قضية شرف

قضية شرف البارت الخامس

صباح الورد
تفاعلكم حتى أنزل بارتين باچر
تحياتي
الكاتب مرتضى الهاشمي
قضية شرف
البارت الخامس
للكاتب مرتضى الهاشمي
فهد ينصدم من المنظر و مصدوم يدفعهم وينهزم من الخوف برى ويركب سيارته وينهزم
مهند يركض ورى ويصيح ولك كتلتها حتى تضيع عملتك أجيبك أجيبك فهد
مهند يركب سيارته ويطلع يلحگ بفهد
ام ملاك  تحضن بتها رهف و تبچي
يمه جاوبيني يمه بنيتي ملااااااك ردي عليه
حجي أحمد أخذو بتكم و روحو هذا نهاية الحرام ما اريدها دقيقة بيتي
ابو ملاك أني ما أخذها وما اريدها هاي مو بنتي حتى أتحمل ذنبها
رهف تگوم و توگف گبال ابوها وتگله
شنو من گلب عليك تعوف بنتك بدمها بدال متوديها للمستشفى بلكي مميته
ابو ملاك ماتت لو لا متهمني أني عليه ربيتها ووصلتها تالي تخون رجلها أني مربيتها هيچي
رهف شنو السوته وهيچي تتبرى منها منو يگول فهد هو العمل عملته وياها
ابو ملاك شوفي لحد الأن محد يعرف سوت سوايتها ويه منو
رهف ليش مخليتوها مثل ما رادت وتعرفون ماكو واحد يموت ويصيح أني برئ الا إذا چان صدگ بريء
ابو ملاك كافي تلحين گتلچ ملاك مو بنتي ولا تهمني أني ما اخلف وربيتها ومن خطبها الحجي لإبنه أني گتله حتى اكون ويا على بينة
رهف مصدومة
شنووووو إنت متخاف لعد أني وملاك منين شنو هاي الصدمات على راسي
ام ملاك ودوها للمستشفى تبقى هيچي
الحجي أني راح اخابر الشرطة تجي تاخذها لحد يتقرب من الجثة
رهف تلزم ابوها وتگله أني وملاك منين گول
ابو ملاك سألي أمچ منو ابوكم اني تزوجت أمچ و إنتي عمرچ ٦ اشهر وچانت ملاك عمرها سنتين
رهف ولكم كافي راسي راح يوگف أني بحلم لو بعلم شنو إحنا بنات حرام
ام ملاك لا إنتو مو  بنات حرام
مع الأسف عليك هذا السر إلي محافظه عليه سنين هيچي يطلع مو أمنتك عليه و حلفت مطلعه
ابو ملاك من وصلت شغلة عار تتعلق بناتچ لازم كلشي احچي مو تالي عمري يجي العار منهن
رهف عيب عليك هيچي تحچي إحنا منجيب العار و إحنا اشرف من الشرف وحق  أختي أطلعه منكم ومن عيونكم كلكم و يجي يوم وأثبت شرفها و أعرف منو سوه هاي عملته إلي متدري بيها
حجي أحمد سيارة الشرطة هسه تجي حچاية زايدة ما اريد بيتي هذا بيت طاهر وما أريد تجي سمعه طايح حظها بسببكم
يجي سامر سكران ويضحك ويگول لابو
ولك هلو حجي شعحب لهسه ما نايم أروح أكمل نومتي برى لو أنام جوه
يباوع عليهم
هاي ليش كلكم ملتمين هنا شنو مسوين حفلة
حجي أحمد يضربه راشدي ويگله
طب جوه عار اليوم أشرب من دمك تجي سكران بنص الليل
سامر شبيك يابا أني أشرب البحر وما اسكر بس اني شنو أني
يباوع على ملاك ويگول
هاي ليش نايمه هنا خطية شنو منتظره المزة مالتي
رهف تلزمه شنو ولك شگلت شنو مزة شنو تنتظر منك
سامر شبيچ تكمزين منا ومنا اوگفي عدل خل افهمچ ملاك البارحة أكلت الكرزات مالتي چنت أكلها ويه المزة يمكن اليوم تنتظرها عبالها هم اجيب مزة مثل البارحة يضحك هاهاهاهاهاهاها
رهف تصيح على الحجي
