قضية شرف

قضية شرف بارت ١٣

مساء  الورد على احلى ورود
🌹🌹🌹🌹
قضية شرف
البارت ١٣
الكاتب مرتضى الهاشمي
ليان تعوف سامر بالإستقبال و تطلع تخابر
حجي أحمد هلا وغلا بگلبي
ليان مسويه نفسها مريضة
حبيبي شلونك
حجي أحمد الحمدلله شبي صوتچ
ليان مريضة شوية
حجي أحمد جاي هسه ماخذچ للمستشفى
ليان لا ميحتاج شوية تعب خابرتك علمود أگلك اليوم شوية مصخنة ومالي خلگ يعني لا تعب روحك وتجي
حجي أحمد اجي اوديچ للمستشفى مو اله ذيچ السالفة
ليان حبيبي ميحتاج صخونة بسيطة وتروح
حجي أحمد تمام إذا تشوفين روحچ مو زينة باچر لا تجين للشركة
ليان تمام حجوجتي امححححح
أحبك حبيبي
حجي أحمد مو بوسه ضيم
ليان حبيبي باي راح اشتاقلك
حجي أحمد الله وياچ يا روحي
تسد التلفون وتعيب عليه
الله وياچ من گبر ولله حتى گبر هسه بذيچ السالفة مابيك خير حتى حچي ما بيك خير تحچي اكو واحد يگول لحبيبته الله وياچ
ترجع تتصل على وائل أخوها
وائل هلو ليان حبيبتي
ليان حبيبي وائل اليوم بات بره الحجي جاي
وائل و شنو الجديد الحجي يومية يمچ وأني بالبيت بغرفتي شنو اليوم ازعجكم
ليان لا حبيبي مسويه إحتفال أني والحجي منريد واحد ثاني
وائل صدگ ليان وإنتو تبقون هيچي لا هو متزوجچ رسمي ولا هو عايفچ طلگي بعد المن هيچي ضاله بيت وسيارة وفلوس عندچ
ليان شبيك وائل إنت شارب شي اليوم بنگ متحرك شلون تريد اعوفه وبعدين اشو الحجي حتى ممقصر عليك حتى المشروع إلي تريده فتحه إلك
وائل ترى الوارد اله مو إليه و أني مجرد لازم الشغل
ليان شنو تكبرت هسه نسيت ايام الفگر ماشاءالله بيت وسيارة وانت سيارة ومن غير الفلوس الي عدنا بالهبل
وائل ترى اني أحچي علمودچ إذا صرتي حامل شلون
ليان ترى هو مزوجني على سنة الله ورسوله بعدين أني ماخذه إحتياطي لتخاف ما اصير حامل
وائل أني مگلت عايشة ويا بالحرام بس إلى متى تبقين طول عمرچ مثل البايگة بوگه ومتزوجين زواج مؤقت إلى متى
ليان لحد ما اخذ فلوسه كلها زين أني ما اعوفه إذا ما اخذ كل حقوقي
وائل لوين تريدين توصلين ما أعرف المهم براحتچ
ليان اليوم مو تجي
وائل لا ما أجي إفتهمنا
سامر يطلع بالحديقة
ليان يله مع السلامة
تسد التلفون وتحچي ويا سامر
إنت شجابك هنا مو گتلك هسه اجي
سامر ويه منو چنتي تخابرين
ليان ويه أخوية و إنت شدخلك
سامر هاي شنو عدكم شوايه
ليان اي عدنا شوايه تريد تحرگني بيها
سامر لا اريد أشويلچ گلبي وأنطي إلچ
ليان تضحك
شلون ويه لسانك متگعد راحة
سامر عندچ لحم
ليان اي عندي
سامر جيبي خل أشوي ترى اليوم شارب هواي وكلش جوعان
ليان تدلل احضر اللحم وإنت حضر النار
مهند يصير عصبي وكلهم بعد ما گاعدين فراس والحجي وساره ويشوفون إعلان البرنامج مال الإعلامية نور
مهند هاي منو نور و شتعرف على ملاك هذا اكيد فهد محرضها بعد ما طلع السجن بده يسوي مشاكل
