قضية شرف

قضية شرف بارت 30 والاخير

صباح الورد آسف عن التأخير
البارحة ملحگت أكتب واليوم عدت البارت بسبب أخطاء هواي أملائية بسبب السرعة فكل هذا وقت
أريد  رأيكم بالقصة
تحياتي
الكاتب مرتضى الهاشمي
قضية شرف
البارت ٣٠ والاخير
مرتضى الهاشمي
صلاح و رهف يسمعون صوت طلقات قريبة منهم يروحون على صوت الطلقات
رهف بابا گلبي مثل النار بس لااااا
صلاح  عيونه تدمع لا بنتي لتكمليها كلشي ولا هذا لا سامح الله
رهف گلبي مثل النار
صلاح و رهف يوصلون لمكان الحادث ويشوفون هوسه والناس ملتمة
صلاح و رهف بدون شعور يفوتون بنص الهوسه و يتفاچؤن
مهند شايل حياة وهي مغمى عليها بحضنه وغرگانه بدمها ومهند يحاول ياخذها للمستشفى وهو يبچي ويصيح
ساعدوني جيبو سيارتي خل اوصلها للمستشفى واحد منكم يجيب السيارة ليش بس تتفرجون
صلاح ورهف مصدومين ويبچون ويصحيون بصووووت عالي
صلاح ولچ بنتي كتلوچ المايخافون من الله كتلوچ إنتي وأختچ
رهف عوفها لا تشيلها عوفها ماتت بسببك إنت كتلتها الله لا ينطيكم
ما صدگت لگيتچ عوضتيني عن ملاك ليس تعوفيني حياة ولچ خيتي لا تحرگين گلبي لا توجعين گلبي بيچ
مهند ما تموت حياة متموت ما أغلط غلطة ملاك هاي انطيها عمري و أخليها تعيش ما راح اضحي بيها لو كلفني حياتي
واحد من الواگفين يجيب السيارة
فراس ياخذ وائل لمكان مهجور وبعيد محد بي
و يذكر شلون قنعه و صعد ويا وائل
وائل من طلع من المحل
فراس أصعد بالسيارة
وائل ها فراس خير وليش كلك دم
فراس تعال ويايه سامر راح يكتل اختك ليان
وائل صدك تحچي
فراس أصعد خل نلحگ بيها
وائل خل اتصل بيها
فراس إنت غبي وين اكو وكت تتصل بس تتصل راح سامر  يعرف إحنا كشفنا إمشي خل نلحگ تلفونها يم سامر
بعد ما وصلو ونزلو للمكان
وائل وين ليان
فراس إنزل لا أفجر راسك
وائل شبيك فراس ليش هيچي تسوي
وائل يرمي طلقة بالجو ولك اليوم انعل والديك إنت وأختك
وائل ليش شمسوين
فراس بگتو الجمل بما حمل هسه جاي تگلي شمسوين
وائل ما أعرف على شنو تحچي
فراس أني أخلي أختك تفهمك يا عاااار
فراس يضرب وائل دفرة ويوگعه بالگاع و يرمي طبقة جوة رجله ويگله بس تتحرك أموتك
فراس يتصل على ليان
ليان تفتح خط
خير يا طير شتريد مو گتلك بعد لتتصل بيه
فراس شوفي ليان وائل يمي وإذا متجين وتجيبين كل الفلوس وترجعين الشركة انعل أبو الخلفچ و أخليچ تقرين على وائل الفاتحة مو تگولين ما أسويها أني كتلت أخوية يعني أخوچ أكتله بدم بارد
ليان شنوووووو لا وائل ماله علاقة أبوس إيدك لااااا
فراس إذا يهمج هسه تجين
ليان اجي وين تريدني اجي
فراس بس تلعبين بذيلچ أذبحة لاخوچ
ليان لا ولله ما اسوي شي ولا ابلغ الشرطة
فراس تجين لوحدچ گبال ساحة لقاء وهناك أگلچ وين تروحين
ليان صار اجي بس لتأذي وائل عفيه
فراس ينهي المكالمة ويروح يربط وائل بالكرسي ويشد حلگه وعيونه ويطلع يصعد بالسيارة
صلاح ومهند و رهف يوصلون لمدينة الطب
و يدخلون حياة للمستشفى
رهف تنصدم من تشوف لؤي گدامها ويا ضابط وشرطي
رهف انت شسوي هنا وليش عفت حياة
لؤي ها رهف إنتي شسوين هنا
رهف الك عين وتحچي شگد گتلك دير بالك على حياة شگد وصيتك تالي تضعيها ويكتلوها وإنت نايم ورجليك بالشمس
لؤي مصدوم وبلهفة
منو كتل حياة و شوكت
رهف گول لروحك إلي عايفها وكلشي متدري
لؤي منو گلچ أني عايفها أني وياها أول بأول و متفق ويه الشرطة و الكاميرات بكل البيت هي بيدها شدتها مثل ما علمتها شلون كتلوها وهي مو بالبيت