هذا بيتك الطاهر يا حجي أحمد هذا البيت الي ما يدخله بس الشريف إنتو الوصختو أختي
تلزم سامر وتجر بي
ولك تگول شسويت لملاك لا اليوم اخش بخيطتك
حجي أحمد يجر سامر من رهف ويگللها
فوگ عملت اختج السودة وفضايحكم ويه إبن خالتكم تريدون تجرون إبني
رهف تسحب السچينة من صدر ملاك وتگللهم
ولله اليوم أكتلكم واحد واحد إذا ما تجيبون حق اختي
ام ملاك تعيط وتلزمها
ولچ شتريدين تسوين تردن أخسر بناتي إثنينهن بليلة سوده
رهف إنتي الوحيدة متحچين أبوية منو ليش جبتينا يم هذا الميخاف من الله وأختي ميته والدم بطولها بالچذب ميوديها للمستشفى
بهاي الإثناء تجي الشرطة
الضابط منو حجي أحمد
حجي أحمد أني سيدي وخابرتك بخصوص جريمة قتل صارت
الضابط الكل يبتعد عن مسرح الجريمة
أخذو هاي تحفظو عليها ليش السچينة بإيدچ
رهف هاي أختي وذولة كلهم كتلوها و ميرضون يودوها للمستشفى
الضابط لزموها
إحچولي شنو صار بالضبط
مهند يدفع باب بيت فهد بكل قوته ويكسره ويدخل للبيت ويصيح
ولك فهد وينك إطلع اليوم أشرب من دمك
أم فهد ومرت فهد يطلعون
أم فهد شبيك مهند شنو شصاير
مهند متدرين إبنچ على علاقة مرتي وحامل منه
رسل( مرت فهد إسمها رسل)
شنووووو عمه سمعتي صدگتي مو چنت أحس
مهند يلزمها من زندها
شچنتي تحسين گولي
رسل وخر إيدك عني
أني چنت حاسه اكو شي بين فهد وملاك لأن شقاهم و ميانتهم مو طبيعية
ام فهد ولچ تظلمين حظچ وبختچ حرام عليچ فهد وملاك أني مربيتهم وأعرفهم زين أخوان للموت
مهند إبنچ فهد وين
رسل ما إجه لهسه
مهند وين الگى
ام فهد هو مو يشتغل ويه اخوك سامر
مهند قصدچ بالملاهي هو وسامر خرب سامر وراها خاني أني رايح هسه بس من يجي گليله ولله اكتل واحد من جهاله اذا ميجي لو أگلچ أدگ بيتكم و أحرگه على راسكم
ام فهد إمشي ولي لا الم العالم عليك ومن يجي اخلي هو وملاك يثبتولك ما بينهم شي روح منا لا ألم العالم عليك
مهند ملاك ماتت كتلها فهد بعد ما  إنكشف حمل ملاك
ام فهد تلطم وتصيح
عزى بعيني ولك ماتت ملاك كتلتوها الله لا ينطيكم الله لا يوفقكم
العالم تلتم ويضطر مهند يعوفهم ويروح يصعد بالسيارة و يرجع للبيت
الضابط يعني حسب اقوالكم رهف مالها علاقة
رهف شلون أكتل اختي سيادة الضابط
الضابط هم تجين ويانه لحد ما نلقي القبض على الجاني شنو اليثيت مو إنتي كاتلتها و ميريدون يگولون لأن بنيه و مدخلين السجن
رهف يعني ليش ميگولون أني فوك ما خسرت اختي
ام ملاك يمه سيدي عوف بنيتي عفيه هسه خسرت وحدة لا تاخذون الثانية
الضابط هاي إجرائات حجية وإذا بنتچ ثبتت ما عليها شي تطلع ليش تلزم آلة الجريمة وتخلي بصماتها عليها
ابو ملاك سيدي ما يصير بنية تدخل السجن وكلنا نگول عليها ما عدها شي وإحنا كلنا شهود وهي شالت السچينة من حرگت گلبها على اختها
رهف أني أخذت السچينة ردت أكتل سامر تاخذوني بس تاخذون سامر السكير
الضابط منو سامر
حجي أحمد هاي تحچي بكيفها سيدي
الضابط سامر منو جاوب على كد السؤال
حجي أحمد سامر إبني
فراس سيدي سامر ماله علاقة ما چان موجود
