قضية شرف

قضية شرف البارت الثاني

مساء الورد
لتقصرون بالتفاعل
قضية شرف
البارت الثاني
الساعة ١٠ بليل
حجي أحمد الحمدلله والشكر أني أگوم أنام
فراس تصبح على خير يابا
حجي أحمد وإنت من أهل الخير
ملاك صافنه
حجي أحمد بنتي شبيچ صافنة وكلشي ما أكلتي أكو شي
ملاك صافنة وممنتبهة
ساره إدغ ملاك
شبيچ ملاك عمي يحچي وياچ
ملاك أسفة عمي ممنتبهة عليك
حجي أحمد شبيچ بنيتي أكو شي ليش صافنة واليوم ما أكلتي شي
ملاك لا عمي ماكو بس مشتاقة لمهند
حجي أحمد بعد ما أخلي هيچي يطول عليچ
ملاك تلعب نفسها وتريد تتقيء
تروح تركض للحمام حتى تتقيء
حجي أحمد هاي شبيها خل ناخذها للمستشفى
ساره لا عمو ميحتاج يمكن مستبردة هسه شوية وتصير زينة
حجي أحمد يروح لغرفته
ملاك ترجع من الحمام بعد ما غسلت
ساره تسأل ملاك
حبيبتي اليوم ابات يمچ أخاف تتخربطين بالليل
ملاك لا حبي تسلمين روحي نامي إنتي وفراس أني هم أروح اخابر مهند مشتاقتله
ساره لازم تسوين تحليل اليوم حتى الحجي لاحظ عليچ عندچ لعبان نفس
تدخل ملاك لغرفتها و تلاحظ التلفون مابي شحن
ملاك اهوووو هسه اني شلون نسيت أشحن التلفون خل أشحنه واخذلي غفه فد ساعة و أگعد
بعد ما ملاك نامت تسمع صوت باب غرفتها يندگ
ملاك تفز وتفتح الباب وتشوف سامر وتگله
خير شعندك جاي بنص الليل يمي
سامر جاي أعتذر منچ ولله إفتهمتي غلط من چنت أنتظر باب الحمام ولا إليه أي قصد ولچ إنتي اختي صح أني ادب سيز و ساقط بس مو على خواتي
ملاك تبتسم وتضربه على خده ما صار شي بس كلمة اختي إلي گلتها إليه تسوى الدنيا كلها
سامر بهاي المناسبة العظيمة تگومين تسوين عشا إليه ولفهد
(فهد إبن خالتها )
ملاك تشاقه ويا
تاخذ صاحبك فهد وتزقنبون غير مكان ما فاتحة مطعم أني
سامر زين لعد جبت ويايه شلون كرزات و حلقوم يجنن أكلها أني وفهد
ملاك شمدريك أني مشتهية كرزات روحي طاگه عليها
سامر لا أني أگول تروحين تنامين أحسن
ملاك عرفت منين تلزمني يله ولي من گدامي أروح أحضر العشا إلكم حتى تزقنبون
بعد ما راحت سوت عشه وجتي صبته إلهم
ملاك تلعب نفسها من ريحة الطبخ وتخلي الأكل على ميز الطعام وتركض للحمام حتى تتقيء
سامر و فهد يركضون وراها
فهد شبيچ ملاك خيرچ
ملاك طلعو خل اتقيء ليش تحرجوني حتى من واحد يذب من راسه مياخذ راحته بهذا البيت
سامر أني اروح أتعشه الا ابقه يمها واترزل
فهد يضحك روح تزقنب أني انتظرها باب الحمام ضل بالي يمها
ساره تنزل من الدرج وتلفونها بيدها وتشوف ملاك و فهد باب الحمام
ساره شسوين إنتي و فهد هنا
ملاك نفسي لعبت وجنت اتقيء
ساره وشنو هو يباوع عليچ وإنتي تذبين من راسچ