رهف كتلوها بالشارع يا غبي وإنت عايفها ومكيف شاد كاميرات بالبيت
لؤي أني چنت وياها و گتلها ما ضل شي ونعرف الحقيقة وهواي خيوط عرفناها عن طريق الشرطة من تعاونت وياهم
رهف حياة تدري لو لا
لؤي لا مگتلها أني متفق ويه الشرطة
رهف ليش تروح للشرطة هي ملاك ماتت ومحد جاب حقها من الشرطة تريد هسه يجيبون حقها
لؤي هيچي قضايا تكون سرية والقضية منغلقت وبقت و إتفاقي ويه الشرطة هواي ساعدنا حتى نوصل لأدلة كلش چبيرة
رهف إذا متدري حياة متصوبة شعندك هنا هسه
لؤي ساره مرت حماها لملاك متصوبة حسب الكاميرات إلي حطتها حياة هواي اشياء عرفناها و سمعناها بس نريد توثيق فلازم ساره تعيش و نعرف برائة ملاك
رهف ميهمني بعد لا برائة ملاك و لا اي شي إلي يهمني حياة ترجع وبس
لؤي مو بكيفچ ولا بكيفي بكيف الشرطة والقاضي القضية معقدة وهواي تفرعات بيها وقضايا متعلقة بيها هذا حق عام مو حق خاص حق الدولة لازم القانون ياخذ مجراه
رهف و حياة تعوفها تموت
لؤي أني ما ادري بحياة هسه أطمن عليها و أني وياچ وما اعوفچ
رهف إنت فاشل و ماراح تگدر تسوي شي و أني غلطت أمنت حياة وقضية ملاك يمك
تلفون رهف يرن
رهف تفتح خط
نعم ست نور
نور شنو القضية رهف لا إنتي ولا ملاك تجاوبون والحلقة المفروض باديه
رهف حياة بين الحياة والموت و أني يمها بالمستشفى
نور شنووو ليش حياة شبيها
رهف كتلوها إلي كتلو ملاك نفسهم
نور زين اتصل بيچ بعدين مع السلامة
نور تنادي على المخرج
أني جاهزة يله نبدي الحلقة
المخرج شلون تبديها والبنية ماكو
نور أني گد كلمتي إعتمد عليه أحسن ما نغلس والعالم تنتظر و متعرفون شيسوون
المخرج إنتي تتحملين كلشي  إذا مدير القناة حچه
نور أني  گدها بكلمتي معليك و أعرف شنو راح أسوي
ام ملاك تتعارك ويه رجلها
أني بعد ما اصيرلك مره وحرامات هاي السنوات بيك ضيعت بناتي بسببك
ابو ملاك وشسويلچ أني تريدين تخليني بالسجن بسبب بناتچ
ام ملاك وهنه شعليهن
ابو ملاك متدرين هذا الحجي ما يعوفني وبس اروح اساعدهن معناها تنفتح قضايا الشركة الوهمية وقضايا الفايز وأحمد الله أنسجن إذا مو العالم تكتلني ويسحلوني بالشارع
ام ملاك أني راح أدور على بناتي وراح أبوس قنادرهن حتى يرضن عليه وأني بعد ما اعرفك شلون حبيتك وطاوعتك وعفت بنات مثل الورد علمودك
ابو ملاك إنتي تريدين تضيعيني
ام ملاك لتخاف ما أگول على شغلك لأحد ولا ادلي صلاح بمكانك وإذا يريد يكتلني خل يكتلني بس بناتي يسامحني
نور مساء الخير أحبتنا المتابعين والمشاهدين
من إستيديو القناة نرحب بكم مع برنامج قضية شرف
مثل ما واعدناكم اليوم نقدم حلقة خاصة عن قضية  الضحية ملاك
اليوم جاني إتصال من بنيه إسمها ساره و إعترفت عن شخص خطير و كالت أعرف اشياء عن قضية ملاك وأني حاليا مهددة وأبني خاطفي لكن سمعنا صوت إطلاقات نارية و إنقطع الصوت بعدها
و تسجيل المكالمة موجود راح تسمعو
وبعد المكالمة إتصلنا برهف أخت الضحية و أكدت إلنا أختها الثانية الي كان اليوم حاضرة بالإستيديو
لكن ننصدم بعد ما بلغتنا رهف بمقتل أختها أيضا وهي الآن بالعناية المركزة وحياتها خطرة في مدينة الطب
فقررنا نفتح الإتصال بمن لديه اي معلومات و ستكون قضية رأي عام لنعرف من هي اليد التي تقتل وتستبيح الدم وهذا يثبت برائة ملاك قطعيا
أم ملاك تشوف الفيديو. وتنصدم
أني لازم اروح لمدينة الطب بعد ما اسكت
ابو ملاك وين رايحة
