قضية شرف

قضية شرف البارت الثالث

صباح الورد
لتقصرون بالتفاعل ليش تفاعلكم ضعيف
كتابة البارت ياخذ من وقتي ٣ ساعات تقريبا وتعليقكم مياخذ ثانية من وقتكم
الي يسوي إعجاب هم أريد اشوف تعليقه هواي يسوووز إعجاب بدون تعليق و هواي يشوفون المنشور ويقدرون البارت و ميعلقون ولا حتى يسوي إعحاب
ملاحظة التفاعل أريده حتى اعرف إعحابكم بالقصة وثاني شي أريد الصفحة تقوى
ما اريد اعيد بعد سؤالي ليش متتفاعلون لأن صار هواي احجي بيها وتفاعل ضعيف
تحياتي
الكاتب مرتضى الهاشمي
قضية شرف
البارت الثالث
ملاك حبيبي أقصد أني مو بيت أهلك بعدين إنت مو گلت باچر تجي
مهند حبيت أسويلچ مفاجأة جيت للبيت ملگيتچ گلت اجي لبيت اهلچ
ملاك حبيبي أني جايه للبيت إنتظرني مسافة الطريق
ملاك تحچي بينها وبين نفسها شگول لمهند هسه لازم اتخلص من التحاليل والسونار بس شلون أگول لمهند
أحسن شي أغلس واي واحد يسأل أگله التحليل نظيفة وما عندي حمل و بعد شهر أگول لمهند أني حامل ما عندي غير حل
بعد ما وصلت لبيت اهلها ونزلت من التكسي
يطبگ فهد بسيارته گبال بيت اهلها
فهد هلو ملاك
ملاك هلو فهد شلونك
فهد زين الحمدلله شوكت جيتي
ملاك الصبح جيت
فهد شنو چنتي طالعة
ملاك اي عندي شغلة
فهد غير تگليلي حتى اوصلچ
ملاك لا ميحتاج اشكرك
فهد تريدين أنتظرچ ارجعچ لبيت عيالچ
ملاك لا مهند جوه نرجع أني ويا
فهد زين لعد خل ندخل أريد اشوفه تدرين سيارته گبالي ومنتبهت عليها
ملاك تضحك الماخذ بالك
فهد بس الله يخلصني منكم و من سامر أني بخير
ملاك يعني هسه طلعنا مو خوش ناس زين لعد أني زعلت
فهد كلشي ولا زعلچ
ملاك شكرا
فهد شبيچ چنچ زعلتي
ملاك لا ابد مو يمك
فهد ليس مدغلمة
ملاك عفيه عوفني هسه خل ادخل واشوف مهند
بعد ما دخلو
مهند هلو ملوكتي
ملاك تحضنه إشتاقيتلك بذات شلون ينطيك گلبك هيچي تعوفني مو بعدني عروسه
مهند يا حبيبتي غير سفرات وشغل هواي وملحگنا عليها وهاي اول مرة تصير هيچي ويايه  صاحبي البديل صار عنده ظرف والسفرات كلها براسي بس  بعد نتعاون أني ويا ونجيب وأحط ثالث بمكانه يسد الشغل إذا صار عدنا ظرف
ملاك وإنت ما عندك ظرف و مرتك بعدها عروسه لو انت مكيف على السفرات
مهند ولله أصلا مشتاقلچ وين مكيف
ملاك اي مجبورة أصدگك غير احبك
فهد شلونك أبو نسب
مهند هلو حبيبي فهد شنو إنت وملاك چنتو طالعين سوه
ملاك لا حبيبي تلاگينا بالباب
مهند صدگ وين چنتي
ملاك ليش ماما مگالتلك
مهند مسألتها گلت أسألچ إنتي
ملاك تشاوره
چنت يم الدكتورة النسائية
مهند ليش شبيچ
ملاك إلتهابات عادي
مهند إنطتچ علاج
ملاك لا حبيبي ميحتاج
مهند شلون ميحتاج علاج
ملاك لا حبيبي بس گالتلي إبتعدي عن البهارات هاي الفترة بسبب الإلتهابات بسيطة
مهند خوش عوفي المرض وتعالي شوفي شجتلچ
ملاك حبيبي خل نرجع للبيت
مهند حبيبتي شبيچ ضايجة مو على بعضچ
ملاك حبيبي مابيه شي
ابو ملاك  ولچ متستحين لهسه مسلمتي عليه
ملاك حبيبي بابا أسفه إلتهيت ويه مهند شلونك
تحضن ابوها
ابو ملاك من لگه أحبابه نسه أصحابه
ملاك حبيبي بابا إنت الروح والريه
مهند وأني شنو عاريه ولچ
ملاك تضحك لا حبيبي ما اقصد إنت روح الروح
ابو ملاك وأني أروح مو
ملاك إي أني زعلانه عليك بالچذب متسأل على بنتك
ابو ملاك يا حبيبة بابا عندي شغل و إنتي مگضيتها بيت خالتچ ومتجين علينا
ملاك فهد يجي ياخذني ويروح تعال إنت أخذني و رجعني بعدين فهد بيتهم قريب على بيت عيالي