ملاك لا مو هو وسامر شافو نفسي لعبت جوي ورايه
ساره إنتي مو گتيلي أني مريضة وأريد أنام
ملاك گعدني سامر يريد عشه هو وفهد بعدين شنو هو تحقيق
ساره لا مو تحقيق بس مهند گلب عليچ الدنيا وتلفونچ غالقته دگ عليه گالي شوفيها شبيها
ملاك إي تذكرت ما بي شحن
تروح للغرفة
يلاگيها سامر
يله تعالي متريدين كرزات
ساره عجيب تاكيلن وياهم وإحنا تلعب نفسچ من تاكلين ويانه
ملاك ترى هواي لحيتي ساره خطية جاب كرزات ويا سامر وگلي سويلي عشه وأنطيچ
ساره هاااا وأني مالي حصة
ملاك لا حبيبتي بعد هذا التحقيق حتى گشور ما إلچ تاخذ الچيس وتركض لغرفتها يله ولي
ساره حبابه أريد إنوب ويا حلقوم
ملاك تفتح الباب وتنطيها فستقاية
هاچ هاي حصتچ
تدخل عليها ساره
حبابه إنطيني نصها أني مو حبيبتچ
ملاك بس لو تجوزين طبع المحقق كونان أني بخير
ساره تضحك
هههههههه صدگ خابري مهند لا يزعل
ملاك هاچ هذا نص الحلويات وولي منا
مهند بعد ما إتصل عليها
شلونچ حب ضل بالي يمچ
ملاك حبيبي چنت أسوي عشه لاخوك ولفهد
مهند شيسوي فهد يمنا
ملاك إنت متدري يومية يكملون سهرتهم هو وأخوك لوجه الصبح بيتنا مرته شلون ساكته ما أدري
مهند اي ولله أتعجب على النسوان إلي يخلن أزواجهم يطلعون بره يباتون
ملاك لا صدگ متعجب
مهند يا حبيبتي اني غير مجبور علمود الشغل
ملاك ولله موعت إذانه لابوك يوميه انگ على راسه بعد ما أخلي هيچي يخليك تسافر إنوب من سفرة لسفرة كلشي مشفت منك
مهند هههههه يله كلها عگب باچر أني جاي
ملاك صدك ولله يارب فرجت لو تدري شگد مشتاقتلك
ثاني يوم الصبح
ملاك مبدله وتريد تطلع
حجي أحمد وين رايحة بنيتي
ملاك عمو رايحة أشوف ماما
حجي أحمد إنطيتي علم لمهند
ملاك إي خابرته وگتله
ساره تجي تحچي وياها بصوت ناصي
تحتاجين اجي وياچ
ملاك لا حبيبتي ميحتاج
ام ملاك
يا كل الهلا مشتاقتلچ گلت اليوم أمر عليچ
ملاك حبيبتي ماما أني هم مشتاقتلكم مووووت وين بابا اشو ما أشوفه
ام ملاك ابوچ راح للدوام
ملاك شعجب من وكت
ام ملاك ولچ الساعة راح تصير ٩ ونص
ملاك حيل الوكت كله راح بسبب الإزدحامات
ام ملاك اليوم تباتين يمنا
ملاك لا ماما جيت أروح لدكتورة نسائية
أم ملاك شنو أكو شي بالطريق
ملاك لا ماما وين هو صارله ٣ اشهر مسافر بس حبيت أچيك روحي أريد اسوي طفل
أم ملاك يارب أشوف إبنچ بحضنچ يارب بس أگلچ المن رايحة للدكتورة
ملاك ماما مو گتلچ حبيبت أچيك روحي هم
ام ملاك زين اليوم اجي وياچ للدكتورة
ملاك لا ماما ماكو داعي أروح لوحدي
أم ملاك لا ماما تروحين لوحدچ شلون اجي وياچ
ملاك ماما عفيه خل أروح لوحدي شنو أني صغيرة
ام ملاك وليش راكبة راسچ