ام ملاك إذا متخليني أطلع ولله لا أشهرك بالمنطقة وأصيح والجيران كلها أخليها تلتم علينا
تعوفه وتطلع وهي رايحة للمستشفى
ليان توصل لساحة اللقاء
يتصل عليها فراس وهو يراقبها من بعيد
سيارتي گدامچ تعالي صعدي بيها
ليان أجي وراك بسيارتي
فراس سيارتچ إطبگيها بالشارع وتعالي بسيارتي صعدي يله بدون لغوة زايدة
ليان صار جيت
ليان تصعد بسيارة فراس
وينطلق بكل سرعته
حنين بعد ماشافت البرنامج
شنووو يعني إبن ساره مخطوف وساره تصوبت وهاي البنية هي أخت ملاك بس الي ادري بي ملاك ما عدها خوات
عباس لا حول ولا قوة الا بالله
حنين عباس انت تعرف شي امشي وديني لبيت اهلي خل أشوف ساره صدگ مكتولة
عباس وشعرفني أني   يله إمشي خل نروح ونتأكد
بعد ما وصلو ليان و فراس
ليان تنصدم من تشوف أخوها تروح تحضنه وتبچي
حبيبي شسوه بيك هذا المجرم حبيبي خويه افديك بروحي
فراس ماكو غيرچ مجرمة و حرامية تسوين علاقة ويه أخوية وإنتي متزوجة أبوية
ليان إحترم نفسك أني مو عار مثلكم و اباوع على المحرم عليه سامر ما عندي شي ويا
فراس معقولة
ليان أني مو نگسه مثل أبوك يباوع على محارمه
فراس يضربها
إنچبي حيوانة أبوية اشرف منچ ومن الخلفوچ بت الخدامة هسه تحچين على أبوية بعد ما لفاچ وسواچ أدمية
ليان ههههههههه أبوك دمرني أبوك مخليني گو..دة و أني أسوي سفرات الفي أي بي إلي كلكم متعرفون شي عليها ابوك چان حتى المتزوجات يطلعهن ويه صحبانهن بعقد متعة وهي متزوجة حتى بنات عذراوات چان يخليهن يطلعن بعقد أبوك يسوي ويگول أني ولي أمرهن مقابل فلوس و محد يحچي ويا من الدولة كل هذا ابوك الي يسوي ميباوع على محارمه
فراس شتحچين إنتي
ليان أني أحچي الحقيقة الضامتها فترة طويلة بصدري و راح أنفجر وإذا متصدگ روح تأكد من مرتك إلي هددها بس تحچي يكتلها ويكتل  إبنك مصحيت على روحك مفكرت إذا اني عندي شي ويه سامر شلون ابوك مخليني بيتكم وهو يمثل فاقد الذاكرة
فراس مصدوم
ليش مسوالچ شي
ليان أگلك بس تنطيني الأمان بوائل
فراس أريد فلوسي
ليان فلوسك مقابل حياتي يعني أموت يله تاخذها بس الكلام راح أحچي مقابل حياة وائل
فراس يصوب وائل طلقة برجله
أكتل وائل گدامچ إذا فلوسي مترجع
ليان تبچي وتصيح
لااااا عوفه لوائل أنطيك كلشي بس وائل عوفه أني إتحملت الضيم كله لأجل وائل
فراس إحچي وتنازلي بسرعة قبل لا وائل يموت من النزف
ليان اي راح أحچي كلشي أحچي
مرتك عدها مذكرات ملاك أني قريتها و مفهمت منها شي بس ذاكرة كلكم نمتو من وكت بذاك اليوم و گعدت الصبح ولگت وصاخة رجال بجسمها من غير أكو اثار واحد لازمها من إيدها و أفخاذها و على فراشها هم وصخ
ضلت متعرف شسوي تگول لو تسكت لو إلمن تتهم
شكت بأبوك بس المصيبة شافت أبوك نايم وهي اول وحدة گعدت قبلكم  من گعد ابوك گال ليش محد گعدني على صلاة الفجر وراح صلى و بدون ميسبح بالرغم ما كعد متأخر صلاها قضاء
هذا الشي الي خله ملاك متشك بأبوك وخايفة بمنو تشك وخافت إذا تحچي لا تهموها ويه فهد چانت تدري راح يتهمون فهد وهذا الشي خلاها تشك بسامر بس سامر چان بايت بره و لهذا السبب هم مگدرت تحچي وگالت لا يذبوها براس فهد  لأن ميانتها قوية ويا و إنتو متصدگون هو مثل اخوها و إنت چنت يم مرتك نايم و تدري بيك تحب ساره بالرغم ما لسانها طويل وفضولية فمحبت تحچي وسكتت حتى متصير الأمور ضدها
فراس وليش شكت بأبوية مو سامر
ليان لأن المذكرات ذاكرة
بيوم الحادثة ملاك جانت وحدها بالمطبخ وإنت و مرتك بغرفتكم
