قضية شرف

قضية شرف بارت ١٦

مساء  التشويق و الإثارة
البارت عدت كتابته ٤ مرات كل شوية فكرة شكل لحد ما إستقريت على هاي الفكرة
يارب يعجبكم
تحياتي
الكاتب مرتضى الهاشمي
قضية شرف
البارت ١٦
مرتضى الهاشمي
مهند مصدوم
شكو شبيچ ليش هيچي تصرفين شنو إنتو عصابة
حياة گتلك أطبگ لا أفرغ المسدس براسك
مهند يطبگ السيارة ولؤي منتظرهم
يصعد لؤي بالسيارة ويكلبچ مهند إيده ورجله
مهند انتو منو وليش هيچي تسوون تريدون فلوس انطيكم شسوون بيه تريدون تخطفوني
حياة ما أريدك تحچي ولا حچايه تضل ساكت بين ما نوصل
مهند غير أعرف إنتو منو
حياة ترش بخاخ منوم على وجه لؤي وينام
حياة تأكدت ماكو سيطرة ولا مرابطة
لؤي اي اكيد والمكان محد يوصله
حياة عاشت إيدك إمشي بسرعة خل نوصل
صوت جرس بيت ليان
سامر هذا منو إجه
ليان تباوع من البردة
عزااا هذا ابوك
سامر شعنده جاي هنا
ليان ما أعرف اكيد راقبك وشاف سيارتك هنا
سامر أني راح انهزم
ليان وتعوفني لوحدي إذا سأل ابوك هاي السيارة مال سامر شجابها شگله
سامر شتگليله گليله
ليان وتعوفني بدون متخلصني من عنده
سامر و شتريديني أسوي
ليان شنو تسوي إنت صدگ تحچي لعد وين كلام الحب والغرام لو تكذب عليه
سامر ما اكذب ولله أحبچ بس وضعي هسه يختلف
ليان اذا تحبني صدگ خلصني من أبوك ومن هاي الورطة يله اصدگ إنت صدگ تحبني
سامر صار إنتي لتدخلين وعوفي الكلام عليه
ليان وشنو تگله
سامر اگله احبچ واريد اتزوجچ وساره كذابة ما عدها شي عليه
الحجي هاي وين صارت خل أروح ادخل جوه المفاتيح و يمي
ليان تحچي ويه سامر
لا لتگله تريد تزوجني مو وكتها هسه
يدخل الحجي فجأة وهمه إلتهو يسوفلون بينهم للبيت ويشوف سامر وليان يسولفون
حجي أحمد يسأل سامر
شسوي هنا وشعندك ويه ليان
ليان خايفة و مرتبكة ما عنده شي ويايه حجي إجه خايف ومرتعب ما أعرف من شنو
حجي أحمد وصاختك متجوز منها اليوم أدفنك وإنت حي
سامر يابا ساره كذابة وما عندي شي وياها واذا تريد اثبتلك أني قررت اتزوج وأني أحب ليان واريد اتزوجها
حجي أحمد إنت مخبل شلون تريد تزوج ليان تعرف هاي منو
سامر شما تكون بت منو أني شاريها مالي علاقة بماضيها وإنت علمتنا ماكو فرق بين غني وفقير يعني مو اله أبوها عروق وغني مثلك
حجي أحمد يضرب سامر راشدي ولك إنت اليوم موتك على إيدي ومتخلص مني
سامر كل هذا لأن أريد أخذ ليان
حجي أحمد يصيح على ليان شعنده وياچ ولچ نايم وياچ ساقطة كولي شعنده وياچ شكم مرة غلطتي ويا
ليان ما عندي شي ويا ولله أصلا ما ناوين نتزوج
سامر مو بكيفه ليان اتزوجچ واعيشچ ملكة مو بكيف الحجي
حجي أحمد يضرب سامر راشدي ولك إنت مخبل شجاي تحچي تعرف هاي منووو
سامر يوگف گباله ويتحدى
إي اعرف هاي منو
حجي أحمد متأكد
سامر متأكد وما أعوفها لو مو إنت تگول اني احبها