ملاك ماما عفيه ليش تلحين أني غلطانة جيت لو من بيتي وطالعة للدكتورة هواي أحسن
أم جمال شكد عنودية بكيفچ
رهف اخت ملاك گعدت من النوم وسمعت صوت ملاك وجتي تسلم عليها
رهف هلو ملوكة شلونچ حبيبتي
ملاك هلو يا روحي تبوسها
رهف ولچ صارلچ شگد مجايه بذاته بس تعرفين تروحين لبيت خالتي
ملاك ولچ ولله يجي فهد ياخذني ويرجعني لبيت خالة وانتو متلحون على بابا يجي ياخذني
رهف وليش فهد ميگدر يجيبچ هنا بطريقة
ملاك هو شگد ابقى يمهم ساعة ساعتين بالزايد و بيتهم قريب علينا خطية فهد حاير بيه من جنت بينة لحد ما تزوجت يومية هو يوديني ويجيبني هههههه
رهف اليوم شلون كدرتي تجين
ملاك كلت لمهند طگت روحي على أهلي البذاتين وجيت اشوفكم خلصتي تحقيق وين ما اروح محقق كونان كبالي هناك ساره وهنا إنتي
رهف يا حبيبتي غير احبچ
ملاك لوتحبوني تجون مو صارلكم شهر محد سأل عليه
صدگ ليش اليوم ما رايحة للكلية
رهف ما عندي شي اليوم
ملاك و وسام
رهف شسويله
ملاك الله عليچ شسويلة لو هو ممداوم اليوم
رهف هو دومه ميداوم والسنة بسنتين
ملاك نفسي أصدگچ
العصر بعد ما ملاك راحت للدكتورة وطلبت منها تحليل
ملاك بعد ما سوت تحليل الدم
ابو المختبر يصيح الاسماء
ملاك سلمان
ملاك تروح تستلم التحليل وتگله
ممكن شنو نتيجة التحليل
يجاوبها
مبروك حامل
ملاك تنصدم
شنووو شگلت
يرد عليها حامل أختي گتلچ مبروك حامل
ملاك تطلع مهمومة ودمعتها بعينها وتروح للدكتورة
الدكتورة ماشاءالله مبروك مثل ما توقعت حامل
ملاك مستحيل مچنت حاسبة حساب أصير حامل هسه
الدكتورة ليش ماما شعجب مبين عليچ صغيرة ومزوجة جديد ليش متريدين طفل
ملاك دكتورة شلون حامل أني زوجي مسافر
الدكتورة شنو مسافر
ملاك إي مسافر صارله ٣ أشهر وغسلت مرتين دكتورة شلون صرت حامل هسه
الدكتورة روحي شربي لتر مي أو عصير وتعالي
ملاك ليش دكتورة
الدكتورة خل اسويلچ سونار وأتأكد
بعد نص ساعة تدخل ملاك للدكتورة
و تسويلها سونار
الدكتورة بنتي عندچ حمل واضح وعمر الجنين ٥ اسابيع
ملاك لا مستحيل ما اصدگ
تصيح على الدكتورة
إنتي كذابة أني مو حامل إنتي تكذبين عليه
الدكتورة بعصبية
ما اسمحلچ تعلين صوتچ عليه هاي تحاليلچ وهذا السونار وإذا متصدگين روحي بغير مكان سوي
ملاك إي أروح لغير مكان لأن أني زوجي ملازمني من فترة طويلة
الدكتورة شوفي منو لازمچ غير زوجچ
ملاك شتقصدييين
الدكتورة إمشي طلعي بره مسويه بلوة وجايتني طلعي بره
ملاك تطلع بره العيادة وتبچي و مهمومة
تلفونها يرن
تفتح خط
ملاك هلووو حبيبي مهند
مهند يا روحي إنتي وين
ملاك أني بيت اهلي
مهند شلون بيت اهلچ أني بيت اهلچ
يتبع البارت الثالث