الحجي إنقهر على ملاك وگللها روحي گعديهم حتى تجي ساره تساعدچ وأني أكمل العصير
تگول ملاك من دكت عليكم الباب ونزلتو
إستغربت ملاك بچيس بي شكر مطحون ناعم كلش وهي تحضر الأكل وگع مي عليه گالت هسه اجي أخذه
طبت ساره وذبته بالزبالة مال الحاوية البره ويه الزبالة
بعد ما تعاركن ساره وملاك لأن ساره گالت لملاك ليش هيجي مهوسه الدنيا و الزبالة تارسه المكان
فراس اي صحيح هذا الشي صار و الحجي گام يصيح گال شامرين شكر مالتي مال الدايت بالزبالة
ليان بالضبط وبعد ما ملاك صار الي صار بيها بهاي الليلة شكت بالحجي بس من شافته نايم وهي گعدته مشكت بسامر لان مو بالبيت بس مكدرت تحچي سكتت
فراس الشكر إنشمر بالزبالة منو يگول بي منوم
ليان أني من جيت يمكم إذاني فاتحتها يمكم
بالبداية شكيت بسامر من أخذ المذكرات قبل لا اجي يمكم بعدين شكيت بسامر و ساره لأن ساره متعاونين  ذبحت نفسها على المذكرات وبعدين اخذتها من جنطتي وباگتها بيوم مشكلتي ويه ساره
وبسببها إنت تعاركت ويه مهند
فراس اي صحيح يعني بهذا اليوم ساره اخذت المذكرات
ليان اي أخذتها
بس الي صار وخلاني اتأكد أبوك هو معتدي على ملاك من خلال  تصرفات ساره
فراس شلون
ليان أني چنت أگعد بالإستقبال حتى أكون مسيطرة و أشوف الوضع وأخاف لا ابوك يگلب عليه ويكتلني بس الي تفاجأت بي بليل نزلت ساره وسوت گلاص عصير من چيس بي شكر طلعته من الكاونتر چانت هي ضامته ولأن محد يدخل للمطبخ غيرها هي مأمنة عليه
فراس العصير إلي شربته
ليان اي شربته ونامت
تأكدت أني ومن تصنتت على ساره  طلعت ساره الشكر ضامته بس من صارت عليه مشكلة و الحجي تعارك علموده خافت إطلعه ونسته بس من قرت المذكرات تذكرته ورجعت طلعته و جربته
فراس مصدوم مستحيل إلي گاعد اسمعه
ليان تريد اثبتلك أكثر بيوم إغتصاب ملاك ابوك چان يمي و شارب حبايه هو بيوم إلي يجي يمي يشرب حباية بس تعاركنا أني ويا من سجل العمارة بإسمك وگتله اليوم ما انطيك الظاهر أبوك إستغل جمال ملاك و إستسلم لغريزته الحيوانية و نسى هاي مثل بنته
فراس يضرب على راسه
معقولة هيچي يطلع من عنده بس يا عمارة تحچين بيها
ليان أبوك مسجل كلشي بإسمكم بسبب الشركة الوهمية مالته حتى محد يشك بي ويگول كلشي بإسم ولدي من غير فلوسه مال الفايز يم جماعته
فراس شنو أبوية يشتغل بالفايز
ليان اي و كلام عباس رجل حنين صحيح بس ميكدر يحچي لأن متورط ويا قبل و بعدين إنسحب
فراس زين ليش مكتلچ من طبيتي للبيت
ليان أسرار ابوك الي بالشغل كلها يمي وأني چنت بكلشي أساعده  أبوك خاف لا أحچي ضل ساكت وهددني بوائل بس احچي بس بعد ما سامر ضرب ابوك
ابوك عباله عندي شي ويه سامر وخاف لا افضحه وضل ساكت وإلتزم الصمت ومثل هو فاقد الذاكرة حتى من يستجوبو ميذكر شي بين ما يسافر  بس إنصدم من المحامي مشه بعقد زواجنا وصرت مرته رسمي إتفقت ويا وائل اسفره و أني ارجعله فلوسه بس ضليت اماطل بسفر وائل لحد ما طلعت سامر من السجن و خليته يتنازل عن كلشي
فراس وخليتيني أكتل أخوية بسببج
ليان مجبورة حتى أحافظ على حياتي وحياة وائل بس أني مگتلك كتله ابوك خلاك تكتله وياخذ بثاره من إبنه عن طريقك
فراس بعد الي سمعته أخذ روح أخوچ گدامچ وأحرگ دمچ
ليان لااا عفيه أتنازل عن كلشي بس وائل لا
فراس إنتي ووائل وأبوية لازم تموتون
ليان أبوس إيدك وائل عوفه ماله ذنب
فراس وسامر هم ماله ذنب خليتيني أكتله بدم بارد