رهف سامر هو الي چان يعتدي على أختي
الضابط وشلون عرفتي
رهف هو الولد الوحيد الي عايش هنا ويومية يجي سكران من الملاهي وهو هسه سكران
الضابط يصيح عليهم
تسلموني سامر هسه لا أعتقلكم كلكم
حجي أحمد صار سيدي هسه أصيح سامر
يجي مهند ويتفاجئ بسيارات الشرطة گاطعة الشارع
ينزل من السيارة و يوصل باب البيت ويسمع صوت أهله كلهم يبجون ويعيطون
رهف يعني أختي تموت وأني انسجن وين العدالة مالتكم
ام ملاك عوف بنتي سيادة الضابط
ابو ملاك بنتي رهف مالها ذنب أخذني بمكانها
رهف أني مو بنتك لو إحنا مثل بناتك ووگفت بعينك العشرة چان منطيت بملاك وصدگت كل الحچو عليها بالباطل
مهند ليش ماخذين سامر
الضابط إنت منو
مهند أني زوج ملاك
الضابط ممكن تجي ويانه نكمل التحقيق بالمركز
مهند اي صار اجي بسيارتي لو وياكم اصعد
الضابط تجي ويانه و منو يروح ويه الجثة للطب العدلي يشرحوها
محد يقبل يروح
الضابط منو يروح ويه الجثة شنو تعوفوها
ام ملاك أني أروح سيادة الضابط
ابو ملاك لا سيدي محد يروح
الضابط متريد تعرف الي كان السبب بحمل بنتك
ابو ملاك هي مو بنتي والسوه عملته عرفناه
الضابط تمام براحتكم
مهند سيدي أني أروح حتى اعرف ويه منو خانتني
الضابط أني أريدك بالمركز أريد أخذ اقوالك
أم ملاك سيدي أني أروح ويه بنتي
ابو ملاك متروحين وياها
ام ملاك مو بكيفك هاي بنتي ودمي ولحمي مو اعوفها حتى لو غلطت اخذت جزائها
بالمركز
الضابط ليش چنت عايف زوجتك كل هاي الفترة الراحت اكو مشاكل بينكم
مهند لا سيدي بالعكس اني چنت بالشغل عدنا شركة مال سفر وصادف سفريات هواي بديلي إلي يشتغل ويايه مرشد صار عنده ظرف فأني إلتزمت الشغل و صادف عمرة وسفرات لأذربيجان بعدها وراها سفرتين للشمال وسفرة لسوريا و إيران
أجي لمقر الشركة على گد افيز وأرجع لود قوي صار علينا وكل التأشيرات مال الفيز موجودة
الضابط ليش شكيت بفهد
فهد رجع للبيت
رسل  وين چنت فهد صارلك فترة تخوني ويه ملاك
فهد إنچبي ملاك مو حامل مني
رسل يعني چنت تخوني وياها
فهد إنتي مخبلة ولچ شلون تفكرين هيچي بعدين منين عرفتي
رسل  تضربه على صدره بحرگه وتبچي
ولك جاوبني لتتهرب من السؤال شمقصرة وياك أني وتخوني وياها
ام فهد يمه فهد ملاك ماتت ليش ما گتولي وأعرف من مهند ليش خالتك متجاوب على التلفون
فهد أني ما ادري  يمه  روحي ساليها
رسل  إنت كتلت ملاك
فهد بالغلط مو قصدي
ام فهد تضربه وتصيح
ولك تكتل ملاك الله لا ينطيك ليش كتلتها يعني مهند يحچي صدگ
رسل كتلتها بعد ما إنكشفت خيانتكم
صوتهم يصير عالي ويلتمون عليهم الجيران
وتجي سيارة الشرطة على فهد
يحاول فهد ينهزم بس ماكو نتيجة ويلقون القبض عليه
رهف تدخل للسجن وتبچي وخايفة وبنات هواي يباوعن عليها
رهف تگعد وتنتچي على الحايط ومدنگه راسها وتبچي
وحدة من البنات إسمها هند تسألها
شنو تهمتچ
رهف متجاوب
ترجع تسألها
شنو تهمتچ سرقة لو دعارة لو محتوى هابط
رهف بعصبية وتصيح عليها
كتل تهمتي كتل والي تتقربلي منكم أكتلها
يتبع البارت السادس