قضية شرف

قضية شرف بارت ١١

صباح الورد
تحياتي الكاتب مرتضى الهاشمي
قضية شرف
البارت الحادي عشر
مرتضى الهاشمي
بليل
سامر يتصل على ليان
إنتي بالبيت
ليان اي تعال
سامر يدخل جوه ماشاءالله بيتچ يجنن هذا ملك إيجار
ليان لا تحط عينك عين الحاسود بيها عود وانتو فلوسكم شوية بيت الحجي ماشاءالله نص بغداد إلكم
سامر فلوسنه كلها فدوة الج حتى الحجي اسجله بإسمچ إذا تريدين
ليان تضحك هههههههاي تعال جوه
سامر اجي ليش ما اجي
ليان شنو السر مال ساره شلازم عليها
سامر وبالسهل هيچي أگلچ
ليان شوف أگلك أني لازمه عليك لزمة هسه وإذا متگول أروح أگول للحجي على كل سوالفك خليني مغطية عليك وصايرة ستر وغطه ليش كلها أطلعها
سامر روحي طلعي شسوين سوي
ليان ها يعني تتحداني
سامر شوفي من الأخير أني حطيتچ براسي لو توافقين على الي أگلچ بي لو تنسين انطيچ شي بلاش
ليان ميصير مو بكيفي إفتهم
سامر أني رايح لأن تعبتيني هواي لتشوفين نفسچ حلوة أكو هواي حلوات غيرچ تريدين أنطيچ كلشي بس وافقي وإذا فأني أروح وفكري كم ويوم وأرجع نفس هاي الوگفة
صدگ لا عبالچ تهدديني بالحجي أني إكتشفت عندچ تذاكر في اي بي وضامتها سألت عليها طلعت بس للإعزاز وتعرفين شقصد للإعزاز إذا الحجي عرف بيهن يوم واحد ميبقيچ بالشركة مسويتها دعارة مو ومن يمي تنگطين شرف
ليان أحترم نفسك مو دعارة بس هذا شغل وحد و زواج على سنة الله ورسوله هاي الخدمة للناس الي تريد ستر مو مثلك ملطلط ولتجيب طاري للحجي ترى بيها فضائح
سامر لا تقضحيني ولا أفضحچ شگلتي
ليان أني ما رافضتك بس اكو سبب قوي ما اگدر اگوله
سامر الأسباب  خليها إلچ أني أترخص و كم يوم راجعلچ
ليان تصير عصبية بعد ما يروح وتصيح
هذا شلون عرف بخدمة vip صدگ هذا داهية أخوانه سنين يمنا ميعرفون شي بس كلها صوچ الحجي مو گتله خل نشمره بغير مكان ويه مهند بس هذا سامر راح يدمرنا
بس صدگ أني شبيه خل أنطي اليريده و أخذ الي أريده منه لازم أخذ حقي منهم لا بعدين الحجي يموت وكلشي اخسر
رهف عفيه حياة لتركبين راسچ خل نعرف سمير شيريد
حياة عفيه رهف ذولة أعرفهم يريدون يتقربون حتى بعدين يوگعونه بمصيدتهم ويجبروني اقدم تنازلات ما اريد احچي ويا ولا اشوفه
رهف الولد خابرني أكثر من مرة و گال نگعد بمكان عام إنتو إختارو وإعلامية چبيرة راح تكون موجودة و اذا موضوعچ قوي راح أگدر أساعدكم
حياة والسبق الإعلامي إلها
رهف خل نروح ونگعد ونفتهم منها
حياة تمام خابري وگليله
رهف تحضنها وتبوسها
حبيبتي فرحتيني يارب نتفق حسب ما إنتي تريدين
حياة ليش متحمسه
رهف أريد اخذ ثار ملاك طولت هواي  و ما اريد الشغلة تموت
حياة تحط إيدها على خد رهف
صار حبيبتي
رهف تلزم إيدها وتحضنها وتبچي وتگللها
نفس لزمة ملاك تدرين هواي شغلات بيچ مثل ملاك ولله إنتي عبالك ملاك بالضبط
شوفي صورة ملاك هاي بالتلفون مو نفسها إنتي
حياة تشوف الصورة
هاي شنو بملابس التخرج صدگ چنها أني
رهف يعني مو إنتي
حياة لا هاي مو صورتي يمكن هي اسمن شوية