شوفي لچ هسه تخابرين على أبوية وتگليله يجي هنا حتى أشرب من دمه لا أكتل وائل هنا
ليان عوف وائل وأخابره
فراس ولله هسه أفرغ المسدس براسه خابري أبوية بسرعة
ليان صار هسه صار
الدكتور يطلع من غرفة العمليات
صلاح بشر دكتور
الدكتور طلقة مستقرة بگلبها و منگدر نطلعها إذا تحركت تموت فلازم تبقى بالمستشفى ومتتحرك أبد
رهف وشلوون الحل دكتور
الدكتور لازم نسويلها عملية تبديل عضو القلب وهاي مموجودة عدنا ولا بأي دولة الا بدول مطورة كلش ومكلفة كلش ومن غير لازم تشوفون منو اليتبرع يعني مع الأسف الحل كلش صعب ومستحيل وحتى نسبة النجاح ٥٠٪
رهف لا دكتور أنطي گلبي لا تگول صعب
الدكتور العميلة مكلفة هي والسفر أيضا
مهند أني أتبرع وأني  ادفع كل المصاريف
الدكتور مو اي واحد يجي يتبرع لازم تحاليل وهاي إجرائات هاي شغل المستشفى ومو هنا بره بالخارج
صلاح أني مستعد أنطي گلبي لبنتي و لو اعرف ابيع ملابسي وأكدي بالشارع اسويلها العملية
ام ملاك تجي للمستشفى
رهف تشوفها وتگللها
شعندچ جايه هنا جايه تشمتين بينا جايه تشمين أخابر روحي منا إحنا مو بناتچ ولا إنتي أمنا إنتي بعتينا
أم ملاك يمه أبوس أيدچ سامحيني يمه أني غلطت بحقكم لتصيرين قاسية عليه مستعدة أعيش خدامة جوه رجلچ و أبوس رجلچ ونعالچ بس تسامحيني
رهف كافي لتضغطين عليه أكثر أرجوچ عوفيني و طلعي من حياتنا لتسوين هاي الحركات حتى تكسرين گلبي أني گلبي حجر مو مثل قبل أني گلبي ميت يمه أني گلبي مات من يوم شمرتي ملاك
ابو ملاك يصيح عليها ويريد يكتلها
الي صار بسببچ ما اعوفچ أعوف رجلچ
الناس تلتم ويگولون لصلاح
رجاء كلنا عدنا مرضى هنا مو مال عرايك تريدون روحو تعاركو بره
أم ملاك تطلع وهي تبچي ومكسورة
لؤي يتصل على الضابط
سيدي ساره إنطتك عمرها
الضابط إحنا حاليا مراقبين حجي أحمد نريد نعرف مكان إبن فراس ومكان فراس اكيد عن طريق أحمد بس يروح على مكان فراس أو ليان نلقي القبض عليه
رهف تتصل على نور
ست نور حياة حالتها خطرة و الطلقة ثابتة بگلبها الحمدلله ما ماتت بس الطلقة بس تتحرك من مكانها تموت ويراد يبدلولها گلب
نور ما أتصور اكو هيچي عمليات
رهف الدكتور يگول بالخارج العملية وإحتمال ضعيف تنجح و لازم مبلغ چبير يعني هسه حايرين بالمبلغ وبالمتبرع
نور لا حول ولا قوة الا بالله أني راح انشر على القناة و على حسابي الخاص بالتواصل الإجتماعي بلكي اكو ناس تتبرع ونگدر نشتري الگلب ونسفرها
صلاح ليش هيچي سويتي بينا رهف
رهف أني شنو سويت بابا
صلاح كله بسببج گتلچ لتضيعين أختچ هاي الي طلعت منها من الدنيا ومصدگت لگيتچ ورجعتي لحضني تالي تضحين بأختچ علمود وحدة ماتت
رهف بس الي ماتت هاي هم بنتك ومن صلبك و بريئة و تهموها بشرفها
صلاح هسه لا ثبتنا برائتها ولا حويت أختچ إنتي السبب رهف إنتي ضيعتي حياة
رهف تبچي
كافي لوم كافي تحملوني ذنب أني مو گتلكم أروح أخذ ثارها بس إنتو مخليتوني
صلاح و إنتي مو عزيزة عليه  إنتي لزمتيني من إيدنا التوجعنا قنعتي حياة وخليتيها تروح
رهف أني أسفة و أني أتبرع لحياة بگلبي
صلاح إفتهميني رهف
رهف لا بابا ميحتاج أفتهم أني اسفة
رهف تروح
صلاح يلحگها
رهف تتفاجئ أمها كاعدة باب المستشفى وتبچي
رهف بعصبية شعندچ هنا وشتريدين من عدنا
ام ملاك إدنگ على رجلها
أبوس نعالچ سامحيني
رهف تبچي وتنزل على أمها وتشيلها وتحضنها
ليش هيچي تسوين لتحمليني ذنب أكثر ماما أني اتمنى رضاچ مو تنزلين على رجلي