حجي أحمد وليدي فهد بريء لا تضل تلح بالموضوع
مهند و منو يگول ما زور التحليل  وطلع أني لازم اسوي تمييز ويعيد التحليل مالته
حجي أحمد نفرض التحليل مزور يعني ميزوره من جديد
مهند شلون يعني اعوفه
حجي أحمد اي عوفه وقضية ملاك عوفها بنية تزوجتها ٥ أشهر بس ومعشت وياها بس شهر لو شهرين هيچي متأثر عليها
مهند وشرفي  أعوفه أنسى غير أعرف منو إتعدى على شرفي
حجي أحمد ماتت وولت هي لو شريفة اكو واحد يگدر يلزم شعره منها
مهند وشتريدني اعوف إلي سوى هاي العملة السودة
حجي أحمد يصير عصبي
عوف الطرگاعة السودة و لا تلح بالموضوع أني مو يومية أعيد واحچي ما اريد أخسرك بسبب وحدة ساقطة
مهند والفضيحة الصارت و ما أكدر ارفع راسي بين العالم غير أعرف منو سواها حتى أشرب من دمه وأخذ حقي
حجي أحمد الفضايح أني اوگفها وهاي المذيعة أعرف منو دازها و أوگفه
مهند يصير عصبي ويصيح
شوف حجي لا إنت و لا عشره يوگفوني أني أضل ادور على إلي سوى هاي العملة وما اعوفه إذا چان فهد أو غيره الا أشرب من دمه
حجي أحمد لا تعلي صوتك و أني منطيك العذر واگول خطية نفسيته تعبانة بس مال تعلي صوتك أول مرة واخر مرة تسويها لا بعدين غير تصرف اتصرف وياك
مهند ينزعج و يروح
ليان تحضر اللحم وتجي تشوف سامر نايم بالحديقة
ليان لا والحظ على أبوك هم ما بيك خير لعد وين لسانك أني و أني تالي طلعت قطة على گولة المصريين
ليان تروح تقره شوية من الدفتر وتتفاجيء
عزاااااا العزاكم هاي شمسوين بالبنية
تباوع على سامر وهو نايم
ولله وگعتو بحضني أني أعلمكم
ثاني يوم الصبح يگعد سامر
ويشوف نفسه نايم على القنفة
ويشوف ليان ملابسها مشگگة و تبچي
سامر شبيچ تبچين و ليش ملابسچ مشگگة
ليان فوگاها الك عين وتحچي يا دماغ سيز چان إستحيت هيچي تتهجم عليه بليل
سامر أني مستحيل ما اذكر شي
ليان اي مو سكران
سامر وليش أسوي هيچي إنتي چنتي ناوية كلشي تنطيني بمزاجچ
ليان إنچب لك أنطيك إلك انت أبو النسوان أبو العرك يله إطلع بره ما أريدك هنا والمذكرات اخذها ما اريدها
سامر يجي يمها
ليان لتلزمني
سامر شبيچ يمعودة متوضي
ليان إنوب تحشش
سامر يعني شسوي إنطيني مجال أبرر
ليان شتبرر
سامر هاچ المذكرات تريديهااخذيها وأني ما چنت بوعيي وعلى الصار أني ما حاس بروحي وما اعرف شسويت
ليان هسه عرفت وعبالك أني رخيصة مثل باقي البنات الي عرفتهن
سامر مو گتلچ ما ادري المذكرات اخذيها ما اريدها وإذا تريدين اتزوجچ وأصلح الي سويته هم قابل بس غير أعرف أني شسويت
ليان مصدومة شنو تزوجني وشنو متعرف شسويت البارحة إنت دمرتني مچنت ناوية أنطيك نفسي گلت اماشيك أسهر وياك بس مو تاخذ جسمي وغصب ليش مو توسلت بيك وبست حتى رجلك تالي تغتصبني وتاخذ عذريتي ولله ما اعوفك إلا أگول للحجي عليك و افضحك