رهف هاي صورتچ و حبيت أشوفها إلچ عرفت متميزين بينچ وبين ملاك
حياة بس أني ما عندي هيچي روب مال تخرج
رهف سويته بالفوتو شوب  عرفتي ليش فرحانة بيچ لأن الله عوضني بأخت ثانية نسخة إنتي هواي عوضتي عليه غياب ملاك
حياة يا حبيبتي و إنتي هواي الله عوضني بيچ خليتيني أحب حياتي وكإنما إنولدت من جديد  يله كافي خل نخابر سمير حتى نروح
بعد ما إتصلو و بدلو
همه طالعين
صلاح وين رايحات
رهف بابا عدنا مشوار صغير
صلاح غير تگولون لبابا وين هذا المشوار
حياة لقاء ويه إعلامية تجي ويانه
صلاح إذا حلوة أجي ليش لا عالأقل أشوف وجوه تشجع
رهف ههههه يعني وجوهنا متشجع
صلاح  إنتو الروح و الريه حبيباتي إنتظروني خل أبدل ملابسي واوصلكم بالسيارة
بعد ما وصلو للمطعم إلي متفقين عليه
حياة خابرت على سمير
سمير أهلا ست حياة وصلتو
حياة نعم وصلنا
سمير إحنا گاعدين على طاولة رقم 6
حياة تمام
تدخل رهف وحياة وابوهم
رهف ذولة همه
شلونچ ست نور إليه الشرف بمعرفتچ (تسلم على الإعلامية نور )
الإعلامية نور أهلا وسهلا حبيبتي
سمير أهلا بيكم تفضلو
سمير اكيد عرفتو من رقم الطاولة
رهف لا من شفت ست نور عرفتكم
يضحكون كلهم
الإعلامية نور
شنو تشربون
صلاح تسلمين ست منشرب شي
ست نور لا إنتو ضيوفنا ولازم تشربون شي
حياة  أني عصير برتقال وإنت بابا شنو تشرب
صلاح وياكم عصير برتقال حبيت البرتقال بسبب حياة أكثر شي تحبه يمكن هسه إذا تخيروها بيني وبين البرتقال تختار البرتقال هههههه
ملاك دمعتها تطفر من عينها
الاعلامية نور
ليش تبچين أكو شي ضوجچ
رهف  اسفة بس تذكر أختي ملاك چانت تحب البرتقال هوااااي صح هي مشافت حياة بس عبالك حباية ومقسومة بالنص حتى بنفس التصرفات وبكلشي
الإعلامية نور ليش مجتي وياكم
رهف ماتت الله يرحمها وإحنا جينا بسببها
الإعلامية نور أكدر أشوف صورتها
رهف تدللين
إطلع صورتها بالتلفون
تفضلي ست
الإعلامية نور أني ردت صورة أختچ ملاك مو هاي اختچ
حياة أني التوم مالها نسخة إحنا بكلشي بس محد شاف الثاني
الإعلامية نور أكدر اسمع قصتها شوقتيني ليش ماتت
حياة إعذريني أريدها سبق إعلامي إليه ما اريد واحد ياخذ هذا السبق أريد العالم تعرف قصتها عن طريقي بدون رتوش وبدون اي تشويه إلها
نور أني أساعدچ بس مال گبل تصيرين إعلامية چبيرة متگدرين أشوف طموحچ حلو والكارزما هم حلوة مالتچ و حسب ما سمعت من سمير إنتي خريجة إعلام بس لتستعجلين كلشي خطوة بخطوة شوية شوية تكبرين مو رأسا
حياة والمشاهير إلي يسمون نفسهم إعلاميين شنو ذولة
نور تنازلات أو حظ تريدين جربي عالسوشال ميديا بس مو كل الحقوق تكون محفوظة مو مثل القناة حقوقچ محفوظة و تكونين إعلامية من صدگ كل القنوات تسابق عليچ حتى تسوي عقد وياچ أني مثلچ هم بديت طموحة بس مو متسرعة مثلچ بديت صحفية ومراسلة وبعدها برامج أطفال وبرامج مسابقات يله وصلت إلي أني واصلته هسه
حياة ست أني وياچ بس أريد قضية اختي ملاك تاخذ قضية رأي عام واريد الكل يحچي بيها لأن مظلومة بيها