صلاح يطلع ويصير عصبي ويگول
هاي الي ضعتو بسببها تحضنيها صرت ما افهمچ رهف طلعت أمچ دازتچ
رهف لا بابا شلون تفكر هيجي
صلاح اليوم أدفنج هنا بناتي ماتن بسببج
ام ملاك إذا بناتي يسامحني أني موافقة اكتلني و ريحني
صلاح دموعه بعينه
لا أني ما أكتلچ أني أحرگ گلبچ مثل ما گلبي محروگ بناتچ  راحن ملاك ماتت وحياة بين الموت والحياة ويحتاجلها گلب حتى تعيش
ام ملاك أنطيها گلبي أنطيها روحي بنيتي هاي
رهف لا ماما أني انطيها گلبي
صلاح بناتي أني أنطيهن عمري
ام ملاك أبوس تراب رجليكم خل أكفر عن ذنبي خل بناتي يذكروني بخير لا تحرموني من هاي الفرصة
تنزل على رجل صلاح
أبوس نعالك بحياتي منذليت لواحد بس هسه مستعدة أذل روحي جواكم
رهف ماما ترى صعبة عليه تموتين مو هينة
أم ملاك ولا هينه عليه تموتين انتي لو إختچ فراگ الضنة صعب  أني جربته لتحرگون گلبي أكثر خلوني اطهر روحي لتركب راسك صلاح هاي بتنا و لازم تعيش
صلاح يبچي
المشكلة لأن بتنا ما اگدر اگول لا أني موافق بس بشرط
ام ملاك قابلة بكل شروطك
أني وياج نسوي التحاليل وإذا أني يصير أني أتبرع
ام ملاك موافقة ولله موافقة بس لتحرمني إذا مرهم انت تنطي گلبك توافق أني أتبرع
صلاح متفقين هاي هي
حجي أحمد يوصل هو و عصابته للمكان الي گالتله بي  ليان ويصيح
وينچ ولچ ساقطة اليوم أشرب من دمچ
فراس يصير گدامه ويگله
حسابك ثگيل حجي متصورت يجي يوم وأني أكتلك
حجي أحمد شتحچي ولك تريد تكتل ابوك
فراس إنت عار علينا و ماكو اب يسوي هيچي بولده
حجي أحمد أنجب حيوان شجذبت عليك هاي وصدگت بيها
فراس إنت إغتصبت ملاك و هددت مرتي وأني عبالي سامر
حجي أحمد هاي كذابة إلي إغتصب ملاك هو نفسه سوه علاقة وياها
ليان سامر متقربلي إحنا مو نگسين مثلك و مو جديدة عليك مو جنت تنام ويه البنات الي ما عدها تسدد القسط الشهري مال الفايز مالتك لو نسيت
حجي أحمد يوجه المسدس على فراس و ليان
إنتو متفقين عليه اليوم أكتلكم واخلص منكم أني ولدي عارات يمشون بكلام النسوان
صوت سيارت الشرطة
الشرطة تجي وتحاصر المكان
حجي أحمد يريد ينهزم ويوگع
فراس يشيل المسدس و يريد يكتل أبو و ميكدر
يبجي ويگول
ما اگدر أكتلك سامر إعذرني هذا أبوية ما اگدر أخذ ثارك بس أني عار ولازم ما ابقى
فراس يضرب روحه طلقة ويموت
تجي الشرطة وتاخذهم كلهم وتصعدهم بالسيارة مال الشرطة
وائل تجي سيارة إسعاف وتاخذه بعد ما إتصلت بيهم الشرطة
بعد مرور شهرين
رهف و ام ملاك و صلاح
بالخارج بالمستشفى يريدون يكملون التحاليل حتى يشوفون منو يكدر تبرع لحياة
ام ملاك تدخل للدكتور
بشر دكتور منو يكدر يتبرع من عدنا
الدكتور كلكم تكدرون تتبرعون
ام ملاك أطلب منك طلب
الدكتور تفضلي
أم ملاك گللهم إنتو متكدرون تتبرعون أني أريد أتبرع لبنتي ما اريد گلبي يحترگ على واحد منهم إذا فشلت العملية
الدكتور صار وأني أحيبچ على هاي تضحيتچ لبنتچ بارك الله بيچ
ام ملاك تبجي أتمنى يسامحوني على اخطائي وياهم
الدكتور بهاي تضحيتچ ما اعتقد أحد ميسامچ لو كاتله أبوهم
ام ملاك يارب يسامحوني
بالمحكمة
القاضي يحقق ويه كل واحد لوحدة
حجي أحمد سيدي هي جانت تلبس لبس ضيق و أني أكثر من مره نبهتها و سمعت كلامي من غير الكصير و عطرها وشعرها مشسور أني دنت نفسي صح غلطت بس أني متندم چانت نزوة غبرة و دفعت ثمنها
