قضية شرف

قضية شرف بارت ٢٦

قضية شرف
بارت 26
مرتضى الهاشمي
رسل تبچي دخيلك ياربي يارب أوكفلنا يارب لتموته
حياة تهدي بيها
حبيبتي إن شاءالله يگوم بالسلامة إدعيله بدال ما تبچين عليه
رسل هو بيدي گلبي محترك عليه
صدگ أكلچ شعجب إنتي ما دايره بال شنو نسيتي فهد شنو بالنسبة إلچ
حياة بعصبية
شتقصدين فهد ترى مثل أخوية وبس
رسل أني مگلت شي ثاني بس شعجب مبچيتي ولا ضايجة هذا فهد هذا اخوچ شنو نسيتي
حياة ولله حيرة أتعامل ويا مثل أخوية واتقربله تشكون بعلاقتنا اعوفه تكولون شعجب متسألين عليه
رسل بس اكو مشاعر محد يكدر يضمها إنتي مو نفسچ إنتي تغيرتي هوااااي
حياة إي أكيد اتغير شلون تريديني ما اتغير مثل ما هو تغير عليه بيوم وليلة وتهمني بخيانة مهند وبس كان إلي يهمه هو شلون يبري نفسه وبس لو نسيتو
رسل گلبچ صاير اسود
حياة بسببكم گلبي قسه
فراس يدخل ضايج للبيت
ساره شبيك ليش ضايج
فراس سامر مهزوم من السجن
ساره تعيط
هاااااا عزا العزاچ ساره
فراس شبيچ ليش خايفة هيجي اكو شي
ساره تباوع على ليان وتگول
لا ماكو شي
فراس عيطتچ مو مال ماكو شي
ساره ماكو شي بس إستغربت شلون إنهزم
فراس يباوع عليها
خوش اتمنى ماكو شي
ساره اسويلك عشه
فراس لا ما أشتهي ما أريد كلشي بس أريد ألزم سامر وأشرب من دمه
فراس يصعد لغرفته
ساره تجي تحجي ويه ليان وتكللها
شوفي ولج تگليلي سامر وين لا افضحچ هسه
ليان تحجي وياها بإستفزاز
شنو حبيبتي على شنو تفضحيني
ساره أگله إنتي تندلين مكان سامر
ليان وشلون عرفتي يا قارئة الفنجان
ساره إلي خابرني متأكده منه هو سامر ومتأكده تعرفين عنه شي
ليان  نفرض أخذچ على گد عقلچ وأفرض صحيح  بس لازم تگليله يا روحي  إنتي رحتي لسامر للسجن بدون ما احد يدري شوفي شراح يسوي بيج ويدري المذكرات يمچ
ساره شمدريچ أني رحت لسامر
ليان العصفوة گالتلي يا روحي
ساره إنتي چنتي تروحين لسامر
ليان إي أروحله و شتريدين تسوين سوي  وروحي گولي لفراس لا اشهرچ و أخلي يطلگج ويشمرج بالشارع
ساره ولچ إنتي شيطانة
ليان نفسچ حبيبة گلبي إحنا منختلف
ساره تخاف أكثر و تروح تفكر ومتعرف شسوي
تصعد لغرفتها و تشوف فراس نايم بسابع نومه تقرر تفتح المذكرات وتكمل قرائتها
ساره مصدومة عزاااااا يومه سترك معقوووولة لا ياربي سترك أعوذ بالله شلون معرفتي يا ملاك شلون مشكيتي بي حسبي الله ونعم الوكيل هذا شرف ولازم اساعدچ وأگول كلشي
بس لا شسوي شلون أساعدها  وشبل أخسره
ساره تبچي وخايفة حسبي الله ونعم الوكيل هذا شيطان مو بشر معقولة هيچي يسوي هذا التاريخ بالضبط اتذكره و اتذكر منو چان بالبيت وصار شي بينا كلنا معقولة ملاك محست هسه عرفت منو ويانه ومنو علينا هسه عرفت بيچ ملاك إنتي ضحية مچنت متصورة إنتي ضحية عبالي صدگ خنتي مهند ليش محچيتي ليش مگتيلي چان أني وگفت وياچ هاي مينسكت عليها لازم اخابرها هسه ما اعوفها
قضيتها إنحلت
تفتح تلفونها بس تذكر
هي غيرت تلفونها تتصل على. مهند
بس مهند يفتح خط
تحاول مرة ومرتين و3 بس ميرد عليها
ساره ولك جاوب شجاني وصرت ضدكم جاوب
ساره تصير نار تكوم تصعد الدرج وتنزل وتگول حسبي الله ونعم الوكيل حسبي الله ونعم الوكيل