نور أساعدچ و من خلالي تقدمين قضية أختچ ملاك وتصير رأي عام
حياة دمعتها تنزل مو هين عليه أوافق بس مجبورة المهم ملاك الكل يعرف برائتها
نور تفضلي گولي أريد اسمع قصتها
رهف تنزعج وتگوم وتگول لحياة
لا لتحچين صح أني أريد حق اختي الكل تعرف بي بس مو على حساب حياة وعلى حساب طموحها القضية قضية أختنا و شرطنا وياكم نريد حياة هي تگول القصة بالتلفزيون و گدام العالم
نور أني ما أدور طشة أو شهرة شهرتي مو شوية وقنوات عربية يتمنون يتعاقدون ويايه وحسب شروطي أني حتى نكون على بينة إذا تريدين قصتچ تنجح و تصير ترند ورأي عام شوفي أي إعلامي بارز مو اله أني هو يقدمها لأن إذا قدمتيها إنتي مو كل الناس راح تتفاعل وياها
حياة كلامچ صحيح بس اريد إلي دور وتساعديني
نور غير أعرف شنو القصة حتى أگدر اساعدچ بيها
رهف أني راح أحچي بالتفاصيل
بعد ما كملت رهف
نور متعجبة
معقولة أكو هيچي إنتي متأكدة هاي مو تأليفچ
رهف ولله هذا الصار ويانه
نور شوفي حياة أني راح أساعدچ بس تنطيني وعد إنتي تحققين و تشوفين الحقائق وتتأكدين من برائتها
حياة شلون يعني
نور تروحين تعيشين بنصهم وتعرفين شنو يفكرون
رهف ذولة أذكياء أكثر مما تصورين و راح يكشفون حياة من اول يوم
نور ضلو تواصلو ويايه وأني من افكر انطيكم حل شلون تعرفون الحقيقة
بس اذا نجح هذا البرنامج راح يكسر الدنيا ويصير ترند و مو بس تصعدين بي راح تشتهرين بي وتثبتين الإعلام هي السلطة الرابعة
بعد شهر
حياة ورهف يم الإعلامية نور
حياة ست هاي الخطة فكرنا بيها أني ورهف وكلشي محسبين حسابه
نور عفيه عليكم بس اكو شغلة مهمة لازم تسووها
رهف شنو ست
نور متروح رهف لبغداد وتبقى بعيدة حتى نعرف نشتغل زين لازم ميحسبون حساب لرهف و إنتي هم تكونين بالواجهة منريد يعرفون إنتي اخت ملاك و رهف
حياة إفتهمت ست خوش ملاحظة
رهف لا أني ما اوافق إذا درو بيها يكتلوها
حياة راح اكون حذرة ولازم إنتي تكونين مموجودة خليني أشتغل زين عفيه ونگدر ناخذ حق اختنا ملاك
رهف خايفة عليچ ما اريد اخسرچ
حياة كلشي ماخذة إحتياطي وحتى إبن عمي لؤي راح يكون حاضر شوكت ما احتاجة
نور تمد إيدها وتگللهم
نتوكل على الله وهاي القضية لازم متضيع من عدنا
حياة راح كلشي اسوي حتى اثبت برائتها لملاك
رهف وأني حاضرة بكلشي تريدون
المحامي أگدر أگلك مبروك باچر الجلسة.وكلشي محضر
فهد ياريت ميت ماكو شي يفرحني بعد أمي راحت سمعتي راحت زوجتي وإبني راحو المن باقي
المحامي لتقهر روحك أكو مفاجئات وفرج چبير عليك ما أگدر أگلك بي هسه من تطلع إفراج راح كلشي اوضحلك
فهد حياتي صار مابيها طعم وكلشي ميفرحني 
المحامي خلي املك چبير برب العالمين
بعد ٣ ايام
بليل والساعة ١ بعد منتصف الليل بالضبط
الأضواء تشتعل وتطفى بيت الحجي و صوت الجرس يرن بسرعة و صوت الباب تنضرب ضرب قوي
و ملاك بوجهه دم تباوع على الكاميرا والكاميرة تنطفي
وكتابة باللون الاحمر على سياج وباب  بيت الحجي احمد مكتوبة
أني بريئة
للقصة بقيه
مرتضى الهاشمي
يتبع البارت ال١٢