سامر على شنو تگولين للحجي مو گتلچ أصلح غلطتي لو متريديني
ليان اكيد ما أريدك إنت واحد حشاش شسوي بيك وأني اكبر منك
سامر أني گلت الي عندي أني حبيتچ اول ما شفتچ و إنعجبت بيچ هوااااي و شتريدين أني موافق عليه شتردين مني انطيچ بس ما أريد الحجي يعرف ترى ما اخلص منه
ليان تصيح عليه
إطلع بره حيوان
سامر تمام بكيفچ
ليان بعد ما طلع سامر
ياربي هذا صدگ يحچي عبالي الزم عليه لزمه إنوب يثبتلي العكس حرام إنت إبن الحجي ولله لو ما الحجي اتزوجك وأعيش خادمة جواك شاب عضلات جمال شنو البيك مو حلو حتى لسانك بس لا اغيرك وأخليك حتى الملاهي تعوفها هالمرة امشي ورى گلبي وما أحرم نفسي من شي احسن ما موته روحي ويه الحجي كل شهر لو يگلبني مرة لو مرتين أبو الحبوب بس يم النسوان بره يصحه ويصير رجال
لا أضربك يا حجي بإبنك سامر من غير البلاوي الي شفتها بالمذكرات مال چنتكم أويلي بس إنتظروني شوفو شسوي بيكم كافي شبابي كله للحجي ضاع
فهد يطلع من السجن ويروح لبيتهم
يتفاجئ من يشوف مكتوب على بيتهم مطلوب دم و البيت مقفول
فهد يذكر إمه و إبنه و مرته
يذكر من چان يلعب ويه إبنه يشيله ويشمره بالهوى
ويذكر
من مرته تشاقه ويا
ويذكر من چان يبوس إيد أمه الصبح
يدخل بالبيت وعيونه كلها دمع وهو مقهور
يدخل لغرفة النوم
ويشوف صورة إبنه و يركز بيها
يلاحظ أكو شبه بينه وبين إبنه چبير
فهد مستحيل مو إبني ومستحيل أني ما اخلف اذا مو إبني شلون هذا الشبه بيني وبينه
يذكر كلام المحامي من گله
أكو مفاجئة لا تأيس
وتذكر كلام المحامي من گاله أتعابي أخذتها من امك قبل وأني ما اعوفك و أضل وياك لحد ما تشافى
فهد يتصل على المحامي بس المحامي ميرد
فهد اكو شي غلط أكو لعبة ورى هذا الموضوع
فهد يتصل مره ثانية على المحامي مره ثانية هم ميجاوبه
يسمع صوت الباب تندگ
يطلع بره ويتفاجئ حجي أحمد بالباب
فهد شعندك جاي هنا
حجي أحمد عندي كلام وياك
فهد ما عندي اي كلام وياك و بيني وبينكم المحاكم راح ارفع  عليكم دعوة إشهار و تلفيق  تهم باطلة سويتوها عليه و شوفو التعويض شگد أخذ منكم
حجي أحمد خل ادخل لو نتفاهم بره
لؤي يدخل على شركة الحجي و يسأل السكرتيرة
أريد احجز عندي سفرة مستعجلة لاربيل
السكرتيرة ما عدنا رحلات هذا الأسبوع لاربيل
لؤي لا عفيه حاولي تره مستعجل أريد سيارة توصل أني وأختي لوحدنه و إحنا منندل هناك وأكثر من مكان أريد واحد من شبابكم لأن شركتكم طلعت سفرة  وياكم سابقا  و چانت خدماتكم حلوة وثقة ومن غير سمعتكم حلوة
السكرتيرة شكرا جزيلا
بس الحجز مال vip يم ست ليان وهي اليوم مموجودة
لؤي عفيه مستعجل لازم الكى حجز اليوم
السكرتيرة چان گتلك  تفضل على مكتب حجي أحمد بس اليوم حتى الحجي مموجود بس تگدر تروح على أستاذ فراس مكتبه عاليمنه نهاية الممر
