلون يكدر يسوي تنازل
المحامي أحسن شي بتاريخ قديم يعني قبل أربع اشهر
ليان محد يشك بينا
المحامي لا لأن واحد  يداوم بالطابو اعرفه ومسوين شغل قديم أهم شي الاوراق لازم يوقع عليها سامر
ليان أني أخلي شلون يوقع
المحامي شلون تكدرين تقنعي
ليان هذا شغلي بالتهديد والترغيب والشركة تستاهل أنطي جسمي اله هذا الشي بتحلم بي و ارغبه بالسفر
واهزمه ونفس الوقت اهدده بأهله وبالشرطة
المحامي إنتي كارثة
ليان إنت هم متقصر ولا اقل شر مني لو نسيت شلون هربت سامر و إنت خليتني أفكر شلون اقنعه يتنازل
المحامي بعد ما يتنازل نبلش تبيعين الشركة إليه
ليان و خصم ١٠٪ إعتبرها اتعابك مثل ما إتفقنا
مهند معقولة هذا الكلام كله
حياة هذا رقم رهف خابرها وتأكد منها
مهند ولؤي منو
حياة لؤي إبن عمي تواعدني تساعدني
تمد إيدها
مهند حاير ما أعرف شسوي عبالك أني بحلم چنت
حياة ولله ما كذبت عليك بكلمة
مهند لهذا السبب متقبلين تجين يمي وتروحين بعيده عني
حياة إي لهذا السبب و راح أشوفك شي حتى تصدگ أكثر المفروض ما أشوفه إلك بس حتى تصدگ
مهند شنو
حياة عندي وحمة بظهري جوه چتفي اليمنه چبيرة من شافتها رهف گالت بس هاي الي تميزچ عن ملاك ممكن تطلع حتى البس شي أگدر أشوف الوحمة الك بدون متشوف جسمي وإلك حق تلزمها وتتأكد مو أني راسمتها
مهند يلزمها ويگللها
ميحتاج أني مصدگچ و إيدي بإيدچ
حياة تحضنه وتبچي على صدره
أني بالبداية جيت أنتقم منك بس شفتك بريء ومالك ذنب أني هسه اريدك تساعدني و متخذلني أني تعبت كلش تعبت
مهند و أني حبيتچ لأن أشوف بيج ملاك اواعدچ أساعدچ
حياة تبتعد عنه وتگله
أترجاك ما اريد تجيب الحب بيناتنا ما انكر أني عندي شعور إتجاهك لأن كل شي حلو شفته منك بس أكره روحي من أتذكر إنت زوج اختي
مهند اختج ماتت 
حياة توعدني متجيب طاري لهذا الموضوع ما اكدر أكلك انت مثل اخوية بس اريد تكون صديق
مهند ما اكدر لا صديق ولا اخت أحسبچ
حياة إذا هيچي أني أنسحب
مهند إحنا وصلنا للأخير وبرائة ملاك بعد ساعات عنه تگولين انسحب
حياة شرطي وياك متفكر بيه
مهند حاليا موافق بس بعد ما أثبت برائتها
حياة أرجع لحياتي و تنساني
أترجاك لتعذبني أكثر ولتخليني أكره نفسي أكثر أترجاك
مهند بالرغم ما إنتي اشوفچ ملاك و تعوضيني عنها بس لخاطرچ ما اجيب طاري حاليا بس بعد ما اعرف اجيب برائة ملاك  خليها للايام هي تحكم بيناتنا
حياة حضر جنطتك إتأخرنا
يرجع للبيت فراس مكسور ومقهور
ساره عيونها رايحة من البچي
فراس مينتبه على دموع ساره إلي حافرة عيونها بسبب القهر إلي بيها
فراس وين أبوية
ساره طلع قبل شوية
فراس وين راح ووين يندل يطلع لوحده هو مو فاقد الذاكرة
ساره من يجي إسأله
فراس تعالي شعرفتي عن قضية ملاك
ساره ملاك ميته
فراس شنوووو إنتي صارلچ يومين تخربطين
ساره ملاك ميته و سامر إلي إعتده عليها
فراس شلون اعرف مكان كبر ملاك حتى أتأكد
ساره أني اندله
فراس ولكم شجاي يصير كلكم ضامين شي  منين تندلي وشلون
ساره مو اندله بالضبط بس البنية إلي تگول أني ملاك هي تندله وتذكر انت من هددتها تنبش گبرها شسوت
فراس شمدريچ هي تندله يجوز بس تهددنا وتستفزنا
ساره شعرفها بقصة ملاك إذا هي مدارسه هواي عنها أني دزيت عليها وهي راح تجي من تشوفها حاول تصغط عليها وتعرف مكان گبر ملاك
أم ملاك بابهم تندگ
اي جيت هذا منو هيچي يدگ الباب مو ثبرتونا
تفتح الباب وتنصدم وتگول
حجي أحمد
حجي أحمد اي أني بشحمي ولحمي عبالكم من تشيلون ما أعرف اوصلكم
ام ملاك لااا حجي بالعكس أصلا إحنا ما شلنا بسببك
حجي أحمد فلوسي وين
للقصة بقيه
بقلم مرتضى الهاشمي
يتبع بارت ٢٨