ليان شبيچ تحسبين چنچ بومه
ساره إنتي معليچ
ساره تروح المطبخ و إطلع من الكاونتر جوه شكر مطحون هواااي  وكلش ناعم
تاخذ من عنده وتخلي بگلاص عصير وتاخذ الگلاص وتودي لفراس
تگله
فراس أگعد فراس
فراس ها خير شتريدين خليني نايم
ساره إشرب هذا العصير
فراس ما اريد
ساره تصيح لا لازم تشربه
فراس شنو حاطه شربي إنتي
ساره إي اني راح أشرب بس تبقى تراقبني من أنام راح اثبتلك شي
فراس شتثبتين
ساره لحظه بس عينك عليه
تشرب العصير
فراس ها شبيچ
ساره اصبر هذا العصير بي شي بي منوم
فراس ليش تريدين تنوميني
ساره هذا العصير بي نفس المادة إلي شربته ملاك
فراس شنوووو مفتهمت
ساره إدوخ و تگله كلنا شربنا من هذا العصير سوا النا
ساره تنام
فراس شبيچ ساره منو إنطانه العصير وشبي ساره
يضربها على خدها ويگللها ساره ساره شبيچ
ساره نايمه
فراس يصير عصبي وينخبص وينزل جوه للمطبخ يريد يجيب مي حتى يصحيها يشوف الشكر على الكاونتر
يتفاجئ ويگول
هذا شبي الشكر شكله غريب ليش هيچي مطحون
ليان گاعدة بالإستقبال وتلعب بالتلفون
فراس يسألها بعصبية
هذا شنو الي على الكاونتر
ليان و أني شمدريني
فراس إذا صار شي لساره اليوم انعل والديچ
ليان تصيح عليه
خير شبيكم إنتو هذا البيت مابي واحد صاحي شبيكم كل شوية واحد يتعارك ويايه
فراس من جيتي للبيت وبيتنا إشتعل نار
ليان النار بعدها مجايه عن قريب تتفاجؤن بيها
فراس هي شنو الجايه عن قريب
ليان النار 
فراس يلزمها من زندها
شتقصدين ولچ على شنو ناوية
ليان تجر إيدها وتصيح عليه
لتلزمني وخر إيدك عني لا ولله اندمك
حجي أحمد ينزل من غرفته
شكو ليش هذا الصياح
ليان تركض عليه وتسوي روحها تبجي وتگله ترضاها حجي البيت كله ما طايقني
حجي أحمد شكو فراس
فراس يابا ليضل بالك ماكو شي
حجي أحمد إحچي شكو
فراس هاي ذابة سحر ما ادري شنو بالمطبخ
ليان هاي مرته ذابه هذا السحر
فراس لو هي ذابته متشربه وتنام هيجي نومه
ليان و أني شسوي بالسحر ماشاءالله عليه جمال ومال ومزوجة ابوك شسوي بالسحر هذا السحر شغل مرتك
فراس أني هسه إتأكدت الشكر هذا بي شي وسامر جابه و هو إعتدى على ملاك
حجي احمد يا ملاك يا سامر و شنو إعتظى عليها شتحچي إنت
ليان حجوجتي حبيبي هذا يهذري هو و مرته
فراس لا ما اهذري إتأكدت وإذا الچ ايد وتعرفين سامر وين ما أخليچ عايشة بعد
حجي أحمد منو سامر كلولي
فراس هيجي يابا
ليان هسه أحسن لك الحجي راح ينتكس يومية مشكلة
حجي أحمد سامر منو إحچو
فراس يابا ماكو شي سد الموضوع أرجوك
ليان تعال حبيبي حجي عوفه هذا يهذري تعال جوه مو زين عليك تحچي ويه هيچي وجوه
فراس يصعد لغرفته وينام
ثاني يوم الساعة 11 الصبح
ساره تصحى من النوم وراسها يوجعها
تگوم تريد تخابر على مهند
تتفاجئ
جتها رسالة من نفس الرقم الي هددها بي مكتوب بيها
بس تحچين حچايه زايدة شبل يموت
ساره لا كلشي ولا شبل لااااا
تتصل على مهند
مهند يفتح خط
ها ساره خير شعندج من البارحة تتصلين بيه
ساره شوف اگلك مهند تعوف كلشي وتجي للبيت
مهند ليش شنو صاير
ساره إنطيني ملاك أريد ملاك
مهند شعندچ ويه ملاك
ساره أترجاك إنطيني ملاك عندي كلام مهم وياها