لؤي يروح على فراس 
السلام عليكم
فراس  عليكم السلام ورحمة الله وبركاته تفضل اخي العزيز اگدر اخدمك بشي
لؤي أني طالع سفرة وياكم وشفت خدماتكم وشركتكم ثقة
فراس  شكرا جزيلا على هاي الثقة اگدر اخدمك بشي تفضل گول
لؤي أني و أختي عدنا روحة لأربيل عدنا مراجعة بخصوص الحجية هي هناك تتعالج حاليا أتمنى سيارة vip تودينا واريد السايق يندل لأن منندل إحنا بس أخوية يندل وهو وده الحجية وحاليا بالدوام والحجية لوحدها منكدر نعوفها هناك فراس نحجزلكم فندق
لؤي اكيد
فراس شكد سفرتكم
لؤي إسبوع الى ١٠ ايام بين ما يكتبون خروج للحجية
فراس  عدنا مهند سبع ويندل راح اخابره واگله طبعا هو صارله فترة مطالع بس انت تمون بسبب كلامك الحلو وتجربتك ويانه
لؤي أني ممنون منك أخوية
فراس لا إنت تؤمر بس المستمسكات إنت و اختك
ينطي المستمسكات
لؤي طاهر محمد
حياة طاهر محمد
فراس ميحتاج مستمسكات ولا الهويات بس اسمائكم هاي هي
يرجعله المستمسكات بدون ميشوف صورة حياة
مهند أني ما اروح وشسوون سوو
فراس ترى ماكو واحد غيرك بلكي شوية تغير جو والجماعة ميتعبوك من المستشفى للفندق هم فرصة ترتاح بمكان حلو هناك لوحدك وتغير جو
مهند هاي هي وين العنوان بس لخاطرك أروح 
فراس هاذ العنوان والساعة ٤ تنطلقون  شكرا لأن لخاطري راح تروح
مهند تدلل 
حجي أحمد بعد ما دخل لبيت فهد
أني جاي و أعتذر وهاي إيدي مادها إلك و شتريد تعويض أعوضك بدون محاكم
فهد وأمي ترجعها و زوجتي تلگاها وين
حجي أحمد الميت ما يرجع
فهد ليش ما شهدت لصالحي ليش ما گلت أني بسبب شنو چنت اجيكم للبيت وأسهر لو كلشي تذبه براسي
حجي أحمد غلطة وراحت
فهد لا إذا تريد أذكرك حتى بعد متنسى وتغلط ويايه
مهند يوصل للبيت
يتصل على لؤي
لؤي تمام اخي لحظة وجاي
لؤي يگول لحياة طلعي وأخذي الجنط خل يشوفچ مهند أني جاي وراچ
حياة تطلع وياها جنطة سفر تجر بيها
مهند صاعد بالسيارة يسمع صوت الباب مال البيت ينفتح وتطلع حياة بكامل أناقتها وهي تجر جنطة السفر
مهند يباوع ويتفاجئ ويگول
ملاااااااااااااااك
حياة تبتسم شكرا هذا من ذوقك
مهند إنتي عايشة
حياة متعجبة لا أني ميته معقولة هاي الشركة إلي يحچون بيها لا إنوب خدمة vip وهيچي تصچمون بنات العالم
مهند أسف ست مو قصدي بس شبهت بيچ بوحدة ميته إسمها ملاك
حياة اتمنى بعد متركز على بنات العالم ركز بدربك وبس زين أستاذ اااا
مهند إسمي مهند
حياة تمام أستاذ مهند
يجي لؤي أني أسف جدا إتأخرت عليكم
مهند صافن على حياة
حياة عفيه لؤي صعد الجنط بالسيارة
لؤي صار يصعدون الجنط ويصعدون بالسيارة ومهند صافن على حياة
حياة أستاذ ممكن تصعد ترى تأخرنا ليش صافن عليه
مهند أسف جدا شوية عقلي تشوش
للقصة بقية
مرتضى الهاشمي
يتبع بارت ١٤