ابو ملاك  بهاي حقچ بابا بعد اجي عليچ
مهند شعندچ يومية بيت فهد
ملاك شبيك مهند غير بيت خالتي و جيرانكم بعدين أني مو أگلك بالتلفون
مهند مو يومية تگليلي كل فترة
ملاك هو ترى مو يوميه اگلك يله مهند نرجع للبيت أحسن مبين راح يصير زعل
مهند يله نرجع المن يصير زعل
ام ملاك  أبقو تعشو وين تريدون تروحون بعدين ملاك مگتيلي شگالتلچ الدكتورة
ملاك ما أشتهي الأكل والدكتورة بعدين أكلچ بيها فضحيتنا
فهد البارحة متعشيتي وگضيتيها لعبان نفس لنص الليل
مهند وإنت شمدريك
فهد غير اني البارحة بيتكم بنص الليل
مهند متلاحظ روحك ٢٤ ساعة بيت اهلي
ملاك شبيك مهند تغار من فهد ترى هذا فهد مثابة أخوية شنو نسيت لو تغار عليه
مهند لو عندچ أخ هم ميبقى لنص الليل بالنسبة للغيرة رجال ومن حقي أغار
ملاك الا من فهد شنو نسيت هو چان الوسيط بزواجنا
مهند بس ليش البارحة من خابرتچ گلتي أني مريضة ونايمة
ملاك إي صحيح چنت مريضة ونايمة بعدين  سامر گعدني وگالي سوي اكل إلنا وگمت سويتلهم عشه
مهند إلي معجبني بفهد شعندك تمشي ويا سامر  ودربكم اعوج
فهد لا تگول هيچي على سامر أخوك زلمة وبعدين أني صح صاحبه بس ما اشرب و كعدتي ويا بالنادي بعدين افهمك عليها
مهند بصراحة ما ارتاح لگعداتكم إنت وسامر
ملاك هسه شلون نگضيها سوالف ومعاتب
مهند ضايج خل نرجع للبيت
ملاك يله حبيبي المهم لتضوج
مهند يباوع على فهد ويگله
هاي گدام بيت خالتك أگلك بعد لتجي للبيت وأني مموجود
فهد ليش بدر مني شي
مهند لا أني ما أنتظر شي يبدر منك بس ما أرتاحلك وما أرتاح لگعداتكم إنت و سامر
ام ملاك  شنو هذا الكلام يمه مهند عيب فهد مثل أخوها لملاك
مهند أخوها مو أخوها أني هذا العندي ترضون أهلا وسهلا مترضون هم أهلا وسهلا
أم ملاك إذا بيها شك اكيد منرضه
ملاك تحچي بگلبها
لازم اروح ويه مهند للبيت ولو ليلة ينام ويايه بعدها خل شيصير يصير هاي ماما ما راح تسكت وراح تصير مشكلة وتبقيني زعلانة ويمشي الوكت وبطني تكبر المهم اثبت باچر عگبة هذا إلي بطني من عنده
ملاك تحچي ويه أمها
لا ماما مالچ حق تحچين هيچي ويه مهند اني ارجع ويا ومن حق مهند يغار من فهد خل ياخذ وقته ويعرفه زين وبعدين يحكم عليه
ام ملاك شبيچ ملاك ترى أحجي لمصلحتچ مو من البداية يشك بيچ
ملاك هاي غيره وحب مو شك
يله مع السلامة إمشي مهند
ابو ملاك بابا أني ما اريد اسوي مشكلة بينچ وبين زوجچ بس ميصير يشك بيچ
ملاك بابا مهند يحبني و إحنا متفاهمين
مهند عمي معقولة إنت هيچي تحچي إنت رجال مثلي المفروض تتفهم كلامي
ابو ملاك  لا تشك بيها مهند
مهند ملاك روحي ما اشك بيها وهاي غيرة مثل ما كالت
ملاك يله أني رايحة
تسلم على أمها
بس أمها زعلانه منها وتگللها
تكسرين بيه گدام رجلچ وعلى شنو مستعجلة
مهند عمه بنتچ عقلها چبير ومنطت بيچ ليش هيچي تفهمين الموضوع غلط
ملاك ماما هسه متبوسيني
ام ملاك تبوسها
شعندي غيرچ حبيبتي
بعد ما وصلو لبيتهم
ساره هلو مهند مسلمت عليك زين  گبل رحت تجيب ملاك
مهند يضحك حقچ عليه مشتاقلها هواااااي
ساره حقك عيني  يمه الحب يمه
ملاك تشاقه وياها
عينچ حبيبتي لتحسدين حبنا
ساره عيني بارده دادا مو مثل عينچ تحسبين على رجلي گوه
ملاك اي حبيبتي رجلچ على كلبچ بس رجلي يدزون بي منا و منا
ساره هذا رجلچ شبعي منه چان إستحيتي ولچ ما ضل واحد ما عرف رجلچ ماكو
ملاك ليش عيني شمسويه إشتكيت حچيت بس إشتاقيتله  شلون يعني حرام اشتاق لزوجي