عباس سيدي القاضي أني صح إشتغلت ويا بالبداية بس أني مچنت ادري بي يشتغل بشركة وهمية عبالي راح صدگ يسوي مشروع وقبل الزواج من بنته أني  إكتشفت هذا الشي و رفض يزوجني بنته بالرغم ما عاقدين أني وياها عقد محكمة وعقد سيد والبيت أخذته من أخوتي تنازلو بي اليه شلون يگول أني أخذت الفلوس من عنده ويتهمني أني أخذت البيت قبل لا اشتغل ويا
مهند سيدي القاضي ما چنت أتصور ولا اتوقع أبوية تدني نفسه على زوجتي و من حقي چنت اشك بزوجتي خانتني لأن ماكو واحد أكدر اشك بي ومستحيل اشك بأبوية فكان الشك بفهد لأن هو أقرب واحد إلها بالرغم هو مو أخوها
لؤي  سيدي القاضي أني ساعدت هواي الشرطة وحسب تقاريرهم إلكم أني إشتغلت بنصب كاميرات دقيقة وحساسة بيت المجنى عليه عن طريق بت عمي حياة أخت  الضحية ملاك وكل الي سوينا بالقانون وساعدنا القانون
ليان سيدي أني چنت مشردة وصغيرة وحلوة صرت فريسة سهلة لكل الناس توقعت حجي أحمد هو يحميني ويكون سند إليه بس من دخلت بالشغل جرني شوية شوية لحد ما كام يهددني بأخوية و إنجبرت ابقى ويا
ابو ملاك سيدي القاضي أني چنت مهزوم بسبب أني من أعوان النظام السابق وهو ختلني و شافلي بيت لحد ما إشتغلت ويا مجبور أني أخاف لا أنكتل وحتى خفت ادافع عن ملاك بالرغم اني احبها مثل بنتي وتربت بحضني
القاضي بعد المداولة والإستماع الى الشهود
قررت المحكمة بالإفراج عن وائل و عباس و مهند وتبرىتهم من التهم المنسوبة اليهم
والسجن ب ١٠ أعوام على المتهمة ليان حسب المادة ٤٥٦ من قانون المحكمة الإتحادية والمتعلق بالنصب والإحتيال
و بتهمة المتاجرة بالنساء والدعارة و مصادرة أموالهم المنقولة وغير المنقولة
وحكمت أيضا بالإعدام شنقا حتى الموت للمتهم أحمد منصور بسبب زنا المحارم وقضايا النصب والإحتيال والمتاجرة بالنساء والدعارة
رفعت الجلسة
ام ملاك لابسه ملابس العملية
تجي رهف تبچي وتحضنها وتبوسها من إيدها ورجلها
مينطيني گلبي أعوفج ماما حبيبتي
ام ملاك سامحوني حبيبتي
رهف اروحلچ فدوة إنتي سامحيني حبيبتي رضاچ أريده اهم شي رضاچ
صلاح محلله و موهوبة ومبرية الذمة راح أدفنج يم ملاك و ماراح أنساچ و ازورچ سامحيني إذا يوم أذيتچ
ام ملاك تبچي
أني فرحانة لأن سامحتوني گولو لحياة تسامحني وإدعولي ملاك تسامحني
الدكتور يله تفضلي لغرفة العمليات
رهف تبچي و تحضن أمها
لا ماما مينطيني گلبي أعوفج مامااااا
الدكتور ياخذ ام ملاك
وصلاح ياخذ رهف وهي تبچي وتصيح
حسو بيه ضيمي مو شوية ليش كل واحد أودعه بيدي و اشوفه يموت گدامي
صلاح يحضنها ويبچي
هذا أمر الله بنتي إذا أمچ تطلع ومتبرعت فصدگيني ما راح تعيش حياة حلوة ويبقى ضميرها متعذب على حياة
بعد سنة كاملة
عباس الحمد لله على سلامتك
مهند ربي يسلمك
عباس شلون صارت حياة
مهند الحمدلله اليوم توصل لبغداد
حنين شوكت تزوجها
مهند مموافقة لحد الان
حنين معقولة بعد كل هذا إلي سويته إلها إنت
مهند هي تحبني و تريدني بس متريد تكسر بأبوها ورهف تگول اله اتأكد هو موافقين ١٠٠٪ يله اوافق وتگول ما اصدگ من يكلولي إحنا موافقين هسه عبالها يضغطون على مشاعرهم حتى ميجرحوها
عباس يارب توافق أروح احجي وياهم أني
مهند لا أبوها كال من تجي لبغداد أني اخليها توافق
حنين وناخذ ويانه شبل يخطبلك
مهند ياخذه ويبوسه فدوة حبيبي إبن الغالي
عباس صدگ شنو راح تشتغل بعد ما فلوسك إلي ضامها صرفتها على عملية ملاك و عقاراتكم اخذتها الدولة وسلمتها للمتضررين من الشركة الوهمية
مهند عندي صديق يشتغل بمكتب سياحة وسفر كلش فرح من گتله أريد اشتغل وياك