حجي أحمد ينهار عليه بالضرب ويضربة دفرة على الشباك وينكسر الجام اثر الضربة لسامر ويوگع بالكاع وميگدر يگوم الضربة قوية
حجي أحمد يگول لليان
اليوم أشرب من دمچ ولچ ساقطة تريدين تزوجين هذا
ليان تبچي ولله ما عندي شي ويا
حجي أحمد يلزم ليان و تنام على القنفة وهو ينام فوگاها ويخنگها من رگبتها
ليان تريد تموت
سامر يجمع قوته ويگوم بالگوة و يلزم أبو ويخلص ليان ويدفع أبو بدون قصد و يوگع على الگاع وگعة قوية ويدخل جام براسه
ليان مختنگة وتريد تموت ومتگدر تتنفس
سامر يحاول يخليها تتنفس
يضرب على صدرها و ظهرها و ينفخ بحلگها يسويلها تنفس إصطناعي
ليان تگح و تبدي تتنفس بصعوبة
سامر يحضنها تنفسي حبيبتي لتموتين من عمري لعمرچ ليان اموت وراچ صيري قوية لخاطري
ليان ترجع تتنفس و تتعافى
سامر يشوف أبو وينصدم
أني شسويت ليش هيچي سويت لا حول ولا قوة الا بالله
يجي يحاول يصحي أبو بس بدون فائدة
ليان تجي على سامر هاي شسويت
سامر مو قصدي اموته ردت اخلصچ مو قصدي اموت ابوية
ليان تبچي وخايفة
ولك هسه شسوي الرجال مات بيتي هسه منو يصدك بيه مو أني كتلته
سامر يحضنها ويبچي
ولچ مو قصدي اموته إفهمي ردت اخلصچ منه راد يموتچ
ليان صوتها مبحوح بسبب الخنگ
هيچي تخاف عليه
سامر أفديچ بروحي
ليان خل ننهزم منبقى هنا بعد لازم نسافر
سامر يله إمشي
ليان أوكف لحظة جيب مفاتيح القاصة من جيب ابوك
سامر شنسوي بيها
ليان إنت غبي شلون نسافر غير ناخذ فلوس كافية ويانه
سامر ياخذ مفاتيح القاصة ويروح ياخذ الفلوس الموجودة بالقاصة
سامر شگد ضام فلوس هنا شنو مضمامه يمچ
ليان لا بس فلوس الفايز هذا
سامر ليش أبويه يشتغل بالفايز
ليان إي ابوك تاريخه اسود يله خل نلحگ ننهزم مو وكت سوالف
سامر ياخذ الفلوس ويروح للسيارة
ليان تجي ورى و تجر جنطة شايله بيها فلوس و ذهب
هي تطلع تباوع على الحجي و تتفل عليه و تروح للسيارة تلحگ سامر
مهند يصحى من أثر المخدر
يشوف بغواش بعدين تتضح عنده الرؤية
مهند يلاحظ نفسه مشدود بكرسي و لؤي وحياة  فوگ راسه
مهند يصحى ويشوف حياة  ويتفاجئ ويگول
معقولة إنتي ملاك يعني إنتي عايشة
حياة اي أني ملاك  وعايشة مميته بعد ما خليتني بدمي وعفتني بدون متدفني وحتى گبري متندله
مهند شنو عايشة وشنو گبرچ ما أندله فهمني شجاي يصير گبالي
حياة بعد ما أخذوني الشرطة وودوني للطب العدلي وقررو يدفنوني لأن كلكم تبريتو مني و خليتوني لوحدي الناس الخيرة عطفت عليه وگالو ندفنها لأن يعرفون الدين من صدگ يعرفون الحق و يعرفون إكرام الميت دفنه مو مثلكم متسترين بالدين وحاطين الدين رداء إلكم تغطون أعمالكم الوصخة بي بعد نزلوني للگبر  تحركت و خافو مني بعدين عرفو بيه روح ودوني للمستشفى وهذا الدكتور لؤي. الله يحفظه و خلف الله عليه بعد ما عرف قصتي قرر يساعدني ويطلعني من المستشفى و أني مسجلة ميته وشهادة وفاة طلعتلي بس مخليته يلغيها حبيت أثبت برائتي و أعرف منو إلي سوه بيه هيچي وخلاني حامل و انتقم أولهم إنت أنتقم منك لأن مرحمتني و تبريت مني من عرفت أني حامل وتهمتني بدون متسمعني وگتلك تريد تموتني موتني بس أريد اثبت برائتي و أعرف منو سوه بيه هيچي و إغتصبني