ساره لا عيني إشتاقي أحد گلج لتشتاقين
ملاك تعيب عليها
يييايين
مهند يضحك كافي راح تتعاركن ولچن
ساره تحضن ملاك
لا هاي اختي وحبيبتي ٢٤ مگضيها هيچي وين نروح إنتو ومنلحگ إنكد عليكم
ملاك تضحك هههههه اي ولله صدگ حبيبتي محقق كونان
ساره صدگ شگلتلچ الدكتورة
ملاك مرتبكة
گالت ماكو شي بس إلتهابات ولتتقربين من البهارات
ساره سويتي تحليل
ملاك هاااا ااااا اي سويت
ساره وين التحليل
ملاك اهوووو ساره مسويت
ساره شنو هي حزورة سويتي لو لا
ملاك وإنتي شعليج رجلي موجود وهو الوحيد يسألني يله تعال جوه للغرفة هنودي خل أشوف شنو جبتلي
ساره ولچ إستچني شوية كرصيها عيب الحجي شويه ويجي من الجامع يريد عشه
ملاك تعيب عليها يايايااييييا
وهو أني شگلت نشوف الهدايا جوه لتحسديها
مهند يضحك يله إمشي للغرفة
بعد ما دخلو للغرفة
ساره عزااا شلون جرته مثل الطلي
ملاك إشتاقيتلك يا روحي لتبعد عني هيچي مره ثانية
مهند لا حبيبتي ما ابعد عليچ
يحضنها
ملاك تبتعد أريد أشوف الهدايا
مهند مو وكتها هسه إفتهمي أگلچ مشتاقلچ
ملاك ولك عزى العزاك مو راح يجي عمي هسه اصبر ورى العشا
مهند وأني شعليه عساهم متعشو تعالي
ملاك تنهزم منه شبيك مهند تخبلت ولك عيب ابوك راح يجي
مهند وميجي أني شعليه بي
يجرها
ملاك ولك اصبر بس خل أتحضرلك إنطيني مجال
مهند ما أنطي مجال تجي إيده على بطنها ويتفاجيء
شنو هاي
ملاك شكو شبيك
مهند شنو هاي المادة على بطنچ
ملاك تجر نفس عميق
حبيبي هذا جل
مهند شبيچ أحسچ خايفة ليش شهكتي
ملاك لااا حبيبي بس شوية تعبانة
مهند منين هذا الجل
ملاك من السونار مو سويت سونار
مهند ليش سويتي سونار
ملاك مو گتلك رحت للدكتورة شبيك نسيت
مهند يضوج ويگوم
ملاك ليش گمت
مهند لا ماكو شي بس گلت أروح أنتظر أبوية ورى العشا نرجع
ملاك ضجت مني بسبب الجل اسفة گتلك أروح اغسل مخليتني
مهند وضعچ كله ميعجبني
ملاك شبي وضعي حبيبي
مهند ماكو شي يجوز لأن صار فترة مشايفچ
ملاك لا شبيه گول
مهند شوفي تصرفاتچ وإنتي حكمي
ملاك اهوووو مهند إنت تتحجج عليه اگوم احضر عشه ابوك على جيه واسبح و اتمكيج واجيك مبين صايرة ما أعجب
مهند مگلت هيجي لا مشكلتي المكياج ولا شي مشكلتي تصرفاتچ مو على بعضچ
ملاك وسببها تصرفاتي شسويت
مهند لا ماكو شي يجوز اني صارلي فترة مشايفچ وگمت أتحسس من تصرفاتچ
ملاك ميحتاج تبرر أني طالعة للمطبخ
ملاك وساره يحضرن العشا
ترجع ملاك تلعب نفسها من ريحة الطبخ
تروح الحمام حتى تتقيء
ساره مو كتلچ سوي تحليل صارلچ يومين عندچ اعراض حمل
مهند يسمعها ويگللها
شگلتي ساره
ساره ليش مگلتك صارلها يومين تلعب نفسها وتشتكي من أعراض حمل
مهند يصيح بكل صوته
لا أني هنا طرطور اخر من يعلم يمكن مو أني زوجها
ملاك شبيك مهند ساره مفتهمة الموضوع غلط
مهند و فهد مو گال نفس الشي لو هم مفتهم الموضوع غلط يعني فهد يعرف وأني ما أعرف
ملاك ولله ذبحتني بفهد وفهد ترى الولد مثل أخوية
مهند أني مگلت شي بس جاي اذكرچ
ملاك بس اشوفك لحيت بالموضوع
مهند يكفشها من شعرها
تعالي لچ تگليلي شگالتلچ الدكتورة
ملاك أني غلطانة جيت وياك الظاهر الشك بدمك الدكتورة ما گالت شي ومجرد إلتهاب بسيط
مهند باچر من الصبح نروح نسوي تحليل وأتأكد بنفسي
ملاك وعليمن أني عايفتلك البيت وطالعة و إنت تاگد براحتك عود
مهند يجرها من شعرها
شوفي ولچ طلعة من البيت ماكو إذا ما اسويلچ تحليل باچر وأعرف الدكتورة شگالتلچ
يتبع البارت الرابع