مهند كتلچ شعندچ وياها
ساره هي تكلك إنطينياها بسرعة
مهند يحچي ويه ساره ويروح على غرفة ملاك بالفندق ويدگ الباب مال غرفتها
حياة ها شتريد  ويه منو تحچيي وليش جايبين  إسمي
مهند هاي ساره ما ادري شتريد منج
حياة إنطيني التلفون
مهند خل تولي هاي ما من وراها شي
حياة أريد اعرف شتريد
بعد ما إنطاها التلفون
حياة ها ساره سافرنا ومخلصنا منكم
ساره تعالي للبيت ضروري
حياة خير إن شاءالله ضامتلي تهمة جديدة
ساره مو يهمچ تعرفين منو إغتصبچ
حياة متفاجئة ليش عرفتي
ساره إي عرفته تعالي هسه بسرعة
حياة بس اني بتركيا
ساره أول طيارة تجون
حياة اي بس مو تضحكين عليه
ساره إنتي لتضحكين عليه وگليلي إنتي منو
حياة عرفت بيچ كذابة بس تريدين تجربتي للبيت
ساره ملاك أني مو كذابة إذا متصدگين لتجين بس تخسرين ملاك المخدر لگيته وإنتي لو صدگ ملاك چان هواي تذكرتي اشياء تخص المخدر
حياة شنووووو ما أفهم شتحچين وضحي
ساره مو كتلچ لو إنتي ملاك چان كلشي عرفتي لان كلشي ذاكره بالمذكرات مالتج
حياة تبچي شقريتي گولي عفيه
ساره إنتي منو گليلي أني من صدگ أريد اساعدچ لأن أريد اثبت برائة ملاك وهي كلشي ذاكرة بمذكراتها لو إنتي ملاك چان محتاجيتي مذكراتچ أصلا بس إنتي مو ملاك ومتذكرين شي
حياة ليش محچت بوكتها ليش ماتت
ساره ما جانت تعرف هواي اشياء متعرفها بس لو گالتلي بوكتها چان اني عرفت
حياة أني جايه
ساره إنتي شصيرين من ملاك
حياة من أجي تعرفين
ساره أنتظركم تعالو بسرعة
حياة جايين
حياة بعد ما سدت التلفون تصيح مهند

مهند ها ملاك
حياة لازم نرجع للعراق هسه
مهند ليش شنو صاير
حياة بدت تسولفله بس مذكرت هي أخت ملاك 
فراس يدخل عليها  للغرفة چان يراقبها
شتلعبون علينا إنتي وملاك
ساره مصدومة و خايفة وتذكرت شبل خافت عليه
ماكو شي
فراس ماكو شي شنو ولچ شعرفتي إنتي من البارحة تهذرين بنومچ تگولين عذريني ملاك و الي أعتدى عليچ ميخلص مني
ساره عفيه لتحچي خل يجي مهند ويعرف
فراس وهاي إلي مسويه نفسها ملاك منووو
ساره ماكو شي هاي ملاك
فراس يضربها
تحچين أو انعل والديچ
ساره تبچي لتضغط عليه ما أحچي هسه اله تأمنلي حياة شبل هددني بشبل
فراس منو هددچ
ساره إلي إعتدى على ملاك
فراس ماكو غير سامر اله انعل والدي خل أشوف ليان وينها أروح اشوف ليان
يطلع ويدخل على غرفة أبو ويگله
يابا ليان وين
حجي أحمد ليان طلعت من الصبح
فراس وين راحت هاي تندل بيت سامر لازم اروح لبيتها
مهند إتصلت هسه على شركة الطيران اقرب طيارة بعد 4 ساعات تنطلق
حياة تمام أني أروح اسبح و احضر ملابسي إنت روح لغرفتك و حضر ملابسك
تدخل الحمام وتنسى تلفونها ويرن أكثر من مره
مهند ياخذه الفضول ويفتح خط
رهف وين صرتي حياة ليش متجاوبين الووو حياة يمعودة حياة ضل بالي
مهنديغلق المكالمة مصدوم  ويسمع تسجيل المكالمة بتلفونه لأن مسجل  المكالمة بين ساره وحياة
ينصدم من يعرف هي مو ملاك
حياة ما سبحت وكملت تطلع من الحمام تريد تحضر ملابسها حتى يسافرون
مهند يصيحها حياة
حياة ها مهند
تذكر هو صاحها بإسمها الحقيقي
تخاف وترتعب و تضل صافنة عليه و متعرف شتحچي 
يتبع بارت 27