مهند مصدوم
يعني إنتي صدگ بريئة ما عندچ شي ولا خنتيني
حياة بعصبية
لحد هاي اللحظة تگول عليه خاينتك ولك شنو من عقل عليك لو خاينتك من صدگ چان إستغليت موتي و إنهزمت وابدي حياة جديدة ولا من شاف ولا من عرف بس حبيت أثبت برائتي وشرفي
تصير عصبية أكثر وتضربه حيل
كلكم تخليتو عني لا بابا ولا ماما و لا زوجي إلي چنت حاسبتك سندي و عوني بهاي الحياة تغدر بيه وتكسر بيه
مهند بطنچ ليش مكبرت شعجب بطنچ نازلة
حياة الطفل مات چنت أتمنى يعيش من صدگ و اثبت هو إبن منو  بس مات
مهند الطفل طلعوو منچ إثناء التشريح بس تعالي شلون شرحوچ و إنتي عايشة لهسه
حياة منو گلك شرحوني مو أني گدامك هسه
أني من صحيت لگيت الطفل مو بطني
مهند زين شلون أخذو الطفل من بطنچ
لؤي الطفل سحبناه بالكورتاج چنه بس رايدين عينه نثبت الطفل إبن منو بس للأسف إحترگت كل الاوراق وضاع حقنا
مهند شوكت سحبتو
لؤي من چانت بالمستشفى و سلمنا العينة للطب العدلي حتى يسلموها المختبر
مهند يعني فهد بريء من صدگ
حياة بريء من شرفي بس مو بريء من دمي ولا اعوفه هو هم تخلى عني وچنت متصورته أخوية من صدگ
مهند الدموع تنزل من عينه
أني أسف و أعتذر قدري وضعي أترجاچ تقدرين وضعي يعني إنتي صيري بمكاني شسوين
حياة أنطيك فرصة إلي إنت حرمتني منها حتى تثبت برائتك
مهند أسف و أعتذر وحقچ عليه
حياة مع الأسف متأخرة وهسه لازم اصفي حسابي وياك
مهند شتگولين حقچ وأنطيچ العذر و أني موافق بس أريد فرصة وحدة أثبت حبي إلچ ولله چنت أحس روحي ميت وكرهت حياتي كلها بعد ما متي بالرغم چنت عبالي خاينتني بس هسه رجعلي الامل و إنطيني فرصة اثبت أني شرفچ و اقتص من السوه هاي الفعلة و شرفچ ملاك و شرفچ أني أخليچ تكتليني و قابل بكلشي تحكمين بي عليه
حياة تضحك بإستهزاء وتگله
هسه تحچي بشرفي بعد ما سويتني عديمة شرف بعد ما دمرتني ولك إنت حرام بيك تعيش حرام بيك هاي الدقايق إلي أحچي بيها وياك إنت متستاهل تعيش ولا تستاهل تشتم الهوى أني أريد أكتلك بيدي و أمثل بجثتك مثل ما خذلتني ما وگفت بعينك من صحيت بروحي علمودك ما وگفت بعينك نظراتي  ما وگفت بعينك و اني اموت و اصيح ولله أني بريئة كل الي همك تاخذ ثارك من وحدة شريفة ويريئة ما خانتك كل الي همك أموت و بس و أي واحد إتهمه وخلاص حتى لو كان مثل أخوها وما عدها شي ويا المهم تريد تثبت إنت بطل وأخذت بثارك حتى تخلص من كلام الناس و أني ميته و ابقى بنظر الكل خاينه مو شريفة عادي أني ينطعن بشرفي عادي ولك شگد شايفة انذال و حقارة بس مثلك ما شفت وبكل عين صلفة تريد فرصة و إنت تستخسر بيه حتى تقره الفاتحة عليه و يومية احصل لعنة من الناس عادي ليش لان أني مره و ضعيفة لازم كلشي أتحمل