عباس ليش تشتغل عند الغريب تعال إشتغل ويايه
مهند وانت فتحت شركة
عباس لا بس إنت العقل وأني الفلوس و أعتبرك شريك ميخالف تمون رجل أختي
مهند يضحك يله عمي وأني هم لخاطر أختي أتنازل  و اوافق
عصام ومرته ولؤي وبت عم حياة
يحتفلون بإستقبال حياة
عصام يحضنها ويگللها الحمدلله على سلامتچ حبيبتي مصدگنا رجعتي إلنا بالسلامة
حياة ربي يسلمكم حبايبي
عصام بشري شلون صحتچ هسه
حياة الحمدلله أقوى من قبل
تبچي وتگول بس ياريتني متت ولا ماما تموت
عصام هذا گلب أم  بنتي والأم ألمها أكثر لو إنتي ميته لا سامح الله
حياة تندمت من مسلمت عليها ولا حضنتها من شفتها بيت مهند
عصام صدگ مهند شخباره
حياة گتله إنساني أني مو ملاك
لؤي بس الولد يحبچ و كلشي سوه علمودچ
حياة قصة مهند إنتهت و أني واعدت رهف ما أخلي مهند يحبني ولا يزوجني
رهف هذا الكلام قبل مو هسه
حياة متغير شي مهند رجال ساعدني وبس
لؤي ترى حتى مصاريف السفر والعلاج هو إتحملها
حياة دين برگبتي وأني أسدده
نور أهلا وسهلا بكم أعزائنا المشاهدين نرحب بالبطلة حياة ضحت بحياتها من أجل برائة أختها وعن طريقها تمكنت العدالة عن كشف كثير من ملفات نصب وإحتيال
حياة تصعد على الستيج وكلهم يصفگولها
حياة على المنصة
أني أشكركم وأشكر ست نور واشكر كل من وقف معي وساندني بهاي المهمة من أجل إظهار الحق وأكثر وحدة أشكرها هي
أمي (تبچي ) ضحت بحياتها من أجل أعيش ضحت بگلبها من أجل بتها هاي أعظم رسالة عن الأم والإنسانية أمي تركت الحياة حتى تعيش بتها وگلبها ينبض بداخلي كان عندي كلام هواي عن أختي ملاك وعن برائتها لكن نسيت كل الكلام وبقت بس كلمة الأم تعلو
وأكتفي بالحمد والشكر لله على ظهور  برائة أختي ملاك
تنفجر من البچي وتنزل من الستيج
نور هاي شنو حياة شلون راح توقعين عقد ويه القناة وإنتي هيچي تبچين
حياة فرحانه والدموع تختلط بفرحتها
شتقصدين وافقتو على تعييني
نور مو بس هاي راح تقدمين برامج يعني تصيرين إعلامية كبيرة أني بديت أغار منچ هههه
حياة حبيبتي ست نور أني جدا اشكرچ ما أعرف شلون اشكرچ
نور عندي مفاجأة إلچ
حياة هم بعد اكو  مفاجئة بعد أتحمل هيچي مفاجئات حلوة
نور طلعي بره  بالحديقة محضرين مكان مال إحتفال
روحي هناك حتى نحتفل برائة ملاك و بتوقيع العقد و بسلامتچ
حياة هذا هواي عليه
نور تستاهلين أكثر حبيبتي
تروح حياة وتتفاجئ  واسأل نور
الجمهور وين
نور هسه يجي
حياة ليش ظلمة
نور شغلي الاضوية السويچات يمچ عاليسره
تفتح الضوه وتتفاجئ من بعيد مهند شايل بيده باقة مال ورد وبنصها حلقة ويگللها
حبيت أخطبچ على الهوى وبث مباشر وافقي حياة أني أحبچ وما أگدر اعيش بلياچ
فجأة صوت الجمهور يصيح وافقي وافقي وافقي
حياة الناس وين چانت
نور تضحك دخلتهم من الباب الخلفي للإستديو حتى تصير إلچ احلى مفاجئة
حياة أني موافقة بس
تباوع على رهف وأبوها وعمها ولؤي ومرت عمها و وبت عمها
صلاح يعني تصورين لو أني مموافق أخلي يخطي هيجي خطوة جريئة
رهف ترى شبعته شروط وشوفي أكلچ أني ما أتزوج لؤي إذا إنتي متزوجين قبلي
لؤي وافقي عفيه لا رهف تغير رأيها
حياة تدمع عيونها من الفرح وتركض على مهند وتحضنه
وتنتهي قصة ملاك
بقضية شرف
اكو هيجي حالات تصير بمجتمعنا و الكل سامع بيها
السبب هو نفسيات ضعيفة وتدني نفسه على محارمه
تحياتي مرتضى الهاشمي
إنتظروني بقصة جديدة
أرائكم بالقصة ويارب تنال إعجابكم