مهند شتحچين حقچ سامحيني و لخاطر كلشي حلو بيناتنه إنطيني فرصة
حياة تبچي و تصيح عليه
و إنت ليش مخليت شي حلو بيناته ليش كلشي نسيت بلحظة و هسه تريد أتذكر كلشي حلو
ماكو شي حلو وياك بس اتذكر المر وبس اتذكر طعنتك إليه
مهند هم عذريني كلشي چان گدامي يبين خيانة
حياة تتهستر وتصير عصبية وتگله
يعني لهسه مصر و تگول أني خاينة
حياة تهجم على مهند و تضربه حيل وتضرب راسه بالحايط
لؤي يجرها ويطلعها برى الغرفة ويگللها
إنتي مخبلة چان مات الولد بين إيدچ
حياة تبچي بصوت عالي وتحضن لؤي
أريد امونه عوفني ما أتحمل أشوفه گبالي
لؤي يحاول يهديها
وائل يدخل للبيت ويتفاجئ كل الابواب مفتوحة
يدخل للإستقبال وينصدم الحجي إمدد بالگاع و نازف هواي دم من راسه
وائل يصيح
ليان ليان وينچ
محد يرد عليه
يجي وائل ويلزم الحجي و يگلبه ويگله وهو يطلب على خده
حجي جاوبني حجي أحمد منو سوه بيك هيچي حجي أختي ليان وينها جاوبني حجي
يتهستر بالزايد
شسوي هسه لازم اخابر على الإسعاف بس اخاف يتهموني أني بس أني شعليه ليش يتهموني خل أخابر على ليان
يتصل على ليان و تلفونها مغلق
وائل بس لا هاي خاطفيها ليش تلفونها مغلق خل أخابر على الإسعاف و بعدين أعرف ليان وين من يمه بلكي يطلع عايش و أعرف منه منو هيچي سوه بيهم
ويخابر على الإسعاف
سامر وين موديتني مو گتلچ أني أدبر مكان
ليان وين إدبر مكان بنص بغداد و بعدين الشرطة تلزمنا
سامر لعد نروح بمنطقة مگطوعة
ليان منطقة مقطوعة أحسن و أمان محد يحس بينا بين ما نشوف شلون نگدر ننهزم
سامر خل ننهزم هسه
ليان لا مو قبل ما يجي وائل ويانه
سامر هو صخام وينه ليش متخابري
ليان إنت غبي تلفوني هسه غالقته وإنت هم لتفتح تلفونك بين ما نشرتي تلفونات و خطوط جديدة
سامر و شلون تخابرين أخوچ ولهسه ممشترين
ليان اكو واحد أبو تلفونات ليگدام بس اوصل اشتري و اخابره
لؤي يحچي ويه حياة
هسه هديتي إرتاحيتي
حياة ما اهدئ الا ما اشرب من دمهم و اثبت برائة ملاك
لؤي منو كلچ بكل هاي التفاصيل تدرين عبالي إنتي ملاك صدك إنتي ممثلة
حياة رهف سولفتلي كلشي وحفظت حتى مشيه ملاك وكل تفاصيلها اعرفها
لؤي بس لتعصبين لازم نمشي وفق الخطة
حياة بعصبية تگله
الخطة أني ارسمها براحتي
تدخل للغرفة وتجر المسدس من على الميز وتگول لمهند
تشاهد على روحك مهند خلصت خبزتك
لؤي يصيح على حياة ويريد يلزمها
لا تغلطين متفقنه قتل
حياة تضرب طلقة
توقعاتكم مهند يموت
للقصة بقية
يتبع البارت ١٧